Si Hesus ang pag-asa at bagong buhay, paalala ng Papal Nuncio to the Philippines

 2,790 total views

Pinaalalahanan ng opisyal ng Vatican ang mananampalataya na hatid ni Hesus ang bagong buhay at pag-asa para sa bawat isa.

Ito ang mensahe ni Papal Nuncio to the Philippines Archbishop Charles Brown sa misang ginanap sa Saint Michael the Archangel Parish sa Jagna Bohol sa unang araw ng 130th plenary assembly ng Catholic Bishops’ Conference of the Philippines.

Sinabi ni Archbishop Brown na si Hesus ang tumatanglaw upang kamtin ng sangkatauhan ang pag-asang dulot ng kanyang mga sakripisyo.

“Hope is always pointed to the future. Hope is always about something new. We hope about the future—what is new. Hope is confidence in newness. Hope is confidence in what is coming, what is new,” bahagi ng pagninilay ni Archbishop Brown.

Binigyang diin ng nuncio na ang mga kristiyano ay kawang puspos ng kagalagakan at pag-asa sa kinabukasan.

Inalala ni Archbishop Brown ang namayapang Pope Francis na nag-iwan ng mensahe ng pag-asa sa kanyang paglisan noong April 21 o Easter Monday lalo’t pinasimulan nito ang pagdiriwang ng simbahang katolika sa Jubilee Year of Hope.

Tinuran ng arsobispo na ang pagkahalal kay Pope Leo XIV ay patunay ng pagpapatuloy ng simbahan sa paghahatid ng pag-asa sa kristiyanong pamayanana.

“We mourn the loss of our beloved Holy Father, Pope Francis. His pontificate comes to an end in that beautiful moment of Easter Monday, that moment of new life, then a new pope for a new era, the youngest pope we’ve had in the last 35 years, Pope Leo XIV. So, we have this continuous newness of the Church. She is always renewing herself,” giit ni Archbishop Brown.

Paalala ng arsobispo sa mananampalataya na ipagdiwang nang buong kagalakan ang diwa ng pag-asa batay sa Bull of Indiction ni Pope Francis na nagdeklarang Holy Year of Jubilee ang 2025 sa temang ‘Spes non Confundit’ o ‘hope does not disaappoint’.

Katuwang ni Archbishop Brown sa pagdiriwang ng banal na misa sa unang araw ng plenary assembly sina Military Bishop Oscar Jaime Florencion at Alaminos Bishop Napoleon Sipalay, Jr.
Kasalukuyang isinasagawa ang CBCP Plenary Assembly sa Anda, Bohol na bahagi ng Diocese of Talibon mula JUly 5 hanggang 7.

Bishop Alminaza,bagong chairman ng Caritas Philippines

 2,761 total views

Inihalal ng Catholic Bishops’ Conference of the Philippines si San Carlos Bishop Gerardo Alminaza bilang bagong chairman ng CBCP Episcopal Commission on Social Action, Justice and Peace.
Ang Obispo ang hahalili kay Kidapawan Bishop Jose Colin Bagaforo na matatapos ang termino sa November 30, 2025.

Kaakibat ng pagiging bagong chairman ng kumisyon ay magsisilbi rin si Bishop Alminaza bilang bagong pangulo ng Caritas Philippines na humanitarian, development and advocacy arm ng CBCP.
Kilala si Bishop Alminaza sa kanyang adbokasiya sa pagsusulong ng karapatang pantao, katarungang panlipunan at pangangalaga ng kalikasan sa bansa.

“The announcement was made during the 130th CBCP Plenary Assembly held in Anda, Bohol. He will succeed Bishop Colin Bagaforo of Kidapawan, who served in the role since 2019. Known for his strong advocacy on environmental protection, human rights, and social justice, Bishop Alminaza will now lead the Church’s efforts in promoting justice, peace, and integral human development through Caritas Philippines.” Bahagi ng anunsyo ng Caritas Philippines.

Si Bishop Alminaza ang kasalukuyang vice chairman ng CBCP Episcopal Commission on Social Action, Justice and Peace at vice president ng Caritas Philippines magmula noong taong 2019.
Bahagi ng 130th Plenary Assembly ng CBCP na pagtitipon ng kalipunan ng mga Obispo na nagaganap sa Anda, Bohol ang paghalal ng mga bagong pamunuan para sa iba’t ibang komisyon ng CBCP.

Ang mga opisyal ng CBCP ay maglilingkod sa loob ng dalawang taon para sa isang termino at maaring muling ihalal sa pangalawang termino o kabuuang apat na taong pamumuno.
Kasalukuyang may 126 na miyembro ang CBCP kung saan 87 ang aktibong obispo, 38 ang mga retirado at tatlong diocesan priest-administrators.

Parish of St.Therese of the Child Jesus, idineklarang national shrine ng CBCP

 2,930 total views

Ikinagalak ni Antipolo Bishop Ruperto Santos ang desisyon ng Catholic Bishops’ Conference of the Philippines na gawing National Shrine ang Diocesan Shrine and Parish of Saint Therese of the Child Jesus sa Mayamot Antipolo City.

Sa isinagawang 130th plenary assembly ng CBCP nitong July 5, 2025 sa Anda Bohol, nagkasundo ang mga obispo na gawing pambansang dambana ang nasabing simbahan.
Ayon kay Bishop Santos bukod sa titulo kaakibat ng pag-angat ng estado ng simbahan ang mas malawak at malalim na misyong gagampanan na makatutulong sa paglago ng pananampalataya ng mga Pilipino.

“The elevation of the Parish Church of Saint Therese of the Child Jesus into a National Shrine is not simply a change of title – it is a deepening of purpose, a maturing of mission, and a sanctification of space for generations to come,” bahagi ng pahayag ni Bishop Santos.

Sinabi ng obispo na layunin ng pag-angat ng simbahan bilang national shrine na mas mapalawak ang misyon ng Saint Therese sa iba’t ibang bahagi ng bansa.

Ito ang ikalawang national shrine ng Diocese of Antipolo na ayon sa obispo na panibagong simula ng pagpapatatag ng debosyon ng mga Pilipino at higit na mailapit sa Panginoon.
“This elevation is not an end, but a beginning, one that will build upon years of devotion, deepen the spiritual life of the faithful, and beacon for contemplative mission across the Philippines. Rooted in prayer and aligned with the universal church, we are committed to stewarding this shrine with humility and reverence,” ayon kay Bishop Santos.

Pangunahing batayan sa national shrine status dapat naitalagang diocesan shrine ang isang simbahan na may matatag na paghuhubog sa pananampalatya.

Ang mga national shrine ay kinikilala batay sa kahalagahan sa kasaysayan, kultura at higit sa espiritwal na aspeto ng lipunan.

Taong 2002 nang pangunahan ni noo’y Antipolo Bishop Crisostomo Yalong ang pagtatag ng dambana na itinalaga sa kay Saint Therese alinsunod sa mga gawain ni St. Francis Xavier Parish ang mother parish ng dambana.

Noong October 2003 nagsagawa ng pilgrimage ang 17 indibdiwal sa Lisieux, France kung saan sa kanilang pagbalik ay bitbit ang primary relic ni St. Therese.
December 2003 naman ng pormal na itinalaga ni noo’y Antipolo Bihsop Gabriel Reyes ang simbahan bilang parokya habang 2005 sinimulan ang pagtatayo ng simbahan sa kasalukuyan nitong lugar sa Mayamot, Antipolo City.

September 1, 2011 nang italaga ni Bishop Reyes ang dambana bilang diocesan shrine.

Mananampalataya, hinimok na ipagkatiwala sa birheng Maria ang buhay

 2,834 total views

Ipagkatiwala sa Mahal na Birheng Maria ang buhay dahil gagabayan niya tayo tungo sa Panginoong Hesukristo at sa Diyos.

Ito ang mensahe ni Novaliches Bishop Emeritus Teodoro Bacani Jr. sa Misang kaniyang pinangunahan sa St.Joseph Shrine ng Diocese of Cubao bilang pagdiriwang sa ika 19-taong anibesaryo ng pagkakatatag ng Our Lady of Caysasay – Marikina Chapter.

Ayon sa Obispo, nawa sa tulong ng pamamagitan at pagdedebosyon sa Mahal na Birheng Maria, ay higit na mapalalim ang pananampalataya ng mga relihiyoso at relihiyosa ng simbahan.

“Happy Anniversary! Unang-una sa members ng mga Chapters ng Marikina Chapter ng Our Lady of Caysasay at ako po’y natutuwa na makadalo dito sa inyong pagdiriwang at makapamuno ng Misa at malaking biyaya po sa atin ang pagpapakita ng ating Mahal na Ina upang ipaalam na ang Diyos ay hindi lumalayo sa atin kailanman lalo na sa mga pagkakataaon na tayo’y nasa bingit ng hirap o mga suliranin,” ayon sa panayam ng Radyo Veritas kay Bishop Bacani.

Mensahe naman ni Father Father Gilberto Fortunato II C. Dumlao – Rector at Parish Priest ng St.Joseph Shrine ng Diocese of Cubao, sa anumang pagkakataon sa buhay ay kasama ng simbahan at ng mga mananampalataya ang Mahal na Birheng Maria.

Higit na sa mga Ito ay ang paglalakbay kasama ang tao sa anumang kalbaryo ang maranasan sa buhay o komunidad kung kaya’t panghihimok ng Pari ang higit na pagdedebosyon sa Mahal na Birheng Maria at kay St.Joseph.

“Ang mensahe po natin ay magtiwala sa mahal na birheng Maria, katulad nga po ng Birhen ng Caysasay, handa siyang maglakbay paulit-ulit dahil dama rin ng Mahal na Ina ang hirap ng ating pagsunod sa Panginoon pero ang ligayang kapiling lagi siya sa ating buhay lalo na sa pananampalataya kaya’t manalig kasama ang Birheng Maria at patuloy na magdasal sa Kaniyang pamimintuho, Viva Maria!,” ayon sa panayam ng Radyo Veritas kay Fr.Dumlao.

Nagpapasalamat naman si Brother Vicente Raguero sa malugod na pagtanggap ng Diocese of Cubao at St.Joseph Shrine sa Quezon City sa kanilang religous organization ng Our Lady of Caysasay Marikina Chapter.

Ito ay upang ipagdiwang ang ika-19 na taong pagkakatatag ng organisasyon ngayong araw dahil narin katangi-tangi ang pagkakataon na ipagdiwang ang anibersaryo sa dambana kung saan pinangunahan nina Novaliches Bishop Emeritus Teodoro Bacani Jr. at Kalookan Bishop Emeritus Deogracias Iñiguez, kasama ang mga pari ng Diyosesis ng Cubao, ang banal na misa bilang pagdiriwang.

“Very Succesful ang aming 19th Anniversarry ng Our Lady of Caysasay, dito namin ginawa sa St.Joseph Shrine sa Diocese of Cubao, pinayahan kami ni Fr.Dumlao na dito namin gawin, kaya nagpapasalamat ako dahil napakabuti ng Panginoon dahil lahat ng Grasya ay pinagkakaloob niya, Maging totoo lang tayo, pagdating sa Panginoon sa Mahal na Birhen, maging mapagmatyag din tayo lalung-lalu na ang mahal na Ina ay napakabuti, napakabait sa kaniyang Anak na si Hesukristo, kasi ang Mahal na Ina ‘It’s Always my Son'” ayon naman sa panayam ng Radyo Veritas kay Raguero.

Paanyaya ni Raguero sa mga mananampalataya ang pagpapalalim ng debosyon sa Mahal na Birhen Maria sa pamamagitan ng Our Lady of Caysasay kung saan maaring makipag-ugnayan sa kaniya sa mga numero bilang 0-9-5-6-2-6-8-3-3-9 upang bisitahin ng Imahen na nasa kanilang pangangalaga ang ibat-ibang mga parokya o komunidad.

Ayon sa kasaysayan ng orihinal na Imahen ng Our Lady of Caysasay sa Batangas, magugunita na matapos mawala ng mahabang panahon muling natagpuan ang imahe ng Birhen ng Caysasay noong 1611 kung saan napagdesisyunan ng mamamayan kasama ang pari sa lugar na magtayo ng dambana para sa imahe.

December 8, 1954 kasabay ng pagdiriwang ng pista ay ginawaran ng Canonical Coronation sa Basilica of San Martin de Tours sa pangunguna ni Spanish Cardinal Fernando Quiroga bilang kinatawan ni Pope Pius XII.

Arsobispo ng Lipa at Zamboanga nahalal bilang mga pinuno ng CBCP

 19,421 total views

Inihalal ng Catholic Bishops’ Conference of the Philippines si Lipa Archbishop Gilbert Garcera bilang bagong pangulo ng kalipunan. Ang arsobispo ang hahalili kay Kalookan Bishop Cardinal Pablo Virgilio David na matatapos ang termino sa November 30, 2025.

Naihalal din ng kalipunan si Zamboanga Archbishop Julius Tonel bilang Vice President na hahalili kay Pasig Bishop Mylo Hubert Vergara na matatapos din ang termino sa Nobyembre.

Si Archbishop Garcera ay kasalukuyang regional representative ng Southeast Luzon habang si Archbishop Tonel naman ang kinatawan ng South Mindanao sa CBCP.
Bago maordinahang obispo noong 2007 si Archbishop Garcera ay nagsilbing secretary general ng CBCP, executive secretary ng Episcopal Commission on Mission at national director ng Pontifical Mission Society.

Nagsilbi rin ang arsobispo bilang chairman ng Office on Laity and Family ng Federation of Asian Bishops’ Conferences.

Samantala si Archbishop Tonel naman ay dating chairperson ng CBCP Commission on Liturgy at kasalukuyang namumuno sa Committee on Bishops’ Concern.

Ang mga opisyal ng CBCP ay maglilingkod sa loob ng dalawang taon para sa isang termino at maaring muling ihalal sa pangalawang termino o kabuuang apat na taong pamumuno.

Kasalukuyang may 126 na miyembro ang CBCP kung saan 87 ang aktibong obispo, 38 ang mga retirado at tatlong diocesan priest-administrators.

Dalawang beses sa isang taon ang pagpupulong ng kapulungan at kung walang pagtitipon ang CBCP ang permanent council ang magsisilbing kinatawan ng buong kapulungan.

2025 hanggang 2027, idineklarang special year ng Apostolic Vicariate of Puerto Princesa

 27,698 total views

Idineklara ni Puerto Princesa Bishop Socrates Mesiona ang taong 2025 hanggang 2027 bilang espesyal na taon para sa Apostolic Vicariate of Puerto Princesa bilang paghahanda sa 25th Canonical Anniversary ng bikaryato sa 2027.

Pinangunahan ni Bishop Mesiona sa misang idinaos sa Immaculate Conception Cathedral ng Puerto Princesa noong ikatlo ng Hulyo, 2025 ang paggunita sa ika-70 anibersaryo ng elevation o pagdideklara sa Palawan bilang isang Apostolic Vicariate mula sa pagiging Apostolic Prefecture noong July 3, 1955.

Nakatakda namang gunitain sa taong 2027 ang 25th Canonical Anniversary mula ng opisyal na itatag ang Apostolic Vicariate of Puerto Princesa matapos na hatiin sa dalawa ang Apostolic Vicariate of Palawan noong May 13, 2002.

“I solemnly declare that the years 2025–2027 will be years of celebration and thanksgiving for the Apostolic Vicariate of Puerto Princesa in joyful anticipation of its 25th Canonical Anniversary.” Bahagi ng deklarasyon ni Bishop Mesiona.

Hinamon naman ng Obispo ang mga mananampalataya sa bikaryato na patuloy na yakapin ang misyong higit pang palaganapin ang pananampalataya sa Panginoon kasabay ng pagharap sa kinabukasan na may pag-asa sa pangakong kaligtasan ng Panginoon para sa lahat.

“Panibagong pangako, tanawin ng may pag-asa. Ihanda natin ang ating sarili para sa susunod na kabanata ng misyon,” Dagdag pa ni Bishop Mesiona.

Katuwang ni Bishop Mesiona sa pagpapastol sa mahigit 500,000 Katoliko sa Puerto Princesa ang may 60 mga Pari na kanya ring katuwang sa pangangasiwa sa 36 na parokya sa bikaryato.

Mabuting pagpapasya, prayer intention ni Pope Leo XIV

 30,375 total views

Mabuting pagpapasya, prayer intention ni Pope Leo XIV

Inilaan ng Simbahang Katolika ang intensyon ng pananalangin para sa buwan ng Hulyo sa higit na paglaganap ng pagninilay ng bawat isa sa pagkakaroon ng mabuting pagpapasya.

Bahagi ng panawagan ni Pope Leo XIV ang pananalangin na matutunan ng lahat na ganap na makapagnilay upang makapagpasya ng naayon sa Mabuting Balita at plano ng Diyos para sa bawat isa.

“Let us pray that we might again learn how to discern, to know how to choose paths of life and reject everything that leads us away from Christ and the Gospel.” Bahagi ng mensahe ni Pope Leo XIV.

Inihayag ng Santo Papa na sa pamamagitan ng ganap na pagpapakumbaba at pagtanggap sa lahat ng kahinaan at mga pagkakasalang nagawa ay tunay na masusumpungan ang paggabay ng Banal na Espiritu tungo sa landas, paghilom, biyaya at plano ng Diyos para sa bawat isa.

Ipinaliwanag ni Pope Leo XIV na ito ay mga hakbang upang muling makapagbalik loob at magkaroon ng tunay at mas malalim na pakikipag-ugnayan sa Panginoon.

“In order to discern, it is necessary to place oneself in truth before God, to enter into oneself, to admit one’s own weaknesses, and to ask the Lord for healing… These are the steps to rebirth through an authentic relationship with God.” Dagdag pa ni Pope Leo XIV.

Ipinapanalangin rin ng Simbahan na ang bawat desisyon o pagpapasya na gagawin ng bawat isa ay para sa makabubuti sa kanilang buhay at kinabukasan.

Samantala, ibinahagi rin ni Pope Leo XIV ang kanyang ‘Prayer for Discernment’ na maaari din magsilbing gabay ng bawat isa para sa pananalangin para sa pagkakaroon ng mabuting pagpapasya.

B.E.S.T, gabay sa pagpapatupad ng ninanais na synodality ng simbahan

 30,790 total views

Umaasa ang opisyal ng Catholic Bishops’ Conference of the Philippines na maging mabunga ang tatlong araw na National Synodal consultations ng mga obispo kasama ang halos 180 delegado mula sa 87 ecclesiastical territories ng Pilipinas.

Sa huling araw ng pagtitipon sinabi ni Daet Bishop Herman Abcede na nawa’y maisabuhay ang mga panukala at rekomendasyong bunga ng talakayan alisunod sa pangangailangan ng bawat komunidad lalo na sa mga Basic Ecclesial Communities at mga pamilya.

Binigyang diin ng obispo ang pamamaraang B.E.S.T o (believe, enter, see, and touch) na maaring maging gabay sa pagsasakatuparan ng ninanais ng simbahan na synodality.

Iginiit ng obispo na sa pagbibigay ng sarili at sa tulong ng mga panalangin ay magkaroon ng bunga ang sinodo na isinusulong ng simbahan.

“When the Lord invites us to believe, to enter, to see, and to touch, He is challenging us to do the best. We will be able to do and give our best because of God’s grace. Let us always pray for the strength, courage, and perseverance to walk together with love along the path of growing and deepening spirit of synodality,” ayon kay Bishop Abcede.

Aminado si Bishop Abcede na nagkaroon din ito ng alinlangan sa synodality nang ilunsad ito ni Pope Francis noong 2021 subalit nang makilakbay ito sa kapwa at inunawa ang layunin ay kaisa na ito sa pagsusulong ng sama-samang paglalakbay bilang simbahan.

Sinabi ng Obispo na ang hindi maniwala at magtiwala, hindi pumasok sa mundo ng kapwa, hindi makilahok at hindi humawak sa Panginoon ay hindi makararating sa synodality na ninanais ng simbahan sa kristiyanong pamayanan.

“Pagkahaba-haban man ng prusisyon, mararating natin ang synodality na ninanais nating destinasyon, basta manatili tayong sama-sama, tulong-tulong sa pagsulon sa pagmimisyon,” giit ni Bishop Abcede.

Hamon nito sa mananampalataya ang sama-samang paglalakbay sa iisang hangaring ipalaganap ang diwa ng pagmimisyon kung saan ang bawat binyagan ay may natatanging tungkulin na dapat gampanan.

“We hope to carry out the recommendations and proposal, contextualizing them into our respective pastoral settings, and bringing them to life down to the level of BECs and families,” giit ni Bishop Abcede.

Pinangunahan ng obispo ang closing mass ng CBCP Annual Retreat at National Synodal Consultations na ginanap sa Tagbilaran City, Bohol katuwang sina Sorsogon Bishop Jose Allan Dialogo at Calbayog Bishop Isabelo Abarquez.

Digmaan, tinawag ng Obispo na ‘Fratricide’

 28,309 total views

Hinimok ni Bacolod Bishop Patricio Buzon ang mamamayan na magbuklod tungo sa pagkakamit ng kapayapaan. Ayon sa obispo matatamo ang kapayapaan ng mundo sa pamamagitan ng pakikiisa, pakikipagdiyalogo, pakikinig, at pakikilahok tulad ng layunin ng isinasagawa ngayon ng simbahan na synodal process.

“Today, more than ever, peace requires our vigilant and creative presence. Peace, world peace starts with each of us. Let there be peace on earth and let it begin with me. Before having even the ambition of building world peace, let us start with building peace in our little world. First, within ourselves, in our families, in our communities,” ayon kay Bishop Buzon.

Binigyang diin ni Bishop Buzon na ang kasalukuyang digmaan ng mundo tulad ng mga nangyayari sa Israel at Gaza ay bunga ng ilang siglong sigalot tulad ng inilathala sa aklat ng Genesis na hindi pag-uunawaan ng magkapatid na Ismael at Jacob kaya’t ang mga digmaan ay maituturing na ‘fratricide’.

Ikinalunglot ng obispo ang lumalalang sigalot sa iba’t ibang bahagi ng daigdig kung saan pawang mga inosenteng mamamayan ang biktima at nagdurusa sa epekto ng digmaan.

“War is the greatest tragedy of our time. The world suffers from the plague of wars, which escalates and multiplies day by day. War is today’s greatest scourge that leaving the world broken and divided,” giit ni Bishop Buzon.

Iginiit ng pastol na ang digmaan at karahasan ay hindi tugon sa mga hindi pagkakaunawaan subalit nagpapalalim ito sa mga sugat na aabutin ng henerasyon ang paghihilom.

Dismayado rin si Bishop Buzon sa mga makapangyarihang bansa na nakikinabang sa mga digmaan dahil lalong umuusbong ang negosyo sa armas.

Pinangunahan ni Bishop Buzon ang pagdiriwang ng banal na misa sa ikatlong araw ng retreat ng Catholic Bishops’ Conference of the Philippines at National Synodal Consultations sa Immaculate Conception Parish o Baclayon Church sa Baclayon Bohol.

Katuwang ng obispo sa pagdiriwang sina San Jose de Antique Bishop Marvyn Maceda at Prosperidad Bishop Ruben Labajo kasama ang iba pang mga obispo kabilang sina Manila Archbishop Cardinal Jose Advincula at Kalookan Bishop Cardinal Pablo Virgilio David ang kasalukuyang pangulo ng CBCP.

Radyo Veritas, nakiisa sa Hapag-biyaya feeding program

 17,219 total views

Binigyan diin ni Father Roy Bellen – Pangulo ng Radyo Veritas ang kahalagahan ng Salita ng Diyos, pisikal na pagkain at mga kagamitang makakatulong sa pag-angat ng antas ng pamumuhay ng mga mahihirap.

Ito ang paalala ni Fr.Bellen sa “immersion activity” sa San Rafael De Arkanghel Parish sa Tondo Manila ng Radyo Veritas kasama ang mga kawani at opisyal nito sa pakikipagtulungan sa Caritas Manila.

Ayon kay Fr.Bellen, napupunan ng inisyatibo ang gutom ng mga batang kinakailangan ang nutrisyon at pagkain para sa kanilang wastong paglaki.

Namahagi din ang Radyo ng Simbahan ng mga school supplies sa pag-aaral ng 100 mga benepisyaryo para school Year 2025-2026.

“Ito yung dahilan kung bakit gumigising tayo sa umaga,magkaroon ng mga programa na nagbibigay pag-asa, para yung ating mga programa maka-inspire sa tao.Kayo po mga Kapanalig ang dahilan kung bakit po may Radyo Veritas, ang Radyo Veritas po ay para sa misyon ng simbahan na ipahayag ang Mabuting Balita, para saan ang mga nagpapahayag? kung wala naman nakikinig?,” ayon sa panayam ng Radyo Veritas kay Fr.Bellen.

Nagpapasalamat naman si Father Alex Thomas – Kura Paroko ng Parokya sa pakikiisa ng Radyo Veritas sa kanilang ‘Hapag-biyaya Feeding Program’.

“Patuloy lang po tayo magtulungan at isa lang naman po ang ating mithiin – magbigay ng ‘fulfillement’ sa buhay ng bawat isa, at iyon ay maibibigay sa pamamagitan ng pagtutulungan. More power and Thank You very much!,” ayon sa mensahe ni Fr.Thomas bilang pasasalamat sa Radyo Veritas at Caritas Manila.

Isa ang San Rafael De Arkanghel Parish sa Tondo Manila sa may 13-Integrated Feeding Program Sites ng Social Arm ng Archdiocese of Manila.

Faith tourism, lalo pang mapapalago sa pagdalaw ng mga obispo sa Baclayon Church

 13,252 total views

Naniniwala ang lider ng Baclayon Bohol na makatutulong sa paglago ng pananampalataya ang pagdalaw ng mga Catholic Bishops’ Conference of the Philippines sa naturang bayan.

Ayon kay Mayor Alvin Uy magandang pagkakataon ang pagdalaw ng mga obispo upang muling mapaigting ng kristiyanong pamayanan sa lugar ang kanilang pananampalataya batay sa inspirasyong makikita sa pagiging masigasig ng mga pastol ng simbahan.

Umaasa ang alkalde na mas mapalalim pa ng mamamayan ang pananalig sa Diyos lalo na sa pagdalaw ng humigit kumulang 100 obispo.

“It could help promote the catholic faith and encourage the catholic faith to do more. You can see the passion of the bishops to do more for the catholic faith, and from that it will encourage all of us because most of the Baclayanons are religious talaga, majority catholics,” pahayag ni Uy sa Radyo Veritas.

Sa ikatlong araw ng pagtitipon ng CBCP kasama ang mga delegado ng National Synodal Consultations ay dinalaw ng delegasyon ang Immaculate Conception Parish o mas kilalang Baclayon Church kung saan pinangunahan ni Uy ang pagtanggap sa mga bisita kasama Fr. Nino Maconrey Supremo ang kasalukuyang kura paroko ng Baclayon Church.

Bukod sa paglago ng pananampalataya naniniwala rin si Uy na matulungang higit na lumago ang faith tourism ng bayan lalo’t ang Baclayon Church ang kinilalang ikalawang pinamatandang simbahang bato sa bansa.

“Malaki ang posibilidad na matulungang umunlad ang faith tourism sa pagdalaw ng mga obispo,” ani Uy.

Dagdag pa ng alkalde bukod sa luma at makasaysayang simbahan ng bayan ay tanyag din sa lugar ang Pamilacan Island tampok ang whale watching activities.

Gayundin ang iba pang tourism sites lalo na ang mga luma at makasaysayang simbahan ng Bohol.

Dumalo rin sa pagtitipon ang Filipino-Chinese Community ng Tagbilaran City gayundin ang iba pang lokal na opisyal na Baclayon na buo ang suporta sa mga gawain ng simbahang katolika.

Bishop Jorge Barlin Golden Cross awardee, nagpapasalamat sa CBCP

 24,603 total views

Lubos ang pasasalamat ni Bahay ng Diyos Foundation Inc Foundress Noemi Saludo sa Bishop Jorge Barlin Golden Cross Award na iginawad ng Catholic Bishops’ Conference of the Philippines.

Ayon kay Saludo hindi nito inaasahang pararangalan at kilalanin ang kanyang gawain at adbokasiyang tumulong sa pagtatag ng mga kapilya at simbahan sa buong bansa.

Binigyang diin nitong mas paiigtingin ang kanyang hangaring matulungan ang kristiyanong pamayanan na magkaroon ng bahay dalanginan at makahikayat pa ng ibang indibidwal na handang maglaan ng panahon, talento at yaman para sa pagtatayo ng mga simbahan.

“Ako po ay nagpapasalamat sa CBCP lalo na sa permanent council who selected me as the awardee for this year. My mission is always to look for more benefactors to come in to help the chapels, especially those who are in remote areas who don’t have the means,” pahayag ni Saludo sa panayam ng Radyo Veritas.

Iginiit ni Saludo na ang kanyang misyon sa BDF ay para tulungan ang mahihirap na komunidad sa kanayunan na nangangailangan ng tulong lalo na sa lugar kung saan magbubuklod ang pamayanan para sa pagpupuri at pasasalamat sa Diyos.

Sa ikalawang araw ng CBCP Retreat at National Synodal Consultations pinangunahan ni CBCP President, Kalookan Bishop Cardinal Pablo Virgilio David ang pagparangal kay Saludo sa misang pinangunahan sa Cathedral Shrine-Parish of Saint Joseph sa Tagbilaran City, Bohol.

Nanindigan si Saludo na mananatili ang kanyang misyon at adbokasiyang lingapin ang mahihirap na komunidad sa pagtatag ng mga simbahang makatutulong sa espiritwalidad ng mamamayan.

“Yung mga mahihirap nating kapatid na nalalayo sa Diyos kailangang tulungan na magkaroon ng simbahan nang sa ganun sa panahon ng kanilang kahirapan makakalapit sila at may kanlungan na tahanan ng Diyos,” dagdag ni Saludo.

Ang BDF ay non-profit organization sa Pilipinas na pangunahing misyong tumulong sa pagsasaayos at pagpapaganda ng mga simbahan at iba pang liturgical spaces sa bansa.

Unang tinulungan ni Saludo ang rehabilitasyon sa isang simbahan sa Pangasinan noong 2006 habang sa unang limang taon ng BDF ay umabot sa 43 simbahan ang naisaayos sa buong bansa kung saan 70 porsyento sa kabuuang kakailanganing pondo ang ibibigay ng foundation at ang nalalabing 30 porsyento naman ang sasagutin ng mga nasasakupang pamayanan.

Ang Bishop Jorge Barlin Cross Award ay ipinangalan ng CBCP sa kauna-unahang paring Pilipino na itinalagang obispo at iginagawad sa mga layko at lingkod ng simbahang may natatanging gawaing ginampanan sa buhay at misyon ng simbahang katolika sa Pilipinas.

Ilan sa mga tumanggap nito sina Atty. Sabino Padila, Jr.; Fr. James Reuter, SJ; Fr. Anscar Chupungco, OSB; Atty. Mariua Concepcion Noche; at, Fr. Sebastiano D’Ambra, PIME.

Manatiling nakatuon kay Hesus, paanyaya ni Cardinal David sa mananampalataya

 23,187 total views

Hiniling ng opisyal ng Catholic Bishops’ Conference of the Philippines sa mananampalataya na manatiling nakatuon kay Hesus sa anumang sitwasyong kinakaharap ng buhay.

Ayon kay CBCP President, Kalookan Bishop Cardinal Pablo Virgilio David bagamat mahalagang magbalik tanaw sa mga pinagdadaanan habang naglalakbay subalit dapat maging maingat upang maiwasang manatili sa mga nakaraang karanasang dulot ng sugat, kabiguan, panghihinayang at pagkadismaya.

Aniya ang patuloy na pagbabalik tanaw sa mga hindi magandang karanasan ang kadalasang sanhi ng hindi pag-usad sa buhay.
“Dear brother bishops, in our ministry, there will always be regrets, conflicts, betrayals, disappointments — even within our brotherhood. May these not turn our hearts to stone. May we remember: when the temptation comes to keep looking back, to look instead at Christ, who is with us in the boat. And when the storm rages, may we not be afraid of crying out our lament, trusting that our God is a God who hears the cry of the poor,” bahagi ng pagninilay ni Cardinal David.

Pinagnilayan ni Cardinal David ang naranasang takot ng mga apostol habang sakay ng bangka sa gitna ng matinding unos subalit nanatiling tulog si Hesus.

Paliwanag ng opisyal na ipinakikita sa Mabuting Balita na dapat matutuhan ng tao na magtiwala sa Diyos lalo na sa mga panahon dumadaan sa matinding pagsubok sa buhay. “I like to think that when the Lord sleeps in our boat, He is teaching us that the storms will come, and sometimes we will feel alone, but we are never really alone. He is there, though sometimes in silence,” ani Cardinal David.

Binigyang diin ng cardinal na sa kabila ng mga hamong kakaharapin sa paglilingkod sa kristiyanong pamayanan ay dapat patuloy at paigtingin ang pagtitiwala sa Diyos na gumagabay at nagbibigay liwanag sa buhay. “May we always keep our eyes on the One who is our goal, the one who keeps both humanity and divinity together into one person, let us fix our gaze on him who is our true destination — and lead our people to do the same,” giit ng cardinal.

Pinangunahan ni Cardinal David ang banal na misa sa ikalawang araw ng CBCP Retreat at National Synodal Consultations sa Cathedral Shrine – Parish of Saint Joseph sa Tagbilaran City katuwang sina Gumaca Bishop Euginius Canete at Iligan Bishop Jose Rapadas III

Insidente ng pagpapatiwakal sa loob ng simbahan, ikinalulungkot ng Archdiocese of Caceres

 38,352 total views

Ikinalungkot ng Archdiocese of Caceres ang insidente ng pagpatiwakal sa loob ng San Francisco de Asis Parish sa Naga City nitong June 29 sa pagdiriwang ng Dakilang Kapistahan nina Apostol San Pedro at San Pablo.

Sa pahayag ni Naga Chancellor Fr. Darius Romualdo, JCD nakiisa ito sa pagdadalamhati ng pamilya ng 18 taong gulang na biktima gayundin sa mga indibidwal na apektado.

Tiniyak din ng arkidiyosesis ang pakikiisa sa mga awtoridad na nagsagawa ng imbestigasyon kasabay ng mga panalangin ng paghilom.

“We extend our heartfelt prayers and compassion to the bereaved family and to all parishioners who have been affected by this painful event. In these moments of sorrows and uncertainty, the Church offers not judgment, but the hope of Christ’s mercy, who came to bind up the wounded and heal the brokenhearted. The Archdiocese is also collaborating closely with the proper authorities,” bahagi ng pahayag ni Fr. Romualdo.

Dahil sa insidente pansamantalang isasara sa publiko ang simbahan alinsunod sa isinasaad sa Canons 1211 – 1212 ng Canon Law upang bigyang daan ang ‘reparations’ sa sagradong lugar.

Pansamantalang suspendido ang mga liturhikal na gawain ng simbahan sa hanggang July 2 para sa panahon ng pananalangin, pagluluksa at paghingi ng kapatawaran.

“The Rite of Reparation and Healing will be held on the evening of July 2, 2025, to restore the church’s sacred character and offer communal healing,” dagdag ng pari.

Dalangin ng simbahan ang kapayapan ng kaluluwa ng biktima habang hiniling sa publiko na bigyang pagkakataon ang pamilyang makapagluksa gayundin ang apelang maging maingat at mahinahon sa mga komento kaugnay sa insidente lalo na sa social media.

Hinimok din nito ang mga nakararanas ng labis na kalungkutan at mga may pinagdaanan na sumangguni sa mga pari, counselor at maging sa mga kaibigang pinagkakatiwalaan upang maibsan ang anumang nararanasan.

“Recognizing the emotional toll this incident has caused, the Archdiocese is making available the services of licensed psychologists and trained pastoral counselors to provide debriefing, trauma support, and spiritual accompaniment to the immediate family of the deceased, parishioners who witnessed or were affected by the incident, as well as the clergy, staff, and volunteers at the parish,” ani Fr. Romualdo.

Samantala bukas din ang Catholink ng Radyo Veritas katuwang ang iba’t ibang counselors sa bansa para sa mga nangangailangan ng psycho-spiritual support na mga indibidwal kung saan maaring makipag-ugnayan sa 8925-7931 to 39 local 117.

Pagkapanalo ng Filipina-German sa Ms.Supranational 2025, ipinagmalaki ng Caritas Manila

 33,097 total views

Ikinagalak ng Caritas Manila ang pagkapanalo bilang first runner up ni Filipino-German Ms. Anna Valencia Lakrini sa kakatapos lamang na Ms. Supranational 2025.

Ito ay dahil bukod sa pagiging beauty queen, nagsisilbi si Lakrini bilang Munting Pag-asa Program Ambassadress na integrated nutrition program ng Caritas Manila upang maiwasan o labanan ang malnutrisyon sa Pilipinas.

“Congratulations to Anna Valencia Lakrini, our Munting Pag-asa Program Ambassadress, for bagging the Ms. Supranational 2025 1st Runner-up crown! 👑We are proud of you!,” ayon sa mensahe ng Caritas Manila.

Sa kaniyang Question and Answer Portion bago manalo si Lakrini ay kaniyang binanggit ang adbokasiya sa Caritas Manila kung saan kaniyang personal na nakasalamuha ang mga batang benepisyaryo ng Munting PagAsa Program.

Ibinahagi ng kandidato na bukod sa pagmamahal sa kapwa, ang mga adbokasiyang niyang katulad ng ‘From the Ground Up’ at pakikipagtulungan sa Caritas Manila ay pagbibigay ng pagmamahal, pagtulong at respeto sa kapwa higit na sa mga bata.

“Just a Couple of Months Ago I was working with Caritas Manila and a little girl coming up to me and ask me to hug her, and I said yes, and so many other little kids came to me and came in for the hug and this showed the compassion and showed me that my ‘From the Ground Up Project’ is more than just love, it is compassion it shows dignity and I want to show the world that we’re all here to show respect, love and dignity when we come in together in supranational unity,” ayon sa kasagutan ni Lakrini sa Ms.Supranational 2025.

Bagamat kinatawan ng Germany si Lakrini ay hindi niya kinalimutan ang Pilipinas, sa pamamagitan ito ng pagalala sa kaniyang ‘Filipino Roots’ at pakikipagtulungan sa Caritas Manila upang magbigay ng pag-asa at kinakailangan tulong sa mga benepisyaryo ng Social Arm ng Archdiocese of Manila.

Kawalan ng commitment, dahilan ng pagbaba ng mga nagpapakasal

 23,353 total views

Nababahala ang Pro-Life Philippines sa ulat na tumataas ang bilang ng mga Pilipinong nagkakaanak nang hindi nagpapakasal. Inihayag ni Pro-Life Philippines President Bernard Cañaberal na nakakaalarma ang datos ng Philippine Statistics Authority (PSA) na nagpapakitang bumaba ng 7.8% ang bilang ng mga nagpapakasal sa bansa noong 2023 kumpara noong 2022 mula sa 450,000 noong 2022 at mahigit 414,000 lamang noong 2024.

Sa panayam ng programang Veritas Pilipinas, binigyang-diin ni Cañaberal ang kahalagahan ng edukasyon upang maliwanagan ang mga Pilipino ukol sa pananagutan ng pagiging magulang, ayon na rin sa turo ng Simbahang Katolika ukol sa kasal at pamilya.

“Nakita ko ito sa tatlong pamamaraan, dumarami ang mga anak ng mga hindi kasal kasi—hindi sila kasal; wala silang responsibilidad, ibig ko sabihin kasama ang ating faith dimension natin—kapag magpapakasal ka alam mo na mayroon Pre-Cana, mga katuruan ng simbahan at alam mo ang responsibilidad mo bilang magulang, pero kung hindi ka kasal, wala kang kaalam sa mga ganitong responsibilidad,” ayon kay Cañaberal.

Ipinaliwanag naman ni Sociologist Brother Clifford Sorita, Chief Strategy Officer ng Radyo Veritas na isa sa mga dahilan kung bakit maraming Pilipino ang umiiwas sa pagpapakasal ay ang kawalan ng commitment o matibay na paninindigan sa isang relasyon.

“The new generation, mayroon silang tendency na ‘they want to have a relationship but they don’t have a sense of commitment,’ iyon ang problema. They don’t have sense of responsibility and commitment. The real point of getting married is that sense of commitment. In the phenomenology of marriage — ‘yun talaga ang pinakaimportante; to commit to a person. Pero ‘yun nga ang lumalabas sa mga kabataan ngayon—they want to have a relationship but they don’t have a sense of commitment.” pahayag ni Sorita sa panayam ng Radyo Veritas.

Base sa Veritas Truth Survey, dahilan ng 32% ng mga Pilipino ang mataas na gastusin ang pumipigil sa kanilang magpakasal habang 16% naman ang nagsabing nahihirapan silang makiisa sa mga kinakailangang proseso sa Simbahan tulad ng Pre-Cana Seminar at wedding orientation.

Dahil dito, muling nanawagan ang Pro-Life Philippines na pagtibayin ang edukasyon tungkol sa kasal at pamilya, at patatagin ang pananampalataya upang mahikayat ang mga Pilipino na pahalagahan ang kasagraduhan ng pag-aasawa.

– Marian Pulgo kasama sina Kenneth Corbilla at Michael Encinas

God’s justice is soaked in mercy, paalala ni Bishop Uy

 28,689 total views

Ikinalugod ni Tagbilaran Bishop Alberto Uy ang pagtanggap sa mga kasapi ng Catholic Bishops’ Conference of the Philippines at delegado ng National Synodal Consultations.

Sa opening mass ng pagtitipon ng CBCP sa Our Lady of the Assumption Shrine and Parish sa Dauis Bohol sinabi ni Bishop Uy na makahulugan at makasaysayan ang pagpupulong ng mga obispo lalo’t ito ang kauna-unahan sa lalawigan at ipinagdiriwang ng simbahan ang Jubilee Year of Hope.

“Indeed, we are deeply honored that the Lord has led you here, especially this Jubilee Year of Hope. It is a year that reminds us, even when things feel dark or uncertain, God is always at work guiding his people, especially through his bishops,” ayon kay Bishop Uy.
Pinagnilayan ng obispo ang paksang ‘Hope in God’s mercy’ lalo na sa kasalukuyang karanasan ng mundo na maihalintulad sa Sodoma kung saan laganap ang katiwalian, karahasan, kawalang katarungan gayundin ang pagkakahati-hati ng lipunan, suliranin sa mga kabataan at ang umiiral na kahirapan.

Gayunpaman binigyang diin ng obispo na sa kabila ng mga karanasan ay nanatiling umiiral ang habag at awa ng Panginoon. “Even within our own country, we face the wounds of political polarization, moral compromise, and economic disparity; we do not preach doom because our God is not only just. He is merciful, we continue to hope because God’s justice is soaked in mercy,” ani Bishop Uy.

Binigyang diin din ni Bishop Uy ang ‘hope in the power of intercession’ kung saan tungkulin ng simbahan ang mamamagitan at maging katuwang ng kapwa sa pananalangin sa Panginoon tulad ng mga nakagawiang santo rosaryo, novena at iba pang tradisyon na itinuring ng obispo bilang ‘spiritual lifelines’ sa gitna ng kasalukuyang sitwasyon ng mundo.

“To our bishops and priests: when we offer the Mass, when we kneel in prayer for our people, and when we speak prophetically on behalf of the poor and the voiceless, we become part of that sacred tradition of pleading with God not to give up on the city, the nation, and the people. We need this intercession more than ever. The world today is bleeding, and our country is struggling. Let the Church be found on its knees, not in fear but in hope,” giit ni Bishop Uy.

Batid ng punong pastol ng Tagbilaran ang iba’t ibang malalim na karanasan sa pagganap ng tungkuling pagpapastol at paglilingkod sa mga ministries ng simbahan subalit paalala nitong si Hesus ay nakikilakbay at nakikiisa sa bawat hakbang ng paglilingkod sa pamayanan.

“For many of us in ministry, the cost of discipleship is real. Some of us have faced betrayal, burnout, or financial burdens. Many of our lay leaders serve without pay or recognition. Many priests feel tired, alone, or misunderstood, and yet we continue because we are not chasing perks; we are following a Person. Hope endures not because life is easy, but because Christ walks ahead of us. He does not promise security, but he promises himself,” ayon kay Bishop Uy.

Sa huli hiniling ni Bishop Uy sa mamamayan ang sama-samang pananalangin sa ikatatagumpay ng pagtitipon ng mga punong pastol ng simbahan sa Pilipinas kung saan itinakda ng CBCP ang 130th plenary assembly sa July 5 hanggang 7 kasunod ng isasagawang national synodal consultations.

“Let us keep them in our prayers. Ask the Lord to know them, to renew their strength, and to fill them with wisdom and courage for the mission ahead. May we leave this gathering in Bohol not only renewed in strategy but also strengthened by the spirit of Christian hope, which is stronger than death, deeper than sin, and more enduring than all the brokenness in this world,” dagdag ng obispo.

Matagumpay na 130th CBCP plenary assembly, ipinagdarasal ng SLP

 25,987 total views

Nagpaabot ng panalangin ang Sangguniang Laiko ng Pilipinas para sa nakatakdang 130th Plenary Assembly ng Catholic Bishops’ Conference of the Philippines (CBCP) na isasagawa sa Bohol sa kauna-unahang pagkakataon.

Ayon kay LAIKO National President Francisco Xavier Padilla, mahalagang ipanalangin ang paggabay ng Espiritu Santo para sa nakatakdang pagpupulong ng kalipunan ng mga Obispo sa bansa kung saan inaasahan din ang paghahalal ng mga Obispo ng bagong pamunuan para sa iba’t ibang komisyon ng CBCP.

Paliwanag ni Padilla, mahalaga ang gabay ng Banal na Espiritu sa mga Obispo na nagsisilbing pastol sa kawan ng Panginoon upang ganap na mapagnilayan, matalakay at mapagdesisyunan ang mga usaping dapat na tutukan at bigyang pansin ng Simbahan sa kasalukuyang panahon.

Kabilang sa partikular na tinukoy ni Padilla ang patuloy na armadong sagupaan na nagaganap sa iba’t ibang bansa gayundin ang kinahaharap na krisis ng Pilipinas sa usapin ng pulitika at ekonomiya.

“LAIKO joins the Philippine LAITY in praying for the 130th CBCP Plenary Assembly this week in Bohol. It is a remarkable time in the world, na ang daming nangyayaring away, at importanteng panahon din sa Pilipinas – sa politika, pamilya at ekonomiya. Kaya’t importanteng ipagdasal ang mga Obispo natin, na gabayan sila sa mga paguusapan nila, at sa kanilang eleksyon.” Bahagi ng pahayag ni Padilla sa Radyo Veritas.

Inaasahang kabilang sa tatalakayin sa gaganaping pagpupulong ng kalipunan ng mga Obispo sa bansa ang higit na pagsusulong sa aktibong partisipasyon ng mga layko partikular na ang mga kababaihan sa mga gawaing pang-Simbahan bilang pagsasakatuparan ng isang ganap na Simbahang Sinodal.

Nakatakda ang 130th Plenary Assembly ng CBCP sa kauna-unahang pagkakataon sa lalawigan ng Bohol, Aklan mula June 30 hanggang July 7, 2025 sa ilalim ng pangangasiwa at paghahanda ng Diyosesis ng Tagbilaran at Talibon.

54 na Obispo at Arsobispo sa buong mundo, ginawaran ng Pallium ni Pope Leo

 26,151 total views

Personal na ginawaran ni Pope Leo XIV ng Pallium ang 54 mga bagong arsobispo mula sa iba’t ibang bansa kabilang na ang nag-iisang Pilipino na bagong arsobispo ng Arkidiyosesis ng Jaro na si Archbishop Midyphil B. Billones.

Naganap ang paggagawad ng Pallium sa St. Peter’s Basilica kasabay ng pagdiriwang ng Banal na Misa para sa Solemnity of Sts. Peter and Paul noong ika-29 ng Hunyo, 2025.

Ang Pallium ay ‘vestment’ na gawa sa puting tela na isinusuot lamang ng Santo Papa at ng mga Metropolitan Archbishops na sumisimbolo ng suporta at pakikipag-isa sa Santo Papa bilang katuwang ng Simbahan sa pagpapalaganap ng Ebanghelyo at nagpapakita ng kanilang awtoridad sa kanilang nasasakupan.

Bilang katuwang ni Pope Leo XIV sa pagiging lingkod ng Simbahang Katolika ay muli ding nangako ng suporta ang mga bagong arsobispo sa patuloy at higit pang pagpapalaganap ng Mabuting Balita ng Diyos gayundin sa pangako ng kaligtasan ng Panginoon para sa sangkatauhan.

Matatandaang ikalawa ng Pebrero, 2025 nang itinalaga ng yumaong Santo Papang si Pope Francis si Archbishop Billones bilang ika-14 na Arsobispo ng Jaro na opisyal na iniluklok sa arkidiyosesis noong ika-2 ng Abril, 2025 kahalili ng nagretirong si Archbishop-emeritus Jose Romeo Lazo na nanilbihang Arsobispo ng Jaro sa loob ng 7 taon mula 2018 hanggang 2025.

Ang Ecclesiastical Province of Jaro ay binubuo ng Archdiocese of Jaro at mga Diyosesis ng Bacolod, San Jose de Antique, San Carlos, at Kabankalan.

Ang naganap na ‘investiture of Pallium’ o opisyal na pagsusuot ng pallium ng Santo Papa para sa mga bagong Arsobispo ng Simbahang Katolika ang isa sa mga lumang kaugalian o tradisyon na muling ibinalik ni Pope Leo XIV mula sa pagbabagong ginawa ni Pope Francis noong 2015.

Message of hope ni Pope Leo XIV, ipinarating ni Papal Nuncio to the Philippines

 20,653 total views

Pinarating ni Apostolic Nuncio to the Philippine Archbishop Charles Brown ang mensahe ng pag-asa sa pamumuno ni Pope Leo XIV sa simbahang katolika.

Ito ang buod ng homiliya ni Archbishop Brown sa pagdiriwang ng Pope’s Day sa Metropolitan Cathedral of the Immaculate Conception o Manila Cathedral.

Ayon sa Arsobispo, ang pag-asa ay bunsod sa pagpili ni Papa Leon ika labing-apat sa papal name mula sa mga Santo Papang kilala sa paninindigan laban sa pang-uusig at para sa mga kawan na ginagabayan tungo sa Panginoon.

“And now Pope Leo XIV calling us to be vigilant in the face of the rapid development of Information Technology especially Artificial Intelligence, in each case, a Pope named “Leo” has reaffirmed the basic Catholic principle – that the proper and just ordering of society is of great importance also in the light of eternity, our heavenly destination,” ayon sa pagninilay ni Archbishop Brown.

Inaasahan din ng Arsobispo na sa pamumuno ni Papa Leon XIV, katulad ni Pope Leo XIII sa kaniyang Ensiklikal na Rerum Novarum ay higit na mabigyang pansin sa mundo ang pagbibigay ng katarungan panlipunan, pagpapahalaga sa dignidad ng buhay at karapatan ng mga manggagawa.
Ito ay upang sama-samang mapaunlad ang lipunan at mapabuti ang kalagayan ng mga pinakanangangailangan dahil tanda ito ng tunay na pagmamahal sa kapwa bilang kristiyano.

“The Philippines can be proud of the fact that on matter the right to life of a human being, from conception to natural death, and in the nature of family, the Philippines respects the Natural Law, and in addition, Pope Leo XIV also once again mentioned the pressing issue of Artificial Intelligence, in the 5th century encounter of Pope Leo the Great and Attila we can see a symbol of the Church confronting the power of this world, a church that goes forth without any weapons except the truth of the Gospel and the witness of Holiness,” ayon pa sa mensahe ni Archbishop Brown.

Nakasamang magdiwang ng Pope’s Day Mass ni Archbishop Brown sina Manila Archbishop Jose Cardinal Advincula, mga Kaparian ng Archdiocese of Manila at mga kasamang Pari sa Papal Nunciature.

Mga atleta, hinimok ni Cardinal Advincula na linisin ang puso at yakapin ang pananampalataya

 44,000 total views

Nanawagan si Manila Archbishop Jose Cardinal Advincula sa mga atleta at kabataan na linisin ang puso at yakapin ang pananampalataya sa pamamagitan ng kababaang-loob, pagtanggap ng pagkatalo, at pagmamalasakit sa kapwa.

Ito’y sa kanyang pangunguna sa Banal na Misa para sa pagbubukas ng Jubilee of Athletes sa St. John Bosco Parish, Makati City nitong June 28, 2025.

Ayon kay Cardinal Advincula, ang sports o pampalakasan ay hindi lamang pisikal na gawain, kundi maituturing ding paglalakbay ng pananampalataya.

Ibinahagi ng kardinal ang mensahe ni Pope Leo XIV sa mga atleta sa Jubilee of Sports sa Vatican noong June 14-15, 2025, kung saan inilarawan ang Diyos bilang “Deus Ludens” o Diyos na aktibo’t buhay, tulad ng isang manlalaro.

“For the Pope, sports contribute to our growth in human and Christian virtues. Sports teach us the value of cooperating, working together, and sharing,” ayon kay Cardinal Advincula.

Aniya, binibigyang-halaga ng pampalakasan ang kababaang-loob, pagtanggap sa pagkatalo, at lakas ng loob na bumangon, sapagkat ang tunay na nagwawagi ay hindi laging panalo, kundi ang marunong tumindig sa pagkadapa.

“Champions are not perfectly functioning machines, but real men and women who, when they fall, find the courage to get back on their feet,” ayon sa kardinal.

Iniugnay din ni Cardinal Advincula ang gawain sa pagdiriwang ng Kapistahan ng Kabanal-banalang Puso ni Hesus at ang kasunod nitong paggunita sa Kalinis-linisang Puso ni Maria.

Ayon sa arsobispo, ang puso ni Hesus ay puspos ng awa at pagmamahal, habang ang puso ni Maria ay dalisay dahil ito’y buung-buo para kay Hesus.

Dagdag pa ng kardinal na tulad ng puso ng isang ina, puno ito ng alaala at malasakit para sa kaniyang anak, isang halimbawang dapat tularan ng bawat isa, lalo na ng mga kabataan.

Sa huli’y hinikayat ni Cardinal Advincula ang mga kabataan na tularan ang dalisay na puso ni Maria, na masigasig, mapagmalasakit, marunong umunawa, magmahal, at magpatawad.

“Like our Blessed Mother, let us invite Jesus to dwell in our hearts so that our hearts too may become pure and spotless like hers. Let us strive daily to have a clean and pure heart… This is our prayer. This is the grace we ask for. That our hearts may be holy like the heart of Mary, and pure like the heart of Jesus, and pure like the heart of Mary,” ayon kay Cardinal Advincula.

Itinalaga ng Archdiocese of Manila ang St. John Bosco Parish bilang Jubilee Church for Artists, Musical Bands, and Athletes kaugnay ng pagdiriwang ng Simbahan sa 2025 Jubilee Year of Hope.

Mananampalataya, inaanyayahan sa “With Leo, Our Pope” exhibit sa Manila cathedral

 38,973 total views

Inaanyayahan ng Minor Basilica and Metropolitan Cathedral of the Immaculate Conception o Manila Cathedral ang mga mananampalataya sa inihanda nitong exhibit bilang bahagi ng paggunita ng Pope’s Day na kauna-unahang Pope’s Day ni Pope Leo XIV.

Tampok sa nasabing exhibit na tinaguriang “With Leo, Our Pope” ang conclave memoirs mula sa naging karanasan ng Kanyang Kabunyian Manila Archbishop Jose Cardinal Advincula sa naganap na Papal Conclave noong ika-8 ng Mayo, 2025 kung saan nahirang si Pope Leo XIV bilang ika-267 na Santo Papa ng Simbahang Katolika.

Katuwang ng Manila Cathedral sa pagsasakatuparan sa nasabing With Leo, Our Pope Exhibit ang Residencia del Arzobispo at ang Order of St. Augustine kung saan tampok rin sa 11-araw na exhibit ang ilang mga artifacts mula sa kongregasyon. Bukas para sa publiko ang nasabing exhibit mula June 28 hanggang July 6, 2025.

“WITH LEO, OUR POPE, this year’s celebration of Pope’s Day will be the first for His Holiness Pope Leo XIV. The Manila Cathedral, together with the Residencia del Arzobispo and the Order of St. Augustine, wishes to invite you to an exhibit of the conclave memoirs of Cardinal Advincula and some artifacts from the Order of St. Augustine. The exhibit will run from June 28 until July 6, 2025.” Bahagi ng paanyaya ng Manila Cathedral.

Kaugnay nito, natakdang pangunahan ni Apostolic Nuncio to the Philippines Archbishop Charles Brown ang pagdiriwang ng Pope’s Day Mass sa June 29, 2025 – ganap na alas sais ng gabi sa Manila Cathedral kasama si Cardinal Advincula.

Taunang ipinagdiriwang ang Pope’s Day tuwing June 29 kasabay ng Kapistahan nina Apostol San Pedro at San Pablo na kilalang haligi ng pananampalatayang Kristiyano at Simbahang Katolika kung saan ipinagkatiwala ni Hesus ang pangangalaga sa kanyang kawan.
Kasabay ng dakilang kapistahan ng dalawang santo ay pinararangalan din ang Santo Papa sa patuloy na pagganap sa misyong pagpapastol sa mahigit isang bilyong Katoliko sa mundo.

Pangunahing tungkulin ng Santo Papa ang pagbuklurin ang sangkatauhan tungo sa landas ni Hesus batay sa habilin nito kay San Pedro ang kauna-unahang santo papang pinagkatiwalaan sa mga gawaing pagpapastol.

Kasunod ng pagpanaw ni Pope Francis noong April 21, 2025 ay nahirang naman sa naganap na Papal Conclave noong May 8, 2025 si Cardinal Robert F. Prevost, O.S.A. bilang ika-267 Santo Papa na kahalili ni San Pedro at napiling gamitin ang papal name na ‘Pope Leo XIV’.