Archbishop Lavarias, humiling ng panalangin sa tagumpay ng National Safeguarding Conference 2025

 9,871 total views

Humiling ng panalangin si San Fernando Archbishop Florentino Lavarias para sa tagumpay ng National Safeguarding Conference 2025 na inisyatibo ng Catholic Bishops’ Conference of the Philippines Office for the Protection of Minors and Vulnerable Persons (CBCP-PMVP), na pinamumunuan din ng arsobispo.
Ayon kay Archbishop Lavarias, mahalaga ang naturang pagtitipon upang higit na mapagtibay ang mga programa ng simbahan sa pangangalaga sa mga bata at mga mahihinang kasapi ng lipunan laban sa anumang uri ng pang-aabuso.
“Ito po ay tungkol sa pagpapahalaga sa pagprotekta lalong lalo na sa mga bata, sa mga Vulnerable Adults. Hinihingi ko ang inyong mga dasal na nawa kaming lahat na dadalo sa conference ay maging kasangkapan na mapaigting, mapayabong itong ating gagawing pagpapahalaga, proteksyon at safety sa ating mga communities sa Santa Iglesia,” pahayag ng arsobispo sa panayam ng Radyo Veritas.
Binigyang-diin ni Archbishop Lavarias na ang tunay na diwa ng safeguarding ay ang pagtiyak na ang mga bata at mahihinang indibidwal ay ligtas at mararanasan ang kagandahan ng pamumuhay sa pananampalatayang Kristiyano.
Sa ginanap na press conference noong October 16 sa Pope Pius XII Catholic Center sa Maynila, sinabi ng arsobispo na patuloy na kumikilos ang simbahan upang tugunan ang mga naiuulat na kaso ng pang-aabuso na kinasasangkutan ng mga pari at iba pang lingkod ng simbahan.
Ipinaliwanag din niya na ang lahat ng natatanggap na reklamo ay isinasangguni sa kaukulang tanggapan sa Vatican, habang nakikipag-ugnayan naman ang lokal na simbahan sa mga civil authorities upang mapanagot ang mga maysala at mabigyang katarungan ang mga biktima.
“There is a number where they can call and share in confidentiality. Once it reaches the bishop, the bishop will address the issue,” ani ng arsobispo.
Hinimok din ng arosbispo ang publiko na huwag matakot o mag-atubiling magsumbong sa mga awtoridad ng simbahan kung may nalalamang pang-aabuso, sapagkat malaking hamon pa rin ang pananahimik ng mga biktima at mga saksi.
Ayon sa arsobispo, katuwang ng simbahan ang ilang grupo at institusyon sa pagbibigay ng psychosocial at spiritual support sa mga biktima ng pang-aabuso hindi lamang sa mga kaso na kinasasangkutan ng mga pari at relihiyoso, kundi pati ng mga lay leaders ng simbahan.
Sa panig naman ni Rojean Macalalad, Executive Director ng Catholic Safeguarding Institute, ang nalalapit na pambansang kumperensya ay pagkakataon para sa mga kinatawan ng mga diyosesis at relihiyosong institusyon na magbahaginan ng karanasan at magplano ng mas matibay na hakbang para sa proteksyon ng mga bata at mahihinang kasapi ng pamayanan.
“We have a lot of topics to help plant seeds, so when they go back, we can really hopefully collaborate more to build a safer Church for our country also,” ani Macalalad.
Batay sa datos ng Philippine National Police (PNP), umabot sa mahigit 17,000 kaso ng child abuse ang naitala sa bansa noong 2023 na isang paalala ng kahalagahan ng patuloy na pagkilos ng simbahan at pamahalaan sa usaping ito.
Isasagawa ang National Safeguarding Conference 2025 sa Clark, Pampanga mula October 20 hanggang 23, katuwang ng CBCP-PMVP ang Pontifical Commission for the Protection of Minors, Catholic Safeguarding Institute, at Conference of Major Superiors in the Philippines.
Tema ng pagtitipon ang “Our Mission of Safeguarding: A Journey of Hope and Compassion,” na hango sa Synod on Synodality at kaugnay ng pagdiriwang ng Jubilee Year of Hope ngayong taon.

Pagkilos para sa reporma at moral change,apela ni Bishop Santos

 3,860 total views

Nanawagan si Antipolo Bishop Ruperto Santos ng sama-samang pagkilos para sa “reporma at pagbabagong moral” sa gitna ng patuloy na paglaganap ng korapsyon sa bansa, na aniya ay hindi lamang usaping pampulitika kundi “isang sugat sa kaluluwa ng sambayanan.”

Ayon sa obispo, ang katiwalian ay sumisira sa dangal ng tao, nagpapalabo sa katarungan, at nagpapahina sa kabutihang panlahat.

Binigyang-diin ni Bishop Santos na tungkulin ng Simbahan na manindigan at magsalita kapag “ang kaluluwa ng bansa ay nasa panganib.”

Kabilang sa mga pangunahing panawagan ni Bishop Santos ang pagpapalakas ng values-based education upang mahubog ang konsensya ng mamamayan mula pagkabata.

“A society that prizes competence without character will always be vulnerable to corruption,” ayon kay Bishop Santos.

Binanggit din ng obispo ang kahalagahan ng malayang hudikatura at matatag na mga institusyon ng pananagutan gaya ng Ombudsman at Commission on Audit, na dapat “protektahan laban sa panghihimasok ng politika upang makapagsagawa ng imbestigasyon at parusa nang walang kinikilingan.”

Binigyang-pansin din ng obispo ang pangangailangan ng mas matibay na proteksyon para sa mga whistleblower at mamamahayag na nagsisiwalat ng katiwalian.

“Those who speak truth to power deserve protection, not punishment,” ani Bishop Santos, kasabay ng paalala na ang mga whistleblower ay dapat kumilos nang may integridad at katapatan sa katotohanan.

Ipinanawagan din niya ang reporma sa campaign finance upang matiyak ang patas at malinis na halalan.

“Elections should not be auctions where the highest bidder wins, but sacred moments of discernment for the nation,” ayon pa sa obispo.

Bilang bahagi ng pagbabago, hinikayat ng obispo ang mga barangay, parokya, at lokal na komunidad na aktibong makilahok sa pagbabantay ng mga proyekto ng pamahalaan at paniningil ng pananagutan sa mga pinuno.

Ngunit higit sa lahat, iginiit ni Bishop Santos na ang tunay na pagbabago ay nagsisimula sa puso. “No law or policy can substitute for the conversion of the human heart.”

Para sa obispo, ang laban kontra korapsyon ay hindi lamang laban ng pamahalaan kundi ng bawat mamamayang Pilipino na may malasakit sa katotohanan, katarungan, at dangal ng bayan.

Labanan ang gutom at malnutrisyon, panawagan ng Santo Papa

 3,924 total views

Nanawagan si Pope Leo XIV sa mga pinuno ng buong mundo na magkaisa sa paglaban sa gutom at malnutrisyon bilang daan tungo sa tunay na kapayapaan.

Sa pagdiriwang ng World Food Day at ika-80 anibersaryo ng Food and Agriculture Organization (FAO) sa Roma, muling pinagtibay ng Santo Papa ang pakikiisa ng Simbahang Katolika sa layuning wakasan ang gutom at itaguyod ang dignidad ng bawat tao.

Sa harap ng mga lider ng United Nations at iba’t ibang bansa, sinabi ng Santo Papa na hindi sapat ang puro pananalita.

“We cannot be content with proclaiming values; we must embody them,” ani Pope Leo. “Slogans do not lift people from misery. We must place the human person above profit and guarantee food security, access to resources, and sustainable rural development.”

Binigyang-diin ng Santo Papa na kahit 80 taon matapos maitatag ang FAO, milyon-milyon pa rin ang nagugutom at kulang sa nutrisyon.

Ayon sa datos, mahigit 673 milyong tao ang natutulog nang walang pagkain, habang 2.3 bilyon naman ang walang sapat na masustansyang pagkain. Para kay Pope Leo, hindi ito basta bilang kundi mga “broken lives and mothers unable to feed their children.”

Kinondena rin ng Santo Papa ang aniya’y “ekonomiyang walang kaluluwa’ at tinawag ang patuloy na pag-iral ng gutom sa panahon ng kasaganaan bilang isang kolektibong pagkukulang sa moralidad at pagkukulang sa kasaysayan.

Ikinababahala rin ng pinunong pastol ang paggamit ng pagkain bilang sandata sa digmaan.

“Food must never be a weapon…The silence of those dying of hunger cries out in the conscience of humanity,” ayon pa kay Pope Leo XIV.

Panawagan sa Pagkakaisa

Kasabay ng tema ng World Food Day na “Water is life, water is food. Leave no one behind,” nanawagan ang Santo Papa ng pagkakaisa sa halip na pagkakahati, na hindi lamang nararapat, kundi tungkulin ng bawat isa.

Pinasalamatan din ni Pope Leo ang mga kababaihan bilang tahimik na haligi ng katatagan at unang nagdadala ng pag-asa.

Sa pagtatapos ng kanyang talumpati, ipinaalala ng pinunong pastol ang mga salita ni Hesus sa mga alagad bilang paalala ng tungkuling tumulong sa nangangailangan. Hinimok niya ang lahat na huwag mapagod sa pananalangin at paggawa para sa tunay na katarungan at kabutihan ng lahat.

Tiniyak din ng Santo Papa ang patuloy na pakikiisa ng Vatican at ng Simbahang Katolika sa paglilingkod sa mga mahihirap at naaapi sa buong mundo.

60-bansa, kalahok sa 2nd World Meeting ng Economy of Francesco Foundation

 11,059 total views

Daan-daang kinatawan na mula 60-bansa ang kumpirmadong kalahok sa pagdaraos ng ikalawang world meeting ng Economy of Francesco Foundation.

Gagawin ang meeting sa Castel Gandolfo, Italy sa darating na buwan ng Nobyerno kung saan muling magpapalitan ng kaalaman ang mga kabataan, ekonomista at iba pang kasapi ng EOF Foundation.

Iba’t-ibang usapin ang tatalakayin sa meeting na hakbang tungo sa pagpapa-unlad ng ekonomiya ng mga bansang kasapi na nakaayon sa panawagan ng yumaong Pope Francis na walang maiiwan sa paglago ng ekonomiya.

Ito ay upang talakayin ang ibat-ibang paksa at simulan sa kani-kanilang bansa ang mahahalagang hakbang tungo sa pagpapanibago ng ekonomiya na nakaayon sa panawagan ni Pope Francis.

“Hundreds of young people from over 60 countries will gather to share ideas, experiences, and solutions for an economy rooted in justice, care, and life. Strong delegations will come from countries such as Italy, Slovakia, the Democratic Republic of Congo, the United States, Brazil, France, Switzerland, and Argentina, alongside many others. This remarkable diversity ensures vibrant exchanges, fresh perspectives, and meaningful global connections,” ayon sa mensaheng pindala ng EOF Foundation sa Radyo Veritas.

Layon din na mapaigting ang pagsusulong sa dignidad ng buhay ng tao kasabay ng pag-unlad ng ekonomiya

“For too long, the global economy has run on exhaustion: of resources, of people, of time. It has been shaped by accumulation without limits, progress without pause, and growth without soul. But the Jubilee Year 2025 — together with the 800th anniversary of the Canticle of the Creatures — offers us a unique moment: to pause, reflect, and begin again,” bahagi pa ng mensahe ng EOF Foundation.

Tema ng ikalawang World Meeting ang ‘Restarting the Economy’ na layuning higit na lumikha ng mga bagong pamamaraan para sa mabuting pag-unlad ng ekonomiya ng buong mundo.

60-bansa, kalahok sa 2nd World Meeting ng Economy of Francesco Foundation

 9,583 total views

Daan-daang kinatawan na mula 60-bansa ang kumpirmadong kalahok sa pagdaraos ng ikalawang world meeting ng Economy of Francesco Foundation.

Gagawin ang meeting sa Castel Gandolfo, Italy sa darating na buwan ng Nobyerno kung saan muling magpapalitan ng kaalaman ang mga kabataan, ekonomista at iba pang kasapi ng EOF Foundation.

Iba’t-ibang usapin ang tatalakayin sa meeting na hakbang tungo sa pagpapa-unlad ng ekonomiya ng mga bansang kasapi na nakaayon sa panawagan ng yumaong Pope Francis na walang maiiwan sa paglago ng ekonomiya.

Ito ay upang talakayin ang ibat-ibang paksa at simulan sa kani-kanilang bansa ang mahahalagang hakbang tungo sa pagpapanibago ng ekonomiya na nakaayon sa panawagan ni Pope Francis.

“Hundreds of young people from over 60 countries will gather to share ideas, experiences, and solutions for an economy rooted in justice, care, and life. Strong delegations will come from countries such as Italy, Slovakia, the Democratic Republic of Congo, the

United States, Brazil, France, Switzerland, and Argentina, alongside many others. This remarkable diversity ensures vibrant exchanges, fresh perspectives, and meaningful global connections,” ayon sa mensaheng pindala ng EOF Foundation sa Radyo Veritas.

Layon din na mapaigting ang pagsusulong sa dignidad ng buhay ng tao kasabay ng pag-unlad ng ekonomiya

“For too long, the global economy has run on exhaustion: of resources, of people, of time. It has been shaped by accumulation without limits, progress without pause, and growth without soul. But the Jubilee Year 2025 — together with the 800th anniversary of the Canticle of the Creatures — offers us a unique moment: to pause, reflect, and begin again,” bahagi pa ng mensahe ng EOF Foundation.

Tema ng ikalawang World Meeting ang ‘Restarting the Economy’ na layuning higit na lumikha ng mga bagong pamamaraan para sa mabuting pag-unlad ng ekonomiya ng buong mundo.

24-bansa, nakiisa sa One Million Children Praying the Rosary 2025

 18,264 total views

Nagpaabot ng pasasalamat ang sanggay ng pontifical foundation ng Vatican na Aid to the Church in Need – Philippines sa aktibong pakikibahagi ng bansa sa taunang pananalangin ng Santo Rosaryo ng mga kabataan sa buong daigdig.

Batay sa datos ng ACN-Philippines sa naganap na One Million Children Praying the Rosary noong ika-7 ng Oktubre, 2025 ay umabot sa 599,678 ang nakibahagi sa sabayang pananalangin ng Santo Rosaryo sa bansa.

Una nang inihayag ni ACN-Philippines National Director Max Ventura na ang taunang One Million Children Praying the Rosary ay bahagi ng pandaigdigang gawain ng pontifical foundation ng Vatican sa bansa na Aid to the Church in Need na isinasagawa sa buong mundo, bilang patunay ng iisang pananampalataya at pag-asa ng mga Kristiyano.
“Ang pakikiisa sa pananalangin, hindi lamang sa Pilipinas, kundi sa buong mundo. Dahil nga po sa ilalim ito ng Aid to the Churching Need, na isang Papal Foundation, at nasa 24 na bansa sa buong mundo. So nakikiisa tayo sa lahat ng mga kabataan na nagdarasal para nga sa ating mundo.” Bahagi ng pahayag ni Ventura sa Radyo Veritas.

Nanawagan din si Ventura ng pagbabalik-loob at pagkakaisa lalo na sa mga pinuno ng bansa sa gitna ng mga kaguluhan at krisis na kinahaharap ng Pilipinas upang manaig ang pagmamahal na itinuturo ni Kristo.

“Sana magkaisa at mabawasan ang mga kaguluhan, ang mga gera. At sana nga magbalik loob. Lalo na ang mga pinuno natin, lalo na dito sa Pilipinas, na sana ang manaig ay ang pagmamahal na siyang tinuro ng ating Panginoong Hesus.” Dagdag pa ni Ventura.

Layunin ng Worldwide Prayer Event na isulong ang pagkakaisa at kapayapaan sa pamamagitan ng sabay-sabay na pananalangin ng mga kabataan ng Santo Rosaryo mula sa iba’t ibang panig ng mundo.

‎Inilunsad ang One Million Children Praying the Rosary campaign sa Caracas, Venezuela noong taong 2005 kung saan umaabot na sa mahigit 80-bansa ang taunang nakikibahagi sa malawakang pananalangin ng mga kabataan ng Santo Rosaryo kabilang na ang Pilipinas nang inilunsad ang gawain sa bansa noong taong 2016.

Isinagawa ang One Million Children Praying the Rosary ngayong taon sa sa Pandiyosesis na Dambana at Parokya ng Santo Rosario sa bayan ng Rosario, Cavite na pinangunahan ng Obispo ng Diyosesis ng Imus na si Bishop Reynaldo Evangelista.

Installation sa bagong Arsobispo ng Archdiocese of Cotabato, itinakda sa December 8

 20,938 total views

Itinakda ng Archdiocese of Cotabato ang pagluklok kay Archbishop Charlie Inzon sa December 8, kasabay ng dakilang kapistahan ng Immaculada Concepcion.

Pangangasiwaan ni Cotabato Archbishop Emeritus Angelito Lampon ang rito ng pagluklok sa ganap na alas-tres ng hapon sa Immaculate Conception Cathedral sa Cotabato City.

Magbabahagi naman ng homiliya si Cardinal Orlando Quevedo, na dati ring arsobispo ng Cotabato.
Kasabay ng pagtanggap sa ikalimang arsobispo ng arkidiyosesis ang culmination ng pagdiriwang ng ika-75 anibersaryo ng pagkakatatag ng Archdiocese of Cotabato, gayundin ang episcopal coronation ng imahe ng Inmaculada Concepcion, ang patrona ng arkidiyosesis.

Ayon kay Archbishop Lampon, ang 2025 ay isang makasaysayang taon para sa lokal na simbahan ng Cotabato bilang pagkilala sa kasaysayan, malalim na pananampalataya, at patuloy na paglilingkod sa pamayanang Kristiyano.

Matatandaang noong September 8, itinalaga ni Pope Leo XIV si Archbishop Inzon bilang kahalili ni Archbishop Lampon matapos nitong maabot ang mandatory retirement age na 75 taong gulang.

Si Archbishop Charlie Inzon, na ipinanganak noong 1965 sa Pilar, Sorsogon, ay pumasok sa kongregasyon ng Oblates of Mary Immaculate (OMI) noong 1982 at nagkaroon ng perpetual profession noong 1990.

Nagtapos siya ng Philosophy sa Notre Dame University sa Cotabato City at ng Theology sa Loyola School of Theology ng Ateneo de Manila University sa Quezon City. Siya ay naordinahang pari ng OMI noong April 24, 1993, sa Caloocan City.

Bilang bagong pinuno ng Archdiocese of Cotabato, pangangasiwaan ni Archbishop Inzon ang mga lalawigan ng Cotabato, Sultan Kudarat, at Maguindanao, gayundin ang Cotabato City.

Radio Veritas Priest anchor, kinilala ni Archbishop Villegas

 20,229 total views

Inalala at pinarangalan ni Lingayen-Dagupan Archbishop Socrates Villegas ang yumaong Healing Touch anchor na si Fr. Benjamin Deogracias “Benjo” Fajota, sa kanyang tapat at masigasig na paglilingkod bilang pari.

Sa homiliya ng arsobispo sa funeral mass ni Fr. Fajota, inilarawan niya ang yumaong pari bilang isang tinig ng kababaang-loob at pananampalataya na naghatid ng pag-asa sa marami.

“That mellow Benjo voice is now quiet. Subalit, that mellow Benjo voice will forever be rewarded by the Lord because the Lord cannot be outdone in generosity,” ayon kay Archbishop Villegas.

Dagdag pa ng arsobispo, ang tinig na iyon ay hindi lamang nagmula kay Fr. Benjo kundi sa mismong tinig ni Hesus na kanyang sinundan sa buong buhay bilang pari.

“Sa pamamagitan ng kanyang pagtuturo, sa pamamagitan ng kanyang pangangaral, narinig natin ang tinig ng Diyos. Narinig natin ang mabuting balita. Narinig natin na tayong lahat ay mahal ng Diyos,” pahayag ni Archbishop Villegas.

Ibinahagi rin ni Archbishop Villegas ang mga katangiang bumubuo sa pagkatao ng pari — mahigpit ngunit mapagkumbaba. Ipinaliwanag niya na ang pagiging istrikto ni Fr. Benjo ay hindi bunga ng kayabangan kundi ng pagkilala sa sariling kahinaan.

“He was a humble man. He was a strict man because he knew that he was weak. And knowing his weakness, he always clung to the Lord for mercy, for forgiveness, for compassion, for a new beginning, for a new hope all the time. Let the humility of this priest remind us that humility is the crown of all virtues,” dagdag pa ng arsobispo.

Si Fr. Fajota ay naordinahang pari noong 2006 at naglingkod sa iba’t ibang parokya at tanggapan ng Archdiocese of Manila. Kilala rin siya bilang isa sa mga anchor priest ng Healing Touch sa Veritas Friday Edition at regular na tagapagdiwang ng Healing Masses sa Radyo Veritas.

Pumanaw si Fr. Fajota noong Oktubre 9, 2025 dahil sa karamdaman. Isinagawa ang kanyang funeral mass noong Oktubre 14 sa San Roque de Manila Parish — ang huling parokyang kanyang pinagsilbihan bago siya pumanaw.

Taunang Pagdalaw ng Mahal na Birheng Maria sa BFP Inilunsad

 21,382 total views

Inilunsad ng Bureau of Fire Protection (BFP) National Headquarters Chaplain Service ang taunang pagdalaw ng imahe ng Mahal na Birheng Maria sa kanilang tanggapan bilang bahagi ng paggunita sa buwan ng Santo Rosaryo.

Ngayong taon ay unang dumalaw ang pilgrim image ng na simula ng bagong tradisyon sa BFP.

Ayon kay Post Chaplain Fr. (SInsp) Raymond Tapia, layunin ng kanilang chaplain service na mapaigting ang debosyon at mapalalim ang pananampalataya sa hanay ng mga bumbero sa pamamagitan ng mga gawaing espirituwal.

“Tuwing ikalawang linggo ng Oktubre, dadalaw ang Mahal na Birhen dito sa aming National Headquarters — isang tradisyong sinimulan namin ngayong taon. Manalangin tayo na bigyan kami ng karunungan, katalinuhan, at lakas ng loob sa aming paglilingkod bilang mga bumbero — sa aming tungkulin na magligtas ng buhay at magligtas ng ari-arian,” pahayag ni Fr. Tapia sa panayam ng Radyo Veritas.

Binigyang-diin ni Fr. Tapia na ang pagbisita ng Mahal na Ina ay hindi lamang simbolo ng pananampalataya, kundi paanyaya rin na magdasal para sa lahat ng kawani ng BFP sa iba’t ibang rehiyon na patuloy na nagsasagawa ng search, rescue, at relief operations sa mga lugar na lubhang naapektuhan ng mga bagyo at lindol sa Visayas at Mindanao.

“Nawa, sa tulong ng panalangin ng Mahal na Birhen ng Santo Rosario ng Manaoag, bigyan ng Diyos ng kalakasan at katatagan ang aming mga kaanib na apektado ng mga lindol at bagyo,” dagdag pa ng pari.

Bilang pagninilay sa pagdiriwang ng Rosary Month, hinimok din ni Fr. Tapia ang mga mananampalataya na isabuhay ang diwa ng debosyon sa Mahal na Birhen sa pamamagitan ng pananampalataya at mabuting gawa.

“Ang tunay na pagdidebosyon sa Mahal na Birheng Maria ay hindi lang nakikita sa salita, kundi sa gawa at sa halimbawang ipinakikita sa kapwa at lipunan. Inaanyayahan namin ang lahat na gamitin ang buwang ito hindi lang sa pagdarasal ng Santo Rosario, kundi sa pagninilay ng bawat misteryo at sa pagsasabuhay nito sa araw-araw,” dagdag pa ni Fr. Tapia.

Mananatili ang pilgrim image ng Our Lady of the Rosary of Manaoag sa St. Florian Chapel ng BFP National Headquarters sa Quezon City hanggang Oktubre 17, kung saan bukas ito sa publiko para sa pagdalaw at pakikibahagi sa mga banal na misa tuwing alas-onse ng umaga.

Lahat ng parokya ng simbahang Katolika, hinimok na makiisa sa World Mission Sunday

 20,499 total views

Umapela si Pope Leo XIV sa mga mananampalataya na suportahan ang mga misyonerong patuloy na naglilingkod sa iba’t-ibang panig ng daigdig.

Ito ang panawagan ng Santo Papa sa pagdiriwang ng World Mission Sunday sa October 19, 2025 na may temang “Missionaries of Hope Among All Peoples,” na hango sa paggunita ng Jubilee Year of Hope ng Simbahan ngayong taon.

“I urge every Catholic parish in the world to take part in World Mission Sunday,” ayon kay Pope Leo.

Binibigyang-diin ng Santo Papa na ang pagkakaisa at suporta ng mga mananampalataya ay mahalaga upang matugunan ang mga pangangailangan ng mga misyonero, lalo na sa mga liblib at mahihirap na lugar kung saan patuloy na lumalaganap ang pananampalataya sa kabila ng mga hamon.

Ibinahagi rin ni Pope Leo XIV ang kanyang personal na karanasan bilang dating misyonerong Agustinong pari at obispo sa Peru, kung saan nasaksihan mismo ang bunga ng kabutihang dulot ng World Mission Sunday.

“Your prayers, your support will help spread the Gospel, provide for pastoral and catechetical programs, help to build new churches, and care for the health and educational needs of our brothers and sisters in mission territories,” dagdag ng Santo Papa.

Ang World Mission Sunday, na ipinagdiriwang tuwing ikatlong Linggo ng Oktubre, ay nagbubuklod sa buong Simbahan sa pananalangin at pagtulong para sa kabutihan at pagtatagumpay ng mga misyonero sa buong mundo, lalo na sa mga lugar na humaharap sa matitinding hamon panlipunan at pang-ekonomiya.

Itinatag ang World Mission Sunday noong 1926 ni Pope Pius XI upang pagkaisahin ang Simbahan sa pagdarasal at pagtulong para sa mga gawaing misyonero sa iba’t ibang bansa.

Sa araw na ito, nagsasagawa ang mga simbahan ng special collections na ipinadadala sa Pontifical Mission Societies sa Roma upang suportahan ang mga pari, relihiyoso, katekista, at mga komunidad sa mga lugar ng misyon.

Sa Pilipinas, libu-libong mga misyonerong pari, madre, relihiyoso, at layko ang patuloy na naglilingkod sa iba’t ibang panig ng mundo.
Kabilang dito ang milyun-milyong Overseas Filipino Workers (OFWs) na tinaguriang “smugglers of faith” dahil sa kanilang tahimik ngunit makabuluhang pagbabahagi ng pananampalataya sa mga lugar na pinagtatrabahuhan.

Nananawagan si Pope Leo XIV sa lahat ng parokya ng Simbahang Katolika na aktibong makibahagi sa pagdiriwang ng World Mission Sunday sa darating na Linggo, October 19.

Sa isang video message, iginiit ng Santo Papa na ang taunang pagdiriwang ay pagkakataon upang ipanalangin at suportahan ang mga misyonerong patuloy na naglilingkod sa iba’t ibang panig ng mundo.

Ayon kay Pope Leo, na matagal na nagmisyon sa Peru, naranasan niya kung paanong ang panalangin, pananampalataya, at kabutihang-loob ng mga Katoliko sa World Mission Sunday, ay nakapagbabago ng buhay ng maraming komunidad.

“Your prayers, your support will help spread the Gospel, provide for pastoral and catechetical programs, help to build new churches, and care for the health and educational needs of our brothers and sisters in mission territories,” ayon sa mensahe ni Pope Leo.

Binibigyang-diin ng Santo Papa na ang suporta ng bawat parokya ay tumutulong sa pagpapalaganap ng Ebanghelyo, pagtatayo ng mga bagong simbahan, at pagtugon sa mga pangangailangang pangkalusugan at pang-edukasyon ng mga residente sa mga malalayong parokya.

Panawagan ng Santo Papa na sariwain ng bawat mananampalataya ang kanilang bokasyon bilang mga tagapagdala ng pag-asa ni Kristo sa buong daigdig.

Tema ng Santo Niño 2026, ibinahagi sa publiko

 19,239 total views

Ibinahagi na ng Archdiocesan Shrine and Parish of Santo Niño sa Tondo, Maynila ang opisyal na tema para sa pagdiriwang ng Dakilang Kapistahan ng Panginoong Hesus, ang Santo Niño 2026.

100-araw bago ang pagdiriwang ng Pista ng Mahal na Poong Santo Niño ng Tondo sa ika-18 ng Enero, 2025 ay inihayag ng pang-arkidiyosesanong dambana ang temang “Sto. Niño: Huwaran ng Kababaang-Loob tungo sa Kadakilaan ng Diyos” (Lucas 9:48).

Ang tema ay isinapubliko kasabay ng paggunita ng “100 Araw Bago ang Kapistahan” ng Mahal na Poong Santo Niño noong ika-10 ng Oktubre, 2025 bilang paghahanda sa Pistang Bayan na gaganapin sa Enero 18, 2026.

Binibigyang-diin ng tema na nakabatay sa Ebanghelyo ni San Lucas na ang tunay na kadakilaan ay nasusumpungan sa kababaang-loob, tapat na paglilingkod, at pagsunod sa kalooban ng Diyos, kung saan dapat na iwaksi ang kayamanan, kapangyarihan, o katanyagan.

“Sa ating pagdiriwang ng Pistang Bayan sa ika-18 ng Enero 2026 sa karangalan ng Mahal na Poong Santo Niño ng Tundo, patuloy nating ipagbunyi ang Diyos na nagpakababa upang tayo’y iligtas. Ang tema ng kapistahan sa taong 2026 ay hango sa Ebanghelyo ni San Lucas, na nagtuturo sa atin na ang tunay na kadakilaan ay hindi nasusumpungan sa kayamanan, kapangyarihan o katanyagan, kundi sa mapagpakumbabang paglilingkod at tapat na pagsunod sa kalooban ng Diyos Ama.” Bahagi ng pahayag ng Archdiocesan Shrine and Parish of Santo Niño sa Tondo, Maynila.

Sa pagdiriwang ng kapistahan, inanyayahan ng parokya ang mga deboto na patuloy na ipagbunyi ang Diyos na nagpakababa upang iligtas ang sangkatauhan, at tularan ang kababaang-loob ng Batang Hesus na ‘nakipamuhay sa atin’.

Binigyang-diin din sa mensahe ng dambana na sa pamamagitan ng pamimintakasi sa Santo Niño ay mahubog sa mga mananampalataya ang malalim na pananampalataya, kababaang-loob, at dalisay na pag-ibig na mga biyayang umaakay sa kabanalan at sa kadakilaan ng Diyos.

Papal Nuncio to the Philippines, sisikaping mapunan ang 5-sede vacante na diyosesis sa Pilipinas

 15,596 total views

Humiling ng panalangin si Papal Nuncio to the Philippines Archbishop Charles Brown para sa pagkakaroon ng mga karagdagang pastol sa mga sede vacante na diyosesis sa bansa.

Sa kanyang pastoral visit on the air sa Barangay Simbayanan program ng Radyo Veritas, ibinahagi ng nuncio na hindi madali ang pagpili ng magiging obispo sapagkat dadaan ito sa masusing pag-aaral at proseso sa Vatican.

Ipinaliwanag ng nuncio na bilang kinatawan ng Santo Papa sa Pilipinas, tungkulin nitong magsumite ng listahan ng mga pari sa Dicastery for Bishops upang pag-aralan at pagpasyahan ng Santo Papa.
“A bishop is someone who has the faith, who has lived a good life as a priest, who is a man of prayer, and who also has the ability to administer and govern a diocese,” pahayag ni Archbishop Brown sa Radyo Veritas.

Binigyang-diin ng nuncio na hindi madali ang tungkulin ng isang obispo dahil kaakibat nito ang malaking responsibilidad sa pamamahala at pagpapastol sa mga nasasakupan.

“To be a bishop today is basically to receive the crown of thorns. In many parts of the world, to be a bishop is simply to accept the cross and go forward,” dagdag ni Archbishop Brown.

Ipinahayag din ng Papal Nuncio na kasalukuyan niyang pinagsusumikapang mapunan ang mga bakanteng diyosesis sa bansa at humiling ng panalangin para sa paggabay ng Espiritu Santo sa pagpili ng mga karagdagang pastol.

“We have five vacant dioceses, so we’ll have more appointments before Christmas,” ayon kay Archbishop Brown.

Sa kasalukuyan, sede vacante ang mga diyosesis ng Kalibo, San Jose, Nueva Ecija, at Tagbilaran, gayundin ang apostolic vicariate ng Tabuk.

Magiging sede vacante naman ang apostolic vicariate of Jolo kung pormal nang maluklok si Archbishop Charlie Inzon sa Archdiocese of Cotabato.

Bukod dito, ilan sa mga obispo ay inaasahang magreretiro sa pag-abot ng 75 taong gulang — ang mandatory retirement age para sa mga obispo — kabilang sina Bacolod Bishop Patricio Buzon at Nueva Segovia Archbishop Marlo Peralta.

Si Bishop elect Edwin Panergo ay hinihintay na lamang ang kanyang episcopal ordination at installation sa Diocese of Boac, Marinduque na sede vacante mula pa noong 2024.

Pagdarasal nagbubunga ng tagumpay-Papal Nuncio to the Philippines

 18,461 total views

Hinimok ni Archbishop Charles Brown, Apostolic Nuncio to the Philippines, ang mga mananampalataya na patuloy na manalangin ng Santo Rosaryo bilang sandigan ng pananampalataya at tagumpay sa gitna ng mga pagsubok.

Sa kanyang pastoral visit sa Barangay Simbayanan program ng Radyo Veritas, ipinaalala ng nuncio na ang Rosaryo ay sagisag ng katapatan at pananalig na nagdadala ng tagumpay sa bawat hamon ng buhay.

“The Rosary is a powerful prayer… The feast of the Holy Rosary was born out of gratitude — it reminds us that prayer can bring victory, even in the darkest times,” ayon kay Archbishop Brown.

Ipinaliwanag ng arsobispo na ang kapistahan ng Santo Rosaryo ay itinatag ni Pope Pius V noong 1571 matapos ang Labanan sa Lepanto, bilang pasasalamat sa tagumpay ng mga Kristiyano na iniuugnay sa sama-samang pagdarasal ng Rosaryo.

Dagdag ng nuncio, patuloy na nananawagan ang mga Santo Papa sa mga mananampalataya na ipagpatuloy ang pagdarasal ng Santo Rosaryo, lalo na sa buwan ng Oktubre na itinalagang Month of the Holy Rosary ng Simbahan.

Binigyang-diin din ni Archbishop Brown na ang pagdarasal ng Santo Rosaryo ay isang mabuting paraan upang manatiling malapit sa Diyos sa gitna ng abalang buhay ng mga tao.

“I encourage everyone to pray the rosary, even with Manila traffic, we can always find time to pray the Rosary — a jeepney ride is enough time to draw closer to God,” ani ng nuncio.

Pinuri rin ng kinatawan ng Santo Papa ang isinagawang rosary rally ng Diocese of Bacolod sa pangunguna ni Bishop Patricio Buzon, na naglalayong ipanalangin ang pagtatapos ng katiwalian at maling paggamit ng pondo ng bayan.

“I think the Diocese of Bacolod was praying the rosary to rally against corruption, which is a worthy thing to do. Praying for peace and an end to corruption is something we can all do — not only through prayer, but also through action,” dagdag ni Archbishop Brown.

Ibinahagi rin ng nuncio ang kanyang personal na karanasan sa kapangyarihan ng Santo Rosaryo, na aniya’y nagpatibay sa kanyang bokasyon tungo sa pagpapari.

“The Rosary reminds us that prayer is not just repetition — it is meditation, reflection, and conversation with God,” paliwanag ni Archbishop Brown.

Bilang pagtatapos, hinimok ni Archbishop Brown ang mga Pilipinong Katoliko na gawing bahagi ng pang-araw-araw na buhay ang pagdarasal ng Santo Rosaryo — isang sandata ng pananampalataya na nagbubuklod sa sambayanan, nagpapatatag sa pananalig, at nagbubunga ng kapayapaan.

Paigtingin ang pagdarasal ng rosaryo, apela ni Bishop Ayuban sa mga Pilipino

 15,436 total views

Isinulong ni Cubao Bishop Elias Ayuban Jr. ang pagpapalakas at panunumbalik ng mga Pilipino sa pagdarasal ng rosaryo.

Ito ang buod ng mensahe ng Obispo sa naging pagdiriwang ng Dakilang Kapistahan ng Nuestra Señora del Santísimo Rosario La Naval de Manila sa Santo Domingo Church – National Shrine of Our Lady of the Holy Rosary of La Naval de Manila sa Quezon City.
Ayon sa Obispo, nawa sa tulong ng pagpapalalim sa pagdedebosyon sa Mahal na birheng Maria at pagdadasal ng rosaryo ay mahilom ng Panginoon sa pamamagitan ni Maria ang Pilipinas higit na laban sa mga kalamidad at suliranin na kinarap sa mga nakalipas na buwan at taon.

Ito ay katulad ng mga magkakasunod na bagyo, lindol at pagkabunyag sa mga maanomalyang proyekto sa pamahalaan na lubhang naging pasakit para sa pinakamahihirap na Pilipino.

“Bilang inyong Obispo, gusto kong manawagan na paigtingin natin ang pagdarasal ng Rosaryo, bilang inyong Obispo ako’y nananawagan na atin ibabalik ang ating tradisyon sa pagdarasal ng Rosaryo, I was so touched seeing some video footages of children praying the Rosary during the tremors in Mindanao,” ayon sa mensahe ni Bishop Ayuban.

Panalangin ng Obispo, nawa sa pamamagitan ni Maria at panunumbalik sa Santo Rosaryo ay magkaroon ng katatagan ng loob ang mga Pilipino na higit pang manindigan laban sa mali at magkaroon ng konsensya ang mga tiwaling opisyal upang maibalik ang mga ninakaw sa kaban ng bayan.

Kasabay ng pagdarasal ng Rosaryo ay hinimok ni Bishop Ayuban ang mga Pilipino, higit na ang mga mananampalataya ng Diocese of Cubao na magsuot ng puti sa pagsisimba tuwing araw ng linggo at magsabit ng mga puting laso sa mga simbahan at kanilang tahanan hanggang Nobyembre.

“‘Hate the sin but love and pray for the sinner’ kahit mahirap silang mahalin, ang tunay na anak ni Maria ay hindi nananahimik sa harap ng kasamaan, ngunit sa halip ako ay nag-aanyaya sa inyo at sa lahat sa mga sangkot sa korapsyon na magbalik loob at magsauli sa ninakaw na kaban ng bayan,” bahagi pa ng mensahe ni Bishop Ayuban.

Ito ay bilang pakikiisa sa Catholic Bishops’ Conference of the Philippines sa paglulunsad ng National Day of Prayer and Public Repentance upang higit na kundenahin at manindigan laban sa katiwalian.