582 total views
September 25, 2020-1:40pm
Tiniyak ng Arkidiyosesis ng Lipa na susunod ang simbahan sa mga panuntunan ng community quarantine na ipinatutupad ng pamahalaan.
Sa pahayag ng Commission on Health Care ng arkidiyosesis nakipagkasundo si Lipa Archbishop Gilbert Garcera sa Sangguniang Panlalawigan ng Batangas bilang kasisa sa paglaban na maiwasang pagkalat ang corona virus sa lalawigan.
“The Archdiocese of Lipa headed by His Excellency Most Reverend Gilbert Garcera entered into a bilateral understanding last March 16, 2020 with Honorable Hermilando Mandanas, Governor of the Province of Batangas, to help prevent the spread of COVID-19,” bahagi ng pahayag na ipinadala sa Radio Veritas.
Ang paglilinaw ng arkidiyosesis bilang tugon sa pahayag ni Lipa Archbishop-emeritus Ramon Arguelles sa ginanap na misa na hindi na kinakailangan ang facemask, face shield at ang physical distancing sa paglaban sa COVID-19 kundi ang pananalig at pag-ibig ng Diyos sa sangkatauhan ang maghihilom sa anumang karamdaman.
Dagdag pa ng arkidiyosesis na mahigpit din ang pagpapatupad ng safety health protocol sa mga simbahan at iba’t ibang Catholic institution sa Batangas upang maiwasan ang paglaganap at pagtaas ng kaso ng COVID-19 sa lalawigan.
“Since then, enshrined in the Oratio Imperata (obligatory prayer) recited during Masses, the Archdiocese has been very vigilant and supportive in implementing all safety and health protocols in parishes, schools and other Catholic institutions as prescribed by the provincial government and the COVID-19 Inter-Agency Task Force for the Management of Emerging Infectious Diseases (IATF),” dagdag ng arkidiyosesis.
Batay sa tala ng lalawigan halos nasa 6, 000 na ang kumpirmadong kaso ng COVID-19 sa lugar kung saan sa bilang 3, 223 ang gumaling habang 153 ang nasawi.
Paglilinaw pa ng arkidiyosesis na anumang pahayag na makalalabag sa kasunduan ng simbahan at pamahalaan ay hindi kumakatawan sa buong arkidiyosesis.
“The Archdiocese of Lipa cordially informs that any assertion or opinion by any individual contrary to the provisions of the bilateral understanding does not represent the mind of the whole Archdiocese.”
