12,603 total views
Inihayag ni Antipolo Bishop Ruperto Santos ang suporta para kay Bayombong Bishop Elmer Mangalinao matapos kasuhan kasama ang iba pang environmental advocates dahil sa mariing pagtutol sa mga mining explorations na isinasagawa ng North Luzon Minerals Resources Corporation.
Ayon kay Bishop Santos, ginagawa lamang ni Bishop Mangalinao ang kaniyang tungkulin nang tapat bilang pastol ng simbahan at maprotektahan ang likha ng Panginoon.
Ito ay upang maipaglaban at maisulong din ang dignidad ng tao at moral na tungkulin na pangalagaan ang kalikasan na magdudulot sa ikakabuti ng pamumuhay ng mas marami.
“I express my fraternal support for Bishop Jose Elmer Mangalinao as he faces the challenges connected to his stand against mining exploration in Kasibu, Nueva Vizcaya, His position reflects a shepherd’s duty to safeguard the integrity of creation and to protect the communities entrusted to his care. The Church has always upheld the moral responsibility to defend human dignity, the environment, and the common good,” ayon sa mensaheng pinadala ni Bishop Santos sa Radyo Veritas.
Tiniyak din ni Bishop Santos ang higit na pananalangin para sa pamamayani ng katarungan hinggil sa kinakaharap na kaso ni Bishop Mangalinao.
Kasunod ito ng panawagan ng Obispo sa mga Pilipino, higit na para sa mga May kapangayarihan na paigtingin ang pangangalaga sa kalikasan na nag-iisang tahanan ng sanlibutan.
“I pray that truth, justice, and peace may prevail, and that all parties involved may be guided by sincere dialogue, respect for the law, and a genuine concern for our people and our land. May the Lord strengthen Bishop Mangalinao, and may Our Blessed Mother accompany him with her maternal protection,” bahagi pa ng mensahe ni Bishop Santos bilang suporta kay Bishop Mangalinao
