1,057 total views
Pagpapairal ng ‘patas na lipunan’ sa pamamagitan ng pakikibahagi ng mamamayan ang isa sa pangunahing isusulong ni Presidential aspirant Ernesto Corpuz Abella.
Si Abella ay dating nagsilbi bilang tagapagsalita ng administrasyong Duterte noong 2016-2017 at Undersecretary for Strategic Communications and Research of the Department of Foreign Affairs na tumatakbo sa pagkapangulo.
Sa ginanap na Catholic E-Forum ng Radio Veritas ‘One Godly Vote’ voter’s education, sinabi ni Abella na kinakailangan ang pamamahala ng gobyerno ay pagbibigay ng puwang sa tinig ng mamamayan.
Kabilang na ang civil society, NGO’s, maliliit na negosyante, magsasaka, at simbahan. Paliwanag ni Abella sa kasakuyan ang pamamahala ng pamahalaan ay nakabatay sa kapangyarihan ng mga taong gobyerno at nang malalaking negosyante o mayayaman ng walang pakikibahagi ng mamamayan.
‘‘So, what we need is to rebalance the whole thing para may boses ang mamamayan and this is what we call the ‘voice of civil society’. We need civil society to balance to join. We need the voice of civil society, we need the NGO’s, concern farmers, fishermen, bible study leaders, kailangan natin ang mga servant leaders ang mga parokya. We need these people to be able to voice,’’ ayon kay Abella.
Church vs Duterte
Sa panahon ni Abella bilang tagapagsalita ng administrasyong Duterte ay makailang ulit ding nagkaroon ng iringan sa pagitan ng mga pinuno ng simbahan at ng Pangulo dahil sa pagpuna sa ilang polisiya ng pamahalaan.
‘‘The Church is a power institution but if you try to face government as a power institution also, then you lose your moral ascendancy. We should be more inspirational, yun ang puntos ko. We should be a light… para sa akin kasi we can speak prophetically without being antagonistic,’’ ayon pa kay Abella.
Pakikipagkaibigan ng administrasyon sa China
Ipinaliwanag naman ni Abella ang naging posisyon ng Pangulong Duterte sa usapin ng West Philippines Sea at ang tila pagpabor sa China.
Ayon sa dating kalihim, nais lamang ng pangulo na buksan ang kalakalan sa pagitan ng China at Pilipinas.
‘‘So, he (D30) wanted to open the right doors. His style might be a little bit dramatic but his intensions were right. Kumbaga, his economic heart was in the right place. So, in that situation, I support what he did na to regard China as possible and potential trade partner, which is what I think we should view China not so much as political opponent and dangerous hegemon,’’ paliwanag ni Abella.
Ayon pa kay Abella, nakuha ng Pilipinas ay economic sovereign rights sa West Philippine Sea at hindi ang pag-aari ng teritoryo.
‘‘Hindi po atin ang lugar, we share it with other nations and observe other fishing rights there. So nasa atin na to be able to maximize sovereign economic rights at this stage wala tayong sufficient capacity to be able to exercise that kaya kailangan nating mag-engage sa partnership,’’ pahayag ni Abella.
Ilan pa sa mga nais na isulong ni Abella sa ilalim ng kanyang pamumuno na gawing mega industry ang agricultural sector, pagpapabuti sa pangongolekta ng buwis, suporta sa mga maliliit na negosyante, at pagsusulong ng renewable energy.
Giit ni Abella, kinakailangan ng mamamayan ng pagkakaroon ng gobyernong nararamdaman upang masolusyunan ang nararanasang kahirapan ng higit sa 23 milyong mahihirap na Filipino.
