25,492 total views
Hinamon ni San Carlos Bishop Gerardo Alminaza ang mga Pilipino at mananampalataya na higit pang isulong ang pagpapabuti sa buhay ng mga mahihirap bilang pag-alala kay Zara Alvarez sa ikalimang taong anibersaryo ng pagkamatay ng aktibistang naging aktibo sa pagsusulong karapatan at dignidad ng mga mahihirap.
Ayon sa Obispo, bilang nagkakaisang isang simbahan at tungkulin ng mga mananapalataya na kailanman ay huwag iwanan sa kalbaryo ang mga mahihirap katulad ng naging buhay ni Zara Alvarez.
Hinikayat ng Obispo ang mamamayan na aktibong isulong ang pagpapalakas sa kanilang mga panawagan at marating ang puso ng mga opisyal ng pamahalaan at kapwa Pilipino upang masimulan ang pagbabago at makamit na ang katarungang panlipunan.
“Zara gave her life like completely, Let us claim her wisdom and courage, Let us be strengthened in our journey as a Church, that will never abandon the poor. And may Zara’s name and memory be whispered in our prayers, remembered in our struggles, and alive in our HOPE. Madamo gid nga salamat Zara, bendisyunan ka sang Gino-o sang pahuway nga dayon (Thank you so much, Zara. May the Lord grant you eternal peace.),” ayon sa mensane ni Bishop Alminaza.
Nawa sa tulong ng mga naiwang aral ng mga aktibisitang katulad ni Zara Alvarez, panalangin ng Obispo na maipagpatuloy sa lipunan ang pakikibaka para sa ikakabuti ng mga mahirarap, kalikasan at iba pang sektor ng lipunan na nangangailangan tulong.
Sa kaniyang pag-alala kay Alvarez, ay binahagi ng Obispo ang pakikibaka niya para sa mga manggagawa, magsasaka, mangingisda at maralitang tagalungsod.
“Zara’s smile could light up an entire room. She had always a beautiful smile, in spite of the harsh realities she was constantly facing. She was hard-working, caring, patient and dedicated in her mission. In our gatherings for human rights and health ministries, she would bring the stories of the sacada, the farmers, and the urban poor — stories of pain and hardship, but also of dignity and courage,” bahagi pa ng mensahe ni Bishop Alminaza.
Si Zara Alvarez ay ang Research and Advocacy Officer ng Negros Island Health Integrated Program (NIHIP) na konektado din at nakikibaka kasama ang ibat-ibang non-government ornizations sa Negros upang isulong ang karapatan ng mga mahihirap, magsasaka at manggagawa.
2018 ng magsimula ang pinahirap na pakikibaka ni Alvarez matapos maranasan ang red-tagging kasama ang 600-iba pang indibidwal sa Negros kung saan August 17, 2020 ng mapatay si Alvarez habang naglalakad pauwi sa kanilang bahay.
