143 total views
Inilunsad ng Philippine Coast Guard (PCG) Chaplain Service ang tatlong araw na “I LOVE PCG Course” para sa 29 na tauhan ng Coast Guard Weapons, Communications, Electronics, and Information Systems Command o CGWCEISC.
Layon nitong patatagin ang pagpapahalaga, dedikasyon sa tungkulin at diwa ng paglilingkod ng mga miyembro ng PCG.
Nakatutok ang kurso sa paghubog ng mga pinuno at kasapi ng PCG at upang mapatatag din ang pagmamahal sa bayan, integridad, at pananampalatayang nagsisilbing gabay sa kanilang serbisyo.
Tinalakay sa pagsasanay ang tatlong pangunahing haligi ng programang “I LOVE PCG” na ng pagmamahal sa kapwa, pagmamahal sa bayan, at pagmamahal sa Diyos.
“The Coast Guard Ecumenical Chaplain Service (CGECS) successfully conducted the three-day “I LOVE PCG Course” Class 61–2026 on 25–26 and 28 May 2026 at the Our Lady of Peace and Good Voyage Chapel, Coast Guard Base Farola, Manila. Twenty nine (29) personnel from the Coast Guard Weapons, Communications, Electronics, and Information Systems Command (CGWCEISC) completed the course, The program was designed to reinforce the core values, commitment, and sense of mission of Coast Guard personnel, while cultivating servant-leaders who embody professionalism, integrity, and faith-driven service,” ayon sa mensahe ng PCG Chaplain Service.
Nagtapos ang programa sa isang graduation ceremony kung saan ginawaran ng certficates at “I LOVE PCG” badge ang mga nagsipagtapos
Hinimok ni PCG-Chaplain Service Deputy Commander Captain Father Francis Ariel Sualog ang mga uniformmed personnel ng hanay na isabuhay ang diwa ng “Mabuhay” sa pamamagitan ng pagsusulong sa sarili at sa kapwa ng pag-asa, pagkakaisa, pagmamahal sa bayan, at tapat na paglilingkod sa sambayanang Pilipino.(JM)
“Through programs such as the “I LOVE PCG Course,” CGECS remains committed to supporting the Philippine Coast Guard in developing competent, values-driven, and mission-focused personnel who exemplify Honor, Respect, and Devotion to Duty,” ayon pa sa mensahe ng PCG Chaplain Service.
Ayon kay Pope Leo XIV mahalaga higit na sa panahon ngayon ang paghubog sa mga lingkod-bayan na taglayin ang integridad, malasakit sa kapwa, at matibay na pananampalataya upang maisulong ang makatao at makatarungang paglilingkod sa lipunan.
