Pastoral fund outsourcing, inilunsad ng Prelatura ng Batanes

 6,264 total views

Ibinahagi ni Batanes Bishop Danilo Ulep ang isinasagawang pangangalap ng pondo ng Prelatura ng Batanes upang maisakatuparan ang mga programa ng Simbahan para sa mamamayan ng lalawigan.

Sa programang pastoral visit on-air ni Bishop Ulep sa Radio Veritas ay ibinahagi ng Obispo ang kanyang panibagong misyon na makapangalap ng pondo upang maisakatuparan ang malawak na pastoral concerns para sa mamamayan ng Batanes.

Bilang punong pastol ng Prelatura ng Batanes ay pangunguhanan ni Bishop Ulep ang pangangalap ng pondo upang mapalawak ang evangelization ng simbahan sa lalawigan.

“Ang isang naging misyon ko para sa sarili ko na I’m going to outsource funding kasi as you all know hindi kami makagalaw na tuparin o tugunan ang mga pangangailangan at mga programa kung wala tayong funding. Sabi ko sa aming mga kaparian ‘we need funds’ and we have identified like 4 or 5 different kinds of funds, isa diyan ay for pastoral funds o for pastoral concerns kaya ang gagawin ko po iikot po ako, kung kinakailangan umikot po ako ng ibang bansa o sa Metro Manila gagawin ko po yun, pangungunahan ko po yun sa ngalan ng mga tao dito sa prelatura para sa ganun yung nasa papel na specific programs ay maisakatuparan namin.” Bahagi ng pahayag ni Bishop Ulep sa Radio Veritas.

Kabilang sa mga nakahanay na pastoral programs ng Prelatura ng Batanes ang pagpapalawig ng Basic Ecclesial Communities; pagpapalaganap ng debosyon sa Mahal na Birheng Maria at kay San Jose; pagpapalakas ng partisipasyon ng mga kabataan sa mga gawaing pang-simbahan; pagpapalawig sa kamalayan ng mga mamamayan sa problemang pangkalikasan; pagpapasok sa kultura ng mga Ivatan sa pagdiriwang ng liturhiya; pagtugon sa pangangailangan ng mamamayan ng Batanes o social services; pagpapalawig ng servant-leadership at stewardship; gayundin ang pagpapatatag ng pamilya; at pangangalaga sa mayamang kultura at tradisyon ng mga Ivatan.

Batay sa 2021 data ng Philippine Statistics Authority (PSA) aabot sa 19,000 ang bilang ng populasyon sa Batanes kung saan sa kasalukuyan ay may anim na parokya sa Prelatura ng Batanes.

27 mga pari naman ang katuwang ni Bishop Ulep sa pangangasiwa sa buhay espiritwal at social services ng mga mamamayan ng lalawigan.

Pahalagahan ang tinatamasang kalayaan ng Pilipinas, panawagan ni Bishop Santos Naniniwala ang isang opisyal ng Catholic Bishops’ Conference of the Philippines (CBCP) na mahalagang patuloy na alalahanin at pasalamatan ang mga bayaning nagpamalas ng kagitingan para sa kapakanan ng bansa.

 8,382 total views

Ito ang bahagi ng pagninilay ni Antipolo Bishop Ruperto Santos – vice chairman ng migrants ministry ng CBCP sa ika-82 taong paggunita sa Araw ng Kagitingan.

Ayon sa Obispo, naaangkop lamang na patuloy na pasalamatan ang mga nagbuwis ng kanilang buhay para sa karapatan at dignidad ng mga Pilipino lalo’t higit para sa kasarinlan ng bansa sa pamamagitan ng pagpapahalaga sa tinatamasang kalayaan ng Pilipinas.

“To celebrate this Day of Valor is to recall the sacrifices and sufferings of our heroes who offered their lives for our freedom. They thought first of all the sovereignty of country, its liberation from invading enemies. They fought for rights and dignity. Let us remember them with gratitude and appreciation for what they have done to us. What we enjoy now-freedom and independence-are because of them.” Bahagi ng pahayag ni Bishop Santos sa Radio Veritas.

Binigyang diin rin ng Obispo ang kahalagahan ng patuloy na pagsusumikap ng bawat isa na mapanatili ang kalayaan ng bansa.

Iginiit ni Bishop Santos na mahalagang mapanatili ang kaayusan at pagkakapantay-pantay sa pamamagitan ng pagsasantabi ng pagiging makasarili at masasamang gawi na magbubunga ng pagdurusa sa mas nakararami.

Umaasa ang Obispo na tuwinang mamayani ang kalayaan, mga karapatan at dignidad ng mamamayang Pilipino.

“Now, let us be resolve to denounce wars, conflicts which will result only to destruction and death. We work hard to foster and promote peace so that all would live in harmony, orderly and in equality. Let us then set aside selfishness, sins and vices that would enslave us and ruin our lives. Let us free ourselves from anything that will lead us to disgrace, and violate our rights and dignity. Lastly let us pray and work together for good of our country, for our success of all and for God’s glory.” Dagdag pa ni Bishop Santos.

Tema ng ika-82 anibersaryo ng Araw ng Kagitingan ngayong taon ang “Pagpaparangal sa Kagitingan ng mga Beterano: Saligan para sa Nagkakaisang Filipino.”
Ang Araw ng Kagitingan o Day of Valor ay isa ring pag-alala sa tinaguriang Bataan Death March kung saan sapilitang pinalakad ng mga Hapon ang mga Filipino at Amerikanong sundalo na tinaguriang mga ‘prisoners of war’ mula Mariveles, Bataan hanggang San Fernando, Pampanga.

Batay sa tala, mula sa mahigit 75-libong Filipino at Amerikanong sundalo na sumuko sa mga Hapon ay nasa 20,000 ang namatay dahil sa naranasang kalupitan bukod pa sa gutom at sakit habang naglalakbay ng mahigit sa 100-kilometro.

SLP, ipagdarasal ang kapakanan ng mga kababaihan

 10,746 total views

Tiniyak ng Sangguniang Laiko ng Pilipinas ang pakikiisa sa Kanyang Kabanalan Francisco sa pananalangin para sa mga kababaihan ngayong buwan ng Abril.

Ito ang ibinahagi ni LAIKO National President Francisco Xavier Padilla, kaugnay sa prayer intention ni Pope Francis ngayong buwan na inilaan para sa mahalagang papel ng mga kababaihan sa lipunan.

Ayon kay Padilla, malaki at mahalaga ang papel na ginagampanan ng mga kababaihan hindi lamang para sa lipunan kundi maging para sa Simbahan.

Partikular ding kinilala ni Padilla ang pambihirang dedikasyon at pagsusumikap ng mga kababaihan na maisakatuparan ang mga gawaing lalo na para sa pagsasakatuparan ng misyon ng Simbahan na maging daluyan ng habag, awa at pagmamahal ng Panginoon sa sangkatauhan.

“The Sangguniang LAIKO ng Pilipinas is one in prayer with Pope Francis on the role of women in the Church. Dito sa Pilipinas mahalaga ang role ng mga babae sa Simbahan. Maraming nagagawa and nangyayari sa mga gawain sa Simbahan dahil sa passion and dedication ng mga babae.” Bahagi ng pahayag ni Padilla sa Radio Veritas.

Nagpahayag din ng pasasalamat si Padilla sa pagbibigay pansin at pangunguna ni Pope Francis sa pananalangin para sa kapakanan ng mga kababaihan para bigyang tapang at lakas na i-ambag ang mga katangian at kakayaha sa ikakauunlad ng lipunan.

“Masaya ang LAIKO na nakikita ni Pope Francis na kailangan ng dasal at focus ang mga babae, para ma-encourage pa sila lalo at marami pang magagawa.” Dagdag pa ni Padilla.

Nakapaloob sa prayer intention ni Pope Francis para sa buwan ng Abril ang paanyaya sa bawat isa na ipanalangin ang kapakanan ng mga kababaihan sa lipunan.

Ayon sa Santo Papa Francisco, mahalaga ang pagkakaisa ng lahat upang protektahan ang mga karapatan, kapakanan at dignidad ng mga kababaihan na kadalasang naisasantabi at dumaranas ng iba’t ibang diskriminasyon sa lipunan

Ika-49 founding anniversary, payak na ipinagdiwang ng CBCP-ECPPC

 17,809 total views

Pinangunahan ni Military Ordinariate of the Philippines Bishops Oscar Jaime Florencio ang pagdiriwang ng ika-49 na anibersaryo ng pagkakatatag sa prison ministry arm ng Catholic Bishops Conference of the Philippines (CBCP).

Payak na ginunita ng CBCP-ECPPC ang founding anniversary sa pamamagitan ng banal na misa sa pangunguna ni Bishop Florencio.

Ayon sa Obispo, ang mga Persons Deprived of Liberty (PDLs) ay pawang mga tao din na nangangailangan ng kapwa kaya naman mahalaga ang tungkuling ginagampanan ng prison ministry ng Simbahan.

“Itong mga bilanggo ay katulad din natin na tao din, so they are also people like us. We who are not in prison, we who are free we need people, how much more for these people who are there in what we call the Persons Deprived of Liberty, nangangailangan din po and I’m happy for this work being done by the commission at the same time kasama po ang lahat na mayroong puso for our mga kapatid na mga bilanggo.” pagninilay ni Bishop Florencio.

Inihayag ng Obispo na bukod sa mga taong nasa likod ng 49-taong pagsasakatuparan bilang prison ministry ng Simbahan ay mahalaga din ang paggabay ng Panginoon upang patuloy na mapag-alab ang misyong tugunan ang kalagayan at pangangailangan ng mga PDLs.

“The first thing that comes to mind whenever we have celebrations, anniversaries like this is to recognize that what we have at the present moment is a blessing, that what we have is not because of our effort, is not because of what we have done or what impact we have made for people but because of a loving and a great God who has given us all this blessing for which reason nandito tayo ngayon.” pahayag ni Bishop Florencio.

Kasabay nito ang lenten talk si Rev. Fr. Nezelle O. Lirio – executive secretary ng komisyon na may temang “Ka-agapay ng Bilanggo Tungo sa Pagbabago” bilang paghahanda na rin sa nalalapit na pagdiriwang ng ika-limang dekada ng paglilingkod ng komisyon sa susunod na taon.

Bahagi ng mensahe ni Fr. Lirio ang pagbibigay diin sa mahalagang papel na ginagampanan ng mga naglilingkod sa prison ministry ng Simbahan upang maibahagi sa PDLs) ang patuloy na habag, awa at pagmamahal ng Panginoon.

Taong 1975 ng itinatag ang CBCP – Episcopal Commission on Prison Pastoral Care upang pangunahan ang pagbabahagi ng pag-asa at paghilom para sa mga Persons Deprived of Liberty (PDLs) na nakagawa ng iba’t ibang pagkakasala sa buhay.

Sa kasalukuyan maroon ng 86 na unit of volunteers ang Simbahan mula sa iba’t ibang diyosesis na mayroong 20 hanggang 100 prison volunteers na nakatalaga sa bawat bilanguan.

Sa panlipunang katuruan ng Simbahan, ang bilanguan ay dapat na magsilbing pansamantalang tuluyan ng mga naligaw ng landas at nararapat na maging daan sa muling pagbabalik ng kabutihan sa puso at isip ng mga nagkas

CBCP, nagpaabot ng pakikiisa sa mga Muslim

 22,305 total views

Nagpahayag ng pakikiisa ang Catholic Bishops’ Conference of the Philippines sa paggunita ng mga Muslim sa panahon ng Ramadan.

Ayon kay CBCP Episcopal Commission for Interreligious Dialogue Chairman, Marawi Bishop Edwin de la Peña, kaisa ng mga Muslim ang mga Kristiyano’t Katoliko sa pagbibigay halaga sa layunin ng Banal na Buwan ng Ramadan.

Ibinahagi ng Obispo na bilang pakikiisa ay inilunsad ngayong taon ang Duyog Ramadan Program na pakikilakbay ng mga Kristiyano sa mga Muslim sa paggunita ng Banal na Buwan ng Ramadan na panahon ng pagsisisi, pagninilay, matinding pananalangin at pagbibigay ng tulong sa pinakamahihirap sa lipunan.

“In solidarity with them and in our efforts to deepen our appreciation of the spiritual values that are common to both of our communities, we are also launching our Duyog Ramadan program, of Christians accompanying Muslims in their observance of fasting, intense prayer and extending help to the poorest among them.” Pagbabahagi ni Bishop de la Peña.

Nanawagan din ang Obispo sa mga Pari at mga lingkod ng Simbahan na talakayin ang diwa at layunin ng Banal na Buwan ng Ramadan upang maunawaan ng mga Katoliko at mas nakararami.

Nagpaabot rin ng panalangin si Bishop de la Peña para sa kapakanan ng mga Muslim at pagkakaroon ng pagkakaisa ng lahat para sa pagsusulong ng ‘common good’ o ng kapakanan ng mas nakararami, pangangalaga ng kalikasan at pagsusulong ng pangkabuuang kapayapaan sa lipunan.

“My dear brother-priests, please speak about it in your homilies during Ramadan and think about possibilities for communal action to promote the common good, care for the earth, and build peace through dialogue of life and faith.” Dagdag pa ni Bishop de la Peña.

Nagsimula ang Ramadan o ang isang buwang pag-aayuno ng mga Muslim noong ika-12 ng Marso, 2024 na inaasahan namang magtatapos sa ika-10 ng Abril, 2024.
Batay sa tala, umaabot sa 10-milyon ang bilang ng mga Muslim sa Pilipinas kung saan mayorya ay mga Katoliko

CMSP, nababahala sa Cha-Cha

 22,467 total views

Naninindigan ang Conference of Major Superiors in the Philippines (CMSP) laban sa isinusulong na pag-amyenda ng Saligang Batas ng Pilipinas.

Sa isinapublikong pahayag ng CMSP na kapwa pinangangasiwaan bilang Co-Chairpersons nina Rev. Fr. Elias Ayuban, Jr., CMF at Sr. Cecilia Espenilla, OP ay inihayag ng oganisasyon ang pagkabahala sa tunay na intensyon ng mga nagsusulong ng pag-amyenda sa 1987 Constitution.

Iginiit ng CMSP na mahalagang maging maingat, mapagbantay at alerto ang lahat mula sa sinasabing “economic reforms” na layunin ng Charter Change na maaring mauwi sa pagkakaroon ng pagbabago sa sistema ng pulitika sa bansa ayon sa interes ng iilan.

“The Conference of Major Superiors in the Philippines (CMSP) joins its voice with the various well-meaning groups who have expressed opposition to amend the 1987 Constitution… We, in the Conference, are deeply concerned with this covert and deceptive move to change the fundamental law of the land. When done in darkness, it is likely that there are other interests and agendas behind this action. We then have to be alert and careful with the so-called “economic reforms for our lawmakers may introduce self-serving “political changes” as part of the amendments.”pahayag ng CMSP.

Nilinaw ng CMSP na hindi napapanahon ang pag-amyenda sa kasalukuyang economic provisions ng Saligang Batas ng Pilipinas sa halip ay dapat pagtuunan ng pansin ng pamahalaan ang pagbibigay solusyon sa mga suliraning panlipunan na mas nakakaapekto sa pamumuhay mamamayan.

Tinukoy ng CMSP ang suliranin ng kahirapan, kagutuman, banta sa soberensya ng bansa, pag-angkin sa mga lupang ninuno ng mga katutubo, pagkasira ng kalikasan at iba pang labor issues na mas dapat na unahing bigyang pansin ng pamahalaan.

Iminungkahi din ng CMSP sa pamahalaan na tutukan ang pagsawata sa kurapsyon o katiwalian sa pamahalaan at ang pagkakaloob ng kalidad na serbisyo publiko.

“We call on the Government to address instead the more pressing concerns of our country, like poverty and hunger, landlessness and labor issues, threats to our sovereignty, environmental destruction, among others. At the moment, we believe that the Constitution is not the problem but poor governance and systemic corruption.” panawagan ng CMSP.

“Lent is a time to change, a time of change”- Archbishop Tirona

 27,069 total views

Inaanyayahan ni Caceres Archbishop-emeritus Rolando Tria Tirona ang mananampalataya na samantalahin ang panahon ng Kuwaresma sa pagbabalik-loob sa Panginoon.

Ayon sa Arsobispo, ang panahon ng Kuwaresma ay isang pagkakataon upang makapagbago hindi lamang ng paraan ng pag-iisip kundi maging sa pagkilos upang higit na mapalapit sa Diyos.

Paliwanag ni Archbishop Tirona, mahalaga ring maunawaan ng bawat isa ang kahalagahan ng paglilingkod o pag-aalay sa kapwa lalo’t higit sa mga taong nangangailangan sa lipunan.

“Ngayon panahon ng kwaresma, inaanyayahan ko kayong baguhin ang ating pag-iisip o change of mindset, baguhin ang ating mga damdamin, lalo na baguhin ang ating mga kilos. Kilos o action that inclined ourselves to the poor… Self-awareness, call to conversion and especially renewal of our being, of our person, of our actions… Lent is a time to change, a time of change, above all a time of giving ourselves to Almighty God.” Bahagi ng mensahe ni Archbishop Tirona.

Pagbabahagi ng Arsobispo, mahalagang gamiting pagkakataon ng bawat isa ang panahon ng Kuwaresma na makapagbagong buhay upang mapalapit sa Panginoon na kailanman ay hindi inabandona ang sinuman sa kabila ng mga nagawang kasalanan.

“God is love and He never abandon us, we abandon God but God never abandons us… We need to convert to go back to God.” Dagdag pa ng Arsobispo.

Una ng binigyang diin ng Kanyang Kabanalan Francisco ang tatlong mahalagang panuntunan na dapat na sundin ng bawat isa para sa makabuluhang paggunita ng panahon ng Kuwaresma -ang pag-aayuno, pagdarasal at pagtulong sa mga nangangailangan.

Ang Kuwaresma ay ang apatnapung araw na paghahanda ng Simbahan sa pagggunita ng pagpapakasakit, kamatayan at muling pagkabuhay ng Panginoon oonalalapit na Mahal na Araw at Pasko ng Muling Pagkabuhay ni Hesus matapos ang kanyang pagpapakasakit sa Krus para sa kaligtasan ng sangkatauhan.