Veritas PH

The WORD. The TRUTH.

Pangalagaan ang kalayaan at demokrasya ng Pilipinas, panawagan ng simbahan

SHARE THE TRUTH

 118,322 total views

Nakikiisa ang ilang opisyal ng Catholic Bishops’ Conference of the Philippines (CBCP) sa paggunita ng sambayanan sa ika-50-anibersaryo ng Martial Law sa ilalim ng pamumuno ng dating si Pangulong Ferdinand Marcos.

Ayon kay Taytay Palawan Bishop Broderick Pabillo-chairman ng CBCP-Office on Stewardship nawa ay pangalagaan ng bawat Filipino ang tinatamasang kalayaan at demokrasya upang hindi na maulit pa ang madilim na kasaysayan ng Martial Law.

Giit ni Bishop Pabillo, mahalagang alalahanin ang mga pangyayari sa nakalipas na pag-iral ng batas military na naging dahilan nang pagbagsak ng ekonomiya at nagpahirap sa maraming Pilipino.

“Huwag natin kalimutan na naudlot ang pag-unlad ng bansa natin dahil sa Martial Law, naiwanan tayo ng maraming bansa sa Asia dahil sa pagbagsak ng ating ekonomiya dahil sa pang-aabuso noong Martial Law, Hanggang ngayon hindi pa tayo nakababawi, maging maingat tayo na hindi natin uli isuko ang ating kalayaan,” ayon sa mensaheng ipinadala ni Bishop Pabillo sa Radio Veritas.

Batay sa talaan ng Ibon Foundation, noong 1975 ang pinakamababang -6.9% na datos ng Gross Domestic Product ng Pilipinas.

Ayon pa sa Ibon Foundation, 1985 ng maitala sa Pilipinas ang ang pinakamataas na 23.2% na inflation rate at umabot sa 49%-ng mga Pilipino o katumbas ng 27-milyon mamayan ang nakaranas ng kahirapan sa ilalim ng pamumuno ng diktaduryang Marcos.

Paalala din ng Obispo na kinakailangan ang pagiging mulat ng mamamayan at maging mapagbantay sa mga opisyal ng gobyerno upang maiwasan sa hinaharap ang muling pang-aabuso sa kapangyarihan.

Hindi malilimutang pangyayari (Bold)
Sinabi naman ni Fr. Jerome Secillano, executive secretary ng CBCP-Episcopal Commission on Public Affairs, ang pag-iral ng Batas Militas sa panahon ng diktaduryang Marcos ang isa sa malulungkot at hindi malilimutang pangyayari sa kasaysayan ng Pilipinas.

“At ipagdasal muna natin ang mga biktima ng Martial Law. ‘Yung mga namatay dito, ‘yung mga nasaktan hindi lamang sa pisikal kun’di pati na rin ‘yung emotional state, at sana naman ay magkaroon din ng paghilom sa kanila,” pahayag ni Fr. Secillano sa panayam ng Radio Veritas.

Umaasa ang pari na nawa ang mga biktima ng karahasan at pang-uusig, lalo na ang mga nasawi, ay makamit na ang matagal nang inaasam na kapayapaan at katarungan.

Hiling naman ni Fr. Secillano na mapagtanto ng mga sangkot sa nakalipas na Batas Militar ang naging pagmamalabis at pagkukulang na humantong sa karahasan.

Nataon din sa paggunita ng 50-taon ng Batas Militar na nailuklok bilang ika-17 pinuno ng bansa si President Ferdinand Marcos Jr. -ang anak ng dating diktador na namuno ng higit sa dalawang dekada.

Umaasa ang opisyal ng CBCP na maging daan ang pagkakataong ito na maituwid ang mga pagkakamali nang sa gayon ay hindi na muling maulit pa ang mga nangyari sa pag-iral ng Martial Law.

“Sana magkaroon din sila ng remorse sa mga nagawa nila. Kumbaga, ito ay pagkakataon din para balikan natin ‘yung mga lapses sa mga nangyayari noon at para ituwid natin sa kasalukuyan. At sa hinaharap nama’y mas mag-improve tayo bilang isang bansa,” saad ni Fr. Secillano.

September 21, 1972 nang ipag-utos ng dating Pangulong Ferdinand Marcos, ang Martial Law kung saan may 3,000-katao ang napaulat na pinaslang.

Nagwakas naman ang 14-taong Martial Law at ang Rehimeng Marcos noong 1986 sa pamamagitan ng mapayapang EDSA People Power Revolution. (Jerry Maya Figarola/Michael Añonuevo)

Veritas Editorial

Rev. Fr. Anton CT Pascual

Rev. Fr. Anton CT Pascual

Senadong tumalikod sa tungkulin

 13,371 total views

 13,371 total views Mga Kapanalig, 19 sa 24 na senador ang pumabor sa mosyón na i-archive o isantabi muna ang impeachment case ni Vice President Sara

Read More »

INTEGRIDAD SA PAGGAMIT NG PERA

 87,672 total views

 87,672 total views Unfair! Bakit sa Kongreso lang, hindi lang pala sa Kongreso nakakalat ang mga linta sa salapi o pera ng taumbayan o kabangbayan. Lahatin

Read More »

CONGRESSMAN NAHULING NAKA-ONLINE SABONG

 143,428 total views

 143,428 total views Huling-huli sa akto., lulusot pa rin! Kapanalig, ito ang katotohanan na nagaganap sa ating Kongreso na binubuo ng ating kapita-pitagang mga mambabatas mula

Read More »

Mga sangandaan sa usapin ng enerhiya

 104,356 total views

 104,356 total views Mga Kapanalig, para kay Pangulong Bongbong Marcos Jr, kilalang-kilala raw tayo sa buong mundo dahil sa pagsusulong natin ng renewable energy. Sa kanyang

Read More »

Abot-kamay pa ba ang pananagutan?

 105,466 total views

 105,466 total views Mga Kapanalig, ang desisyon ba ng Korte Suprema ay parang utos mula sa langit? Para ba itong utos ng hari na hindi mababali? 

Read More »
12345

Watch Live

LATEST NEWS

Economics
Jerry Maya Figarola

OPNE, nagpapasalamat sa tagumpay ng PCNE 11

 8,409 total views

 8,409 total views Nagpapasalamat ang Office of the Promotion on New Evangelization (OPNE) ng Archdiocese of Manila sa lahat ng Parokya, Donors, Benefactors, Volunteers at Partnered

Read More »
12345

RELATED ARTICLES

Jubilee 2025: PILGRIMS OF HOPE

 93,049 total views

 93,049 total views Sa araw na ito ng Kapistahan ng Sagrada Pamilya, atin ding inilulunsad Hubileo ng Pagasa. Idineklara ng Santo Papa ang taon 2025 bilang

Read More »

Ayaw ko ng Divorce, sabi ng Diyos

 118,863 total views

 118,863 total views AVT Liham Pastoral Minamahal kong mga Kristiyano sa Bikaryato ng Taytay, Hayaan po nating magsalita ang Diyos sa atin. Maliwang ang kanyang sinasabi.

Read More »

Bayanihan, tema ng PCNE 10

 151,877 total views

 151,877 total views Pinangunahan ng Kanyang Kabunyian Manila Archbishop Jose Cardinal Advicula ang pagdiriwang ng misa sa pagsisimula ng three-day Philippine Conference on New Evangelization (PCNE)

Read More »
1234567