16,048 total views
Isinusulong ni Pope Leo XIV ang mahalagang papel ng religious education sa paghubog ng kabataan, kasabay ng panawagan sa mga guro na maging “credible witnesses” ng katotohanan at pag-asa.
Sa kanyang mensahe sa National Meeting of Catholic Religion Teachers na itinaguyod ng Italian Bishops’ Conference noong April 25, binigyang-diin ng Santo Papa na ang paghahanap ng katotohanan at kahulugan ay likas sa bawat tao at hindi dapat isantabi sa proseso ng edukasyon.
Ayon sa punong pastol, mahalagang gabayan ang mga kabataan sa pakikinig sa kanilang kalooban sa gitna ng ingay ng makabagong mundo.
“Teaching, therefore, means forming people to listen to their hearts, and thereby to inner freedom and the capacity for critical thinking,” pahayag ni Pope Leo XIV.
Iginiit ng Santo Papa na ang pananampalataya at katuwiran ay dapat maging daan upang matuklasan ang katotohanan.
“Faith and reason do not ignore one another, nor indeed oppose one another, but are traveling companions in the humble and sincere search for truth,” dagdag pa ng Santo Papa.
Binigyang-halaga rin ni Pope Leo ang papel ng mga guro bilang huwaran sa mga mag-aaral, na hindi lamang nagbibigay ng kaalaman kundi nagiging saksi sa pananampalataya sa pamamagitan ng kanilang buhay.
“The truth is conveyed through people… called to be credible teachers because you love God and your students,” aniya.
Hinimok ng Santo Papa ang mga guro na patuloy na maglingkod bilang “choreographers of hope” at mga tagapaghatid ng karunungan sa gitna ng mga hamon sa edukasyon, habang isinusulong ang paghubog sa kabataan na may paggalang, bukas na isipan, at malalim na pag-unawa sa sarili at kapwa.
