7,298 total reads
Inaanyayahan ng Diocese of Baguio ang lahat ng pari at mananampalataya na makilahok sa darating na Oktubre 7, 2025, sa isang Prayer March at Holy Mass laban sa katiwalian.
Ayon kay Bishop Rafael Cruz ng Baguio, tungkulin ng Simbahan na manguna sa pagtutol laban sa kasamaan at katiwalian bilang mga tapat na tagasunod ni Kristo.
“It is the moral obligation of the Church to spearhead the battle against evils in the world. This is the reason why our Lord Jesus Christ came into this world. He fought the evils not by evil ways however, but by His prayerful union with His Father and the Holy Spirit and He was victorious!” ayon sa inilabas na pahayag ng diyosesis sa kanilang official Facebook account.
Giit pa ng Obispo, muling naaapi ang Pilipinas ng mga tiwaling indibidwal na sumasamantala sa yaman ng bansa, habang ang nakararami ay nagdurusa sa gutom at kahirapan
Ayon kay Bishop Cruz; “While these pillagers wallow in their selfish ways, our people whom they deprive drown and die of hunger and sickness. This is un-Christian! This is un-Filipino!”
Dahil dito, magsasagawa ang mga pari at mananampalataya sa Diocese of Baguio, ng isang Prayer March bilang panawagan sa biyaya ng Diyos para sa pagbabago ng mga sakim at walang malasakit, at para sa pagtataguyod ng mas makatarungang Pilipinas.
Magsisimula ang Prayer March sa Baguio Convention Center alas-8 ng umaga, at susundan ito ng Holy Mass sa Baguio Cathedral of Our Lady of the Atonement.”
Prayer March at Misa kontra korapsyon, gaganapin sa Baguio.
Hinimok din ni Bishop Cruz ang mga katolikong paaralan na makilahok, kahit online at magsuot ng puting damit na sumisimbolo sa malinis na hangarin para sa buong bansa.
“Those who will attend in person or via Facebook Live should wear white to emphasize the purity of our intentions. God is our only Hope,” ayon pa kay Bishop Cruz.
Binigyan-diin ng obispo, sa pamamagitan ng panalangin, sama-sama nating labanan ang katiwalian at ipakita ang tunay na pagmamahal sa kapwa at integridad sa ating lipunan.
Una na ring isinagawa sa Metro Manila at iba pang mga lalawigan ang kabi-kabilang kilos-protesta kontra katiwalian kaugnay na rin sa usapin ng ghost at substandard flood control projects ng pamahalaan na nagsasangkot din sa ilang opisyal ng goybyerno, mga mambabatas at mga kontraktor.
