23,593 total views
Nanawagan si Tagbilaran Diocesan Administrator Fr. Gerardo Saco, Jr. sa mamamayan na manindigan laban sa mga sistemang sumisira sa kabutihang panlahat.
Sa kanyang pastoral statement sa paggunita sa anibersaryo ng EDSA People Power Revolution ngayong February 25 binigyang diin ng pari ang kahalagan ng paninindigan ng mga Pilipino laban sa mga katiwalian gayundin sa pamamayani ng mga political dynasty sa bansa.
Ayon kay Fr. Saco, ang diwa ng EDSA ay patuloy na hamon sa bawat Pilipino na isabuhay ang katotohanan, katarungan at malasakit sa kapwa.
“This includes our civic responsibility to reject systems that undermine the common good — such as political dynasties that concentrate power in the hands of a few. True democracy flourishes when leaders serve the people selflessly, rather than perpetuating their own families’ political interests,” bahagi ng pastoral statement ni Fr. Saco.
Iginiit din ni Fr. Saco na ang pag-alaala sa EDSA ay hindi lamang paggunita sa isang makasaysayang pangyayari kundi panawagan upang patuloy na pangalagaan ang demokrasya.
“Be honest, seek peace, reject corruption, resist dynastic politics, and help those in need,” ani Fr. Saco.
Paliwanag pa ng tagapangasiwa ng diyosesis na ang EDSA People Power ay biyaya ng Diyos na nagpapakita ng kapangyarihan ng pagkakaisa at pananampalataya.
“EDSA People Power was a gift from God, showing that faith, unity, and peaceful action can overcome fear and injustice,” dagdag ng pari.
Hinimok din ni Saco ang mga lider ng Simbahan at lipunan na pairalin ang mapagkumbaba at makatarungang pamumuno.
“True leadership is measured by care for the least and by decisions that promote the common good,” dagdag pa sa pahayag.
Naniniwala ang pari na ang diwa ng EDSA ay dapat manatiling buhay sa puso ng bawat Pilipino at magsilbing gabay sa araw-araw na pagpapasya para sa kapakanan ng nakararami.
