350 total views
Umapela ang Caritas Philippines sa puso ng bawat Pilipino na isabuhay ngayong panahon ng sakuna ang pagkakawanggawa upang matulungan ang mga pamilyang naapektuhan ng ash fall mula sa bulkang Mayon.
Sa pinakabagong inisyatibo ay idinadaos ang donation drive ng Social Arm ng Catholic Bishops’ Conference of the Philippines upang matulungan ang mga pamilyang naapektuhan ang tahanan at kabuhayan.
“Thousands of families are affected as Mayon Volcano continues to threaten communities in Albay with ashfall, volcanic earthquakes, lava flow, and lahar,” ayon sa mensahe ng Caritas Philippines.
Sa datos ng Caritas Philippines ayon sa mga nakalap mula sa Department of Social Welfare and Development ay umabot sa 280-thousand na indibidwal na katumbas ng may 69-libong pamilya ang nasalanta ng pagsabog ng Bulkang Mayon.
Nanatili din sa mga evacuation centers ngayong ang may 1,300 na pamilya kung saan layuning makapagpamahagi ng mga pangunahing pangangailangan katulad ng pagkain at iba pang kagamuitan.
“Behind every number is a family forced to leave their homes and rebuild from uncertainty. In this difficult time, your generosity can bring food, shelter, and hope to those in need,” bahagi pa ng mensahe ng Caritas Philippines.
Sa panahon ng kalamidad ngayon, una ng umapela si Borongan Bishop Crispin Varquez sa mga Pilipino nang pagkakaisa upang higit na mapaigting ang pagtugon sa pangangailangan ng mga Pilipinong Biktima ng pagsabog ng Bulkang Mayon at lindol sa Eastern Samar.
