12,708 total reads
Bilang pagkilala at tulong sa mga magsasaka sa bansa, inilunsad ng small-medium enterprise ang produktong gumagamit ang asukal mula sa niyog.
Ayon kay Starkaffea CEO Cheng Pabilonia ng Starkaffea Corporation ang Chocolea ay gumagamit ng ‘coconut sugar’ bilang pampatamis na hinahango mula sa coconut farmers sa buong Pilipinas.
Bukod sa makakabuti sa kalusugan, sinabi ni Pabilonia na ito ay isang paraan din na matulungan ang mga magsasakang mapanatili at mapaunlad ang kanilang hanay at maiwasan ang malawakang land conversion mula agrikultural patungong industriyal.
“We have always wanted to provide our patrons with quality alternative health products. Other than coffee, Starkaffea is proud to introduce Chocolea, the first chocolate drink using coconut sugar in the Philippines,” ani Pabilonia.
Ayon sa pag-aaral na ang mga sangkap lalo na ang coconut sugar ay makatutulong sa pagpapanatiling maayos ng blood sugar level at blood pressure gayundin ang pagpapalakas ng immune system.
Nagtataglay ang Chocolea ng Vitamin A, C, calcium, potassium at iron na makatutulong mapanatili ang malusog na pangangatawan.
Ibinahagi ni Pabilonia na dumaan sa masusing pag-aaral ang Chocolea sa 50-trial formulation upang matiyak ang kalidad ng produkto.
