22,686 total reads
Hinimok ni Borongan Bishop Crispin Varquez ang mga mananampalataya na huwag lamang panatilihin ang pananampalataya sa loob ng simbahan, sa halip ay dapat itong higit na mapalaganap sa labas at sa pamumuhay ng mga Pilipino.
Ito ang panawagan ng Obispo sa pagdiriwang ng 40th Anniversarry nang EDSA People Power Revolution.
Ayon kay Bishop Varquez, higit na kinakailangan ngayon ang paggabay ng simbahan tungo sa pagbabago sa lipunan at malutas ang mga suliranin na pinapahirapan ang mga Pilipino.
“It reminds us that faith is not passive. Our Catholic faith is not only meant to stay inside the church building. It must shape how we live, how we vote, how we condemn the ills of society, especially corruption and dynasty, how we treat the poor, how we stand for what is right even when it costs us,” Ayon sa mensaheng pinadala ni Bishop Varquez sa Radyo Veritas.
Ito ay ang paggabay ng simbahan upang matulungan ang mga mahihirap, wastong pagpili ng mga susunod na lider sa pamahalaan at pagtigil ng mga political dynasty.
Sa huli, mensahe ng Obispo na ang pagbabago ng lipunan ay magsisimula sa puso ng indibidwal na tatanggapin ang Panginoong Hesukristo upang malabanan at tuluyang mawala ang katiwalian at political dynasties sa Pilipinas.
“Freedom is not free. The most important lesson of EDSA is: Real change begins in the heart. That is the way of Christ, we continue to condemn corruption and dynasty,” mensahe ni Bishop Varquez sa Radyo Veritas.
