Facebook-f Twitter Instagram Youtube

Bank depositors sa bangkong pag-aari ng pamahalaan, hinamong manindigan sa MIF

Picture of Marian Pulgo

Marian Pulgo

SHARE THE TRUTH

Send your Love Offering

SAVINGS ACCOUNT NAME

DZRV Radio Veritas Foundation, Inc.

  1. Metrobank Savings Account No.: 076-3-076270210
  2. Banco De Oro Savings Account No.: 001-630011876
  3. BPI Savings Account No.: 0213-3251-91
  4. PNB – Savings account No.: 105-910-013-091

 2,337 total views

Hinimok ng opisyal ng Church People’s Solidarity ang mamamayan na naglalagak ng salapi sa mga bangkong pag-aari ng pamahalaan na magkaroon ng paninindigan kaugnay sa Maharlika Investent Fund o MIF.

Ang MIF bill ay naunang pinagtibay ng dalawang kapulungan ng Kongreso at inaasahang lalagdaan ng Pangulong Ferdinand Marcos Jr. sa Hulyo kasabay ng nakatakdang ikalawang State of the Nation Address o SONA.

Ipinaliwanag ni Fr. Roel Gatchalian ng CWS na bukod sa walang pondo ang gobyerno ay umaabot din sa 14 na trilyong piso ang pagkakautang ng bansa.

“Palagay ko yung mga nagdeposito sa mga bangko na ‘yan dapat din silang magkaroon ng ‘say’. Kasi pera ‘yan, hindi natin alam kung sino-sino ang mamahala ng Maharlika fund.” ayon kay Fr. Gatchalian ng CWS sa panayam ng Verita Pilipinas.

Kabilang sa pinagkasunduan ng dalawang kongreso ang paglalaan ng pondo sa M-I-F na magmumula sa Bangko Sentral ng Pilipinas, at Land Bank of the Philippines.

Bagama’t isa sa konsolasyon sa isasabatas na panukala ang absolute prohibition na hindi kukunin ang pondo sa Social Security System, Pag-Ibig Fund at Government Service Insurance System (GSIS).

“Maaring meron silang magandang intensyon, pero hindi napapanahon at saka hindi naman yan ang priority. Ang paggagamitan pa naman ng Maharlika investment ang infrastructure, mabagal yan and mabagal din ang return of investment.” dagdag pa ng pari.

Iginiit ng pari na hindi napapanahon ang pagkakaroon ng M-I-F lalo’t mas maraming dapat paglaanan ng pondo ang gobyerno tulad ng food security at karagdagang trabaho para sa mga Filipino.
Hindi rin kumbinsido si Fr. Gatchalian sa urgency ng pagsasabatas ng minadaling panukala.

Pangako ni PBBM sa SONA, kinilala ng Obispo

Reyn Letran - Ibañez Tuesday, July 28, 2026 10:52 am

 1,143 total views

Kinilala ni Kidapawan Bishop Jose Colin Bagaforo ang mga positibong panukala at pangakong inilahad ni Pangulong Ferdinand Marcos Jr. sa kanyang ikalimang State of the Nation Address (SONA), ngunit iginiit na ang tunay na sukatan nito ay ang tapat, malinaw, at may pananagutang pagpapatupad ng mga ipinangako sa sambayanan.

Sa kanyang pahayag, sinabi ni Bishop Bagaforo, Chairperson ng CBCP-Episcopal Commission on Interreligious Dialogue at Convener ng InterReligious Leaders’ Council for National Transformation, na positibong hakbang ang pagtutok ng administrasyon sa pagpapalakas ng serbisyong panlipunan, edukasyon, pabahay, pangangalagang pangkalusugan, disenteng trabaho, repormang agraryo, kampanya laban sa katiwalian, reporma sa sektor ng enerhiya, at pagtatanggol sa soberanya ng bansa sa West Philippine Sea.

Gayunman, nagpahayag ang Obispo ng pangamba sa patuloy na pagsusulong ng pamahalaan sa paggamit ng natural gas, nuclear power, at waste-to-energy technologies, na maaaring magpalala ng krisis sa kalikasan at makapagpabagal sa paglipat ng bansa sa malinis at renewable na pinagkukunan ng enerhiya.

“We remain deeply concerned that the administration continues to promote natural gas, nuclear power, and waste-to-energy technologies as part of the country’s energy future. These pathways risk prolonging dependence on fossil fuels, increasing ecological and public health risks, and delaying the transition toward truly clean, renewable, community-centered, and climate-resilient energy systems.” Bahagi ng pahayag ni Bishop Bagaforo.

Pinuri rin ni Bishop Bagaforo ang matapang na paninindigan ng Pangulo laban sa katiwalian, kabilang ang pagsasampa ng mga kaso kaugnay ng anomalya sa mga flood control projects at iba pang usapin.

Gayunman, binigyang-diin ng Obispo na kinakailangang mapanagot ang lahat ng sangkot, anuman ang kanilang posisyon o impluwensiya sa pamahalaan.

“The call to ‘Panagutin ang lahat ng kurap’ and the reminder to public officials to ‘Mahiya naman kayo’ must be matched by impartial, fearless, and comprehensive enforcement of the law.” Dagdag pa ni Bishop Bagaforo.

Kasabay nito, ikinatuwa rin ng Obispo ang matatag na paninindigan ng Pangulo sa pagtatanggol sa West Philippine Sea, ngunit iginiit na ang tunay na pambansang seguridad ay hindi lamang usapin ng depensa kundi maging ng pangangalaga sa kabuhayan at karapatan ng mga magsasaka, mangingisda, at mga katutubo laban sa mga mapanirang proyekto sa kalikasan.

Samantala, hinimok din ni Bishop Bagaforo ang sambayanang Pilipino na manatiling mapagbantay at patuloy na panagutin ang pamahalaan sa pagtupad sa mga pangakong binitiwan nito.

“Together, let us continue working for a nation founded on truth, justice, peace, and care for our common home.” Ayon pa kay Bishop Bagaforo.

Paalala ng Simbahang Katolika, ang mabuting pamamahala ay hindi nasusukat sa husay ng talumpati kundi sa kongkretong pagsasabuhay ng katotohanan, katarungan, pananagutan, at paglilingkod sa kabutihang panlahat, lalo na para sa mga mahihirap at higit na nangangailangan.

Muling tuklasin ang tunay na diwa ng pakikipagkaibigan kay Hesus, Cardinal Tagle sa mga kabataan

Jerry Maya Figarola Tuesday, July 28, 2026 7:00 am

 4,863 total views

Hinikayat ni Pro-Prefect ng Dicastery for Evangelization – Cardinal Luis Antonio Tagle ang mga kabataan na muling tuklasin ang tunay na kahulugan ng pakikipagkaibigan kay Hesukristo na nakaugat sa pagbabahagi ng Salita ng Diyos, pag-ibig, at paglilingkod sa kapwa.

Ito ay sa mensahe ng Cardinal sa Youth Day ng 12th Philippine Conference on New Evangelization (PCNE XII), ipinaliwanag nito na ang pagiging kaibigan ni Kristo ay hindi nasusukat sa pansariling pakinabang o sa dami ng online followers at digital friends, kundi sa kakayahang ibahagi ang biyayang tinanggap mula sa Diyos.

Binigyang-diin din na ang tunay na kaibigan ay hindi nagpapalaganap ng tsismis, kasinungalingan, o fake news, kundi ng katotohanan, biyaya, at pag-asa.

“The friendship that Jesus offers is not based on convenience or what we can gain from another person. It is rooted in sharing what we have received from God. If someone fills your life with gossip, lies, prejudice, or fake news, that person is not acting as a true friend. A friend, like Jesus, shares truth, grace, and the blessings of God,” ayon sa mensahe ni Caridnal Tagle.

Ipinaalala rin ni Cardinal Tagle na ang tunay na pag-ibig ay nasasalamin sa kahandaang mag-alay ng sarili para sa kapwa, tulad ng ipinakita ni Hesus sa Kanyang mga kaibigan. Hinikayat nito ang mga kabataan na maging mga “misyonero ng pagkakaibigan” sa pamamagitan ng pagmamahal, pagtanggap, at paglilingkod sa bawat isa, lalo na sa mga nakararamdam na sila ay hindi kabilang o hindi karapat-dapat sa Simbahan.

Ayon sa Cardinal, ang Simbahan ay tahanan ng lahat at bawat binyagan ay tinatawagan ni Kristo na maging tunay na kaibigan na nagbabahagi ng pag-ibig at katotohanan.

“Jesus calls us friends not only to receive His love but to share it with others. True friendship is measured by our willingness to give ourselves in love, even in sacrifice, just as Christ gave His life for His friends. The Church must become a place where every person, especially those who feel broken or unworthy, hears the words, ‘I have called you friends.’ That is the mission of every Christian,” ayon pa sa mensahe ni Cardinal Tagle.

Ang panawagang ito ay kaayon ng patuloy na pagsusulong ng Simbahan sa bagong ebanghelisasyon na naghihikayat sa bawat mananampalataya na maging buhay na saksi ng Ebanghelyo sa kanilang pang-araw-araw na pamumuhay.

PBBM, binigyan ng ATM ng mababang marka

Michael Añonuevo Monday, July 27, 2026 2:44 pm

 20,725 total views

Binigyan ng Alyansa Tigil Mina (ATM) ng pinakamababang marka ang administrasyon ni Pangulong Ferdinand Marcos, Jr. sa usapin ng pagmimina, kasabay ng ikalimang State of the Nation Address (SONA) ngayong araw.

Ito’y dahil sa agresibong pagsusulong ng mga polisiyang magpapalawak sa pagmimina nang walang malinaw na pambansang plano sa industriyalisasyon at sapat na pangangalaga sa kalikasan.

Ayon sa ATM, nakababahala ang nakatakdang pag-apruba ng Critical Minerals Framework, na anila’y magbubukas ng mas maraming pagmimina ng nickel, copper, at cobalt nang hindi man lamang isinailalim sa konsultasyon ang mga maaapektuhang komunidad at mga makakalikasang grupo.

“On this fifth State of the Nation Address (SONA), Alyansa Tigil Mina (ATM) registers its dismay over the wrongful and aggressive promotion of destructive mining by the administration of President Bongbong Marcos, Jr.,” pahayag ng ATM.

Nagpahayag din ng pangamba ang grupo sa kasunduang isinulong ng pamahalaan sa ilalim ng Pax Silica, kung saan isasama ang yamang mineral ng Pilipinas sa global high-tech supply chain ng Estados Unidos sa kabila ng mga naitalang paglabag sa batas at pinsalang pangkalikasan na inuugnay sa ilang kumpanya ng pagmimina.

Ayon sa ATM, wala ring malinaw na Philippine Industrialization Plan na magtatakda kung anu-anong mineral ang tunay na kailangan ng bansa at kung paano ito dapat gamitin para sa pambansang kaunlaran.

Nangangamba ang grupo na humantong lamang ito sa patuloy na pagkamkam sa likas na yaman at pagkasira ng mga kagubatan at mahahalagang ecosystem.

“Government officials have been quick to defend Pax Silica against the alleged environmental issues raised but have provided no definitive, specific details. Like many other regulatory functions of government, Pax Silica supporters have very few specific mitigation measures to show,” saad ng ATM.

Bukod dito, binigyang-diin ng ATM ang lumalalang pagputol ng mga puno sa iba’t ibang bahagi ng bansa, gayundin ang paglawak ng black sand mining at seabed quarrying na nagdudulot ng pinsala sa mga ilog, baybayin, at yamang-dagat dahil sa kakulangan ng mahigpit na regulasyon.

Iginiit din ng grupo na dapat ding tutukan ng pamahalaan ang katiwalian sa industriya ng pagmimina, matapos ilabas ng ATM ang isang pag-aaral na nag-uugnay sa ilang political dynasty at mining corporations, na nagpapahina sa pagpapatupad ng mga batas at sa pangangalaga sa karapatan ng mga komunidad na apektado ng pagmimina.

“This connivance between political families and industrial elites fuels regulatory capture and the failure of government to effectively regulate the mining industry,” saad ng ATM.

BE OUR PARTNERS

THIS PORTION IS BROUGHT YOU BY

Learn More

ADVOCATE

Radyo Veritas Advocacy Category by Author

Veritas Editorial

Picture of Rev. Fr. Anton CT Pascual

Rev. Fr. Anton CT Pascual

Pax Silica

Tuesday, July 28, 2026 7:00 am 7:00 am

 7,845 total views

 7,845 total views Mga Kapanalig, hindi man natin namamalayan, nagiging parte naang artificial intelligence (o AI) ng ating pang-araw-araw na buhay. Pero anong uri ng kinabukasan

Read More »

Sino ang dapat hindi “one-sided”?

Monday, July 27, 2026 7:00 am 7:00 am

 50,895 total views

 50,895 total views Mga Kapanalig, sa pagtatapos ng pagdinig ng impeachment court sa Article 4 na may kaugnayan sa pagbabanta umano ni Vice President Sara Duterte

Read More »

CONVERSION OF RELATIONSHIP

Friday, July 24, 2026 7:00 am 7:00 am

 166,241 total views

 166,241 total views “A Filipino culture ruined by politics, of indifference, ideology, self-interest”. Kapanalig, likas sa ating mga Pilipino ang kultura ng pakikipagkapwa o pakikitungo sa

Read More »

NASAAN ANG SIMBAHAN

Thursday, July 23, 2026 7:00 am 7:00 am

 194,536 total views

 194,536 total views Kapanalig, malimit nating naririnig ang katanungang, “NASAAN ANG SIMBAHAN”? Kapag may nangyaring trahedya., sakuna., man-made calamities., kawalan ng moral na pamumuno., WHERE IS

Read More »

Upper-middle income na ang Pilipinas

Wednesday, July 22, 2026 7:00 am 7:00 am

 240,090 total views

 240,090 total views Mga Kapanalig, upgraded na daw ang Pilipinas!  Ayon sa World Bank, ang Pilipinas ay isa nang upper-middle income country. Ibig sabihin, lumampas na

Read More »

Watch Live

LISTEN LIVE TO DZRV846 E-RADIO PORTAL

RELATED ARTICLES

Load More
Scroll to Top