5,769 total views
Nagkasundo ang Presidential Commission for the Urban Poor (PCUP) at Philippine Fiber Industry Development Authority (PhilFIDA) para paigtingin ang pagbibigay ng kabuhayan para sa mga maralitang taga-lungsod.
Bahagi ng Memorandum of Agreement na magkaroon ng mga bagong livelihood education programs para sa mga matutukoy na urban poor communities.
Kabilang sa livelihood program ang fiber production kung saan ituturo ang pamamaraan sa paghabi.
Ayon kay PhilFIDA chairperson Ali Atienza, ang kasunduan ay tugon ng pamahalaan sa mga suliranin sa kabuhayan ng mga mahihirap.
Inihayag naman ni PCUP Commissioner Reynaldo Galupo na bahagi ng inisyatibo ang higit na paglalapit ng pamahalaan ng mga serbisyo sa mga mahihirap upang magbigay ng dignidad sa kanilang buhay.
“PCUP emphasized that the partnership aligns with his vision of bringing government services closer to the urban poor by creating opportunities that promote self-sufficiency and community development. He noted that livelihood programs should not only provide immediate assistance but also equip beneficiaries with the skills and resources needed to build a better future for their families,”mensaheng ipinadala ng PCUP sa Radyo Veritas.
Kaakibat nito, patuloy na hinihikayat ng Simbahang Katolika ang pagsusulong ng mga programang lumilikha ng marangal at pangmatagalang kabuhayan.
Binigyan diin ni Pope Leo XIV ang kahalagahan ng pagkakaloob ng disenteng trabaho at sapat na oportunidad upang mai-angat ang dignidad ng bawat tao at maisulong ang tunay na kaunlarang nakasentro sa tao
