24,357 total views
Itinalaga ng Kanyang Kabanalan Francisco si Fr. Luisito Occiano ng Archdiocese of Caceres bilang bagong obispo ng Diocese of Virac sa Catanduanes.
Isinapubliko ng Vatican ang anunsyo nitong February 29.
Si Bishop-elect Occiano ang hahalili sa 76 na taong na si Bishop Manolo delos Santos na nanilbihan sa Virac sa loob ng tatlong dekada mula 1994.
Ang 52-taong gulang na bishop elect ay kasalukuyang rector at parish priest ng Archdiocesan Shrine and Parish of St. Joseph sa San Jose, Camarines Sur at kasalukuyang pinamunuan ang Commission on Communication ng Caceres.
Tiwala naman si Caceres Archbishop-Emeritus Rolando Tria Tirona na magagampanan ni bishop-elect Occiano ang pagiging mabuting pastol sa kawan ng Virac dahil sa katangian nitong ipinamamalas sa arkidiyosesis.
Ipinanganak si Bishop-elect Occiano noong June 21 1971, at inordinahan bilang pari noong November 10, 1996.
Bago ang pagtatlaga, naglingkod din ang bagong obispo ng simbahan bilang parochial vicar ng Naga Metropolitan Cathedral, at kalihim ni dating Caceres Archbishop Leonardo Legaspi.
Sa kabila ng pagkakaluklok kay Bishop-elect Occiano, siyam pa mula sa 86 diyosesis sa bansa ang sede vacante.
