Mahinang political party system, dahilan ng pagkakapanalo ng mga popular sa halalan

Mamamayan, hinimok na maging volunteer ng PPCRV

 1,239 total views

Hinikayat ni Presidential Adviser on Peace, Reconciliation, and Unity Secretary Mel Sarmiento ang publiko na makiisa bilang mga volunteer ng Parish Pastoral Council for Responsible Voting (PPCRV) upang makatulong sa pagtiyak ng isang mapayapa, malinis, at kapani-paniwalang Parliamentary Elections sa Bangsamoro Autonomous Region in Muslim Mindanao (BARMM).

Sa kanyang mensahe, binigyang-diin ni Sarmiento ang mahalagang papel ng mga PPCRV volunteers sa pangangalaga sa integridad ng halalan at pagtitiyak na magiging katanggap-tanggap sa mamamayan ang magiging resulta ng botohan.
“Sa PPCRV po, napakahalaga po ng mga volunteers natin. Sinasabi nating credible elections is very important for us to be able to ensure na yung resulta matanggap ng ating mga mamamayan. Kapag credible po ang election, sigurado, yung ating mga mamamayan tatanggapin ang magiging resulta ng eleksyon,” Bahagi ng pahayag ni Sarmiento.

Hinimok din ng kalihim ang mas marami pang mamamayan na maglaan ng panahon upang maging bahagi ng PPCRV at tumulong sa pagbabantay sa halalan upang matiyak na ang mga mahahalal na opisyal ay tunay na napili ng taumbayan.

“Kung pwede ho marami kayong mag-volunteer, tumulong po kayo sa PPCRV para po masiguro natin ang isang eleksyon ay walang duda, na ang pipiliing mga opisyal ay talagang pipiliin ng mga mamamayan sa BARMM,” Dagdag pa ni Sarmiento.

Ayon pa kay Sarmiento, mahalaga ring maturuan ang mga botante na pumili ng mga karapat-dapat na kandidato dahil ang mga ihahalal na miyembro ng Bangsamoro Parliament ay may malaking pananagutan sa pagbuo ng mga polisiya at pagpapatupad ng mga programang magpapabilis sa pag-unlad ng rehiyon.

“Tumulong po tayo sa pag-educate ng ating mga botante na piliin ang nararapat na mga magiging mambabatas… Tulungan niyo po ang PPCRV. Mahalaga po ang isang credible elections,” Ani Sarmiento.

Inaanyayahan naman ng PPCRV ang lahat ng nais maglingkod bilang volunteer na makipag-ugnayan sa pinakamalapit na parokya upang maging bahagi ng pagbabantay sa kauna-unahang Parliamentary Elections sa BARMM.

Paalala ng Simbahang Katolika, ang pakikilahok ng bawat mamamayan sa malinis at tapat na halalan ay isang kongkretong pagsasabuhay ng pananagutan sa kabutihang panlahat.

Sa pamamagitan ng PPCRV, patuloy na isinusulong ng Simbahan ang katotohanan, integridad, at pananagutan sa demokratikong proseso upang matiyak na ang tinig ng bawat botante ay mapangangalagaan.

Mahinang political party system, dahilan ng pagkakapanalo ng mga popular sa halalan

 1,591 total views

Naniniwala si political analyst Prof. Edmund Tayao na hindi lamang kakulangan sa kaalaman ng mga botante ang dahilan kung bakit madalas na nauuwi sa popularidad ang pagpili ng mga kandidato sa halalan.
Sa panayam sa Veritas Pilipinas, sinabi ni Tayao-President and CEO ng Political Economic Elemental Researchers and Strategist, malaking salik ang umiiral na sistema ng pulitika sa bansa, kung saan mahina ang mga political party at mas nakasentro ang halalan sa personalidad ng mga kandidato kaysa sa malinaw na plataporma at programa.
“Pero ako kasi, hindi ako naniniwala sa… simple lang eh. Ang aking reference palagi yung tinatawag na operant conditioning. So ibig sabihin, kapagka ano yung nakikita ng tao, yun ang gagawin niya,” ayon kay Tayao na isa ring lecturer ng San Beda School of Law.

Dagdag pa ng eksperto, “Sa totoo lang, hindi natin binigyan ng pansin ito. Yun lang ating batas ng eleksyon, itong Omnibus Election Code, 1942 legislation pa po ito. Nirepaso ito ng 1985, can just imagine, two years before the 1987 Constitution. And since then, hindi na ito ulit tiningnan. At dinagdagito ko kasi pagtingnan po ninyo yung batas, pagtingnan mo yung definition ng political party, napakapayat ng definition ng political party. It’s just an aggregation of people running for office. In other words, it’s just an election vehicle.”

Ipinaliwanag niya na sa maraming bansa, ang mga political party ang nagsisilbing gabay sa mga botante dahil sila ang nagtataguyod ng mga polisiya at naghahanda ng mga lider.

Dahil dito, mas nagiging mahalaga ang pagkilala ng publiko sa isang kandidato, kabilang ang kasikatan, pangalan, o imahe sa publiko, kaysa sa kanyang kakayahan at karanasan sa pamamahala.

Gayunman, sinabi ni Tayao na hindi dapat maliitin ang mga botante dahil may mga senyales na nagbabago ang kanilang pagpili sa paglipas ng panahon.

‘Ako I remain optimistic because if we remember what happened in the last midterm election, we weren’t expecting that that will be the result. “

Aniya, kung susuriin ang kasaysayan ng halalan matapos ang 1987 Constitution, makikitang nagbabago rin ang mga kandidatong nagwawagi—mula sa mga propesyonal at personalidad na sumikat matapos ang EDSA Revolution, patungo sa mga artista, dating opisyal ng militar, at mga negosyante.

Ipinapakita rin aniya nito na may kakayahan ang mga botante na magbago ng pananaw depende sa kalagayan at pangangailangan ng bansa.

Binigyang-diin din ni Tayao na mahalagang palakasin ang sistema ng pamahalaan at mga institusyon upang magkaroon ng mas makabuluhang pagpili ang mga mamamayan.

Ayon sa kanya, hangga’t nananatiling mahina ang political party system sa bansa, mananatiling nakatuon ang halalan sa personalidad kaysa sa mga polisiya at pangmatagalang solusyon.

“Kaya ko po binabanggit lahat ng ito kasi at the end of the day, until we change the system of government, we will tend to be voting the same people over and over again,” ayon pa kay Tayao.

Gayunman, umaasa siyang makikita ang panibagong pagbabago sa ugali ng mga botante sa mga susunod na halalan, kabilang ang 2028 national elections.

Paliwanag pa ni Tayao, “But our team, ourselves, hindi lang namin pinapublicize, we are also keeping tab of how things are on the ground. But there are critical changes that are happening. Pero siguro hintayin natin hanggang towards the end of the year, and then we can already see some pattern. As it is right now, I’m inclined to think, eh masyadong maaga yung mga survey na yan, kasi sa totoo lang, ang sinusundan natin itong deklarasyon ng pangalawang Pangulo na tatakbo bilang Pangulo.”