4,810 total reads
Humiling ng panalangin at pang-unawa si Fr. Gerardo Saco Jr. sa desisyong hindi ipagpatuloy ang kanyang nakatakdang episcopal ordination sa May 26.
Sa inilabas na pahayag ng pari, sinabi nitong ang desisyon ay bunga ng patuloy na pagninilay at pananalangin.
“I sincerely ask for your understanding regarding this change of heart. It comes from a deep awareness of my own human limitations and inadequacies,” bahagi ng pahayag ni Fr. Saco.
Matatandaang noong March 25, hinirang ni Pope Leo XIV si Fr. Saco bilang ikawalong pastol ng Tagbilaran na sede vacante mula pa noong September 2025 nang mailipat si Archbishop Alberto Uy sa Cebu.
Gayunman, tiniyak ni Fr. Saco na magpapatuloy ang kanyang mga gawaing pagpapastol sa iba’t ibang tanggapan sa diyosesis.
“Please be assured of my continued commitment as a priest to journey with you in faith in the Risen Lord, who never abandons us in moments of trial and need,” aniya.
Si Fr. Saco rin ang kasalukuyang diocesan administrator ng Tagbilaran na nangangasiwa sa mga gawaing pastoral at espirituwal habang hinihintay ang magiging pastol ng diyosesis.
