8,142 total reads
Nababahala ang ‘SENTRO ng mga Nagkakaisa at Progresibong Manggagawa’ at women’s organization na ‘Coalition Against Trafficking in Women–Asia Pacific’ o CATW-AP sa lumalawak na militarization sa bansa kasunod ng mga missile deployment at war exercises ng Pilipinas kasama ang Estados Unidos at Japan.
Ayon sa mga grupo, mapanganib ang pagpapalawak ng mga katulad nakakabahala na military activities kabilang ang pagdaraos ng nga anti-ship missiles at deployments ng advanced missile systems sa Northern Luzon na bahagi ng Balikatan Exercises 2026 dahil mas inilalapit nito ang Pilipinas sa tensyon sa pagitan ng malalaking bansa sa mundo.
Ayon kay SENTRO Secretary General Josua Mata na sa gitna ng nararanasang kawalan ng trabaho, pagtaas ng presyo ng mga bilihin, contractualization at iba pang suliraning panlipunan ay hindi dapat unahin ng pamahalaan ang pagpapalawak ng sandatahang lakas kung saan binigyang-diin din na mas mahalaga para sa mga manggagawa ang trabaho, sapat na sahod, serbisyong panlipunan at climate resilience.
““At a time when workers are suffering from unemployment, soaring prices, contractualization, and worsening social insecurity, it is unacceptable that the country is being pushed further into a regional arms buildup,” said Josua Mata, Secretary General of Sentro mga Nagkakaisa at Progresibong Manggagawa (SENTRO). “The Filipino working class must not become cannon fodder in an inter-imperialist rivalry that serves neither our sovereignty nor our people’s welfare,” ayon sa mensahe ni Mata na pindala ng SENTRO sa Radyo Veritas.
Nagbabala rin si Jean Enriquez ng CATW-AP na may kaakibat na panganib para sa kababaihan at mga bata ang militarisasyon kabilang ang trafficking, sexual exploitation, displacement at iba pang anyo ng karahasan sa mga komunidad na naaapektuhan ng tensyon militar.
Iginiit ng mga grupo na bagama’t mahalagang ipagtanggol ang soberanya ng bansa sa West Philippine Sea ay hindi dapat mauwi ito sa higit pang military escalation o gawing sentro ng digmaan ang Pilipinas, nanawagan din ang mga ito para sa mas malinaw na transparency at accountability sa mga kasunduan at deployment ng dayuhang militar sa bansa.
“The West Philippine Sea must not become a missile theater for escalating geopolitical conflict,” the groups said. “We reiterate the call for the demilitarization of the West Philippine Sea and the broader region, and oppose military escalation by all major powers,” ayon naman sa mensahe ni Enriquez na pinadala ng SENTRO sa Radyo Veritas.
Kaugnay nito, patuloy namang isinusulong ng Simbahang Katolika ang kahalagahan ng kapayapaan, dignidad ng tao at dayalogo bilang pangunahing landas sa pagresolba ng mga sigalot, alinsunod sa panawagan ni Pope Leo XIV na pairalin ang pagkakaisa at makataong seguridad sa gitna ng pandaigdigang tensyon.
