9,289 total reads
Nananatili bilang ika-2 pinakamahusay na unibersidad sa Pilipinas ang Pontifical and Royal University of Santo Tomas (UST).
Ito ang lumabas sa pinakahuling Times Higher Education (THE) Asia University Rankings 2026.
“University of Santo Tomas is still the country’s top University with international outlook while also remaining as the No. 2 best school in the country in the Times Higher Education (THE) Asia University Rankings.” Ayon sa pamunuan ng UST.
Sa datos, nananatili ang UST sa bracket na 601–800 matapos makakuha ng kabuuang puntos na nasa pagitan ng 23.3 hanggang 30.8.
Batay sa ulat, nakapagtala ang unibersidad ng 27.4 sa Teaching, 12.2 sa Research Environment, 26.9 sa Research Quality, 21.1 sa Industry, at 59.5 sa International Outlook.
“THE Asia University Rankings 2026 assessed 929 universities in terms of research, teaching, knowledge transfer, and international outlook.” Bahagi ng ulat ng UST.
Umabot sa 929 ang bilang na mga unibersidad na sinuri ng Asia University Rankings sa buong Asya, batay sa iba’t ibang pamantayan kabilang ang pananaliksik, pagtuturo, kaalaman sa industriya, at pandaigdigang ugnayan.
Itinatag ang UST noong April 28, 1611 bilang Colegio de Nuestra Senyora del Santisimo Rosario na kalaunan ay tinawag na Colegio de Santo Tomas bilang pag-alala kay St. Thomas Aquinas.
Taong 1645, idineklara ni Pope Innocent the 10th na Unibersidad ang pamantasan na kalaunan taong 1785 ay ginawaran ng titulong “Royal University” ni King Charles the 3rd ng Espanya.
Taong 1902 ng binigyan naman ng titulong “Pontifical University” ni Pope Leo the 13th ang unibersidad kung saan taong 1947 naman ng ginawaran ni Pope Pius the 12th ng titulong “The Catholic University of the Philippines” ang UST.
Bukod sa mayamang kasaysayang nasaksihan ng UST ay marami na ring mga kilalang personalidad ang nakabisita sa paaralan tulad ng mga Santo Papa at ni Mother Teresa, kung saan ang pinakahuli ay si Pope Francis sa kanyang naging pagbisita sa Pilipinas noong Enero ng taong 2015.
