546 total views
Binigyan diin ni Novaliches Bishop-emeritus Teodoro Bacani Jr. na ang mabuting pinuno ay tuwinang humihingi ng patnubay ng Panginoon.
Ayon sa obispo, kinakailangan ng bawat lider ang maging madasalin na tuwinang nakikinig at tumatalima sa turo ng Panginoon na makikita sa paraan ng pamamahala nito.
Ipinaliwanag ng obispo na ang pananalangin ay pakikinig at pag-alam sa kagustuhan ng Panginoon at hindi ng sarili.
“Kung madasalin ka, lalabas yan sa pagmamahal at pagiging makatarungan mo sa ‘yong pakikitungo sa kapwa tao. Dahil ang Diyos natin ay Diyos ng pag-ibig at katarungan,” ayon sa pahayag ni Bishop Bacani sa Pulitika at Pananampalataya ng Barangay Simbayanan.
Giit ng oispo ang tunay na madasalin ay masasalamin sa paraan ng pakikitungo at pagpapasya ng isang pinuno para sa kabutihan ng kanyang bayan.
Ang talakayan ay bahagi ng election campaign ng Radyo Veritas na ‘One Godly Vote’ bilang paghahanda at paggabay sa mga botante sa nalalapit na halalan.
Una na ring hinimok ni Manila Archbishop Jose Cardinal Advincula ang mga botante na magkaroon ng ‘cirlce of discerment’ bilang paraan ng pagsusuri sa katangian ng bawat kandidato kalahok sa halalan sa susunod na taon.
