4,713 total reads
Umabot sa 2,134 na pamilya ang napamahagian ng tulong sa relief distribution na idinaos ng Caritas Manila para sa nasasakupan ng Nuestra Señora De La Soledad Parish,Binondo Manila.
Ang natulungan mga pamilya ay biktima ng sunog sa Parola Gate 46 hanggang 58.
Ipinamahagi ng Caritas Manila ang Manna bags na naglalaman ng tig-sampung kilong bigas, asukal, asin, monggo beans, bihon, canned goods at iba pang pangunaging pangangailangan ng mga nasunugan.
Ayon kay Nicole Mactal ng Caritas Manila Damayan-Cadamay Program, handa sa anumang pagkakataon ang Social Arm ng Archdiocese of Manila na tugunan ang pangangailangan ng mga Pilipinong nabibiktuma ng anumang uri ng kalamidad
“Sa lahat po ng pamilyang naapektuhan ng sunog, Ang Caritas Manila po ay taos-pusong nakikiisa at nananalangin sa inyo sa gitna ng pagsubok na ito. Nawa’y makatagpo kayo ng lakas at pag-asa upang muling makabangon. Sa tulong ng pananampalataya at pagkakaisa, malalampasan natin ang pagsubok na ito,” ayon sa mensaheng pinadala ni Mactal sa Radyo Veritas.
Ipinapaalala din ng Caritas Manila na manatiling matatag at manalangin sa Panginoon sa oras ng pagsubok.
