746 total views
Pinaalalahanan ni Pope Leo XIV ang bawat isa sa pananagutan na pangalagaan ang kapwa, lalo na ang mga bata at mahihina.
Sa kanyang pagbisita sa Ngul Zamba Orphanage sa Cameroon, binigyang-diin ng Santo Papa na tungkulin ng mga binyagan ang pagkalinga sa kapwa sa gitna ng pagkakaiba-iba ng kultura at antas ng buhay.
“In a world often marked by indifference and selfishness, this home reminds us that we are the ones who need to look after our brothers and sisters, and that, in God’s great family, no one is ever a stranger or forgotten, no matter how small he or she may be,” pahayag ni Pope Leo XIV.
Inilarawan ng pastol ang ampunan bilang isang tunay na tahanan kung saan ang mga bata ay tinatanggap ng Diyos bilang Kanyang mga anak.
“Here, above all, it is our Heavenly Father who welcomes you with love as his children… Indeed, you form a true family here,” ayon sa Santo Papa.
Dagdag pa ng pastol, si Hesus ang “eldest brother” na nagbibigay-lakas upang harapin ang mga pagsubok at maranasan ang tunay na kagalakan sa buhay.
Kinilala rin ni Pope Leo XIV ang mga sugat na dinadala ng mga bata kabilang na ang pagkawala, takot, at pag-abandona, ngunit iginiit na hindi ito ang magtatakda ng kanilang kinabukasan.
“You are called to a future that is greater than your wounds. You are bearers of a promise. God is present… and is very close to you,” giit ng Santo Papa.
Kinilala at pinasalamatan rin ng Santo Papa ang mga tagapangalaga ng mga bata tulad ng mga madre, guro, kawani, at boluntaryo, bilang mga buhay na patotoo ng pag-ibig ng Diyos.
“Through your patience and dedication, you offer much more than mere material support: you offer these children a presence, a listening ear, a family, and a future,” aniya.
Ipinagkatiwala ni Pope Leo ang lahat sa pangangalaga ng Mahal na Birheng Maria, na patuloy na gumagabay, nagbibigay ng aliw, at umaakay sa bawat isa tungo kay Hesus.
