4,124 total reads
Nanawagan ang Caritas Philippines sa isang malinis at matapat na halalan sa bansa sa nalalapit na Barangay at Sangguniang Kabataan Elections sa Oktubre.
Ito ang mensahe ni Kidapawan Bishop Jose Colin Bagaforo ang pangulo ng social arm ng Catholic Bishops Conference of the Philippines sa pagdiriwang ng 125th Independence Day ng Pilipinas.
“On this momentous occasion of our 125th Independence Day, Caritas Philippines strongly advocates for a cleaner and more transparent election process.” pahayag ni Bishop Bagaforo.
Naniniwala ang opisyal na sa paghalal ng lider ng pamayanan ay kinakailangang makibahagi ang bawat isa upang higit maitaguyod ang katarungang panlipunan, pangangalaga sa kalikasan at pagpapanatili ng kapayapaan sa pamayanan.
“We believe that genuine democracy is built on the foundations of integrity and social responsibility. We must elect leaders who are committed to upholding democratic values, promoting good governance, and championing social justice. By exercising our right to vote wisely, we can actively shape the future of our nation.” ani ng opisyal.
Alinsunod sa tema ng pagdiriwang ngayong taon na “Kalayaan, Kinabukasan, Kasaysayan” sinabi ni Bishop Bagaforo na mahalaga ang pakikiisa ng taumbayan sa pagpili ng mga mamumuno para sa kinabukasan ng bayan sa mga susunod na henerasyon.
Tiniyak ni Bishop Bagaforo na pinaiigting ng simbahan sa pangungua ng Caritas Philippines ang mga programang magpapalaya sa mga Pilipino sa kahirapan, kawalang katarungan at iba pang hamong nagpapahirap sa mamamayan sa pamamagitan ng 7 Alay Kapwa Legacy Programs.
Apela ng opisyal sa bawat Pilipino na magtulungang isulong ang pantay na karapatan ng mamamayan upang tunay na mamuhay na malaya at may dignidad.
“Caritas Philippines remains steadfast in its commitment to advancing the welfare of the Filipino people, upholding democratic values, and nurturing a society rooted in justice and compassion.” dagdag ni Bishop Bagaforo.
