6,764 total views
Hinamon ng Church People–Workers Solidarity (CWS) sa pamumuno ni Caritas Philippines President San Carlos Bishop Gerardo Alminaza ang pamahalaan na ibigay sa mga manggagawa ang makatarungang sahod at ligtas na lugar paggawa.
Iginiit ni Bishop Alminaza na hindi sapat ang 695-pesos na minimum wage sa National Capital Region para makapamuhay ng disente at may dignidad ang isang pamilya.
Tinukoy ng Obispo ang pag-aarral ng Ibon Foundation na 1,266-pesos ang family living wage sa NCR ng isang pamilya na mayroong limang miyembro.
“This is not merely an economic issue. It is a moral failure. Unemployment has risen to 5.8%, the highest since 2022, with hundreds of thousands of new jobs being insecure, contractual, and short-term. Work that strips dignity, denies stability, and withholds rightful benefits cannot be called just work,” ayon sa mensaheng pinadala ni Bishop Alminaza sa Radyo Veritas.
Pinangangambahan din ng Obispo na tumataas na antas ng kawalan ng trabaho na nasa 5.8%, kasunod ang patuloy na pagdami ng mga contractual employees, walang kasiguraduhang trabaho at mga ulat ng aksidente at pagkamatay sa trabaho ng mga manggagawa na nagpapakita ng kakulangan sa occupational safety at enforcement ng mga pamantayan sa paggawa.
Ipinunto rin ng Obispo ang mga suliranin panlipunan katulad ng paglabag sa karapatang pantao sa mga lider na manggagawa at ang mga insidenteng karahasan sa ilang bahagi ng bansa tulad ng Negros Occidental na nananawagan ng masusing imbestigasyon at hustisya.
Dagdag pa sa mga ito ang epekto ng tumataas na presyo ng langis at krisis sa enerhiya na lalong nagpapabigat sa mga pamilyang manggagawa.
““𝑾𝒉𝒂𝒕𝒆𝒗𝒆𝒓 𝒚𝒐𝒖 𝒅𝒊𝒅 𝒇𝒐𝒓 𝒐𝒏𝒆 𝒐𝒇 𝒕𝒉𝒆 𝒍𝒆𝒂𝒔𝒕 𝒐𝒇 𝒕𝒉𝒆𝒔𝒆 𝒃𝒓𝒐𝒕𝒉𝒆𝒓𝒔 𝒂𝒏𝒅 𝒔𝒊𝒔𝒕𝒆𝒓𝒔 𝒐𝒇 𝒎𝒊𝒏𝒆, 𝒚𝒐𝒖 𝒅𝒊𝒅 𝒇𝒐𝒓 𝒎𝒆.” —𝐌𝐚𝐭𝐭𝐡𝐞𝐰 𝟐𝟓:𝟒𝟎. The Gospel of Work reminds us: the calloused hands of workers are sacred. They build our homes, sustain our communities, and participate in God’s ongoing creation. Our faith cannot remain within church walls. It must walk with workers, listen to their cries, and act for justice.,” ayon pa sa mensahe ni Bishop Alminaza na pinadala sa Radyo Veritas.
Ipinaalala ng Obispo sa pamahalaan ang mga katuruan ng simbahan na ang ekonomiya ay dapat naka-sentro sa tao at dignidad sa paggawa hind isa tubo lamang.
