15,927 total reads
Tiniyak ng Stella Maris Philippines ang pagbabantay sa napaulat na insidente ng paglubog ng isang Vietnamese cargo ship sa West Philippine Sea.
Ayon sa Stella Maris, nakikipag-ugnayan na sa mga otoridad at ahensiya ng pamahalaan si Stella Maris Chaplain Fr.Eugene Elvira ng Apostolic Vicariate of Puerto Princesa upang matiyak ang mga impormasyon at agad na maipadala ang kinakailangang tulong sa mga naapektuhan ng insidente.
Gayundin ang panawagan ng Stella Maris sa mga mananampalataya na ipanalangin ang mga biktima, gayundin ang mga tauhan ng pamahalaan at iba pang katuwang sa nagpapatuloy na search and rescue operation para sa mga nawawalang tripulante.
“Stella Maris Philippines through our chaplain Fr. Eugene Elvira, SThD of the Apostolic Vicariate of Puerto Princesa, Palawan, Philippines, is closely monitoring the progress report of the incident involving a Vietnamese cargo ship that sank in the West Philippine Sea. Government operation is ongoing to locate the missing crew. Please offer some prayers for the victims and the government personnel and other partners of the search and rescue operation. Our Lady of Peace and Good Voyage, pray for us!,” ayon sa mensaheng binahagi ng Stella Maris Philippines.
Patuloy ang paghahanap search at rescue team ng Philippine Coast Guard sa mga nawawalang tripulante ng barkong ‘Khoi Nguyen 18’ na lumubog malapit sa Kagitingan Reef noong July 25.
Ayon sa PCG, isinasagawa na ng ‘BRP Malapascua’ ang ikaanim na yugto ng search and rescue operations sa kabila ng katamtaman hanggang maalong kondisyon ng dagat, habang nakikipag-ugnayan din ang ahensya sa Vietnamese Coast Guard at iba pang sasakyang-dagat
upang mapalawak ang operasyon.
Ginagamit nadin ngayon ng PCG ang Optimal Planning System upang mapataas ang posibilidad na matagpuan ang mga nawawalang tripulante.
