11,070 total reads
Umaapela sa pamahalaan at kongreso ang grupong Bantay Bigas at Amihan National Federation of Peasant Women na ipawalang bisa ang Rice Liberalization at Oil Dereagulation law.
Inihayag ni Cathy Estavillo, spokeperson ng Bantay Bigas na nararanasan na sa mga lalawigan ang matinding kahirapan at kagutuman dahil sa krisis sa ekonomiya na dulot ng record high na pagtaas sa presyo ng mga produktong petrolyo.
Nabatid na sa pag-aaral ng grupo na nabawasan ng 5-kilo ang suplay sa bigas kada lingo ng pamilyang mayroong limang miyembro bunsod nang hindi mapigilang pagtaas sa presyo ng mga pangunahing bilihin.
Ayon kay Estavillo, napipilitan ng hindi kumain ng agahan ang mga mahihirap na pamilya upang maka-survive sa pang-araw-araw na pamumuhay.
““In the countryside, peasant women and their families are being pushed deeper into hunger and deprivation. In Batangas, a family of six that once managed 10 kilos of rice per week now survives on just 5, stretched thin by increased prices shrinking further poverty wages. Weekly rice expenses alone swallow ₱270–₱290, forcing families to ration food, skip breakfast, and endure days with only two meager meals,” pahayag ni Estavillo sa Radyo Veritas.
Naninindigan ang grupo na mapapababa lamang ang halaga ng mga pangunahing bilihin kapag napawalang bisa ang rice liberalization at oil deregulation law gayundin ang pansamantalang pag-alis ng VAT sa mga pagkain.
Iginiit ni Estavillo na ang nararanasang krisis sa ekonomiya ay hindi matutugunan ng band-aid solutions kungdi ng isang komprehensibong aksyon ng pamahalaan.
“This crisis demands more than band-aid solutions. It calls for decisive and comprehensive action”.pahayag ni Estavillo.
Patuloy naman ang panawagan ng simbahan sa pamahalaan na lumikha ng mga programang mag-aangat sa buhay ng mga magsasakang Pilipino.
