768 total reads
Ayon kay Employers’ Confederation of the Philippines o ECOP chairman emeritus Donald Dee, lugi ang mga individual taxpayers sa pagbaba ng buwis habang itinataas rin ang VAT dahil sa presyo ng kinu – kunsumo nilang bilihin sa merkado.
Iginiit pa ni Dee na kawalang katarungan ang pagpapababa ng individual at corporate income tax lalo na at marami ang mga malalaking kumpanya o negosyante na hindi nagsusumite ng kabuuan ng kanilang kita.
“Alam mo yun yung mas fair na approached sa taxation dahil yung VAT ay consumption tax yan. Halimbawa, kung ikaw ay natataasan huwag kang bumili, ibaba mo yung consumption mo. Mababawasan yung bayad nung isa sa VAT wherein sa Income Tax ngayon hindi po fair dahil profited yung income at yung tinatamaan talaga diyan yung mga fix income earners Pero yung mga professionals diyan na hindi nagde – declare ng income ay nakakalusot. Tapos yung mga malalaking negosyante, malalaking tao hindi naman dine – declare ang kanilang individual income tax wala naman silang mga paraan para mabawasan ang pagbayad ng buwis,” bahagi ng pahayag ni Dee sa panayam ng Veritas Patrol.
Batay naman sa Department of Finance na sa pagpapatupad sa mga bawas na singil sa buwis ay pagkabawas din sa kita ng gobyerno na aabot umano sa P158 hanggang P222 bilyon sa unang taon ng implementasyon nito.
Sa katuruan ng Simbahang Katolika kinakailangan na magkaroon ng sapat na pagpapatupad ng presyo ng mga bilihin na abot–kaya ng mga mahihirap.
