321 total views
Hinamon ng Catholic Bishops Conference of the Philippines – Episcopal Commission on Migrants and Itinerant Peoples ang pamunuan ng Ninoy Aquino International Airport na imbestigahan ang anomalya sa likod ng “tanim laglag – bala scheme.”
Nanawagan si Rev. Fr. Resty Ogsimer, executive secretary ng CBCP–ECMI NAIA General Manager Jose Angel Honrado na siguruhin nito na hindi na muulit ang ganitong pangyayari.
“At kung totoong dumaan sila sa machine sa una sa screening palang you should intersecting dun palang sa una. Bakit sa final check? May pattern na laging iisipin yung passenger para kung ano mang uri ng pangingikil. Very obvious yung pattern na may anomalya diyan na nangyayari. Hindi na ito nakakatuwa akala namin all the while na humupa na ito at na resolved na ito. Panawagan kay Honrado kung talagang sincere siya na ayusin ang pagpapatakbo ng ating mga paliparan na hindi na ito mangyari pa ulit,” bahagi ng pahayag ni Fr. Ogsimer sa panayam ng Veritas Patrol
Ikinalulungkot ni Father Ogsimer ang pagpigil sa isang 75-taong-gulang na lola na makabiyahe matapos makitaan ng bala sa kanyang bag sa NAIA Terminal 1.
Papuntang Amerika sana ang lola para magpagamot.
“Nakakapanlumo dahil itong victim na ito who is very vulnerable kasi description ng anak farmer lang sila and then paano sila magdadala nung bagay na makaka – perwisyo sa kanilang trip,” giit pa ng pari sa Radyo Veritas.
Sa ngayon ay nangako naman si Fr. Ogsimer na tutulong sila upang ibasura ng Department of Justice ang kaso na isinampa laban sa matandang nahulihan ng bala.
Sa tala naman ng Philippine National Police Aviation Security Group umabot na sa 105 ang na bilang ng mga kaso ng tanim bala na naitala mula Enero hanggang Nobyembre noong nakaraang taon.
