Nilinaw ni Antipolo Bishop Ruperto Santos na ang Pasko ng Muling Pagkabuhay ni Hesus ay hindi lamang isang yugto ng kasaysayan kundi ito ay pangako ng Diyos para sa kaligtasan ng sangkatauhan.
Ayon kay Bishop Santos ito rin ay paanyaya sa bawat isa ng pagbabagong buhay na puno ng pag-asang hatid ni Hesus na
muling nabuhay.
“Easter is not just a moment in our history— it is a promise of new beginnings and a future filled with hope and change. Trust in this promise and let it guide every step of your journey. It is a call to live a renewed life every day,” mensahe ni Bishop Santos.
Sinabi ng obispo na kasabay ng mahalagang pagdiriwang sa buhay ni Hesus ang paanyaya sa mananampalataya na bumangon at magpatuloy sa buhay sa kabila ng mga suliraning kinakaharap habang naglalakbay sa mundo at tingnan ang liwanag na dala ni Hesus sa sanlibutan.
Kasabay ng pagbangon at pagpapatuloy ang pangakong ituon ang puso at sundin si Hesus upang magkaroon ng malinaw na landas na tatahakin tungo sa pagtatagumpay.Bukod pa rito ang paghahasik ng pag-ibig, kabutihan at paglilingkod sa kapwa ayon sa kalooban ng Diyos sapagkat ito ang mga malinaw na tanda ng pagsunod at pakikiisa sa misyon ni Hesus.
“Rise Up by facing challenges with hope and determination, knowing that every setback is an opportunity for a new beginning. Commit ourselves daily to living a life that reflects God’s love, choosing to trust and follow wherever His path might lead. And Sow kindness in every interaction, understanding that even small acts can sow the seeds of lasting change,” ani ng obispo.
Aniya nawa’y sa muling pagkabuhay ni Hesus muling mag-alab ang nananamlay na pananampalataya bunsod ng iba’t ibang hamon at tukso sa pamayanan at tulad ng pagkabuhay ni Hesus ay mas maging buhay na saksi ang bawat isa sa kadakilaang
hatid ng Diyos sa sangkatauhan.
