5,208 total reads
Patuloy na isinusulong ng Caritas Philippines ang pagtugon sa child malnutrition sa pamamagitan ng ‘PIEmealya Program’ na pormal na inilunsad sa Barangay Guinticgan sa Carles, Iloilo kasama ang Jaro Archdiocesan Social Action Center at mga lokal na partner.
Layunin ng programa na magbigay ng mga kinakailangan pagkain at nutrisyo para sa pangangalaga sa mga batang higit na nangangailangan, bilang bahagi ng pagtataguyod sa kanilang kalusugan at maayos na nutrisyon sa mahalagang unang dalawang libong araw ng buhay.
Kaugnay nito, Ayon sa mga datos ng United Nations Children’s Funds o UNICEF, halos 24% ng mga batang Pilipino na wala pang limang taon ay chronically malnourished, habang halos 600-thousand na bata ang nakararanas ng wasting, isang anyo ng malnutrisyon na maaaring maging nakakamatay kapag hindi agarang natutugunan.
“This celebration was made possible through the generous collaboration of the Sta. Teresa de Avila Parish, the Jaro Archdiocesan Social Action Center (JASAC), Hapag-Asa Integrated Feeding Program, Caritas Philippines, and EDCOM 2. To every organizer, leader, and volunteer who poured their time and heart into preparing meals and managing logistics—thank you. Your selfless hard work was the real heart behind today’s success,” bahagi ng menshae ng Caritas Philippine.s
Kabilang sa nakipagtulungan sa paglulunsad ang Sta.Teresa de Avila Parish, Jasac, Hapag-Asa Integrated Feeding Program at mga kinatawan ng EDCOM 2, kasama ang mga pari, local leaders at volunteers na tumulong sa paghahanda at pamamahagi ng pagkain.
Dumalo rin sa programa sina Jaro Archbishop Midyphil Billones at CBCP-Caritas Philippines National Director at President San Carlos Bishop Gerardo Alminaza, bilang pagpapakita ng pakikiisa sa misyon na walang batang dapat maiwan sa pagtugon sa pangangailangan sa nutrisyon.
“We are deeply honored and touched by the presence of our shepherd, Most Rev. Midyphil B. Billones, D.D., Archbishop of Jaro, and Most Rev. Gerardo A. Alminaza, D.D., National Director and President of CBCP-Caritas Philippines. Having our spiritual leaders, priests, and directors stand side-by-side with our local families added a powerful sense of grace and encouragement to every moment of the day. Their presence reminded us that no community, no matter how far, is ever forgotten,” ayon sa mensahe ng Caritas Philippines
Binigyang-diin ng Caritas Philippines na higit pa sa isang mainit na pagkain ang ihahandog ng inilunsad na programa dahil layunin nitong maghatid ng nutrisyon, dignidad at pag-asa sa mga bata at pamilya sa pamamagitan ng pagkakaisa ng simbahan at komunidad.”
