8,729 total views
Nagpasalamat ang head chaplain ng University of the Philippines-Philippine General Hospital (UP-PGH) sa mga patuloy na nagbibigay ng tulong para sa mga charity patients ng ospital.
Ayon kay Jesuit priest Fr. Marlito Ocon, biyaya mula sa Diyos ang mga donasyon mula sa mga may mabubuting puso, na nagiging daan upang mapabuti ang serbisyo at kagalingan ng mga pasyente.
Ginawa ni Fr. Ocon ang pahayag matapos makatanggap mula sa isang ‘anonymous donor,’ na dating pasyente ng PGH noong kasagsagan ng coronavirus pandemic, ng 80 units ng Portable Suction Machines at 80 units ng Nebulizers.
Nagkakahalaga ang mga ito ng P1.1 milyon, at ibibigay para sa mga charity patients ng 16 charity wards, emergency rooms, operating rooms, at ilang intensive care units (ICUs) ng PGH.
“Of the hundreds and thousands of patients I visited and prayed in PGH during the COVID pandemic, I can hardly recall her, though we talk a lot of her struggles and difficulties… She added, that my stories gave her strength and courage to fight and not to give up. Actually, those were not my stories, but those were God’s love stories of His people, meant to be shared. Thank you for remembering me and keeping our patients in mind,” pagbabahagi ni Fr. Ocon.
Samantala, nagbabala si Fr. Ocon sa publiko laban sa mga mapanlinlang na posibleng gamitin ang kanyang pangalan upang humingi ng tulong.
Kasunod ito ng ulat na sinusubukang ma-access ng mga hacker ang facebook account ng pari.
Ayon kay Fr. Ocon, sakaling may matanggap na kahina-hinalang mensahe mula sa kanyang account, agad itong ipagbigay-alam upang matugunan.
“I’ve heard reports of possible hackers trying to access my Facebook account. If you get a message from me that seems suspicious or asks for personal info, please ignore it and let me know [as soon as possible],” ayon kay Fr. Ocon.
