Kinilala ng Catholic Bishops Conference of the Philippines – Office on the Protection of Minors (CBCP-OPM) ang inisyatibo ng Department of Labor and Employment (DOLE) at Department of Social Welfare and Development (DSWD) ang Mahalin at Kalingain ating mga Bata o Makabata Hotline program laban sa Child Labor.
Ayon kay San Jose Nueva Ecija Bishop Roberto Mallari – miyembro ng CBCP-OPM, malaking tulong ang programa upang mapaigting ang pakikiisa maging ng mga payak na mamamayan sa pangangalaga sa karapatan ng mga bata.
Ito ay dahil sa tulong ng proyekto, mabilis na maipaparating sa DSWD at DOLE ang kaso ng ibat-ibang uri ng pang-aabuso sa mga batang dapat sana ay malayang nakakapag-aral.
“Nagpapasalamat ako sa mga nasabing DOLE & DSWD officials sa paglulunsad nila ng MAKABATA HOTLINE, ito ay napakalaking tulong upang matugunan kaagad ang mga pang-aabuso sa mga bata kahit sa ano mang paraan, sana ang mga concerned citizens ay makipagtulungan sa mga nasabing ahensiya upang maireport nila ang mang klaseng pang-aabuso na ginagawa sa mga bata.” ayon sa mensaheng ipinadala ni Bishop Mallari sa Radio Veritas.
Sa tulong ng Makabata Hotline ay maaring isumbong ng mga concerned citizens sa DOLE at DSWD ang mga kaso ng child labor at child abuse sa pamamagitan ng pagpapadala ng mensahe sa 0-9-6-0-3-7-7-9-8-6-3, 0-9-1-5-8-0-2-2-3-7-5 at email address na [email protected].
Sa datos ng Philippines Statistics Authority noong 2021, umabot sa 31.47-million ang bilang ng mga nagtatrabahong kabataang nasa edad lima hanggang labing-pitong taong gulang.
Habang noong 2022 ay naitala ng Council for the Welfare of Children na umabot sa siyam na libo ang bilang ng mga kaso ng pang-aabuso sa kabataan sa buong Pilipinas.
Reyn Letran - Ibañez
Monday, July 27, 2026 11:15 am
281 total views
Hinimok ng Conference of Major Religious Superiors in the Philippines, Justice, Peace and Integrity of Creation Commission (CMSP–JPICC) ang administrasyon ni Pangulong Ferdinand Marcos Jr. na pairalin ang katarungan, pananagutan at tunay na malasakit sa mahihirap sa halip na umasa lamang sa mga ulat ng paglago ng ekonomiya at malalaking proyektong pang-imprastraktura bilang sukatan ng kalagayan ng bansa.
Sa isang Prophetic Open Letter na inilabas kasabay ng pagdaraos ng State of the Nation Address (SONA) 2026, iginiit ng CMSP–JPICC kasama ang kanilang mga mission partners na ang tunay na estado ng bansa ay nasusukat sa kalagayan ng mga pinakamahihirap at pinakamahihina sa lipunan.
Ayon sa mga relihiyoso, hindi nagsasalita ang organisasyon bilang mga kalaban o kakampi ng sinumang pulitiko kundi bilang mga lingkod ng Simbahan na may pananagutang ipagtanggol ang dignidad ng tao, pangalagaan ang sangnilikha at isulong ang kabutihang panlahat.
“The State of the Nation is not ultimately measured by economic growth, infrastructure projects, or investment figures. It is measured by whether the poor are lifted up, whether the hungry are fed, whether workers receive just wages, whether farmers and fisherfolk can live with dignity, whether Indigenous Peoples are respected, whether our youth have hope, whether justice reaches the powerless, and whether every Filipino can live in peace, freedom, and dignity,” Ayon sa CMSP-JPICC.
Iginiit ng CMSP na nananatiling mabigat ang pasanin ng maraming pamilyang Pilipino dahil sa mataas na presyo ng pagkain, pamasahe, kuryente, gamot at iba pang pangunahing pangangailangan habang patuloy na nararanasan ang kahirapan, kagutuman, hindi pagkakapantay-pantay at kakulangan sa disenteng hanapbuhay.
Binigyang-diin din ng grupo ang patuloy na paghihirap ng mga magsasaka at mangingisda sa kabila ng kanilang mahalagang papel sa seguridad sa pagkain ng bansa, gayundin ang pag-alis ng maraming manggagawa at mga propesyunal sa kalusugan upang maghanap ng mas magandang kabuhayan sa ibang bansa.
Ipinahayag din ng CMSP ang pagkabahala sa patuloy na pagbaba ng tiwala ng publiko sa mga institusyon ng pamahalaan dahil sa mga usapin ng katiwalian, kakulangan ng transparency at pananagutan sa paggamit ng pondo ng bayan.
Dahil dito, nanawagan ang mga relihiyoso ng isang malaya, patas at komprehensibong imbestigasyon sa implementasyon ng flood control projects at iba pang malalaking imprastraktura ng pamahalaan.
“Every peso lost through corruption is a peso taken away from the poor, from disaster-stricken communities, from schools, hospitals, and from the future of our nation. Accountability is not political persecution. It is a constitutional responsibility and a moral imperative.” Dagdag pa ng CMSP-JPICC.
Hinimok din ng CMSP ang pamahalaan na higit pang palakasin ang rule of law at tiyaking walang opisyal ng gobyerno—nakaraan man o kasalukuyan ang dapat manaig sa Saligang Batas.
Kasabay nito, nagpahayag din ng pagkabahala ang grupo sa lumalalim na hidwaang pampulitika, paglaganap ng disinformation at kultura ng pagkakahati-hati na anila’y nagpapahina sa demokrasya at pambansang pagkakaisa.
Sa usapin naman ng West Philippine Sea, hinikayat ng CMSP-JPICC ang administrasyon na ipagpatuloy ang pagtatanggol sa soberanya ng bansa sa pamamagitan ng mapayapang diplomasya, paggalang sa international law at matatag na pagtatanggol sa pambansang interes, lalo na sa kabuhayan ng mga mangingisdang Pilipino.
Nagpahayag din ang mga relihiyoso ng matinding pag-aalala sa lumalalang epekto ng climate change at sa mga proyektong pangkaunlaran tulad ng Pax Silica, na ayon sa kanila ay dapat dumaan sa masusing konsultasyon, transparency at paggalang sa karapatan ng mga katutubo at pangangalaga sa kalikasan.
“There can be no authentic peace without justice, no genuine progress without care for creation, and no sustainable development without protecting the dignity, rights, and cultural heritage of Indigenous Peoples.” Ayon pa sa CMSP-JPICC.
Iginiit ng CMSP-JPICC na ang mga usaping ito ay hindi lamang pampulitika o pang-ekonomiya kundi mga usaping moral na direktang nakaaapekto sa dignidad ng tao at kinabukasan ng sambayanan.
Binigyang-diin ng grupo na ang Catholic Social Teaching ay nagtuturo na ang tunay na pag-unlad ay nakabatay sa paggalang sa dignidad ng bawat tao, preferential option for the poor, pangangalaga sa kalikasan, pagkakaisa, kapayapaang nakaugat sa katarungan, at pamamahalang may katapatan, pananagutan at paglilingkod.
Dahil dito, nanawagan ang CMSP-JPICC kay Pangulong Marcos na unahin ang kapakanan ng mahihirap kaysa sa mga pribilehiyo, pairalin ang transparency kaysa pagtatago, palakasin ang mga institusyon kaysa personalidad, ipagtanggol ang katotohanan laban sa disinformation, tiyakin ang pananagutan ng lahat ng opisyal ng pamahalaan at pamunuan ang bansa nang may kababaang-loob at integridad.
“Mr. President, we respectfully but firmly urge you to place the poor before privilege, to choose transparency over secrecy, to strengthen institutions rather than personalities, to defend truth against misinformation, to uphold justice over political convenience, to safeguard our sovereignty and our common home, to ensure accountability for every public official entrusted with the people’s resources, and above all to govern with humility, integrity, and an unwavering commitment to the common good.” Apela ng CMSP-JPICC.
Samantala, tiniyak din ng CMSP-JPICC na magpapatuloy itong samahan ang mahihirap, ipagtanggol ang dignidad ng tao, pangalagaan ang kalikasan at magsalita laban sa anumang uri ng katiwalian, kawalang-katarungan at paglabag sa katotohanan.
“Silence in the face of injustice is not an option for those who follow Christ,” Giit ng CMSP-JPICC.
Inilabas ng Conference of Major Religious Superiors in the Philippines–Justice, Peace and Integrity of Creation Commission (CMSP–JPICC) kasama ang kanilang mga mission partners ang bukas na liham bilang pagninilay at panawagan sa pamahalaan kasabay ng State of the Nation Address 2026, bilang bahagi ng misyon ng Simbahan na isulong ang katotohanan, katarungan, kapayapaan at pangangalaga sa sangnilikha.
Hinimok ni Pope Leo XIV ang mga mananampalataya na iwaksi ang konsumerismo at muling tuklasin ang tunay na kayamanan na matatagpuan sa pakikipag-ugnayan sa Diyos, kasabay ng kanyang panawagan para sa kapayapaan sa Gitnang Silangan at pagkilala sa dignidad ng bawat tao.
Sa kanyang Angelus sa Castel Gandolfo noong July 26, binigyang-diin ng Santo Papa na ang tunay na pagsunod kay Hesukristo ay hindi naglilimita sa buhay kundi nagbubukas ng mas malawak na pag-asa at mas malawak na layunin.
“Encountering his Kingdom marks a turning point that does not limit life but enlarges it. If anything must change on our part, it is only so that our lives may be opened to greater possibilities, not fewer,” ayon kay Pope Leo XIV.
Ipinaliwanag ng Santo Papa na ang Kaharian ng Diyos ay bukas para sa lahat, anuman ang kalagayan at antas ng buhay.
“The Kingdom of God reveals its inestimable beauty in different ways, but calls everyone — men and women, young and old, rich and poor — to a profound renewal,” aniya.
Binigyang-diin din ng punong pastol na ang Simbahan ay isang pamayanang pinagbuklod ni Kristo ang mga mamamayan sa kabila ng pagkakaiba ng pananampalataya, kultura at tradisyon.
Nagbabala ang Santo Papa laban sa kultura ng labis na pagkonsumo na aniya’y naglalayo sa tao sa tunay na kaligayahan. “While the consumer culture influences our tastes, constantly creating new needs only to sell us solutions that never satisfy, and that sometimes even poison the heart, we must learn to grasp what truly matters: the treasure of a relationship with God that opens us to joy and helps us to live our relationships with one another more fully,” giit ni Pope Leo XIV.
Hinikayat din ng Santo Papa ang mga Kristiyano na hingin sa Diyos ang biyaya ng pagkilala sa tunay na kayamanang higit sa anumang materyal na bagay.
Sa kanyang mensahe matapos ang Angelus, lubhang nababahala si Pope Leo XIV sa lumalalang karahasan sa Middle East at muling nanawagan ng mapayapang paglutas ng mga sigalot. “I make a heartfelt appeal for a return to negotiations to achieve a just political solution, founded on the equal dignity and equal rights of every human person,” ayon sa Santo Papa.
Hinimok din nito ang lahat ng panig na wakasan ang karahasan at bigyang-daan ang diplomasya.
“From the depths of my heart, I exhort all parties involved to suspend the attacks and urgently reopen paths of dialogue and diplomacy, so that the longed-for peace for the entire region may be achieved without delay,” aniya.
Kasabay nito, nanawagan ang Santo Papa na igalang ang kabanalan ng mga banal na lugar ng iba’t ibang relihiyon.
Dalangin ni Pope Leo na hipuin ng Panginoon ang puso ng mga namumuno sa mga bansa upang manaig ang pagkakasundo at kapayapaan.
Hindi lamang isang bagay na maaaring gamitin o pagsamantalahan ang kalikasan, kundi isang kaibigan at kapatid na dapat mahalin, igalang, at ipagtanggol.
Ito ang pagninilay ni Fr. Lino Gregorio Redoblado, OFM, Minister Provincial ng Order of Friars Minor (OFM) Province of San Pedro Bautista – Philippines, sa kanyang pangunguna sa “Laudato Si’: Prayer in Union with Creation” bilang panalangin sa pagsisimula ng ikalawang araw ng 12th Philippine Conference on New Evangelization (PCNE XII) sa University of Santo Tomas Quadricentennial Pavilion.
Iniugnay ni Fr. Redoblado ang panalangin para sa sangnilikha sa tema ng PCNE XII na “Sangkay: I have called you friends,” kung saan binigyang-diin niya na ang pakikipagkaibigan ay hindi lamang para sa kapwa tao kundi maging sa buong nilikha ng Diyos.
Ayon sa paring Franciscano, itinuro ni San Francisco ng Assisi na ang kalikasan ay hindi lamang bagay na nakapaligid sa tao kundi bahagi ng isang ugnayan na dapat pangalagaan bilang kapatid.
“Creation is not an object to be used. It is a brother, a sister, a friend—a sangkáy. Ito ang hamon sa atin. Ang lahat ng bagay ay magkaugnay… We are related. We are connected.” pahayag ni Fr. Redoblado.
Ipinaliwanag niya na ang diwa ng Laudato Si’ ay nakaugat sa pagkilala na ang lahat ng nilikha ay nagmumula sa Diyos at ang tao ay tinawag upang maging mabuting katiwala ng sangnilikha.
Ibinahagi rin ng pari ang karanasan ng mga tagapangalaga ng Masungi Georeserve na tumitingin sa kalikasan bilang pamilya, na nagpapakita ng mas malalim na kahulugan ng panawagan ni San Francisco na kilalanin ang sangnilikha bilang kapatid.
Inihalimbawa rin ni Fr. Redoblado ang paninindigan ng lider-katutubo na si Macli-ing Dulag laban sa Chico Dam Project sa Cordillera upang ipakita ang pananaw ng mga katutubo na hindi pagmamay-ari ng tao ang lupa, kundi ang tao ang bahagi ng lupa.
“We belong to the earth. The earth was here before we came, and it will remain long after we die,” ayon kay Fr. Redoblado.
Binigyang-diin ng paring Franciscano na ang Laudato Si’ ay isang tawag sa ugnayan, pagdiriwang, at misyon upang pangalagaan ang ating nag-iisang tahanan, lalo na sa harap ng patuloy na pagkasira ng kalikasan na higit na nakaaapekto sa mahihirap at mga katutubong komunidad.
Aniya, ang tunay na pagmamahal sa kalikasan ang nagtutulak sa tao upang ito ay pangalagaan at hindi pagsamantalahan.
“Kung mahal mo ang kalikasan—kung sangkáy mo ito—natural mo itong ipagtatanggol. Kapag nawawala ang ating sense of wonder and awe, nakakalimutan natin na ang lahat ng ito ay nilikha ng Diyos. Then we begin to exploit even our brothers and sisters instead of celebrating them,” saad ni Fr. Redoblado.
Dagdag niya, ang pangangalaga sa kalikasan ay hindi lamang responsibilidad ng mga tagapagtanggol ng kalikasan kundi isang mahalagang bahagi ng pagiging alagad ni Kristo.
“For in the end, we protect creation not because it is useful to us, but because it is God’s beloved creation entrusted to us by Christ, our Brother, our Friend, who now calls us to become friends of His creation,” pagtatapos ni Fr. Redoblado.
7,517 total views Mga Kapanalig, sa pagtatapos ng pagdinig ng impeachment court sa Article 4 na may kaugnayan sa pagbabanta umano ni Vice President Sara Duterte
126,880 total views “A Filipino culture ruined by politics, of indifference, ideology, self-interest”. Kapanalig, likas sa ating mga Pilipino ang kultura ng pakikipagkapwa o pakikitungo sa
155,172 total views Kapanalig, malimit nating naririnig ang katanungang, “NASAAN ANG SIMBAHAN”? Kapag may nangyaring trahedya., sakuna., man-made calamities., kawalan ng moral na pamumuno., WHERE IS
201,104 total views Mga Kapanalig, upgraded na daw ang Pilipinas! Ayon sa World Bank, ang Pilipinas ay isa nang upper-middle income country. Ibig sabihin, lumampas na
233,850 total views Mga Kapanalig, napanood ba ninyo ang dokumentaryo tungkol sa lupang ninuno o ancestral land ng mga katutubong Aeta na ginawang tambakan ng basura
1,981 total views Hinimok ni Balanga Bishop Rufino Sescon Jr. ang mga mananampalataya, lalo na ang mga kabataan, na unahin munang patatagin ang kanilang personal na
28,024 total views Binigyan-diin ng Prior Provincial ng Dominican Province of the Philippines Father Filemon Dela Cruz Jr., O.P – , ang ‘pag-ibig’ bilang pundasyon ng
9,373 total views Nanawagan ni San Fernando, La Union Bishop Daniel Presto ang mas malalim na pakikipagkaibigan kay Hesus bilang pundasyon ng sama-samang misyon ng Simbahan.
19,909 total views Pinatatag ng Australia at De La Salle University (DLSU) ang matagal nang ugnayan sa edukasyon, kalakalan, at pangrehiyong kooperasyon bilang bahagi ng pagsusulong
