Kasalukuyang nasa Indonesia ang Kanyang Kabanalan Francisco sa pagsisimula ng kanyang ika – 45 Apostolic Journey.
Dumating ang santo papa sa Jakarta Soekarno-Hatta International Airport lulan ng papal flight ng ITA-Airways kasama ang ilang mamamahayag.
Kabilang sa delegasyon si Filipino Cardinal Luis Antonio Tagle ang Pro Prefect ng Dicastery for Evangelization ng Vatican.
Bagamat tatlong porsyento lamang o walong milyon ang katoliko sa Indonesia makabuluhan ang pagbisita ni Pope Francis lalo na sa isasagawang interreligious meeting sa Istiqlal Mosque gayundin sa Tunnel of Friendship.
Makipagpulong din ang santo papa kay Indonesia grand imam Nasaruddin Umar na dadalo sa interfaith gathering gayundin ang pagdiriwang ng banal na misa sa Gelora Bung Karno Stadium complex kung saan tinatayang 80-libo ang inaasahang dadalo.
Nagagalak din si Jakarta Archbishop Cardinal Ignatius Suharyo Hardjoatmodjo sa pagbisita ni Pope Francis ang ikatlong santo papa na dumalaw sa bansa mula kay St Pope Paul VI noong 1970 at St. Pope John Paul II noong 1989.
Binigyang diin ng cardinal na napapanahon ang motto ng papal visit na ‘Faith, Fraternity, Compassion’ dahil sa magkakaibang pananampalataya, kultura at tradisyon ang mamamayan ng Indonesia.
Ito na ang pinakalamayo at pinakamahabang paglalakbay ni Pope Francis dahil sa loob ng 12 araw kung saan bukod sa Indonesia ay kabilang din sa Asia Pacific journey ng pinunong pastol ng mahigit isang bilyong katoliko ang mga bansang Papua New Guinea, Timor Leste, at, Singapore.
Binigyan ng Alyansa Tigil Mina (ATM) ng pinakamababang marka ang administrasyon ni Pangulong Ferdinand Marcos, Jr. sa usapin ng pagmimina, kasabay ng ikalimang State of the Nation Address (SONA) ngayong araw.
Ito’y dahil sa agresibong pagsusulong ng mga polisiyang magpapalawak sa pagmimina nang walang malinaw na pambansang plano sa industriyalisasyon at sapat na pangangalaga sa kalikasan.
Ayon sa ATM, nakababahala ang nakatakdang pag-apruba ng Critical Minerals Framework, na anila’y magbubukas ng mas maraming pagmimina ng nickel, copper, at cobalt nang hindi man lamang isinailalim sa konsultasyon ang mga maaapektuhang komunidad at mga makakalikasang grupo.
“On this fifth State of the Nation Address (SONA), Alyansa Tigil Mina (ATM) registers its dismay over the wrongful and aggressive promotion of destructive mining by the administration of President Bongbong Marcos, Jr.,” pahayag ng ATM.
Nagpahayag din ng pangamba ang grupo sa kasunduang isinulong ng pamahalaan sa ilalim ng Pax Silica, kung saan isasama ang yamang mineral ng Pilipinas sa global high-tech supply chain ng Estados Unidos sa kabila ng mga naitalang paglabag sa batas at pinsalang pangkalikasan na inuugnay sa ilang kumpanya ng pagmimina.
Ayon sa ATM, wala ring malinaw na Philippine Industrialization Plan na magtatakda kung anu-anong mineral ang tunay na kailangan ng bansa at kung paano ito dapat gamitin para sa pambansang kaunlaran.
Nangangamba ang grupo na humantong lamang ito sa patuloy na pagkamkam sa likas na yaman at pagkasira ng mga kagubatan at mahahalagang ecosystem.
“Government officials have been quick to defend Pax Silica against the alleged environmental issues raised but have provided no definitive, specific details. Like many other regulatory functions of government, Pax Silica supporters have very few specific mitigation measures to show,” saad ng ATM.
Bukod dito, binigyang-diin ng ATM ang lumalalang pagputol ng mga puno sa iba’t ibang bahagi ng bansa, gayundin ang paglawak ng black sand mining at seabed quarrying na nagdudulot ng pinsala sa mga ilog, baybayin, at yamang-dagat dahil sa kakulangan ng mahigpit na regulasyon.
Iginiit din ng grupo na dapat ding tutukan ng pamahalaan ang katiwalian sa industriya ng pagmimina, matapos ilabas ng ATM ang isang pag-aaral na nag-uugnay sa ilang political dynasty at mining corporations, na nagpapahina sa pagpapatupad ng mga batas at sa pangangalaga sa karapatan ng mga komunidad na apektado ng pagmimina.
“This connivance between political families and industrial elites fuels regulatory capture and the failure of government to effectively regulate the mining industry,” saad ng ATM.
Nanawagan si House Speaker Faustino Dy III sa mga Pilipino na muling isabuhay ang mga pangunahing pagpapahalagang Pilipino bilang susi sa mas matatag at maunlad na bansa.
Sa pagbubukas ng 2nd Regular Session ng 20th Congress, sinabi ni Speaker Dy na hindi lamang mga batas at programa ang kailangan upang umunlad ang bansa, kundi maging ang pagpapatibay ng malasakit, paggalang, pananampalataya, at bayanihan.
Ayon sa Speaker, nananatiling pinakamalaking lakas ng Pilipinas ang mabuting pagkatao at pagkakaisa ng mga mamamayan, kaya’t mahalagang mapanatili ang pagmamalasakit sa kapwa sa gitna ng iba’t ibang hamon.
“However, more importantly, for our country to really move forward, we must never lose sight of what has always been our greatest strength: our Filipino core values. Ito ang ating lakas, ang tunay na kayamanang dapat nating pangalagaan at ipagmalaki,” bahagi ng talumpati ni Dy.
Hinikayat din niya ang bawat Pilipino na huwag magsawang umunawa, tumulong, at magmahal sa bayan, kasabay ng panawagang patuloy na isabuhay ang diwa ng bayanihan.
Dagdag pa ng pinuno ng Kamara, “Ang pinakamalaking panganib po ay kapag hinayaan nating mawala ang ating mga pagpapahalaga at pagkalinga sa isa’t isa. When we stop caring for our fellow Filipino.”
Nanawagan si Speaker Dy sa mga magulang, guro, kabataan, manggagawa, negosyante, opisyal ng pamahalaan, at sa bawat mamamayan na gampanan ang kanilang tungkulin nang may katapatan, pananagutan, at malasakit.
Binigyang-diin niya na ang tunay na pagbabago ay nagsisimula sa bawat isa, at ang sama-samang pagkilos ang magiging pundasyon ng mas matatag na kinabukasan ng bansa.
“We are all accountable. To ourselves, and to each other. Ito po ang mga magandang halimbawa ng pagbabagong magsisimula sa ating lahat.
Mahigpit na proteksyon laban sa fake news at online threats
Isinusulong din ni Dy ang mas mahigpit na pangangalaga laban sa maling impormasyon at mapaminsalang nilalaman sa internet, kasabay ng panawagang maging mapanuri ang publiko sa paggamit ng social media.
Sa pagbubukas ng sesyon, sinabi ni Speaker Dy na nananatiling prayoridad ng Kamara ang kaligtasan ng mga Pilipino, lalo na ng kabataan, sa digital space.
Nagbabala rin ang lider ng Kamara sa lumalalang pagkalat ng fake news at disinformation na nagiging sanhi ng pagkalito, alitan, at pagkakahati-hati ng lipunan.
Ayon kay Speaker Dy, mahalagang pairalin ang katotohanan, tamang impormasyon, at bukas na pag-iisip upang mapanatiling matatag ang demokrasya.
“Huwag po sana nating hayaan na ang ingay ng social media ang humubog sa ating paniniwala. Pairalin natin ang katotohanan kaysa fake news, pag-unawa kaysa galit, at pagkakaisa kaysa pagkakahati-hati. Ang demokrasya po ay nananatiling matibay kapag ang mamamayan ay may sapat na kaalaman at bukas na pag-iisip.”bahagi ng talumpati ni Dy.
Kabilang sa mga panukalang isinulong ng Kamara ang Digital Media Anti-False Information Act, Child Online Safety and Protection Act of 2026, at ang Children’s Social Media Safety Act na naglalayong higpitan ang paggamit ng social media ng mga batang wala pang 13 taong gulang.
Umaasa rin ang pinuno ng kamara na maisama ang naturang panukala sa mga prayoridad ng Legislative-Executive Development Advisory Council o LEDAC upang mapabilis ang pagpasa nito sa Kongreso.
Ito ang unang taon ni Dy bilang speaker of the House matapos na ring magbitiw sa tungkulin si Leyte 1st District Rep. Martin Romualdez noong Sept. 17, 2025, dulot na rin ng kontrobersya sa flood control projects na inihayag naman ni Pangulong Ferdinand Marcos Jr. sa kanyang 2025 State of the Nation Address.
Ang 2nd regular session ng 20th Congress, ay dinaluhan ng 289 kongresista mula sa kabuuang 318, kabilang ang 254 congressional district at 64 partylist members.
317 naman ang aktibong miyembro ng Kamara sa kasalukuyan makaraang ma-expelled si Cavite Rep. Francisco ‘Kiko’ Barzaga noong June, 2026 dahil sa ‘disorderly behavior.’
Reyn Letran - Ibañez
Monday, July 27, 2026 12:02 pm
5,768 total views
Nanawagan si Kidapawan Bishop Jose Colin Bagaforo – chairperson ng CBCP Episcopal Commission on Interreligious Dialogue kay Pangulong Ferdinand Marcos Jr., na maging tapat sa tunay na kalagayan ng bansa ang ika-limang State of the Nation Address (SONA) sa halip na ituon lamang ang pag-uulat sa bayan sa mga nagawang proyekto ng administrasyon.
Sa kanyang pahayag na may titulong “The SONA Must Begin with the Truth,” iginiit ni Bishop Bagaforo na isa ring Convener ng InterReligious Leaders’ Council for National Transformation, na higit sa mga positibong salaysay ay nararapat marinig ng sambayanan ang mga kongkretong hakbang upang maibalik ang tiwala sa mga institusyon ng pamahalaan at maisulong ang kabutihang panlahat.
Ayon sa Obispo, ang unang dapat bigyang-diin sa talumpati ng Pangulo ay ang matatag na pangako laban sa katiwalian, na aniya’y nananatiling isa sa pinakamalaking balakid sa tunay na pag-unlad ng bansa.
“Corruption remains one of the greatest obstacles to genuine development. It deprives communities of quality education, health care, social protection, disaster preparedness, and other essential services,” Bahagi ng pahayag ni Bishop Bagaforo.
Iginiit din ng Obispo na dapat papanagutin ang lahat ng opisyal ng pamahalaan na nagkasala sa taumbayan, anuman ang kanilang posisyon o kinabibilangang partido. “Lahat ng kurakot ay dapat litisin at ikulong. Justice must be impartial and consistent, regardless of political affiliation, influence, or position.” Ayon pa kay Bishop Bagaforo.
Hinimok din ni Bishop Bagaforo ang pamahalaan na tugunan ang krisis sa kalikasan, paghihirap ng mga magsasaka, mangingisda at manggagawa, at isulong ang mga programang magbibigay ng disenteng kabuhayan at pangangalaga sa kalikasan.
Binigyang-diin din ng Obispo na ang tunay na kapayapaan ay hindi lamang nasusukat sa pagbaba ng kriminalidad kundi sa pagkakaroon ng katarungan, paggalang sa dignidad ng tao at patas na pagpapatupad ng batas.
“Peace and order cannot be measured solely by crime statistics or security operations. Genuine peace is built when people experience fairness, equal access to opportunities, respect for human dignity, and confidence that the rule of law applies equally to everyone.” Dagdag pa ni Bishop Bagaforo.
Umaasa rin si Bishop Bagaforo na magiging pagkakataon ang SONA upang pagtibayin ang paninindigan ng bansa laban sa katiwalian, pangalagaan ang kalikasan, at isulong ang katarungan at kapayapaan para sa lahat.
Bukod dito umaasa rin ang Obispo na maglalatag ng Pangulo ng malinaw na mga hakbang upang mapangalagaan ang natitirang likas na yaman ng bansa, mapalakas ang climate resilience, at maisulong ang paggamit ng malinis at renewable na enerhiya.
Paalala ng Simbahang Katolika, itinuturo ng Catholic Social Teaching na ang tunay na mabuting pamamahala ay nakaugat sa katotohanan, pananagutan, katarungan at paglilingkod sa kabutihang panlahat, lalo na para sa mga mahihirap at higit na nangangailangan.
17,742 total views Mga Kapanalig, sa pagtatapos ng pagdinig ng impeachment court sa Article 4 na may kaugnayan sa pagbabanta umano ni Vice President Sara Duterte
136,413 total views “A Filipino culture ruined by politics, of indifference, ideology, self-interest”. Kapanalig, likas sa ating mga Pilipino ang kultura ng pakikipagkapwa o pakikitungo sa
164,705 total views Kapanalig, malimit nating naririnig ang katanungang, “NASAAN ANG SIMBAHAN”? Kapag may nangyaring trahedya., sakuna., man-made calamities., kawalan ng moral na pamumuno., WHERE IS
210,637 total views Mga Kapanalig, upgraded na daw ang Pilipinas! Ayon sa World Bank, ang Pilipinas ay isa nang upper-middle income country. Ibig sabihin, lumampas na
242,876 total views Mga Kapanalig, napanood ba ninyo ang dokumentaryo tungkol sa lupang ninuno o ancestral land ng mga katutubong Aeta na ginawang tambakan ng basura
5,192 total views Hinimok ni Pope Leo XIV ang mga mananampalataya na iwaksi ang konsumerismo at muling tuklasin ang tunay na kayamanan na matatagpuan sa pakikipag-ugnayan
10,427 total views Hinimok ni Apostolic Nuncio to the Philippines, Archbishop Charles Brown, ang mga mananampalataya na maging tunay na saksi ni Hesukristo sa pamamagitan ng
6,965 total views Hinimok ni Balanga Bishop Rufino Sescon Jr. ang mga kabataan na gawing pundasyon ng kanilang buhay at misyon ang tunay na pakikipagkaibigan kay
10,616 total views Hinikayat ni Antipolo Bishop Ruperto Santos ang mga kasapi ng International Stella Maris Network na higit pang patatagin ang pagkakaisa, pagtutulungan, at malasakit
