305 total views
Naniniwala ang isang propesor na magiging patas sa mga middle class at negosyante ang pagpapababa ng ibinabayad na buwis sa bansa na plano ng Duterte administration.
Ayon kay University of Asia and the Pacific (UA&P) Prof. Bernardo Villegas, makababawas sa pasanin ng mga middle class ang pagpapababa ng kanilang individual tax at ang kanilang matitipid ay maipambibili pa nila ng pangunahin nilang pangangailangan na papabor naman sa mga negosyante.
Pinaalalahanan naman ni Villegas si incoming Finance Secretary Carlo Dominguez na busisiin ang mga nasa listahan ng mga nabibigyan ng VAT-exemption lalo na ang mga mayayamang mga namumuhunan sa bansa.
“It’s positive because ang mga middle class ngayon ang masyadong overburdened with the taxes. Mga middle class ang kanilang taxes withhold, mga withholding na lahat kaya they cannot avoid those taxes. Yung mga mayayaman even their taxes are high it is easy for them to evade taxes. Kaya kailangan ibaba yung rates on the middle class kaya importante yung reform na yun. The middle class pag ni – reduced ang taxes nila they will spend a lot on consumption. The middle class people will be the one to consumed edi gagaling ang negosyo,” bahagi ng pahayag ni Villegas sa Radyo Veritas
Sa mga pag-aaral, lumabas na ang 30 hanggang 32 porsiyento na pagpapataw ng buwis sa sahod sa Pilipinas ang isa sa pinakamataas kumpara sa iba pang bansa sa Asya.
Nauna na ring hinimok ng kanyang Kabanalan Francisco ang mga negosyante sa World Economic Forum na itigil ang pagpapahalaga sa kita kundi itaas ang antas ng pamumuhay at dignidad ng mga manggagawa
