2,478 total views
Tiniyak ni House Speaker Martin Romualdez ang paglalaan ng naangkop na pondo para sa ‘specialty centers’ sa pagtatag ng regional hospitals at mailapit ang mga serbisyong medikal sa mamamayan, lalo na sa mga mahihirap.
Ito ang pahayag ni Romualdez makaraan na ring lagdaan bilang batas ng Pangulong Ferdinand Marcos Jr. ang Republic Act (RA) 11959, o ang Regional Specialty Centers Act.
Hindi naman nakatitiyak ang pinuno ng kamara kung kabilang na ang bagong batas sa panukalang P5.768-trillion national budget para sa 2024 lalo’t naunang naisaayos ang pambansang pondo bago pa man nilagdaan ang batas.
“In any case, we in the House will ensure that the necessary initial appropriations are allocated for the implementation of the law and the setting up, equipping, and staffing of the special medical care units in regional hospitals.” ayon pa kay Romualdez.
Sa kasalukuyan ay nagsasagawa na ng pagsusuri ang committee on appropriations sa panukalang pondo sa taong 2024.
“Once these special care facilities are established, people in the provinces, in rural areas, no longer need to travel to Metro Manila to receive specialized treatment and care. They will be spending less on transportation and other related costs. We are bringing the centers closer to our people.” dagdag pa ng mambabatas.
Karamihan sa mga specialty hospitals ay matatagpuan sa Metro Manila- Heart Center, Kidney Center, Lung Center, Children’s Medical Center, at Orthopedic Hospital.
