863 total reads
Pumanaw na ang pinakamatandang obispo sa Pilipinas na si Legazpi Bishop-emeritus Jose Sorra sa edad na 91.
Humiling naman ng panalangin sa mananampalataya ang Diyosesis ng Legazpi para sa kapayapaan ng kaluluwa ni Bishop Sorra.
Ipinabatid ng diyosesis ang pagpanaw ng obispo ngayong umaga araw ng Huwebes, January 21 dahil sa ‘respiratory failure’.
Si Bishop Sorra ay unang itinalagang obispo sa Diyosesis ng Virac noong Mayo 1974 at makalipas ang halos dalawang dekadang pamumuno ay itinalaga naman bilang obispo ng Legaspi noong Marso 1993 hanggang sa magretiro noong 2005.
Sa pagpanaw ni Bishop Sorra, si Catarman Bishop-emeritus Angel Hobayan na ang pinakamatandang obispo sa bansa sa edad na 91- taong gulang.
Base sa Catholic Hierarchy website, may 154 na obispo ang Pilipinas kabilang na ang mga Filipinong obispo na naglilingkod sa tanggapan at bilang kinatawan ng Holy See sa iba’t ibang panig ng mundo.
