Pagkakahirang kay Bishop Ayuban na chairman ng CBCP-ECMRBCP, welcome sa CMSP

 6,090 total views

Nagpaabot ng pagbati ang Conference of Major Superiors in the Philippines (CMSP) sa pagkakahirang kay Cubao Bishop Elias Ayuban Jr., CMF bilang bagong chairman ng Catholic Bishops’ Conference of the Philippines (CBCP) – Episcopal Commission on Mutual Relations Between Bishop and Consecrated Persons.

Ayon sa CMSP kaisa ng Simbahan ang organisasyon ng mga relihiyoso at relihiyosa sa bansa sa kagalakan sa pagkakahalal kay Bishop Ayuban upang pangasiwaan ang nasabing komisyon.

Sa naganap na 130th Plenary Assembly ng CBCP sa Anda, Bohol noong ika-5 hanggang ika-7 ng Hulyo, 2025 ay inihalal ng kalipunan ng mga Obispo si Bishop Ayuban upang pangasiwaan ang pagsusulong sa pakikipagdayalogo at pakikipag-ugnayan sa pagitan ng mga Obispo at mga relihiyoso at relihiyosa sa bansa.

Ipinapalangin naman ng CMSP, ang paggabay at patnubay ng Banal na Espiritu kay Bishop Ayuban sa pagpapatibay ng relasyon sa pagitan ng mga lingkod ng Simbahang Katolika.

“Congratulations, Most Rev. Elias L. Ayuban, Jr., CMF, DD! The Conference of Major Superiors in the Philippines (CMSP) joins the Church in celebrating your appointment as the Newly Elected Chairman of the CBCP Episcopal Commission on Mutual Relations Between Bishop and Consecrated Persons. Your pastoral leadership and deep commitment to the Church truly inspire us. May the Holy Spirit continue to guide you in strengthening the bond between the hierarchy and consecrated life in the Philippines.” bahagi ng pabati ng CMSP.

Magsisimula ang bagong katungkulan ni Bishop Ayuban bilang hahalili ni Cubao Bishop-emeritus Honesto Ongtioco sa December 1, 2025 kung saan magtatapos ang termino ng mga nakalipas na opisyal sa November 30, 2025.

Ang mga opisyal ng CBCP ay maglilingkod sa loob ng dalawang taon para sa isang termino at maaring muling ihalal sa pangalawang termino o kabuuang apat na taong pamumuno.
Kasalukuyang may 126 na miyembro ang CBCP kung saan 87 ang aktibong obispo, 38 ang mga retirado at tatlong diocesan priest-administrators.

Online gambling, tinawag ng Obispo na panlipunang kanser

 6,151 total views

Itinuturing ni Tagbilaran Bishop Alberto Uy na isang sakit o isang moral at panlipunang kanser ang paglaganap ng online gambling sa bansa na bumibiktima at sinasamantala ang kahinaan ng mga mamamayan lalo’t higit ng mga mahihirap.

Ayon sa Obispo, hindi kailanman maituturing na isang libangan ang anumang uri ng sugal na higit pang nagpapalala at nagpapalaganap ng kahirapan at kawalang pag-asa sa lipunan.

Pagbabahagi ni Bishop Uy, hindi sapat ang anumang tangkang pagsasaayos ng mga regulasyon o pagkontrol sa industriya ng online gambling sa bansa sa halip ay mas kinakailangan itong tuluyan ng itigil o wakasan.

Ipinaliwanag ng Obispo na nararapat ipagbawal ng tuluyan ang online gambling na nagpaparupok sa pagbuo ng moralidad ng mamamayan.

“This is not simply a matter of entertainment or leisure. It is a moral and social cancer that preys on the poor, exploits the vulnerable, and worsens the cycle of poverty and hopelessness. While there are efforts to regulate this industry, regulation is not enough. In our context — where poverty is deep, education is uneven, and moral formation is fragile — online gambling does not just need to be controlled. It needs to be stopped.” Bahagi ng pahayag ni Bishop Uy.

Iginiit ng Obispo na mas kinakailangan ng bansa ng mga patakaran na nagbibigay proteksyon sa moral at espirituwal na kapakanan ng mga mamamayan sa halip na mga regulasyon na pumoprotekta sa mga mamumuhunan.

Ayon kay Bishop Uy, “Our country needs policies that protect the moral and spiritual welfare of our people, not just those that generate revenue.”

Binigyang diin din ni Bishop Uy na walang anumang halaga ng pera, dagdag na trabaho o kita mula sa buwis sa online gambling na makapagbibigay-katwiran sa negatibong epekto at pagkasira sa dignidad ng mamamayang Pilipino na naaapekto na rin maging sa mga kabataan at samahan ng pamilya sa bansa.

“Let it be clear: the financial benefits that come from online gambling — whether through tax revenues or job creation — can never justify the enormous human cost it inflicts. No amount of money can replace the loss of dignity, the pain of broken families, or the destruction of young lives.” Dagdag pa ni Bishop Uy.

Batay sa datos ng PAGCOR 38% mula sa P410-billion gross gaming revenue noong nakalipas na taong 2024 ay nagmula sa electronic gaming industry kung saan inaasahan ang higit pang paglaki nito ngayong taon, kung saan sa tala ng Statista 3.3% ng populasyon sa Pilipinas noong 2024 ang tumataya sa online gambling.

Sa datos ng Recovering Gamblers of the Philippines, 80% sa kanilang mga rehab patient ay pawang mga biktima ng online gambling na bukod sa pagkalugi sa pera ay nagdulot din ng depresyon, pagkasira ng buhay, pamilya at relasyon sa kapwa.

Matatandaang una na ring kinundina ng Catholic Bishops’ Conference of the Philippines (CBCP) ang paglaganap ng online gambling sa Pilipinas kung saan dahil sa teknolohiya ay mas madali itong ma-access ng sinuman.

SLP, pinaghahandaan ang ika-75 anibersaryo

 6,475 total views

Pinaghahandaan na ng Sangguniang Laiko ng Pilipinas ang pagdiriwang sa ika-75 anibersaryo nito sa darating na Oktubre, 2025.

Ayon kay LAIKO National President Francisco Xavier Padilla, sa darating na Oktubre ay magkaalinsabay na ipagdiwang ng Sangguniang Laiko ng Pilipinas ang 24th LAIKO National Biennial Convention at ika-75 anibersaryo nito bilang implementing arm ng Catholic Bishops’ Conference of the Philippines (CBCP)- Episcopal Commission on the Laity.

Pagbabahagi ni Padilla, kabilang sa pinaghahandaan ng LAIKO ang mga hakbang upang patuloy na mapalakas ang aktibong partisipasyon ng layko mula sa iba’t ibang mga diyosesis at mga organisasyon sa buong bansa.

“Ang Sangguniang Laiko ng Pilipinas ay naghahanda para ipagdiwang ang aming 75th year anniversary! Sa October, magkakaroon ng Anniversary Celebration at ang Biennial National Convention. Gumagawa ang LAIKO ng mga hakbang para tuloy tuloy ang empowerment ng mga Layko sa mga Diyosesis at Organization sa buong Pilipinas.” Bahagi ng pahayag ni Padilla sa Radyo Veritas.

Kasalukuyang tinututukan ng Sangguniang Laiko sa Pilipinas ang pagtutol at pagbabantay sa mga isinusulong na panukalang DEATH Bills partikular na ang pagsasabatas ng same sex marriage, aborsyon at diborsyo sa Pilipinas.

Ang Sangguniang Laiko ng Pilipinas ang nagsisilbing implementing-arm ng CBCP-Episcopal Commission on the Laity na binubuo ng higit sa 50-organisasyon ng Simbahan at mga Council of the Laity mula sa 87 na diyosesis at arkidiyosesis sa buong bansa na kasalukuyang pinamumunuan ni Dipolog Bishop Severo Caermare.
Ang mga layko ay ang mga binyagan na hindi naordinahan o kabilang sa mga religious congregation na tinatayang bumubuo sa 99.99% ng mga Katoliko sa buong bansa.

Bishop Alminaza,bagong chairman ng Caritas Philippines

 9,675 total views

Inihalal ng Catholic Bishops’ Conference of the Philippines si San Carlos Bishop Gerardo Alminaza bilang bagong chairman ng CBCP Episcopal Commission on Social Action, Justice and Peace.
Ang Obispo ang hahalili kay Kidapawan Bishop Jose Colin Bagaforo na matatapos ang termino sa November 30, 2025.

Kaakibat ng pagiging bagong chairman ng kumisyon ay magsisilbi rin si Bishop Alminaza bilang bagong pangulo ng Caritas Philippines na humanitarian, development and advocacy arm ng CBCP.
Kilala si Bishop Alminaza sa kanyang adbokasiya sa pagsusulong ng karapatang pantao, katarungang panlipunan at pangangalaga ng kalikasan sa bansa.

“The announcement was made during the 130th CBCP Plenary Assembly held in Anda, Bohol. He will succeed Bishop Colin Bagaforo of Kidapawan, who served in the role since 2019. Known for his strong advocacy on environmental protection, human rights, and social justice, Bishop Alminaza will now lead the Church’s efforts in promoting justice, peace, and integral human development through Caritas Philippines.” Bahagi ng anunsyo ng Caritas Philippines.

Si Bishop Alminaza ang kasalukuyang vice chairman ng CBCP Episcopal Commission on Social Action, Justice and Peace at vice president ng Caritas Philippines magmula noong taong 2019.
Bahagi ng 130th Plenary Assembly ng CBCP na pagtitipon ng kalipunan ng mga Obispo na nagaganap sa Anda, Bohol ang paghalal ng mga bagong pamunuan para sa iba’t ibang komisyon ng CBCP.

Ang mga opisyal ng CBCP ay maglilingkod sa loob ng dalawang taon para sa isang termino at maaring muling ihalal sa pangalawang termino o kabuuang apat na taong pamumuno.
Kasalukuyang may 126 na miyembro ang CBCP kung saan 87 ang aktibong obispo, 38 ang mga retirado at tatlong diocesan priest-administrators.

2025 hanggang 2027, idineklarang special year ng Apostolic Vicariate of Puerto Princesa

 32,338 total views

Idineklara ni Puerto Princesa Bishop Socrates Mesiona ang taong 2025 hanggang 2027 bilang espesyal na taon para sa Apostolic Vicariate of Puerto Princesa bilang paghahanda sa 25th Canonical Anniversary ng bikaryato sa 2027.

Pinangunahan ni Bishop Mesiona sa misang idinaos sa Immaculate Conception Cathedral ng Puerto Princesa noong ikatlo ng Hulyo, 2025 ang paggunita sa ika-70 anibersaryo ng elevation o pagdideklara sa Palawan bilang isang Apostolic Vicariate mula sa pagiging Apostolic Prefecture noong July 3, 1955.

Nakatakda namang gunitain sa taong 2027 ang 25th Canonical Anniversary mula ng opisyal na itatag ang Apostolic Vicariate of Puerto Princesa matapos na hatiin sa dalawa ang Apostolic Vicariate of Palawan noong May 13, 2002.

“I solemnly declare that the years 2025–2027 will be years of celebration and thanksgiving for the Apostolic Vicariate of Puerto Princesa in joyful anticipation of its 25th Canonical Anniversary.” Bahagi ng deklarasyon ni Bishop Mesiona.

Hinamon naman ng Obispo ang mga mananampalataya sa bikaryato na patuloy na yakapin ang misyong higit pang palaganapin ang pananampalataya sa Panginoon kasabay ng pagharap sa kinabukasan na may pag-asa sa pangakong kaligtasan ng Panginoon para sa lahat.

“Panibagong pangako, tanawin ng may pag-asa. Ihanda natin ang ating sarili para sa susunod na kabanata ng misyon,” Dagdag pa ni Bishop Mesiona.

Katuwang ni Bishop Mesiona sa pagpapastol sa mahigit 500,000 Katoliko sa Puerto Princesa ang may 60 mga Pari na kanya ring katuwang sa pangangasiwa sa 36 na parokya sa bikaryato.

Mabuting pagpapasya, prayer intention ni Pope Leo XIV

 35,009 total views

Mabuting pagpapasya, prayer intention ni Pope Leo XIV

Inilaan ng Simbahang Katolika ang intensyon ng pananalangin para sa buwan ng Hulyo sa higit na paglaganap ng pagninilay ng bawat isa sa pagkakaroon ng mabuting pagpapasya.

Bahagi ng panawagan ni Pope Leo XIV ang pananalangin na matutunan ng lahat na ganap na makapagnilay upang makapagpasya ng naayon sa Mabuting Balita at plano ng Diyos para sa bawat isa.

“Let us pray that we might again learn how to discern, to know how to choose paths of life and reject everything that leads us away from Christ and the Gospel.” Bahagi ng mensahe ni Pope Leo XIV.

Inihayag ng Santo Papa na sa pamamagitan ng ganap na pagpapakumbaba at pagtanggap sa lahat ng kahinaan at mga pagkakasalang nagawa ay tunay na masusumpungan ang paggabay ng Banal na Espiritu tungo sa landas, paghilom, biyaya at plano ng Diyos para sa bawat isa.

Ipinaliwanag ni Pope Leo XIV na ito ay mga hakbang upang muling makapagbalik loob at magkaroon ng tunay at mas malalim na pakikipag-ugnayan sa Panginoon.

“In order to discern, it is necessary to place oneself in truth before God, to enter into oneself, to admit one’s own weaknesses, and to ask the Lord for healing… These are the steps to rebirth through an authentic relationship with God.” Dagdag pa ni Pope Leo XIV.

Ipinapanalangin rin ng Simbahan na ang bawat desisyon o pagpapasya na gagawin ng bawat isa ay para sa makabubuti sa kanilang buhay at kinabukasan.

Samantala, ibinahagi rin ni Pope Leo XIV ang kanyang ‘Prayer for Discernment’ na maaari din magsilbing gabay ng bawat isa para sa pananalangin para sa pagkakaroon ng mabuting pagpapasya.

Matagumpay na 130th CBCP plenary assembly, ipinagdarasal ng SLP

 30,154 total views

Nagpaabot ng panalangin ang Sangguniang Laiko ng Pilipinas para sa nakatakdang 130th Plenary Assembly ng Catholic Bishops’ Conference of the Philippines (CBCP) na isasagawa sa Bohol sa kauna-unahang pagkakataon.

Ayon kay LAIKO National President Francisco Xavier Padilla, mahalagang ipanalangin ang paggabay ng Espiritu Santo para sa nakatakdang pagpupulong ng kalipunan ng mga Obispo sa bansa kung saan inaasahan din ang paghahalal ng mga Obispo ng bagong pamunuan para sa iba’t ibang komisyon ng CBCP.

Paliwanag ni Padilla, mahalaga ang gabay ng Banal na Espiritu sa mga Obispo na nagsisilbing pastol sa kawan ng Panginoon upang ganap na mapagnilayan, matalakay at mapagdesisyunan ang mga usaping dapat na tutukan at bigyang pansin ng Simbahan sa kasalukuyang panahon.

Kabilang sa partikular na tinukoy ni Padilla ang patuloy na armadong sagupaan na nagaganap sa iba’t ibang bansa gayundin ang kinahaharap na krisis ng Pilipinas sa usapin ng pulitika at ekonomiya.

“LAIKO joins the Philippine LAITY in praying for the 130th CBCP Plenary Assembly this week in Bohol. It is a remarkable time in the world, na ang daming nangyayaring away, at importanteng panahon din sa Pilipinas – sa politika, pamilya at ekonomiya. Kaya’t importanteng ipagdasal ang mga Obispo natin, na gabayan sila sa mga paguusapan nila, at sa kanilang eleksyon.” Bahagi ng pahayag ni Padilla sa Radyo Veritas.

Inaasahang kabilang sa tatalakayin sa gaganaping pagpupulong ng kalipunan ng mga Obispo sa bansa ang higit na pagsusulong sa aktibong partisipasyon ng mga layko partikular na ang mga kababaihan sa mga gawaing pang-Simbahan bilang pagsasakatuparan ng isang ganap na Simbahang Sinodal.

Nakatakda ang 130th Plenary Assembly ng CBCP sa kauna-unahang pagkakataon sa lalawigan ng Bohol, Aklan mula June 30 hanggang July 7, 2025 sa ilalim ng pangangasiwa at paghahanda ng Diyosesis ng Tagbilaran at Talibon.

54 na Obispo at Arsobispo sa buong mundo, ginawaran ng Pallium ni Pope Leo

 30,294 total views

Personal na ginawaran ni Pope Leo XIV ng Pallium ang 54 mga bagong arsobispo mula sa iba’t ibang bansa kabilang na ang nag-iisang Pilipino na bagong arsobispo ng Arkidiyosesis ng Jaro na si Archbishop Midyphil B. Billones.

Naganap ang paggagawad ng Pallium sa St. Peter’s Basilica kasabay ng pagdiriwang ng Banal na Misa para sa Solemnity of Sts. Peter and Paul noong ika-29 ng Hunyo, 2025.

Ang Pallium ay ‘vestment’ na gawa sa puting tela na isinusuot lamang ng Santo Papa at ng mga Metropolitan Archbishops na sumisimbolo ng suporta at pakikipag-isa sa Santo Papa bilang katuwang ng Simbahan sa pagpapalaganap ng Ebanghelyo at nagpapakita ng kanilang awtoridad sa kanilang nasasakupan.

Bilang katuwang ni Pope Leo XIV sa pagiging lingkod ng Simbahang Katolika ay muli ding nangako ng suporta ang mga bagong arsobispo sa patuloy at higit pang pagpapalaganap ng Mabuting Balita ng Diyos gayundin sa pangako ng kaligtasan ng Panginoon para sa sangkatauhan.

Matatandaang ikalawa ng Pebrero, 2025 nang itinalaga ng yumaong Santo Papang si Pope Francis si Archbishop Billones bilang ika-14 na Arsobispo ng Jaro na opisyal na iniluklok sa arkidiyosesis noong ika-2 ng Abril, 2025 kahalili ng nagretirong si Archbishop-emeritus Jose Romeo Lazo na nanilbihang Arsobispo ng Jaro sa loob ng 7 taon mula 2018 hanggang 2025.

Ang Ecclesiastical Province of Jaro ay binubuo ng Archdiocese of Jaro at mga Diyosesis ng Bacolod, San Jose de Antique, San Carlos, at Kabankalan.

Ang naganap na ‘investiture of Pallium’ o opisyal na pagsusuot ng pallium ng Santo Papa para sa mga bagong Arsobispo ng Simbahang Katolika ang isa sa mga lumang kaugalian o tradisyon na muling ibinalik ni Pope Leo XIV mula sa pagbabagong ginawa ni Pope Francis noong 2015.

Mananampalataya, inaanyayahan sa “With Leo, Our Pope” exhibit sa Manila cathedral

 42,555 total views

Inaanyayahan ng Minor Basilica and Metropolitan Cathedral of the Immaculate Conception o Manila Cathedral ang mga mananampalataya sa inihanda nitong exhibit bilang bahagi ng paggunita ng Pope’s Day na kauna-unahang Pope’s Day ni Pope Leo XIV.

Tampok sa nasabing exhibit na tinaguriang “With Leo, Our Pope” ang conclave memoirs mula sa naging karanasan ng Kanyang Kabunyian Manila Archbishop Jose Cardinal Advincula sa naganap na Papal Conclave noong ika-8 ng Mayo, 2025 kung saan nahirang si Pope Leo XIV bilang ika-267 na Santo Papa ng Simbahang Katolika.

Katuwang ng Manila Cathedral sa pagsasakatuparan sa nasabing With Leo, Our Pope Exhibit ang Residencia del Arzobispo at ang Order of St. Augustine kung saan tampok rin sa 11-araw na exhibit ang ilang mga artifacts mula sa kongregasyon. Bukas para sa publiko ang nasabing exhibit mula June 28 hanggang July 6, 2025.

“WITH LEO, OUR POPE, this year’s celebration of Pope’s Day will be the first for His Holiness Pope Leo XIV. The Manila Cathedral, together with the Residencia del Arzobispo and the Order of St. Augustine, wishes to invite you to an exhibit of the conclave memoirs of Cardinal Advincula and some artifacts from the Order of St. Augustine. The exhibit will run from June 28 until July 6, 2025.” Bahagi ng paanyaya ng Manila Cathedral.

Kaugnay nito, natakdang pangunahan ni Apostolic Nuncio to the Philippines Archbishop Charles Brown ang pagdiriwang ng Pope’s Day Mass sa June 29, 2025 – ganap na alas sais ng gabi sa Manila Cathedral kasama si Cardinal Advincula.

Taunang ipinagdiriwang ang Pope’s Day tuwing June 29 kasabay ng Kapistahan nina Apostol San Pedro at San Pablo na kilalang haligi ng pananampalatayang Kristiyano at Simbahang Katolika kung saan ipinagkatiwala ni Hesus ang pangangalaga sa kanyang kawan.
Kasabay ng dakilang kapistahan ng dalawang santo ay pinararangalan din ang Santo Papa sa patuloy na pagganap sa misyong pagpapastol sa mahigit isang bilyong Katoliko sa mundo.

Pangunahing tungkulin ng Santo Papa ang pagbuklurin ang sangkatauhan tungo sa landas ni Hesus batay sa habilin nito kay San Pedro ang kauna-unahang santo papang pinagkatiwalaan sa mga gawaing pagpapastol.

Kasunod ng pagpanaw ni Pope Francis noong April 21, 2025 ay nahirang naman sa naganap na Papal Conclave noong May 8, 2025 si Cardinal Robert F. Prevost, O.S.A. bilang ika-267 Santo Papa na kahalili ni San Pedro at napiling gamitin ang papal name na ‘Pope Leo XIV’.

Mga layko, pinasasalamatan ng simbahan

 43,017 total views

Ipinaabot ni Rev. Fr. Gregory Gaston – rector ng Pontificio Collegio Filippino ang pasasalamat ng Simbahan sa mga layko.

Ayon sa Pari na siya ring correspondent ng Radyo Veritas sa Vatican bahagi ng naging mensahe ni Pope Leo XIV sa magkakasunod na paggunita ng Jubilee of Seminarians, Bishops and Priests sa Roma ang pagpapasalamat sa pag-agapay ng mga layko sa mga lingkod ng Simbahan.

Sa kabila nito, pinaalalahanan ni Fr. Gaston ang mga layko na huwag sanayin sa layaw ang mga Pari sa halip ay hayaan ang mga ito na maglingkod bilang katuwang na pastol sa kawan ng Diyos.

Partikular na pinaalalahanan ng Pari ang mga layko na tumugon sa tawag ng pangungumpisal na isang mahalagahang bahagi ng pagiging isang tunay at ganap na Katoliko.

“Mga lay people salamat sa inyong pag-aalaga sa ating mga kaparian please lang po huwag niyong i-spoil, huwag niyong i-spoil ang mga pari. Pagtrabahuhin niyo rin yung mga pari, kaming mga pari like confession kapag kailangan niyo ng confession lumapit kayo huwag kayong mahiya sabihin kay Father ‘pwede bang mag-confess’ minsan may mga schedule, minsan sasabihin tawag lang kayo, tawag po kayo, tawag lang po kayo para mangumpisal kailangan niyo yan.” Bahagi ng pahayag ni Fr. Gaston sa Radyo Veritas.

Kaugnay nito pinangunahan ni Catholic Bishops’ Conference of the Philippines (CBCP) President, Kalookan Bishop Pablo Virgilio Cardinal David ang delegasyon ng mga Pilipinong Obispo at iba pang lingkod ng Simbahan na nakibahagi sa magkakasunod na paggunita ng Jubilee of Seminarians, Bishops and Priests sa Roma bilang patuloy na paggunita ng Simbahang Katolika ng Jubilee Year of Hope.

Kabilang sa ibinahaging katesismo ni Pope Leo XIV para sa mga Obispo ang pagbibigay diin sa pamumuhay ng payak ng mga lingkod ng Simbahan sa pamamagitan ng pagtalikod sa anumang karangyaan at mga prebilehiyo na makapagpapalayo sa mga mananampalataya at sa mga pastol ng Simbahang Katolika.

Ipinaalala rin ng Santo Papa na ang tanging kapangyarihan na dapat na taglayin ng mga Obispo bilang lingkod ng Simbahan ay ang kapangyarihan ng pag-ibig ni Kristo na nagpapahayag ng paglilingkod at kababaang-loob.

Sama-samang pagrorosaryo, panawagan ng CMSP

 29,709 total views

Inaanyayahan ng Conference of Major Superiors in the Philippines (CMSP) ang bawat isa na makibahagi sa Saturday Holy Rosary with the Consecrated Men and Women na ilalaan ngayong Sabado para sa kapayapaan ng daigdig.

Nakatakdang pangunahan ang gawain ng Congregation of Missionary Sons of the Immaculate Heart of Mary (CMF).

Layunin ng ‘A Call to Prayer for Peace for the World’ na sama-samang manalangin ng Santo Rosaryo at hingin ang pamamagitan ng Mahal na Birheng Maria sa pagkakaroon ng ganap na kapayapaan at pagkakaisa sa daigdig.

Partikular na ipananalangin sa nakatakdang gawain ang kapakanan ng mga mamamayan sa mga bansang may nagaganap na armadong sagupaan na nagdudulot ng karahasan, pagdurusa at kawalang katarungan lalo na sa mga inosenteng mamamayan kabilang na ang mga kababaihan, mga bata, matatanda at mga may kapansanan.

“A Call to Prayer for Peace for the World

Join us this June 28, 2025 (Saturday) at 8:00 PM for the Saturday Holy Rosary with the Consecrated Men and Women, hosted by the Congregation of Missionary Sons of the Immaculate Heart of Mary (CMF). As we gather in faith, we lift our hearts in prayer for peace in the world, for nations in conflict, and for all those suffering from violence and injustice. Let us entrust our petitions to Our Blessed Mother, praying the Holy Rosary as one family of hope and unity.” Bahagi ng paanyaya ng CMSP.

Nakatakda ang ‘A Call to Prayer for Peace for the World’ Saturday Holy Rosary with the Consecrated Men and Women sa Sabado, ika-28 ng Hulyo, 2025 ganap na alas-otso ng gabi.

Maaring makibahagi sa sabayang pananalangin ng Santo Rosaryo sa pamamagitan ng pagsubaybay sa live streaming ng gawain sa CMSP YouTube Channel at Facebook Page na CMSP – Conference of Major Superiors in the Philippines.

‘Huwag maging hari! Mamuhay nang payak.’ Paalala ng Santo Papa sa mga Pilipinong Obispo

 19,304 total views

Pinangunahan ni Catholic Bishops’ Conference of the Philippines (CBCP) President, Kalookan Bishop Pablo Virgilio Cardinal David ang delegasyon ng mga Pilipinong Obispo na nakibahagi sa naganap na Jubilee of Bishops sa St. Peter’s Basilica sa Roma.

Bilang patuloy na paggunita ng Simbahang Katolika ng Jubilee Year of Hope ay ginunita sa Vatican ang Jubilee of Bishops noong ika-25 ng Hunyo, 2025 sa pangunguna ng Kanyang Kabanalan Pope Leo XIV.

Ayon kay Cardinal David, mahigit sa 600 mga Obispo mula sa iba’t ibang bansa ang dumalo sa Jubilee of Bishops kung saan pinangunahan ni Pope Leo XIV ang pagbabahagi ng katesismo sa kanyang mga katuwang na pastol ng Simbahang Katolika.

“At exactly 12 noon, Pope Leo joined us inside the Basilica and gave what I can only describe as a profoundly moving catechesis. It was not a speech meant to impress, but a fatherly word meant to pierce and renew. He spoke to us from the heart.” Bahagi ng pahayag ni Cardinal David.

Pagbabahagi ni Cardinal David kabilang sa mga ipinaalala ng Santo Papa ang patuloy na pamumuhay ng payak ng mga Obispo sa pamamagitan ng pagtalikod sa anumang karangyaan at mga prebilehiyo na makapagpapalayo sa mga mananampalataya at sa mga pastol ng Simbahang Katolika.

Paliwanag ng Cardinal, ang tanging kapangyarihan na dapat na taglayin ng mga Obispo bilang lingkod ng Simbahan ay ang kapangyarihan ng pag-ibig ni Kristo na nagpapahayag ng paglilingkod at kababaang-loob.

“On Pastoral Simplicity – He called us to renounce the trappings of status and clericalism. A bishop, he said, must be close to his people and his priests—not distant or privileged. Our only authority is the authority of Christ’s love, made visible in service and humility.” Dagdag pa ni Cardinal David.

Ibinihagi rin ni Cardinal David ang muling pagpapaalala ni Pope Leo XIV kaugnay sa priestly celibacy ng mga lingkod ng Simbahan na hindi lamang isang simpleng alituntunin kundi isang matibay na tanda ng bokasyon at paraan ng pamumuhay sa piling ng Diyos.

“On the Witness of Celibacy – He upheld priestly celibacy not as a mere rule but as a luminous sign—a way of life that witnesses to the Kingdom and reveals the Church as the chaste bride of Christ. He acknowledged pastoral challenges but invited us to guard the beauty of this vocation.” Ayon pa kay Cardinal David.

Samantala, inihayag rin ni Cardinal David ang pagbibigay diin ng Santo Papa hindi lamang sa pagiging matapat ng bawat Obispo kundi sa pagiging makatarungan lalo na sa usapin ng anumang uri ng pang-aabuso sa kapangyarihan, tiwala at dignidad ng mga lingkod ng Simbahan.

Ayon sa Cardinal, iginiit ni Pope Leo XIV na walang puwang sa Simbahan ang anumang uri ng pang-aabuso at binigyang diin ang dapat na pagiging maingat at makatarungan ng mga Obispo hindi lamang para sa paghilom sa mga biktima kundi maging para sa kapakanan ng buong Simbahang Katolika.

“On the Scandal of Abuse – His tone turned earnest and resolute. There must be zero tolerance for any abuse of power, trust, or conscience. He urged us to be transparent, protective, and just—not only for the victims but for the healing of the whole Church.” Pagbabahagi ni Cardinal David.

Bukod kay Cardinal David, kabilang sa mga nakibahagi sa naganap na Jubilee of Bishops ay sina Filipino Cardinal Luis Antonio Tagle – Pro-Prefect of the Dicastery for Evangelization; San Carlos Bishop Gerardo Alimanaza – vice chairman ng CBCP-Episcopal Commission on Social Action Justice and Peace; Batanes Bishop Danilo Ulep; at Cubao Bishop Elias Ayuban Jr. CMF.

CMSP, nagpaabot ng pagbati kay Bro. Armin Luistro

 21,419 total views

Nagpaabot ng pagbati ang Conference of Major Superiors in the Philippines (CMSP) kay Bro. Armin Luistro, FSC na itinalaga ng Kanyang Kabanalan Pope Leo XIV upang maging kasapi ng Dicastery for the Institutes of Consecrated Life and the Societies of Apostolic Life.

Bilang dating AMRSP Vice Chairperson na ngayon ay CMSP ay kinilala ng institusyon ang pagiging isang ganap na pinunong tagapaglingkod ni Luistro na malaki ang maitutulong para sa misyon ng tanggapan ng Vatican. Ipinapanalangin naman ng CMSP na patuloy na pagpalain at gabayan ng Banal na Espiritu si Luistro para sa pagkakaroon ng patuloy na karunungan at determinasyon na gampanan ang kanyang bagong tungkulin para sa patuloy na paglilingkod sa Simbahan at sa buhay ng mga konsekrado sa buong mundo.

“We extend our heartfelt congratulations to Br. Armin A. Luistro, FSC on his recent appointment by Pope Leo XIV as member of the Dicastery for the Institutes of Consecrated Life and the Societies of Apostolic Life. As a former AMRSP Vice Chairperson (1998–2001) and Co-Chairperson (2001–2004), Br. Armin has long exemplified servant-leadership. May this new role be blessed with wisdom, grace, and the guiding presence of the Holy Spirit as he continues to serve the Church and consecrated life globally.” Bahagi ng pagbati ng Conference of Major Superiors in the Philippines (CMSP).

Matatandaang kasabay ng Dakilang Kapistahan ni San Juan Bautista ay nagtalaga si Pope Leo XIV ng mga relihiyoso sa Dicastery for the Institutes of Consecrated Life and the Societies of Apostolic Life kung saan isa sa naitalaga si Bro. Armin Luistro na kasalukuyang superior general ng Brothers of the Christian Schools o De La Salle Brothers.

Si Luistro ang kauna-unahang Asyanong nahalal bilang superior general ng kongregasyon na pangunahing gawain ay maghubog ng mga kabataan sa pamamagitan ng kanilang mga eskwelahan tulad ng De La Salle University. Bukod sa pagsisilbi bilang dating kalihim ng Department of Education noong 2010 ay nagsilbi rin si Luistro bilang dating vice chairperson ng CMSP na dating Association of Major Religious Superiors in the Philippines mula 1998 hanggang 2001; at Co-Chairperson ng AMRSP mula 2001 hanggang 2004.

Bukod kay Luistro dati ring nanilbihan sa nasabing tanggapan ng Vatican si Cubao Bishop Elias Ayuban Jr. noong 2012 hanggang 2019 na kasapi naman ng Claretian Missionaries in the Philippines.