36,459 total views
Nagpaabot ng pakikiramay ang Office of Civil Defense sa mga biktima ng naganap na 7.6 magnitude earthquake sa Japan.
Ayon kay Civil Defense Administrator Undersecretary Ariel Nepomuceno, nakaantabay ang tanggapan sakaling kailanganin ng tulong para sa response operations, alinsunod na rin ito sa direktiba ni Pangulong Bongbong Marcos.
“We extend our sympathies to the Japanese government, one of our closest partners in disaster risk reduction and management, rest assured that the Office of Civil Defense is willing to extend assistance to support the ongoing response operations,” ayon kay Nepomuceno.
Naganap ang 7.6 magnitude earthquake sa bahagi ng Noto Peninsula ng Ishikawa prefecture nitong unang araw ng Enero.
Nagdulot ito ng pagbagsak ng mga gusali, sunog, at tsunami sa mga lugar malapit sa sa kanlurang baybayin ng Japan, kung saan umabot na sa 30-katao ang naitalang nasawi.
Inihayag naman ni Nepomuceno na ang naganap na sakuna sa Japan ay magsilbi nawang babala at paalala sa bawat mamamayan upang higit na maging handa sa posibilidad ng malakas na pagyanig sa Pilipinas.
“We want to again emphasize the importance of collective effort in prevention, mitigation and preparedness activities as we work to build a safe and disaster resilient country,” saad ni Nepomuceno.
Patuloy namang ipinapanalangin ng simbahan ang kaligtasan ng lahat mula sa anumang panganib ng sakuna.
