10,511 total reads
Nanawagan ng pagkakaisa si Borongan Bishop Crispin Varquez upang kagyat na makabangon ang mga naapektuhan ng 6.0-magnitude na lindol.
Ipinagpapasalamat ni Borongan Bishop Varquez na bagamat malapit ang Borongan sa Gullian ay ligtas ang mamamayan at walang gaanong napinsala sa istraktura sa lalawigan.
Gayunman, apela ng Obispo sa mga nasalanta ng lindol at mga naapektuhan ng pagsabog ng bulkang Mayon na magkaisa sa dasal at pagbangon.
“Yung po nangyari sa earthquake kahapon sa Eastern Samar, malakas po siya pero hindi naman siya ganong katagal. Sa ilang segundo lang kaya hindi po gaanong kalaking damage, minimal lang po ang damage sa earthquake. Oo, so nakita ko po nga mas malaki siguro ang damage na nangyari sa Bicol Region sa pagputok ng Mt. Mayon,” pag-uulat ni Bishop Varquez sa Radyo Veritas
Ipinagdarasal din ng Obispo ang kaligtasan ng mga Pilipino sa anumang sakuna na maaring maganap sa bansa.
Hiniling din ng Obispo sa panginoon ang muling pagbangon ng mga biktima ng lindol at nasalanta ng ash fall sa patuloy na pagliligalig ng bulkang Mayon.
“So we pray for victims of calamities lalo na po sa Bicol Region na ngayon ay nagha-handle at humaharap sa ganitong kalamidad. So we continue praying to the Lord na safe ang lahat. Kasi ang calamity, especially kalikasan, ay hindi kontrolado ng tao. Kaya tayo lang po ang maging handa sa pagharap sa mga kalamidad na nangyayari. And we pray to God that everybody are safe.” panalangin ni Bishop Varquez
