1,002 total views
Pinangunahan ni NASSA/Caritas Philippines national director Nueva Caceres Archbishop Rolando Tria Tirona at Legazpi Bishop Joel Baylon ang pagsisimula ng 3-day 1st National Caritas Humanitarian Response Summit sa Legazpi City,Albay.
Ang summit ay dinaluhan ng 70-Social Action Center Directors ng Simbahang Katolika,Caritas Manila, Quiapo Church kasama ang apat na Caritas Internationalis member organization, ibat-ibang non-governmental organizations gayundin ang local government unit ng Albay, Sorsogon at Masbate.
Binigyan diin ni Archbishop Tirona na napakahalaga ng summit upang maging handa ang ibat-ibang social arms ng Simbahang Katolika sa larangan ng disaster preparedness,pagtugon sa pangangailangan ng mga apektadong mamamayan at pagtulong sa recovery at rehabilitation ng mga sinalanta ng man made at natural calamities sa ibat-ibang panig ng bansa.
Ayon kay Archbishop Tirona,kailangang maging prepared ang Simbahan sa pananalasa ng kalamidad at pagtulong sa kapwang nangangailangan.
Inihayag ng Arsobispo na napakahalagang magsama-sama at magkaroon ng kaalaman ang ibat-ibang institusyon ng Simbahan,mamamayan,mga NGOs at mga local government units kung paano kikilos at tutugon sa pananalasa ng sakuna.
“Alam natin na maging handa lalo na papasok ang la Niña, kailangang maging handa tayo, huwag nating sabihin na sanay na tayo sa mga bagyo,disaster.Kkailangan nating maging prepared na tumulong sa kapwa,kailangan nating magsama sama, makiisa sa pagtulong. Napakahalaga na meron tayong kaalaman kung paano tayo kikilos sa mga sakuna,” pahayag ni Archbishop Tirona sa Radio Veritas.
Palalakasin din sa summit ang Alay Kapwa program ng Simbahan.
Isasapinal sa summit ang sustainability road map ng Simbahan para sa mga mamamayang apektado ng sakuna.
