35,892 total views
Pinangangambahan ng International Labor Organization o ILO Philippines ang patuloy na pag-usbong ng Artificial Intelligence na banta sa trabaho ng mga Pilipino.
Inamin ni ILO Philippines Director Khalid Hassan na bagamat hindi kagyat na mawawala ang trabaho para sa ibat-ibang sektor ay maapektuhan nito ang trabaho ng may 12.7-Pilipino dahil sa mabibilis at ibat-ibang uri ng tulong na naiaalok ng AI sa tao.
Inihayag ni Hassan na kapag nangyari ito, tataas ang antas ng kahirapan sa Pilipinas dahil dadami ang mawawalan ng trabaho sa mga Pilipino kapag hindi nagkaroon ng maayos na batas na magre-regulate sa paggamit ng AI.
“If we want AI to create decent work rather than deepen divides, we must act now. The message from the ILO’s new research is clear: AI can raise productivity and job quality, but only if no one is left behind”, ayon sa mensahe ni Hassan na pinadala sa Radyo Veritas.
Babala ng ILO, kung walang kagyat na pagtugon ay maaaring magdudulot ng matinding suliranin ang pag-usbong ng AI na magdudulot ng hindi pagkakapantay na mararanasan ang mga kababaihan at kabataan dahil sa kahirapan, informal work, at sigalot.
Kumbinsido naman si Hassan na kung bibigyang prayoridad ng pamahalaan ang maayos na pangangasiwa sa AI ay magdudulot ito ng maraming trabaho mula sa Information Technology, digital skills, Science, Technology, Engineering, and Mathematics o STEM education, at suporta sa women-led enterprises.
“Women and young people should not be treated merely as workers adapting to AI, but as innovators shaping how it is used. -The future of work is being built today. The real question is whether we build it with inclusion, dignity, and social justice at its core or allow old inequalities to be hard-wired into new technologies,” bahagi pa ng mensahe ni Hassan na pinadala ng ILO Philippines sa Radyo Veritas.
Sa tala ng ILO Philippines, 12.7-million ang bilang ng mga Pilipino ngayon na exposed sa generative AI na pinangangambahan mawalan o maapektuhan ang trabaho at kabuhayan.
Sa panlipunang aral ng Simbahang Katolika, paulit-ulit na binigyang-diin ni Pope Francis na ang teknolohiya ay dapat magsilbi sa dignidad ng tao at sa kabutihang panlahat at hindi sa iilan lamang.
Kaakibat din ito ng turo ni Pope Leo XIII sa kaniyang ensiklikal na Rerum Novarum ay nakasaad na nararapat igalang at pangalagaan ang karapatan ng mga manggagawa, lalo na ang mahihina, upang matiyak na ang pag-unlad ay may kasamang katarungang panlipunan.
