487 total views
Posibleng mahirapan ang DITO Telecommunity Corp. na matugunan ang nalalabi rollout sa pamahalaan sa 2024 dahil sa mahinang demand mula sa institutional investors.
Ito ay dahil na rin sa kawalan ng kumpiyansa ng mga investor, ang P8 billion stock rights offering (SRO) ng DITO CME Holdings Corp, ang majority stockholder ng DITO Telecommunity, ay kinansela, dahilan para humingi ng tulong ang DITO CME sa foreign lenders.
Kasabay rin nito ang maraming reklamo na natatanggap ng DITO mula sa subscribers dahil sa mahina o kawalan ng signal o mabagal na internet connection, at hindi pagiging compatible ng SIM cards sa ibang phones,.
Ang pagkansela sa P8-billion SRO ay nagdulot ng pagdududa sa naging pahayag ng DITO Telecommunity na kaya nitong ibigay sa publiko ang uri ng serbisyong hindi naipagkaloob ng Globe Telecom at PLDT Inc.
Ang pagtiyak ng DITO CME na nakakuha ito ng long-term debt arrangements sa foreign lenders ay nagdulot ng pagdududa na may kaugnayan ito sa China.
Ang state-owned China Telecom Corp. ay technical partner at pangalawang pinakamalaking stockholder ng DITO Telecommunity.
Ayon sa industry sources, may ‘pressure’ ngayon sa DITO CME na makakuha ng karagdagang pondo para sa DITO Telecommunity sa lalong madaling panahon.
“Failure to meet its rollout commitment on time means it would lose its franchise and, worse, forfeit its multibillion peso performance bond,” dagdag ng source.
Sa kasalukuyan, ang DITO ay mayroon nang limang milyong subscribers at target na makalikom ng 12 million ngayong taon sa pagtatayo ng mga karagdagang cell sites sa mga bagong lokasyon.
Hanggang December 2021, ang DITO ay nagbibigay ng serbisyo sa mahigit 500 lugar sa buong bansa at nakapaglatag din ito ng mahigit sa 22,000 kilometers ng fiber cable at nagtayo ng mahigit 4,100 towers.
