813 total reads
Ito ang inihayag ng LASAC matapos magdulot ng pangamba sa mga residente ng Batangas at Cavite ang pagkulog at pagkidlat na naganap kagabi na inaakalang muling nagligalig ang bulkang Taal.
Magugunitang noong ika-12 ng Enero nang nakaraang taon, nagsimulang maganap ang phreatic eruption mula sa bulkang Taal na nagdulot din ng pagkulog at pagkidlat katulad nang naganap kagabi.
Paglilinaw naman ng Philippine Institute of Volcanology and Seismology na ito’y hindi indikasyon ng muling pagputok ng bulkang Taal kundi isolated Thunderstorms lamang.
Samantala, batay sa ulat ng ahensya, walang naitalang volcanic earthquake sa nakalipas na 24 na oras.
Paliwanag ng PHIVOLCS, mayroong naganap na upwelling sa main crater ng bulkan na lumikha ng makapal na usok na may taas na isang kilometro, gayundin ang marahang pamamaga sa paligid ng bulkang Taal magmula nang ito’y sumabog noong Enero 2020.
Nangangahulugang ito’y indikasyon ng patuloy na pagliligalig ng magma sa di kalalimang bahagi ng bulkan.
Kasalukuyan pa ring nakataas sa alert level 2 ang bulkang Taal kaya patuloy na ipinapaalala ng PHIVOLCS ang mahigpit na pagbabawal sa pagpasok sa Taal Volcano Island o Permanent Danger Zone.
