506 total views
Ituring na hamon sa pananampalataya at tunay na pagmamahal sa Diyos ang pagpapabakuna.
Ito ang mensahe ni Caritas Manila Executive Director Father Anton CT Pascual sa ipapatupad na mandatory vaccination sa mga onsite workers na tinututulan ng sektor ng manggagawa.
Ayon sa Pari, ang pagtanggap ng bakuna ay mahalagang pananagutan na dapat sundin lalu ng mga Katolikong Kristiyano alinsunod sa pahayag ng Kanyang Kabanalan Francisco na isang ‘Moral Obligation’ ang pagpapabakuna.
“Sabi nga ni Pope Francis- It is our moral obligation’ take note- moral obligation to be vaccinnated para iligtas ang ating sarili at iligitas narin ang ating kapwa. ang pagbabakuna ay isang moral challenge sa ating lahat, hindi po maaring sarili lang natin ang ating iniisip,” pahayag ni Father Pascual sa Radio Veritas.
Iginiit ng Pari na isipin ng bawat mamamayan ang kapakanan at kaligtasan ng kapwa at sariling pamilya upang maging udyok upang magpabakuna laban sa COVID-19.
“tignan po natin ang kapakanan ng ating pamilya, kaibigan, kasama sa opisina o katabi sa sasakyan, o sa loob ng bus, o sa mrt kaya’t ang pagbabakuna ay biyaya ng panginoon na bigyan ng katalinuhan ang mga siyentipiko na maka-imbento ng mga bakunang ito na epektibo para mabawasan ang pagkalat ng virus.”paglilinaw ng pari
Binigyan diin rin ni Father Pascual na wala tayong karapatan kung walang responsibilida
“alam po nating mahalaga ang ating karapatan pero huwag po nating kalimutan sabi nga sa catholic social teaching ay balewala ang karapatan kung wala tayong responsibilidad, magkasama po palagi rights and responsibility”.paalala ni Father Pascual.
Kaugnay nito ay nagpahayag din ng pakikiisa si Alliance of Concerned Transport Organization (ACTO) National President Liberty Deluna sa panukala sa mandatory vaccination sa onsite workers.
“Para sa safety po natin at pamilya ganun din po sa ibang tao, huwg po tayung matakot magpa vaccine”panawagan ni de Luna
