gutierrez-mobile-app-veritasph-activity-news

LATEST NEWS

CBCP-ECPPC, nakikiisa sa paggunita ng Womens Month

Friday, March 14, 2025 5:40 pm

687 total views

Nagpahayag ng pakikiisa ang prison ministry ng Catholic Bishops Conference of the Philippines sa paggunita ng sambayanan ng Buwan ng Kababaihan o Women’s Month ngayong buwan ng Marso.

Kinilala ng CBCP – Episcopal Commission on Prison Pastoral Care (CBCP-ECPPC), ang mahalagang ambag ng mga kababaihan sa lipunan lalo’t higit ang dedikasyon sa pagsusulong ng pagkalinga, pagmamahal at pangangalaga maging sa mga Persons Deprive of Liberty (PDLs) na nakagawa ng pagkakasala sa buhay.

Tinukoy ng prison ministry ng CBCP ang pagsusumikap ng mga kababaihang Volunteers in Prison Service (VIPS) na maging tanglaw ng katarungan na nakapaghihilom at nakapagpapaalala sa kahalagahan ng buhay ng bawat isa maging ng mga nakapiit sa mga bilanguan.

“We celebrate the dedication of our Volunteers in Prison Service (VIPS)—Women who bring hope, dignity, and transformation to those behind bars. Your compassion is a beacon of justice that heals, reminding every incarcerated person that they are not forgotten. Thank you for your unwavering service and love.” Bahagi ng pagbati ng CBCP-ECPPC.

Tema ng paggunita ng Women’s Month sa Pilipinas ngayong taon ang “Babae sa Lahat ng Sektor, Aangat ang Bukas,” kung saan una na ring nagpahayag ng pagkilala ang Caritas Philippines na humanitarian, development and advocacy arm ng CBCP sa mahalagang papel na ginagampanan ng mga kababaihan sa pagtataguyod ng isang makatarungan, at may malasakit na lipunan.

Ang Buwan ng Kababaihan o Women’s Month ay ipinagdiriwang tuwing Marso sa buong mundo habang sa Pilipinas, ito ay alinsunod sa Proclamation No. 227, s. 1988, na nagdedeklara ng Marso bilang National Women’s Month upang kilalanin ang kontribusyon ng kababaihan sa lipunan at itaguyod ang kanilang karapatan at kapakanan.

Ipinagdiriwang naman ang International Women’s Day tuwing Marso 8 bilang isang pandaigdigang araw ng pagkilala sa mga tagumpay ng kababaihan sa iba’t ibang larangan at ng patuloy na laban para sa pagkakapantay-pantay ng kasarian.

EOF, nagpaabot ng pagbati sa ika-12 taong anibersaryo ni Pope Francis bilang pinuno

Friday, March 14, 2025 2:57 pm

553 total views

Ipinarating ng Economy of Francesco (EOF) Foundation ang pagbati sa Kaniyang Kabanalang Francisco sa kaniyang ika-12 taong anibersaryo bilang pinuno ng simbahang katolika.

Ayon sa Organisasyon, makasaysayang ang pagpapanibago ng Santo Papa Francisco sa sistema ng pakikipagkapwa-tao ng simbahan matapos isulong ang pagpapatibay ng pagkakapatiran.

“We celebrate 12 years of Pope Francis’ pontificate — 12 years of 𝙥𝙧𝙤𝙥𝙝𝙚𝙩𝙞𝙘 𝙬𝙞𝙩𝙣𝙚𝙨𝙨, 𝙘𝙖𝙧𝙚 𝙛𝙤𝙧 𝙩𝙝𝙚 𝙥𝙤𝙤𝙧, and commitment to a more 𝙛𝙧𝙖𝙩𝙚𝙧𝙣𝙖𝙡 𝙖𝙣𝙙 𝙟𝙪𝙨𝙩 𝙬𝙤𝙧𝙡𝙙 🌍✨, As the Economy of Francesco Community, we are deeply grateful for his vision and trust in us, young people, to build a new economy — one that serves people, planet, and peace. His guidance continues to inspire our journey, today, as he faces health challenges, we also lift up our prayers for his swift recovery, wishing him strength and healing, 🙏 𝙏𝙝𝙖𝙣𝙠 𝙮𝙤𝙪, 𝙋𝙤𝙥𝙚 𝙁𝙧𝙖𝙣𝙘𝙞𝙨, 𝙛𝙤𝙧 𝙬𝙖𝙡𝙠𝙞𝙣𝙜 𝙬𝙞𝙩𝙝 𝙪𝙨” ayon sa mensahe ng EOF Foundation.

Higit ring nasimulan ng Papa Francisco ang pagpapabuti sa buhay ng mga pinakamahihirap sa mundo matapos ang mga panawagan sa ibat-ibang bansa na isulong ang pagpapaunlad ng kanilang pamumuhay.
Apela ng EOF Foundation ang patuloy na pananalangin para sa Papa Francisco upang gumaling mula sa kaniyang karamdaman kasabay ng higit na pakikiisa sa mga adbokasiya tungo sa pagpapabuti ng mundo.

Ang Economy of Francesco Foundation ay sinimulang itatag ni Italian Economist Luigino Bruni matapos manawagan ang Kaniyang Kabanalang Francisco noong 2019 na lumikha ng bagong sistema sa ekonomiya na inaaruga ang mga mahihirap habang hinihilom ang nasirang kalikasan ng daigdig.

Walk for Life, isasagawa ng Diocese of Tarlac

Friday, March 14, 2025 2:26 pm

779 total views

Magsasagawa ng lokal na Walk for Life 2025 ang Diocese of Tarlac sa pangunguna ng Tarlac Diocesesan Council of the Laity bilang patuloy na paninindigan ng mga layko sa pagsusulong ng kasagraduhan ng buhay.

Isasagawa ang gawain sa darating na Sabado, ika-29 ng Marso, 2025 mula alas-singko hanggang alas-nuebe ng umaga.

Sa ilalim ng pangkabuuang tema ng Walk for Life 2025 na “Walk for Life. Walk for Hope” ay umaasa ang Diyosesis ng Tarlac na makiisa ang mga mananampalataya sa diyosesis sa mariing paninindigan para sa pagsusulong ng dignidad at kasagraduhan ng buhay, laban sa anumang banta sa buhay ng tao at maging ng kalikasan.

“Life is a sacred gift, meant to be cherished and protected. As we walk together for the Walk for Life 2025, we stand for the dignity of every soul, the unheard voices, and the hope that every life deserves. With each step, we affirm our commitment to faith, love, and the value of every heartbeat. Join us on March 29, 2025, as we walk from Tarlac City Plazuela at 5:00 AM to San Sebastian Cathedral for a Holy Mass led by Most Rev. Roberto C. Mallari, D.D. Let this be more than just a walk, let it be a movement of faith, unity, and unwavering hope.” Paanyaya ng Tarlac Diocesesan Council of the Laity.

Itinakda bilang assembly points ng mga makikibahagi sa Walk for Life 2025 sa Tarlac City Plazuela patungo sa San Sebastian Cathedral, Tarlac City kung saan magkakaroon ng maikling programa bago ang isasagawang banal na misa na inaasahang pangungunahan ni Tarlac Bishop Roberto Mallari.

Nauna ng isinagawa ng Sangguniang Laiko ng Pilipinas ang Walk for Life 2025 sa Manila Cathedral noong ika-23 ng Pebrero, 2025 kung saan pinangunahan ng Kanyang Kabunyian Manila Archbishop Jose Cardinal Advincula ang banal na misa para sa may 4-na libong nakibahagi sa taunang gawain ng implementing arm ng Catholic Bishops’ Conference of the Philippines – Episcopal Commission on the Laity.

Collective repentance, panawagan ni Bishop Uy sa panahon ng kuwaresma

Friday, March 14, 2025 11:24 am

1,255 total views

Umapela si Tagbilaran Bishop Alberto Uy sa mga Pilipino na magkaisang magbalik loob sa Panginoon lalo ngayong panahon ng kuwaresma at naranasang tensyon sa bansa.

Batid ng obispo ang nakababahalahang kalagayan ng Pilipinas dahil sa magkakahating opinyon ng mamamayan lalo na sa usaping pulitika makaraang arestuhin ng Interpol si dating Pangulong Rodrigo Duterte sa bisa ng warrant of arrest sa kasong crimes against humanity na inilabas ng International Criminal Court.

“It’s truly disheartening to see the division in our country. The hostility between us has reached concerning levels. What we genuinely need is a heartfelt collective repentance,” bahagi ng pahayag ni Bishop Uy.

Sinabi ng obispo na mahalaga ang paggabay ng Diyos upang manatiling iiral sa lipunan ang kahinahunan at kapayapaan.

Iginiit ni Bishop Uy na ang pagsisisi at pagbabalik loob ang natatanging paraan upang patuloy ang pagsulong ng bansa at mapigilang masadlak sa kadiliman ang bayan.
“As a nation, we must recognize our failings, express genuine remorse. make sacrifices or atonements, and return to God – all of us, from the President to the ordinary citizen,” giit ni Bishop Uy.

Matatandaang kasunod ng pag-aresto kay Duterte nagsagawa ng pagkilos ang mga tagasuporta ng dating pangulo sa iba’t ibang lugar sa Pilipinas upang ipanawagan ang pagpapabalik nito sa bansa at litisin sa mga korte ng Pilipinas.

Kasalukuyang nasa The Hague Penitentiary Institution si Duterte at sumailalim sa medical proceedings bilang bahagi ng proseso.

Nakasaad sa warrant of arrest ng ICC ang mga kasong paglabag sa karapatang pantao at pagpaslang sa war on drugs sa pagitan ng November 1, 2011 nang manilbihang alkalde ng Davao City hanggang March 16, 2019 bilang pangulo ng Pilipinas bago ang withdrawal ng bansa Rome Statute.

Mamamayan, hinimok na aktibong makilahok sa 2025 midterm election

Thursday, March 13, 2025 5:14 pm

1,535 total views

Naniniwala si Jaro Apostolic Administrator Archbishop-emeritus Jose Romeo Lazo na ang halalan ay isang pagdiriwang at pagpapahayag ng demokrasya ng bansa.

Ito ang mensahe ng arsobispo sa ika-apat na novena mass para sa PPCRV Prayer Power bilang paghahanda sa nalalapit na Midterm National and Local Elections sa Mayo.

Ayon kay Archbishop Lazo, ang halalan ay pambihirang pagpapamalas ng demokrasya ng bansa na kailangan ang aktibong partisipasyon ng bawat isa upang matiyak ang katapatan ng buong proseso mula sa kampanya at pagboto hanggang sa paglabas ng resulta nito.

“This is an expression of a democratic country in a sense that elections are being celebrated and you know what it is to be in during the election but still, but still it is a celebration of democracy, the process that we go through sometimes in question but yet it is a process wherein it speaks of democracy.” Bahagi ng pahayag ni Archbishop Lazo.

Umaasa naman ang Arsobispo na kasabay ng paggunita ng Simbahan sa Jubilee Year of Hope ngayong taon ay mapuno rin ng pag-asa ang bawat Pilipino para sa kinabukasan ng bansa sa pamamagitan ng aktibong pakikisangkot sa nakatakdang Midterm National and Local Elections sa ika-12 ng Mayo, 2025.

“As we go to the celebration of election, give us hope in this Year of Hope that something may happen that maybe is not in our scenario. God has own way of doing things that we may not see but rest assured that He is there celebrating election as well.” Dagdag pa ni Archbishop Lazo.

Pinaalalahanan naman ng Arsobispo ang bawat isa na mahalaga ang tiwala sa Diyos at sa kapwa na isa ring mahalagang aspekto sa pagtanggap ng anumang resulta sa tuwing sasapit ang halalan sa bansa.

Paliwanag ni Archbishop Lazo, may dahilan ang lahat ng mga nangyayari kung saan ang bawat isa ay ginagamit ng Panginoon upang isakatuparan ang kanyang plano para sa lahat.

“First is the trust that we’ll developed in us, trust in God, trust in one another will be building up as we go on in our preparation and celebration of election, this might not be the focus of what we do but trust in God, trust in one another are important facet’s in helping us to move on in spite of the difficulties that may come because our work is not only our own, it is God’s work in us and through us, we have to be reminded with that because sometimes we can easily be distracted by many things that we forget that God is working in and through us.” Ayon pa kay Archbishop Lazo.

Dinaluhan ang banal na misa ng mga volunteers ng PPCRV sa Arkidiyosesis ng Jaro na isinagawa sa Archbishop’s Palace Chapel, Jaro, Iloilo City noong ika-12 ng Marso, 2025.

Inilunsad ng PPCRV ang Prayer Power Journey for Election noong December 2024 at magtatagal hanggang sa May 12, 2025 sa araw ng halalan upang ipanalangin ang aktibong pakikibahagi ng mahigit 69 na milyong botante sa bansa at upang matiyak ang ‘Clean, Honest, Accurate, and Peaceful Elections’ o CHAMP May 2025 elections.

Pagpapalawak ng debosyon kay San Isidro Labrador, paiigtingin

Thursday, March 13, 2025 1:55 pm

1,973 total views

Sisikapin ng Diocesan Shrine of San Isidro Labrador sa Pulilan Bulacan ang patuloy na paggawa ng mga hakbang na mapalawak ang debosyon kay San Isidro Labrador.

Ayon kay Shrine Rector at Parish Priest, Msgr. Dario Cabral bilang dambana ni San Isidro Labrador ng Diocese of Malolos pangunahin nitong gawaing pagbuklurin ang mga parokya at kapilyang nakatalaga sa santo upang ipagdiwang ang kabanalan ni San Isidro.

“Bilang diocesan shrine naging responsibilidad namin na i-coordinate at magkaroon ng linkage ang lahat ng San Isidro Labrador Parishes and chapels na magtipon once a year na dapat ipagdiwang ang kabanalan ni San Isidro na paalala sa lahat lalo na sa mga tumatalikod sa Diyos na patuloy pakinggan ang tawag ng Diyos sa kabanalan,” pahayag ni Msgr. Cabral sa Radio Veritas.

Sinabi ng pari na sa inisyatibo ng dambana ay ginamit nitong pagkakataon ang canonization ng patron upang ipagdiwang ang kabanalan ni San Isidro Labrador sa pamamagitan ng paglunsad ng Grand Isidorian Procession.

Ikinatuwa ni Msgr. Cabral na bukod sa mga parokya at kapilyang nakatalaga kay San Isidro sa diyosesis ay nakilahok din sa gawain ang iba pang mga parokya ni San Isidro mula sa iba’t ibang lugar sa bansa.

Nitong March 12 sa 403rd canonization anniversary ng santo nasa 11 parokya ang lumahok sa pagdiriwang kung saan bago ang prusisyon ay pinangunahan ni Msgr. Cabral ang Banal na Misa.
Tinuran din ng pari na bilang patron ng mga magsasaka si San Isidro ay nililingap din nito ang sektor ng agrikultura kung saan noong 2022 sa ikaapat na sentenaryo ng pagiging banal ay inilunsad ng dambana ang national convention para sa mga magsasaka na layong hubugin ang kanilang espiritwalidad ayon sa mga halimbawa ni San Isidro.

“May convention para sa mga magsasaka hindi lamang para ma-develop ang kanilang pangkabuhayan kundi mahubog din spirituality ng magsasaka sa farming, ecology at love for environment,” ani ng pari.

Binigyang diin ni Msgr. Cabral na ang mga pagdiriwang sa buhay ni San Isidro ay paanyayang pagtuunan ang tawag ng kabanalan at isulong ang pagtataguyod sa kultura at mga tradisyon.
Samantala ipinagpasalamat din ni Msgr. Cabral ang pagkakataong tinanggap ang pagkilala bilang monsignori ng simbahang katolika noong March 11 isang araw bago ang canonization anniversary ni San Isidro na pawang mahalaga sa kanyang bokasyon sa pagpapari.

“Magandang okasyon na lingunin ang pagkapari; nakikita ko rito ang significance of the role of the priest in making the call of God to holiness more loudly and clearly listened to. Lahat ng pagkakataon dapat makita nating itinuturo tayo nito patungo sa Diyos na tumatawag sa atin sa kabanalan,” giit ni Msgr. Cabral.

Si San Isidro Labrador ay ganap na naging santo noong March 12, 1622 sa ritong pinangunahan ninoo’y Pope Gregory XV kasabay sina Sts. Ignatius, Francis Xavier, Teresa, at Philip Neri.
Kilala ang santo sa pagiging masigasig na mananampalatayang maagang gumigising at naglalaan ng oras sa Panginoon sa tuwing umaga bago tumungo sa kanyang bukirin at nagsasagawa ng pilgrimage sa mga simbahan sa Madrid Spain at kalapit na mga lugar kasama ang kanyang maybahay na si St. Maria de la Cabeza.

Bukod sa pagiging patron ng mga magsasaka at rural commuities kilala rin itong pintakasi ng Madrid, Spain.

Bishop Santos, nakiramay at nakiisa sa mga biktima ng Russian missile strike sa Ukraine

Thursday, March 13, 2025 12:11 pm

2,026 total views

Nakiramay at nakiisa ang Stella Maris Philippines sa mga biktima ng Russian missile strike sa cargo ship MJ Pinar sa Odesa, Ukraine.

Ayon kay CBCP Bishop Promoter of Stella Maris-Philippines, Antipolo Bishop Ruperto Santos lubhang nakababahala ang sitwasyon ng mga seafarers na patuloy nagsusumikap para matustusan ang pangangailangan ng pamilya.

Tiniyak ng obispo ang pananalangin para sa naiwang kaanak habang katatagan at kagalingan sa mga nasugatan sa insidente.

“We extend our deepest condolences and unwavering solidarity to the seafaring community affected by this devastating event. We stand united in prayer for the souls of the departed and for the swift recovery of those injured. We also pray for the safety and well-being of all seafarers who continue to face perilous conditions in their line of duty,” bahagi ng pahayag ni Bishop Santos.

Batay sa ulat tinamaan ng Russian missile attack ang cargo ship sa Black Sea na ikinasawi ng apat na Syrian crews habang nasugatan ang isa pang Syrian at Ukrainian crew ng barko.

Nagkarga ng mga trigo ang barko na dadalhin sa Algeria nang mangyari ang insidente.

Muling umapela si Bishop Santos sa international community na paigtingin ang mga hakbang upang mawakasan ang madugong tatlong taong digmaan ng Russia at Ukraine dahil pawang pagdurusa lamang ang idinudulot nito sa lipunan.

“We call upon the international community to work towards ensuring the safety and security of all maritime workers, and to seek peaceful resolutions to conflicts that endanger innocent lives,” ani Bishop Santos.

Samantala matapos ang tensyon sa pulong nina Ukrainian President Volodymyr Zelenskiy at US President Donald Trump muling sinuportahan ng Amerika ang Ukraine lalo na ang pagkakaroon ng 30 araw na ceasefire sa pagitan ng Russia.

Bagamat patuloy na nagpapagaling si Pope Francis sa kanyang karamdaman nanatiling kabilang ang Ukraine at iba pang mga bansang may digmaan sa pangunahing ipinapanalangin ng santo papa at panawagan ang dayalogo sa pagitan ng mga magkatunggaling bansa upang manaig ang pagkakaisa at kapayapaan sa lipunan.

18-biktima ng EJK sa war on drugs ng dating Pangulong Duterte, nailibing na sa “dambana ng paghilom”

Thursday, March 13, 2025 11:56 am

1,113 total views

Mapayapang nailibing ang labi ng 18-biktima ng extra judicial killing sa madugong war on drugs ni dating Pangulong Rodrigo Duterte sa ‘Dambana ng Paghilom’ ng Arnold Janssen Foundation sa La Loma cemetery sa Caloocan City.

Ayon kay AJF President at Founder Father Flavie Villanueva, SVD., kasabay nito ang magandang balita para sa pamilya ng mga biktima ng war on drugs,ang pagkaaresto kay Duterte na simbolo ng paghahari ng liwanag laban sa kasamaan.

Umaasa ang Pari na hindi na maulit pa sa Pilipinas ang mga kaparehong pangyayari kasabay ng paanyaya sa mga Pilipino na gamitin itong pagkakataon upang patuloy na maglakbay sa buhay dahil sa kabila ng mga suliranin ay makakamtan ang katarungan ang kalayaan.

“Munting mensahe sa ating mga nanay, sa mga lola, sa mga pamilya nang biniktima ay gaya ng pagkalugmok natin sa dilim yung pagkaaresto ni Duterte ay sagisag na ang dilim ay mapapawi nang liwanag, hindi kailanman at hindi magtatagal ang dilim at dito lumalakad tayo paabante, upang makamtam natin yung isang mahalagang hugis ng katarungan na ating inasam simula na nagkaroon ng ganitong klaseng bangungot na ang tawag ay Duterte,” ayon sa panayam ng Radio Veritas kay Fr.Villanueva.

Paalala ng Pari sa naiwang pamilya ng mga biktima ng EJK na kasama nila ang simbahan sa anumang hamon na maaring kaharapin sa buhay.

Iginiit ng Pari na sinumang naghihirap sa lipunan ay nilalapitan ng Panginoon sa pamamagitan ng simbahan na handang umagapay at tulungan ang nasasadlak sa kahirapan, mga biktima ng kasamaan, kasiman at kadiliman.

“Huwag nating kalimutan ang pananampalataya ay hindi lang isang hugis, ang pananampalataya ay nagsisimula sa- pero umaabot lalo’t higit sa mga mahihirap, ang pananampalataya ay isinasabuhay lalong higit kung may naghihirap, namatayan, ang mga pinatayan at mga taong walang kakayanang magsalita, for Sure the church has a prophetic voice na prophetic mission to live, let us live this mission just as Christ did, wag tayong magpatinag, natinag na tayo nang ilang panahon noong panahon ni Duterte, tuldukan na natin itong takot na ito at tayo ay tumayo, tumindig at maging tinig ng mga walang tinig,” bahagi pa ng panayam ni Fr.Villanueva sa Radio Veritas.

Taong 2016 ng itatag ng Arnold Janssen Foundation sa pangunguna ni Fr.Villanueva ang Program Paghilom na ngayon ay kinakalinga ang may 370-pamilya ng mga EJK Victims.

May 2024 ng pormal na isapubliko at italaga ang Dambana ng paghilom bilang kauna-unang EJK Memorial Site para sa mga biktima ng War On Drugs Campaign ni Duterte.

Patuloy na paglaganap ng nakakalasong produkto, kinundena

Thursday, March 13, 2025 11:06 am

1,405 total views

Kinundena ng EcoWaste Coalition ang patuloy na pagbebenta ng mga nakalalasong pampaputing produkto na may mataas na antas ng mercury sa nangungunang shopping mall sa Taguig City.

Bilang paggunita sa International Women’s Day at World Consumer Rights Day, muling bumisita ang grupo sa nasabing mall upang suriin at tiyakin ang pagsunod ng mga tindahan sa mahigpit na pagbabawal sa mga kosmetikong may mercury—na lubhang mapanganib sa kalusugan.

Ayon kay EcoWaste national coordinator Aileen Lucero, mahalagang ipatupad ang batas upang mapangalagaan ang mga kababaihan, bata, at iba pang mahihinang sektor mula sa masamang epekto ng mercury.

Hinihikayat ni Lucero ang pamahalaang lungsod ng Taguig at ang Food and Drug Administration (FDA) na magkaisa sa pagpapatupad ng pagbabawal sa mga mapanganib at nakalalasong produkto.

“To safeguard the health of women and other vulnerable groups, children in particular, from the adverse effects of mercury exposure, and to uphold the right of consumers to be protected against products that are hazardous to health and life, we appeal to the Taguig City Government and the Food and Drug Administration (FDA) Regional Field Office for the National Capital Region to join forces to enforce the ban on mercury cosmetics in Taguig City and the rest of the metropolis,” ayon kay Lucero.

Sa ilalim ng ASEAN Cosmetic Directive, ang mercury bilang heavy metal contaminant ay hindi dapat lumagpas sa one (1) ppm.

Sa isinagawang test buy, nakabili ang EcoWaste Coalition ng apat na produktong matagal nang ipinagbawal ng FDA, kabilang ang Goree Gold 24K Beauty Cream na may 31,010 ppm, Goree Beauty Cream with Lycopene na may 29,110 ppm, Goree Day & Night Beauty Cream na may 28,090 ppm, at 88 Total White Underarm Cream na may 2,006 ppm.

Ayon sa FDA at World Health Organization, ang mercury sa pampaputing produkto ay maaaring magdulot ng pagkairita sa balat, pamumula, pantal, at maging ng matinding karamdaman sa bato, utak, at nervous system, gayundi’y maaaring makapinsala sa sanggol sa sinapupunan.

Patuloy namang panawagan ng EcoWaste Coalition sa mga kinauukulan na higpitan ang pagbabantay at pagpapatupad ng batas laban sa mga produktong may mercury upang mapangalagaan ang kalusugan ng publiko.

Nakasaad sa Katuruang Panlipunan ng Simbahan na ang kita ng isang mamumuhunan ay katanggap-tanggap basta’t hindi nakasasama sa kalusugan ng tao at kalikasan.

Pasay city jail, binisita ni Cardinal Advincula

Thursday, March 13, 2025 8:47 am

1,478 total views

Binisita ni Manila Archbishop Jose Cardinal Advincula ang mga Persons Deprived of Liberty (PDLs) sa Pasay City Jail noong March 11 bilang bahagi ng pagdiriwang ng Simbahan sa Taon ng Hubileyo.

Sa pagninilay sa banal na Misa, ibinahagi ni Cardinal Advincula ang mensahe ng pag-asa, pagbubukas ng puso, at pananalig sa Diyos.

Ikinuwento ng kardinal ang makahulugang pagbubukas ni Pope Francis ng Hubileyo ng Pag-asa sa isang bilangguan sa Roma—isang simbolo hindi lamang ng pagbubukas ng pinto kundi ng puso sa awa at pagmamalasakit.

“Makahulugan ang larawan ng pagbubukas ng pinto, ngunit higit na mahalaga ang kahulugan nito—ang pagbubukas ng ating mga puso. Bukas na puso. At ito ang nagbubuklod sa atin bilang magkakapatid. Hadlang sa pakikipagkapwa ang mga pusong sarado, ang pusong nagmamatigas. Kaya naman, ang biyaya ng hubileyo ay ang pagbubukas ng ating mga puso sa pag-asa—ang pag-asa sa awa ng Diyos na hindi tayo kailanman bibiguin,” bahagi ng pagninilay ni Cardinal Advincula.

Binigyang-diin din ni Cardinal Advincula ang lumalaganap na kultura ng “wala akong pakialam,” kung saan inuuna ng tao ang pansariling interes habang naisasantabi ang malasakit sa kapwa at sa Diyos.

Pinaalala rin ng kardinal sa mga PDLs ang diwa ng panalanging itinuro ni Hesus—ang “Ama Namin,” na nagtuturo hindi lamang ng paggalang sa Diyos bilang Ama kundi ng pagturing sa kapwa bilang magkakapatid at ang kahalagahan ng malasakit sa isa’t isa.

“Kaya nga ang panalangin ay bukal ng pag-ibig. Dahil natuklasan natin na mahal tayo ng Diyos, dumadaloy ang pagmamahal na ito sa malasakit sa ating kapwa. Dahil tiyak tayo na sagot ng Diyos ang ating mga pangangailangan, kaya nating sambitin sa panalangin na tayo ang bahala sa kapwa natin,” ayon sa cardinal.

Hinimok naman ni Cardinal Advincula ang mga PDLs na huwag mawalan ng pag-asa, sapagkat habang may pag-asa, may makabuluhang buhay na nagmumula sa pagmamahal ng Diyos at ng kapwa.

Nakatuwang ng kardinal sa pagdalaw sa Pasay City Jail sina Our Lady of Sorrows Parish Parish Priest Fr. Cris Robert Cellan, SSP at attached priest, Fr. Edward Dantis, SSP.

Itinalaga ng Archdiocese of Manila ang Our Lady of Sorrows Parish sa Pasay City bilang Jubilee Church para sa PDLs at kanilang mga pamilya.

Bilang bahagi ng Taon ng Hubileyo, itinakda ang Jubilee of Prisoners sa December 14, 2025, upang bigyang pagkakataon ang mga nakapiit na magnilay at magbagong-buhay.

Pagkaaresto kay Digong, tagumpay ng katarungan

Wednesday, March 12, 2025 12:10 pm

2,137 total views

Itinuturing ng Alyansa Tigil Mina (ATM) bilang tagumpay ng katarungan ang pag-aresto kay dating Pangulong Rodrigo Duterte sa Ninoy Aquino International Airport (NAIA) dahil sa mga krimen laban sa sangkatauhan.

Ayon kay ATM National Coordinator Jaybee Garganera, bagamat hindi na maibabalik ang libo-libong buhay na nawala, ang pag-aresto kay Duterte ay mahalagang hakbang tungo sa paghilom at paghahanap ng katarungan ng mga naulilang pamilya.

“It may have taken several years for justice to be served, but we finally have that today. The tens of thousands who have been killed during Duterte’s presidency may not be brought back to life, but the arrest is a step towards the healing and the quest for justice of the victims’ families,” pahayag ni Garganera.

Bukod sa mga biktima ng madugong kampanya kontra droga, binigyang-diin din ni Garganera ang mga kaso ng pagpaslang at pag-atake sa mga tagapagtanggol ng kalikasan at karapatang pantao sa ilalim ng administrasyong Duterte.

“For defending their lands and fighting for food, water and health, many were red-tagged and doomed to suffer,” pahayag ni Garganera.

Iginiit ni Garganera na hindi tulad ni Duterte, na binibigyan ngayon ng due process, libu-libo ang pinagkaitan ng katulad na karapatan at basta na lamang pinatay nang walang pananagutan.

Panawagan ng ATM sa International Criminal Court (ICC) at sa pamahalaan ng Pilipinas na papanagutin at litisin ang lahat ng may kinalaman sa malupit na panunupil sa ilalim ng panunungkulan ni Duterte.

Noong Marso 11, 2025, pasado alas-9 ng umaga, inaresto si Duterte sa Ninoy Aquino International Airport ng mga opisyal ng International Criminal Police Organization (INTERPOL) Manila, National Bureau of Investigation (NBI), at Philippine National Police (PNP) matapos ihain ang warrant of arrest mula sa ICC para sa kasong crime against humanity.

Batay sa tala ng PNP, mahigit-6,000 Pilipino ang napaslang sa ‘giyera kontra droga, ngunit ayon sa mga human rights group sa Pilipinas, higit 30,000 katao ang tunay na bilang ng mga napaslang, mula sa mga mahihirap na tagalungsod kabilang ang mga inosenteng bata.

Una nang binigyang-diin ng Conference of Major Superiors in the Philippines-Justice, Peace, and Integrity of Creation Commission na ang tunay na kapayapaan ay makakamit lamang kung kikilalanin ang mga maling nagawa sa nakaraan at pananagutin ang mga may kasalanan.

Bumoto ng may pananagutan, hamon ng CMSP sa mga botante

Wednesday, March 12, 2025 10:46 am

1,141 total views

Higit kailanman ay dapat bigyang pagpapahalaga ng mamamayan ang pag-iral ng katarungan at pananagutan sa lipunan, at marapat na maisagawa ito lalo na sa pamamagitan ng mahusay na pagpili ng mga maihahahal na pinuno ng bayan sa nalalapit na halalan sa Mayo.

Ito ang mensahe ng homiliya ni Fr. Angel Cortez, OFM – co-executive secretary Conference of Major Superiors in the Philippines (CMSP) sa misang ginanap sa Radyo Veritas Chapel.

Inihalimbawa ng pari ang nangyaring pag-aresto kay dating Pangulong Rodrigo Duterte ng International Criminal Court (ICC) sa pamamagitan ng International Police kaugnay na rin sa kasong crime against humanity dulot ng mga naganap na extrajudicial killings at pang-aabuso sa kapangyarihan sa ipinatupad na war on drugs ng kanyang administrasyon.

“Kung ikaw ay isang kapamilya ng isang biktima ng hindi makatarungang pagpatay, marahil nagdiriwang ka ngayon. Marami sa kanila ang matagal nang sumisigaw para sa hustisya laban sa paniniil ng nakaraan. Kaya naman, ang nangyari kahapon ay isang araw ng tagumpay para sa kanila,” ani Fr. Cortez.

Ang pag-aresto kay Duterte ay nagdulot ng magkakahalong reaksyon mula sa publiko—may mga natuwa sa pag-usad ng hustisya, ngunit mayroon ding naghayag ng pagkadismaya, lalo na mula sa kanyang mga tagasuporta.

Binigyang-diin ni Fr. Cortez ang kahalagahan ng pagsuri sa katotohanan sa halip na mahulog sa emosyonal na paninindigan.

“Nakakalungkot isipin na sa ating bansa, napakabilis nating makalimot. Kapag tayo ay nasa maginhawang kalagayan, madalas hindi natin iniisip ang nakaraan. Ngunit hindi ba natin dapat tanungin kung ano ang tunay na batayan ng isang pamahalaang matuwid?” dagdag niya.

Sa nalalapit na halalan, nanawagan si Fr. Cortez sa mga mamamayan na suriin ang kanilang mga pinipiling kandidato batay sa moralidad, kakayahan, at malasakit sa bayan. “Marami nang naganap sa ating bansa na dapat nating pagnilayan upang piliin ang mga tunay na nararapat. Ngunit sa kabila ng lahat, tila marami pa rin sa atin ang hindi nakikita ang mga palatandaang ito.”

Ipinaalala rin niya na bagaman ang Simbahan ay hindi maaaring iendorso ang sinumang kandidato, may tungkulin itong ipahayag ang katotohanan at hikayatin ang publiko na bumoto nang may pananagutan. “Ang naganap kahapon ay isang hakbang patungo sa moralidad—isang patunay na may pag-asa pa para sa hustisya. Isang senyales na may umiiral pa ring proseso ng batas, kahit sa panahong maraming mahihirap ang naaapi at maraming tinig ang hindi pinakikinggan.”

Sa kabila ng kontrobersya sa mga kaso ni Duterte, sinabi ni Fr. Cortez na hindi ito isang personal na laban, kundi isang pagkakataon upang ipakita na walang sinuman ang dapat na hihigit sa batas. “Ito ay hindi isang paghihiganti. Ito ay isang proseso ng pagbibigay ng hustisya sa mga pamilyang nawalan ng mahal sa buhay dahil sa marahas na patakaran ng nakaraan. Sa halip na mag-away-away, gamitin natin ang pagkakataong ito upang muling itaguyod ang isang lipunang may pananagutan.”

Hinimok din ni Fr. Cortez ang publiko na gamitin ang panahon ng Kuwaresma bilang pagkakataon upang suriin ang sarili at ang direksyon ng kanilang mga desisyon. “Pinili ko ba ang Pilipinas, o pinili kong maging makasarili? Pinili ko ba ang mga maimpluwensyang tao para sa aking sariling kapakinabangan, o isinantabi ko ang panawagan ng Mabuting Balita?”

Ayon sa pari ang tunay na pananampalataya ay dapat makita sa gawa. “Sa ating panalangin, tayo ay maging tapat. Sa ating pagkakawanggawa, hindi tayo dapat nagpapakitang-tao. Sa ating pag-aayuno, hindi ito dapat ipinagyayabang. Bagkus, gawin natin ito nang may taos-pusong malasakit para sa ating bayan.”

Bilang pagtatapos, ipinaalala ni Fr. Cortez na ang tamang pagboto ay isang sagradong tungkulin na dapat isagawa nang may konsensya at batay sa mga tunay na pangangailangan ng bayan.

“Kung sawa ka nang maging mahirap, kung sawang-sawa ka na sa hirap ng buhay at nagsusumikap kang umasenso, piliin mo ang matalinong pagboto. Isaalang-alang natin ang mga palatandaang ipinapakita sa atin ng kasaysayan, upang sa tamang panahon, makamtan natin ang tunay na pagbabago.”

Pangulong Marcos: Pag-aresto kay dating Pangulong Duterte, alinsunod sa obligasyon ng Pilipinas sa Interpol

Wednesday, March 12, 2025 1:13 am

1,323 total views

Kinumpirma ng Malacañang na umalis na ng bansa si dating Pangulong Rodrigo Roa Duterte matapos siyang arestuhin alinsunod sa isang warrant mula sa International Criminal Court (ICC).

“The plane carrying former President Duterte took off at 11:03 p.m. this evening and exited Philippine airspace,” ayon kay Pangulong Ferdinand Marcos Jr. sa isang press briefing sa Malacañang kagabi.

“The plane is en route to The Hague in the Netherlands allowing the former president to face charges of crimes against humanity in relation to his bloody war on drugs.”

Binigyang-diin ni Marcos na ang pag-aresto kay Duterte ay bahagi ng mga internasyunal na kasunduan ng Pilipinas.

“Mr. Duterte was arrested in compliance with our commitments to Interpol,” aniya. “Hours before his arrival, Interpol Manila received an official copy of the ICC warrant.”

Dagdag pa ng Pangulo, “Interpol asked for help and we complied because we have commitments to them which we have to fulfill.”

Ipinunto rin ni Marcos ang kahalagahan ng pakikipagtulungan sa Interpol. “If we don’t do that, they will not help us with other cases involving Filipino fugitives. This is what the international community expects of us as the leader of a democratic country.”

Tiniyak ni Pangulong Marcos na sinunod ng gobyerno ang lahat ng kinakailangang legal na hakbang sa pag-aresto kay Duterte.

“We follow every single necessary procedure,” aniya. “There is a very clear document that explains the basis of how we conduct this.”

Nang tanungin kung may bahid ng pulitika ang pag-aresto, mariing itinanggi ito ng Pangulo.

“No. This case started in 2017 when members of the government at that time initiated it. So, I don’t see how that can be politically motivated. It was initiated before I even came into the picture,” paliwanag niya.

Ayon sa Malacañang, hindi maaaring balewalain ng Pilipinas ang mga obligasyon nito sa Interpol. “When Interpol calls for assistance, we respond. Just as we expect other countries to help us when we need it, we must also fulfill our responsibilities as part of the global community.”

Nilinaw din ng Palasyo na hindi ito isang usaping pampulitika kundi bahagi ng normal na proseso ng pagpapatupad ng batas. “Again, the government is just doing its job. We are a member of the international community, and we must live up to our responsibilities. That is what’s happening here.”

Si Duterte ay iniuugnay sa libu-libong nasawi sa kanyang kontrobersyal na kampanya laban sa droga, kung saan tinatayang nasa 30,000 katao ang napatay.

Noong 2019, pormal na umatras ang Pilipinas mula sa Rome Statute, ang kasunduang lumikha sa ICC. Gayunpaman, iginigiit ng ICC na may hurisdiksyon pa rin ito sa mga kasong may kinalaman sa war on drugs bago ang pagkalas ng bansa.

Sa kasalukuyan, nakatakdang iharap si Duterte sa ICC sa The Hague upang harapin ang mga akusasyon laban sa kanya.

Bagong Papal Chaplains, hinamong paigtingin ang paglilingkod sa kawan ng Dios.

Tuesday, March 11, 2025 7:58 pm

3,498 total views

Hinimok ni Malolos Bishop Dennis Villarojo ang mga bagong Papal Chaplains ng diyosesis na mas paigtingin ang paglilingkod sa kristiyanong pamayanan.

Sa ginanap na Solemn Investiture sa anim na bagong monsignori pinaalalahanan ng obispo na hindi ito pangkaraniwang parangal at pagkilala ng simbahan kundi ito ay tawag ng mas malawak na pagmimisyon.

“Hindi ito titulo ninyo, ito rin ang pasanin ng anim na paring pinararangalan ngayon malamang kayo’y nanliliit sa karangalang iginagawad sa inyo ngayon, nararapat lang, ngunit nawa’y ang inyong panliliit ay gawin ninyong dahilan upang pag ibayuhin ang inyong paglilingkod,” bahagi ng mensahe ni Bishop Villarojo.

Isinagawa ang paggawad ng ‘biretta’ sa anim na monsginor ng diyosesis sa Immaculate Conception Parish Cathedral and Minor Basilica sa Malolos City sa misang pinangunahan ni Bishop Villarojo kasama si Iba Bishop Bartolome Santos.

Kabilang sa bagong Cappelani Di Sua Santita sina Msgr. Dario Cabral, Msgr. Domingo Salonga, Msgr. Narciso Sampana, Msgr. Leocadio De Jesus, Msgr. Florentino Concepcio, at Msgr. Javer Joaquin.
Paalala ni Bishop Villarojo sa mga monsignor “Bawat pagkakataong may tatawag sa inyo na Monsignor iwaksi ang pag-iisip na kayo ang Panginoon, nakakahiya, bagkus kilalanin ninyo ang Diyos na tumatawag sa inyo at tumugon kayo sa inyong mga puso.”

Ito ay pagkilala ng santo papa na iginagawad sa mga diyosesanong pari na nagpapakita ng ‘exceptional service’ at paninindigan sa simbahan.

Sa hiwalay na panayam ng Radio Veritas kay Msgr. Domingo Salonga sinabi nitong ang pagkatalagang prinsepe ng simbahan ay may kaakibat na malaking responsibilidad na gagampanan.
“Ang pagkahirang sakin bilang Papal Chaplain ni Pope Francis ay isang tawag sa mas malalim na paglilingkod sa Diyos at sa kapwa, nawa’y ito ay maging daan ng biyaya hindi lamang para sa aking sarili ngunit sa buong sambayanan,” ayon kay Msgr. Salonga.

Binigyang diin nitong ang karangalang kanilang tinanggap bilang mga mosignor ng simbahan ay nararapat na ibahagi sa kapwa lalo na sa pagpapatibay ng pananampalataya ng mamamayan upang higit na maging mabungang kasapi ng kristiyanong pamayanan.

Isinagawa ang Solemn Investiture nitong March 11 kasabay ng ika – 63 anibersaryo ng pagkakatatag ng Diocese of Malolos ang isa sa pinakamalaking diyosesis sa bansa na may humigit kumulang apat na milyong katoliko na binubuo ng lalawigan ng Bulacan at Valenzuela City.

Pagdakip kay dating pangulong Duterte, isang moral na proseso sa katarungan at katotohanan

Tuesday, March 11, 2025 4:59 pm

2,414 total views

Makakamit lamang ang tunay na kapayapaan kung kikilalanin ang mga maling nagawa ng nakaraan at pananagutin ang mga may kasalanan.

Ito ang binigyang-diin ng Conference of Major Superiors in the Philippines-Justice, Peace, and Integrity of Creation Commission (CMSP-JPICC) kaugnay sa pagkakaaresto ng International Criminal Court kay dating Pangulong Rodrigo Duterte.

Ayon sa CMSP-JPICC, ito’y mahalagang hakbang upang tugunan ang hindi mabilang na paglabag sa karapatang pantao na naganap sa ilalim ng Administrasyong Duterte, lalo na ang madugong war on drugs na kumitil ng libu-libong inosenteng buhay.

“For years, victims’ families, human rights defenders, and faith-based organizations have sought justice for the thousands of extrajudicial killings, enforced disappearances, and other abuses, mostly targeting the poor and marginalized,” pahayag ng CMSP-JPICC.

Iginiit ng kapulungan na ang kautusan ng ICC laban kay Duterte ay hindi lamang usaping legal kundi isang moral na panawagan para sa hustisya at katotohanan.
Paliwanag ng CMSP-JPICC, ang pananagutan ay mahalaga sa paggaling ng lipunan at hindi dapat piliin lamang kung sino ang mananagot, kundi papanagutin ang lahat ng may kinalaman sa paglabag sa karapatang pantao.

“Justice must not be obstructed, and Duterte, along with those who enforced and enabled his reign of terror, must face the consequences of their actions. This is not about vengeance but about upholding the dignity of every person, especially the poor and vulnerable,” giit ng kapulungan.
Una nang nanawagan ang Simbahan at human rights groups sa administrasyong ni Pangulong Ferdinand Marcos, Jr., upang wakasan ang marahas na kampanya laban sa ilegal na droga at makipagtulungan sa imbestigasyon ng ICC para sa katarungan ng mga biktima.
Batay sa ulat ng United Nations Human Rights Council (UNHRC), halos 9,000 katao ang nasawi sa ilalim ng War on Drugs ng administrasyong Duterte, habang tinatayang mahigit 20,000 naman ayon sa iba’t ibang human rights organizations sa Pilipinas.

Dating pangulong Duterte got what he wanted

Tuesday, March 11, 2025 2:47 pm

1,443 total views

Matapos ang pag-aresto kay dating Pangulong Rodrigo Duterte sa bisa ng warrant mula sa International Criminal Court (ICC), sinabi ng isang opisyal ng simbahan na ang pangyayaring ito ay isang mahalagang paalala tungkol sa pananagutan ng mga nasa kapangyarihan.

“Former President Duterte got what he wanted,” ayon kay Fr. Jerome Secillano, executive secretary ng Catholic Bishops Conference of the Philippines- Episcopal Commission on Public Affairs na tumutukoy sa dating pangulo na ilang ulit na hinamon ang ICC nang pag-aresto sa kaniya.

Ngunit nilinaw ng pari na ang pag-aresto kay Duterte ay hindi awtomatikong nangangahulugan ng kanyang pagkakasala. “His arrest, though, doesn’t mean he’s guilty of the accusations hurled against him. It’s merely the start of a long process of determining accountability.”

“What happened to Duterte should be a reminder that power, if abused, has adverse consequences.”

Ayon sa kanya, ang pag-aresto kay Duterte ay isang proseso ng hustisya na dapat sundan ng mas malalim na imbestigasyon at patas na paglilitis. Sa kabila ng kontrobersiya, ipinahayag ng Simbahan ang paninindigan sa katarungan at pananagutan, anuman ang estado sa buhay ng isang tao.

Itinuring naman ni Fr. Flavie Villanueva, ang pagkakaaresto bilang isang mahalagang hakbang sa pagkamit ng katarungan ng mga biktima ng extra judicial killings at mga naulila sa ipinatupad na war against illegal drugs ng nakalipas na administrasyon.

“Ang pag-aresto sa arkitekto ng War on Drugs na si Rodrigo Duterte ay isang pagpapahayag ng hustisya—isang hakbang na bumigkis sa Diyos,” pahayag ni Fr. Villanueva sa isang panayam.

Gayunpaman, binigyang-diin ng pari na hindi dapat magtapos ang pananagutan kay Duterte lamang. Kanyang iginiit na ang mga pangunahing tagapagpatupad ng War on Drugs, kabilang ang mga matataas na opisyal ng nakaraang administrasyon, ay dapat ding papanagutin.

“Dapat isunod dito pagkatapos ng arkitekto ang mga operator—may dalawang senador, si Bong Go at si Bato dela Rosa. Ang kanyang anak na bise presidente na may kinakaharap na impeachment case ay dapat ding managot. Ganoon din ang mga dating hepe ng pulisya na naging kasangkapan sa patayang naganap,” dagdag niya.

Si Fr. Villanueva ay kilala sa pagtataguyod ng katarungan para sa mga pamilya ng biktima ng extrajudicial killings (EJKs) na naganap sa ilalim ng War on Drugs ng dating administrasyong Duterte kung saan humarap din siya sa isinagawang pagdinig ng Quad Committee ng Kamara sa isyu ng war on drugs kasama si dating Senator Leila de Lima.

Isa siya sa mga pangunahing personalidad na kumakalaban sa impunity at nagsusulong ng rehabilitasyon at proteksyon para sa mga naulila ng madugong kampanya kontra droga. Siya rin ang tagapagtatag ng Program Paghilom, isang inisyatiba na tumutulong sa mga pamilya ng EJK victims sa pamamagitan ng psychosocial healing, at legal assistance.
Pinuri rin ni Fr. Villanueva ang ginampanan ng kasalukuyang administrasyon sa pagpapatupad ng warrant of arrest laban kay Duterte, bagamat inamin niyang maaaring may bahid ng pulitikal na hidwaan sa pagitan ng mga dating magkakampi.

Sa kabila ng pag-aresto, iginiit ni Fr. Villanueva na ito ay simula pa lamang ng mas malawak na laban para sa hustisya. Hinimok niya ang publiko, lalo na ang Simbahan, na manatiling matatag sa panawagan para sa pananagutan at pambansang paghihilom.
“Hindi na dapat matakot, hindi na dapat matakot ang Simbahan. Patuloy tayong makikiisa sa tagumpay na ito, sa hinahangad nating paghilom at katarungan,” pagtatapos niya.

Bishop Santos, naglabas ng prayer for protection against fire

Tuesday, March 11, 2025 1:30 pm

2,723 total views

Ipinapanalangin ni Antipolo Bishop Ruperto Santos ang kaligtasan ng lahat mula sa panganib ng sunog bilang paggunita ngayong Marso sa Fire Prevention Month.

Hinihiling ni Bishop Santos na nawa’y pigilan ng Diyos ang pagkalat ng apoy upang maiwasan ang anumang panganib, hindi lamang sa mga tahanan, ari-arian at tao, maging sa kapaligiran at mga hayop.

Ipinagdarasal din ng obispo ang kaligtasan at katatagan ng mga bumbero at emergency responders na walang pagod na nagsasakripisyo upang sagipin ang buhay ng iba at tiyakin ang kaligtasan ng lahat mula sa panganib.

Hinikayat ni Bishop Santos ang lahat na magtiwala sa mapagkalingang presensya ng Panginoon upang madama ang kapanatagan at pag-asa sa gitna ng panganib at pagsubok.

PRAYER FOR PROTECTION AGAINST FIRE

O Almighty God, You are our refuge and strength,
We come before you with a plea for Your divine protection against the threat of fire. We ask for Your merciful intervention, so that no one may perish. Keep the flames under control to minimize damage to homes, buildings, and all other properties.

Shield us with Your powerful hand and place a barrier between us and the destructive force of fire. Grant safety to all who are in the path of danger, and provide strength and courage to the firefighters and emergency responders who work tirelessly to protect us.

In the midst of uncertainty, be our comfort and guide. Surround us with Your presence, and let us find comfort in Your unwavering love.

We trust in Your power and Your grace, knowing that You are ever-watchful and ever-faithful. May Your protection be our shield and Your strength our support.

We ask all these in the most precious name of your Son, Jesus, we pray, Amen.

+ RUPERTO CRUZ SANTOS, DD
Bishop of the Diocese of Antipolo and Parish Priest
International Shrine of Our Lady of Peace and Good Voyage

Sa bisa ng Presidential Proclamation No. 115-A ni dating Pangulong Ferdinand Marcos, Sr., idineklara ang Marso bilang Fire Prevention Month dahil sa nakababahalang pagtaas ng mga insidente ng sunog sa buong bansa sa panahong ito.

Layunin din ng paggunita na paigtingin ang kamalayan ng publiko sa pag-iwas sa sunog at palakasin ang mga hakbang para sa kaligtasan.

Batay sa pinakahuling tala ng Bureau of Fire Protection (BFP), umabot na sa mahigit 2,400 ang naitalang insidente ng sunog sa buong bansa mula Enero hanggang Marso—mas mababa ng 40 porsyento kumpara sa mahigit 4,300 kaso sa kaparehong panahon noong 2024.

Dating Pangulong Duterte, inaresto sa NAIA

Tuesday, March 11, 2025 12:31 pm

1,584 total views

Inaresto ngayong umaga sa Ninoy Aquino International Airport (NAIA) ang dating Pangulong Rodrigo Duterte matapos ihain ng mga awtoridad ang warrant of arrest mula sa International Criminal Court (ICC) para sa kasong crime against humanity.

Ganap na 9:20 ng umaga nang lumapag sa Maynila ang eroplanong Cathay Pacific CX 907 mula Hong Kong, lulan si Duterte at ang kanyang grupo.

Pagdating sa paliparan, agad silang sinalubong ng mga opisyal ng INTERPOL Manila, National Bureau of Investigation (NBI), at Philippine National Police (PNP) upang ipatupad ang utos ng ICC.

“Sa kanyang pagdating, inihain ng Prosecutor General ang ICC notification para sa isang arrest warrant sa dating Pangulo para sa krimen laban sa sangkatauhan. Ang dating Pangulo at ang kanyang grupo ay nasa mabuting kalusugan at sinuri ng mga doctor ng gobyerno. Sinigurado na siya ay nasa maayos na kalagayan,” ayon sa pahayag ng Malacañang.

Inihain ng Prosecutor General ang opisyal na abiso ng pag-aresto sa dating pangulo, ayon sa inilabas na opisyal na pahayag ng Malacanang.

Ayon sa mga awtoridad, ang dating Pangulo at ang kanyang grupo ay nasa mabuting kalusugan at isinailalim sa medical check-up ng mga doktor ng gobyerno upang tiyakin ang kanilang kalagayan.

Upang matiyak ang transparency, tiniyak ng PNP na ang mga opisyal na nagpatupad ng warrant ay may suot na body camera upang maitala ang buong proseso ng pag-aresto.

Sa kasalukuyan, si Duterte ay nasa kustodiya na ng mga kinauukulan habang inaasahang isasagawa ang mga susunod na legal na hakbang kaugnay ng kanyang kaso sa ICC.

Dating pangulong Duterte, hinamon ng Obispo na harapin ang war crimes sa ICC

Tuesday, March 11, 2025 12:07 pm

3,374 total views

Naniniwala ang social action arm ng Catholic Bishops’ Conference of the Philippines (CBCP) na napapanahon na upang harapin ni dating Pangulong Rodrigo Roa Duterte ang kanyang pananagutan sa marahas na implementasyon ng kampanya laban sa ilegal na droga sa bansa.

Ito ang binigyang diin ni Caritas Philippines President, Kidapawan Bishop Jose Colin Bagaforo kaugnay sa paglabas ng arrest warrant ng International Criminal Court (ICC) laban sa dating Pangulo sa kasong war against humanity.

Ayon sa Obispo na siya ring chairman ng CBCP-Episcopal Commission on Social Action, Justice and Peace, ang tunay na katarungan ay walang kinikilingan sapagkat walang sinuman ang mas nakahihigit sa batas.

Paliwanag ni Bishop Bagaforo, ang katarungang panlipunan ay nangangahulugan ng pagbibigay proteksyon sa karapatan ng bawat mamamayan at pagpapanagot sa sinumang magsantabi sa karapatang pantaong tinataglay ng bawat isa.

“For years, former President Duterte has claimed that he is ready to face the consequences of his actions. Now is the time for him to prove it… True justice is not about political allegiance or personal loyalty—it is about accountability, transparency, and the protection of human dignity. We urge Duterte to uphold his own words and submit himself to the legal process.” Bahagi ng pahayag ni Bishop Bagaforo sa Radyo Veritas.

Naniniwala rin si Caritas Philippines Vice President, San Carlos Bishop Gerardo Alminasa na marapat lamang na managot ang lahat ng mga may kaugnayan at sangkot sa marahas na implementasyon ng War on Drugs ng nakalipas na administrasting Duterta upang mabigyan ng katahimikan, at katarungan ang bawat biktima at kanilang mga naiwang mahal sa buhay.
Iginiit rin ni Bishop Alminaza na mahalagang magkaisa ang lahat upang matiyak na hindi na muling mauulit pa ang paglaganap ng karahasan at pagsasantabi sa karapatang pantao ng mamamayang Pilipino.

“These killings were not random; they were part of a policy that violated the fundamental right to life… The families of the victims deserve truth, reparations, and justice. As a nation, we must ensure that such crimes never happen again.” Ayon kay Bishop Alminaza.

Paliwanag pa ng Caritas Philippines kinakailangang seryosohin ng pamahalaan ang pagtutok at pagbibigay proteksyon sa karapatang pantao ng bawat mamamayan lalo’t higit ang pagkakaroon ng patas na katarungang panlipunan para sa lahat.

Matatandaang una na ring nanawagan ang Simbahan at mga human rights group sa kasalukuyang administrasyong Marcos na tuluyang isantabi ang marahas na War on Drugs ng nakalipas na administrasyong Duterte at makibahagi sa imbestigasyong isinasagawa ng ICC upang bigyang katarungan ang mga biktima ng karahasan.

Sa tala ng United Nations Human Rights Council (UNHRC) aabot ng halos 9,000 – katao ang nasawi sa ilalim ng War on Drugs ng administrasyong Duterte habang sa tala ng iba’t ibang human rights organizations sa Pilipinas ay sa mahigit 20,000 ang mga nasawi.

Pananalangin,pag-aayuno at kawanggawa, tunay na diwa ng kuwaresma

Tuesday, March 11, 2025 11:03 am

1,929 total views

Muling ipinapaalala sa mga mananampalataya ang kahalagahan ng panalangin, disiplina, at kawanggawa bilang bahagi ng paghahanda sa Pasko ng Pagkabuhay.

Sa homiliya ni Fr. Rey Reyes, SSP na ginanap sa Veritas Chapel, binigyang-diin niya ang tatlong pangunahing haligi ng Kuwaresma: ang pananalangin, pag-aayuno, at pagbibigay ng tulong sa kapwa.

“Ngayong Kuwaresma, bawasan natin ang ating oras sa paggamit ng gadgets at social media. Sa halip, italaga natin ang mas maraming sandali sa pananalangin at pakikipag-ugnayan sa Diyos,” ayon kay Fr. Reyes.

Hinikayat din ang publiko na maging mas disiplinado sa kanilang pamumuhay. “Sa panahong ito, suriin natin ang ating mga ari-arian. Kung mayroon tayong mga bagay na hindi na natin kailangan, ipagkaloob natin ito sa mas nangangailangan. Napakaraming pamilya ang salat sa pagkain at pangunahing pangangailangan, kaya’t huwag tayong mag-atubiling magbigay,” dagdag ng pari.

Bukod sa pananalangin at sakripisyo, binigyang-diin din ang paggawa ng mabuti sa kapwa. “Ngayong Kuwaresma, maglaan tayo ng oras upang dalawin ang mga may sakit, alalahanin ang ating pamilya, at tumulong sa ating komunidad. Hindi natin kailangang hintayin ang isang tao na mawala bago natin iparamdam ang ating pagmamalasakit,” paalala pa ni Fr. Reyes.

Sa gitna ng pagiging abala ng buhay, nananawagan ang Simbahan sa mga mananampalataya na gamitin ang panahon ng Kuwaresma bilang pagkakataon upang mas mapalapit sa Diyos at magbahagi ng pag-ibig sa kapwa.

PPCRV prayer power mass, pangungunahan ni Archbishop Lazo

Monday, March 10, 2025 5:18 pm

4,131 total views

Nakatakdang pangunahan ni Jaro Apostolic Administrator Archbishop-emeritus Jose Romeo Lazo ang 4th Novena Mass ng PPCRV Prayer Power bilang patuloy na paghahanda sa nalalapit na 2025 Midterm National and Local Elections sa ika-12 ng Mayo, 2025.

Ayon kay Parish Pastoral Council for Responsible Voting (PPCRV) National Coordinator Dr. Arwin Serrano, ang PPCRV Prayer Power Campaign ay hindi lamang upang ipanalangin ang mga volunteers ng organisasyon na maglilingkod sa halalan kundi upang ipanalangin ang lahat ng mga botante, stakeholders, partner agencies at maging ang COMELEC na may mandatong pangasiwaan ang pagsasagawa ng halalan sa bansa.

Ibinahagi ni Serrano na mahalagang ipanalangin ng bawat isa ang pangkabuuang kaayusan, kapayapaan at katapatan sa nalalapit na halalan.

“This PPCRV Prayer Power Campaign is intended not only for our dear Volunteers who would be serving in various capacities but also for the overall conduct of our 2025 Midterm Elections for COMELEC, other Stakeholders, Partner Agencies and Voters to achieve a Clean, Honest, Accurate, Meaningful and Peaceful (CHAMP) Elections.” Bahagi ng pahayag ni Serrano sa Radyo Veritas.

Nakatakda ang ika-apat na PPCRV Prayer Power Novena Mass sa ika-12 ng Marso, 2025 ganap na alas-otso ng umaga sa Archbishop’s Palace Chapel, Jaro, Iloilo City na maaring matunghayan sa pamamagitan ng livestreaming sa Facebook page ng PPCRV.

Inilunsad ng PPCRV ang Prayer Power Journey for Election noong December 2024 na magtatagal hanggang sa May 12, 2025 sa araw ng halalan upang ipanalangin ang aktibong pakikibahagi ng mahigit 69 na milyong botante sa bansa at upang matiyak ang

‘Clean, Honest, Accountable, and Peaceful Elections’ o CHAMP May 2025 elections.

Nagsimula ang PPCRV Prayer Power Journey for Election sa PPCRV Mindanao sa pangunguna ni Davao Archbishop Romulo Valles.

Pari sa mga botante, pagnilayan ang mga ihahalal na kandidato

Monday, March 10, 2025 4:59 pm

2,712 total views

Hinimok ng Church People Workers Solidarity ang mga Pilipino na gamitin ang panahon ng kuwaresma upang pagnilayan ang kanilang mga iboboto sa 2025 midterms election sa Mayo.

Ayon kay CWS National Capital Region Chairman Father Noel Gatchalian, ito ay upang maihalal naman ang mga lider na mayroong paghahangad na mapabuti ang kalagayan ng mga manggagawa.

Sinabi ni Father Gatchalian na dapat piliin ng mga botante ang lider na magsusulong ng wage hike, pag-alis sa contractualization, hindi pantay na benepisyo at paniniil sa mga union.

“Pinapakiusapan ko ang mga kapwa ko Pilipino na iboto natin ang mga kandadito na talagang ipinagtatanggol ang mga manggagawa, ang mga kandidato ng mga manggagawa sapagkat ang mga manggagawa nananatiling mababa ang suweldo kung hindi ang mga manggagawa mismo ang siyang magtatanggol sa kanila,” ayon sa panayam ng Radio Veritas kay Father Gatchalian.

Umaasa ang pari na sa pamamagitan ng pagninilay ngayong Kuwaresma ay maliwanagan ang mga Pilipino at mapili ang mga lider na ang layunin ay mapabuti ang buhay ng mga Pilpino.

“Hinihikayat ko at pinapakiusapan ang mga kapwa ko Pilipino na isipin natin ang mga kapwa natin manggagawa sa kumakandidato para sila ang makatulong sa mga kapwa natin manggagawa,” ayon pa sa panayam ng Radio Veritas kay Fr.Gatchalian.

Sa kasalukuyan, umaabot ng 300 hanggang 645-pesos ang minimum wage sa ibat-ibang rehiyon sa bansa na napakababa sa isinusulong na 1,200-pesos na minimum wage.

Noong 2022 at 2023 din ay napabilang ang Pilipinas sa talaan ng Global Rights Index bilang isa sa ‘Top 10 most Dangerous Countries for Labor Leaders and Members in World’ matapos maitala sa 70 ang mga napapatay na labor leaders at members simula 2016 hanggang sa kasalukuyan.

Camillians, ipinagdiwang ang 50-taong pagmimisyon sa Pilipinas

Monday, March 10, 2025 2:40 pm

3,026 total views

Nagpahayag ng kagalakan si first Filipino Camillian, Fr. Rolando Fernandez, sa pagdiriwang ng ika-50 anibersaryo ng Camillian mission sa Pilipinas.

Ayon kay Fr. Fernandez, isang karangalan ang mapaglingkuran ang Diyos sa pamamagitan ng pagtulong sa mga may sakit, lalo na ang mga nasa laylayan ng lipunan.

“It is indeed an honor for us to serve God by serving our brothers and sisters who are sick, wherever they are… We are really full of joy in sharing with them the love that liberates, a love that heals,” pahayag ni Fr. Fernandez sa panayam ng Radio Veritas.

Si Fr. Fernandez, na kasalukuyang local superior ng Camillian Mati Community sa Davao Oriental, ay naordinahan sa pagkapari isang dekada matapos dumating sa Pilipinas ang kongregasyon noong 1974.

Nagpasalamat din ang pari sa patuloy na paggabay ng Diyos sa mga Kamilyano upang maging instrumento sa pagpapadama ng pagmamahal at habag, lalo na sa mga dumaranas ng pagsubok dahil sa karamdaman.

Sinabi ni Fr. Fernandez na ang paglilingkod sa mga nangangailangan ay isang dakilang karangalan, na siyang misyong ginagampanan ng Camillians nang may buong pagmamahal at malasakit.

“As we celebrate our 50th anniversary of Camillian presence in the Philippines, we would like really first of all to thank God for continually letting us be His hand, His heart, His mind, so that we’ll be able to share this liberating and healing love of Him to our brothers and sisters, most especially the poor and the sick, those at the peripheries. It is indeed a great honor and privilege to serve them, to serve them with heart in our hands,” ayon kay Fr. Fernandez.

Isinagawa ang anibersaryo noong March 8, 2025 sa Immaculate Conception Cathedral of Cubao, na sinimulan sa motorcade at public veneration sa relikya ni San Camilo de Lellis, at sinundan ng Banal na Misa na pinangunahan ni Cubao Bishop Elias Ayuban, Jr., CMF, kasama sina Camillian Superior General Fr. Pedro Tramontin at Philippine Provincial Superior Fr. Evan Paul Villanueva.

Nagpatuloy ang pagdiriwang sa St. Camillus Seminary sa Marikina City, kung saan pinarangalan ang mga naging bahagi ng misyon ng Camillians sa bansa, kabilang sina Fr. Fernandez, at Camillian Pioneers, Fr. Ivo Anselmi at Fr. Luigi Galvani.

Mayroon nang humigit-kumulang 130 Kamilyanong pari at relihiyoso sa ilalim ng Camillian Philippine Province, na nagsisilbi sa Pilipinas, Taiwan, Indonesia, at Australia.

Tema ng pagdiriwang ang “Puso sa Misyon: Limang Dekadang Pasasalamat, Pagninilay, at Pagtugon sa Misyon ng Diyos.”

Taong 1974 nang dumating sa Pilipinas ang mga Kamilyano, March 8, 1975 nang simulang palaguin ang lokal na bokasyon at pagtatatag ng Camillian religious houses sa bansa, at July 1, 2003 ganap nang itinatag ang Camillian Philippine Province.

Si San Camilo de Lellis ang nagtatag ng Ministers of the Sick, na kalauna’y nakilala bilang Ministers of the Infirm o Camillians, na ang tungkuli’y maglingkod sa mga may karamdaman at higit na ilapit ang kagalingang hatid ng Panginoong Hesukristo.

Lahat ng volunteers, kinilala ni Pope Francis

Monday, March 10, 2025 11:47 am

4,768 total views

Pinasalamatan ng Kanyang Kabanalan Francisco ang lahat ng volunteer’s ng lipunan na naglalaan ng panahon para paglingkuran ang kapwa.

Sa pagdiriwang ng Jubilee of the world of Volunteering binigyang diin ng santo papa na mahalagang papel sa pamayanan ang ginagampanan ng mga volunteers lalo ngayong mas binibigyang pansin ang sariling interes para kumita.

Sinabi ni Pope Francis na ang pagboluntaryo ay pagsasabuhay sa turo ng Panginoon na maglingkod sa kapwa lalo’t higit sa mga nangangailangang sektor.

“Volunteering is prophecy and a sign of hope, because it bears witness to the primacy of gratuitousness, solidarity and service to those most in need. I express my gratitude to those who are engaged in this field: thank you for offering your time and abilities; thank you for the closeness and tenderness with which you care for others, reawakening hope in them,” ayon kay Pope Francis.

Binanggit ng santo papa na sa kanyang pananatili sa Gemelli Hospital mula noong February 14 ay naranasan din nito ang pagkalinga at pag-aalaga ng mga medical professionals na karaniwang nagsasagawa ng volunteer at charity works sa lipunan upang matugunan ang pangangailangang medikal ng mga dukha.

Muling tiniyak ng lider ng isang bilyong katoliko sa mundo ang pakikilakbay sa mga may karamdaman at ang pananalangin para sa katatagan at kagalingan.

“I think of the many people who in various ways are close to the sick, and who are for them a sign of the Lord’s presence. We need this, the “miracle of tenderness” which accompanies those who are in adversity, bringing a little light into the night of pain,” dagdag ni Pope Francis.

Pinasalamatan ng santo papa ang lahat ng nagpaabot ng mensahe at nag-alay ng panalangin sa kanyang paggaling kasabay ng paanyayang makilahok sa mga gawain ngayong kuwaresma at sa nalalapit na Paschal Triduum na makatutulong mapalago ang espiritwalidad ng mananampalataya.

Patuloy na pagkalinga sa palaboy at dukha, tiniyak ng AJKC

Monday, March 10, 2025 10:53 am

4,432 total views

Itinuturing ni Divine Word missionary priest Fr. Flaviano “Flavie” Villanueva, SVD na biyaya ng Panginoon ang nagpapatuloy na misyon at layunin ng Arnold Janssen Kalinga Center na naitinatag 10-taon na ang nakakalipas.

Ayon sa Pari na siya ring President and Founder ng Arnold Janssen Kalinga Foundation Inc. (AJKC), naging posible ang pagsasakatuparan ng institusyon sa misyon nitong kalingain ang mga palaboy at dukha sa lansangan sa tulong at biyaya ng Panginoon.

Pagbabahagi ni Fr. Villanueva, mahalaga ang pananalangin para sa patuloy na paggabay at pag-agapay ng Panginoon sa misyon ng AJKC na maging daluyan ng habag, awa at biyaya ng Panginoon para sa mga nangangailangan.

Nagpapasalamat rin ang Pari sa patuloy na suporta ng iba’t ibang institusyon ng Simbahan kabilang na sa Radyo Veritas sa patuloy na ibinabahagi ang misyon ng Arnold Janssen Kalinga Center sa nakalipas na 10-taon.

“Lahat ito ay biyaya, Everything Is Grace katulad ng tema at sa biyayang ito nagiging biyaya din tayo sa iba, nagiging misyon tayo sa iba yung salitang abot-abot ang biyaya, inabot tayo, pilit tayong inabot ng Diyos pakipot tayo, aabutin pa rin tayo ng Diyos, abot din tayo sa iba kaya sa pag-abot sa iba yun yung pagmimisyon, so Ito yung sampung taon na ating pinasasalamatan sa Diyos at sa pagpapatuloy, patuloy ring mananalangin, patuloy aabot, patuloy aasa sa kanyang biyaya at salamat sa inyo sa Radio Veritas sa Inang Simbahan sa inspirasyon at suporta.” Bahagi ng pahayag ni FR. Villanueva sa Radyo Veritas.

Inihayag naman ng Pari ang natatanging pangarap at panalangin ng Arnold Janssen Kalinga Center na maiangat ang buhay at maialis sa kalye ang bawat palaboy sa lansangan sa pamamagitan ng pagkalinga at pag-agapay para sa kanilang unti-unting pagbangon at pagbabagong buhay.

“Meron ng mga umaangat sa buhay at yung mga umaangat na dating nasa laylayan sila na yung kaagapay natin umaangat din sa kanilang kapwa na naroon pa sa laylayan, yun ang pangarap. It’s a vision, it’s a lifetime mission but then again ang panalangin ay ang hanggang may taong lansangan naroroon po ang Kalinga Foundation, Arnold Janssen Kalinga Foundation para mag-abot ng kalinga at paghilom sa dukha at sa mga biktima ng karahasan.” Dagdag pa ni Fr. Villanueva.

Bilang paghahanda para sa ika-10 anibersaryo ng Arnold Janssen Kalinga Center sa July 16, 2025 ay isang misa pasasalamat ang ipinagdiwang ni Fr. Villanueva kasama ang iba pang mga Pari mula sa Society of Divine Word (SVD) congregation at dinaluhan ng ilang donors, mission partners, at beneficiaries na tinutulungan na natulungan na ng AJKC sa loob ng nakalipas na 10-taon.
Taong 2015 ng itinatatag ng Society of Divine Word (SVD) congregation ang St. Arnold Janssen Kalinga Center sa pangunguna ni Fr. Villanueva upang magkaloob ng tulong para sa mga nangangailanngan lalo na ang mga palaboy sa lansangan.

Misyon ng AJKC ang makapagkaloob sa mga palaboy o walang tahanan ng libreng pagkain at pagkakataon upang makapaligo at makapaglinis ng katawan bilang pagbibigay halaga sa dignidad ng pagkatao ng isang indibidwal.

Batay sa pinakahuling tala ng AJKC noong Disyembre ng nakalipas na taong 2024, umabot na sa 824,116 ang natulungan ng pasilidad bukod pa sa iba pang mga programa ng AJKC kabilang na ang pagkakaloob ng Alternative Learning System sa mga nais na makapagtapos ng pag-aaral at pagtulong sa mga naiwang mahal sa buhay ng mga biktima ng EJK sa pamamagitan ng Project Paghilom na itinatag naman noong 2016 sa kasagsagan ng madugong War on Drugs ng adminisrasyong Duterte.

Pagpili ng mga Pilipino sa kandidatong may paninindigan sa WPS, pinuri ng Atin Ito

Monday, March 10, 2025 10:25 am

2,773 total views

Nagalak ang Atin Ito! West Philippine Sea Movement sa pagpili ng mga Pilipino sa mga pinunong ipaglalaban ang mga teritoryo ng Pilipinas at hindi hahayaang masakop ng mga mapagmalabis na banyaga.

Pinuri ni Rafaela David – Co-convenor ng Atin Ito! ang survey ng Social Weather Station na 78% ng mga botante sa midterm election sa May 12, 2025 ay iboboto ang mga kandidatong may paninindigan at ipaglalaban ang West Philippine sea sa pananakop ng China.

Ipinapakita din ng survey na nananatili ang pagmamahal sa bayan ng mga Pilipino upang suportahan ang mga mangingisda sa West Philippine Sea na apektado ang pamumuhay dahil sa patuloy na pananakop ng China.

““Atin Ito calls on every Filipino: Do not vote for leaders who have betrayed our sovereignty. The fight for the West Philippine Sea is not just about wearing shirts or performative gestures—it demands real action, courage, and an unwavering stand against foreign aggression,” ayon sa mensahe ni David na ipinadala sa Radio Veritas.

Tiniyak naman ni David ang patuloy na paninindigan ng grupo na magkaroon ng civilian mission sa WPS upang makiisa at personal na makita ang kalagayan ng mga sundalo, mangingisda at WPS frontliners na patuloy na ginigipit ng China.

“This survey is proof that Filipinos reject traitorous leaders when it comes to our sovereignty. The overwhelming demand for leaders who will stand up against China is a direct result of the courageous efforts of citizens—our brave fisherfolk, frontliners, and the volunteers of Atin Ito’s civilian supply missions,” bahagi pa ng mensahe ni David na ipinadala sa Radio Veritas.

Unang nanindigan ang North Luzon Bishops ng Catholic Bishops’ Conference of the Philippines sa malayang paglalayag ng mga Pilipino sa WPS ng walang pangamba.

Mga lolo at lola, kinilala ng Diocese of Antipolo

Sunday, March 9, 2025 9:59 am

2,895 total views

Kinilala ni Antipolo Bishop Ruperto Santos ang mga lola at lola. Ito ay bilang bahagi ng pagdiriwang ng Jubilee for Grandparents ng Diyosesis ng Antipolo bilang pakikiisa sa mga matatanda na magpapamana sa biyaya ng pananamapalataya sa susunod na henerasyon.

“Grandparents are the living witnesses of our history, the faithful guardians of our traditions, and the gentle teachers of our faith. Through their sacrifices, wisdom, and
prayers, they have become a source of love and stability in our fast-paced world. In the Philippine context, where family is the cornerstone of our culture, grandparents are
more than just relatives—they are foundations of strength and bearers of spiritual
heritage,” ayon sa mensaheng ipinadala ni Bishop Santos sa Radio Veritas.

Ayon kay Bishop Santos, tungkulin din ng simbahan na ipagpatuloy ang pakikiisa sa mga senior citizen dahil isa sila sa mahahalagang haligi ng simbahan na nagtaguyod ng pananampalataya.

“Let us take this Jubilee as a chance to renew our commitment to the elderly in our
communities. Let us show them our gratitude, care for their needs, and learn from their experiences. May this occasion also inspire the younger generations to stay connected to the legacy of faith and resilience that grandparents impart, Let us lift up our beloved grandparents in prayer, thanking the Lord for their lives and their unwavering devotion. May their light continue to guide us, and may they feel the warmth of our love and appreciation today and always. Let us celebrate with hearts full
of joy and gratitude, for grandparents are truly a blessing from above,” bahagi pa ng mensahe ni Bishop Santos sa Radio Veritas.

Bukod din sa pagkilala sa kanila ay inaanyayahan ni Bishop Santos na paigtingin ng mga pamilya ang pagpapahalaga sa kanilang mga nakakatanda at patuloy silang arugain sa kanilang buhay

March 8, 2025 ay idinaos ang Catholic Elderly and Grandparents Association ng Diocese of Antipolo ang General assembly upang patibayin ang pagkakaisa ng mga Grandparents and The Elderly tungo sa pagpapalalim ng pananampalataya ng susunod na henerasyon.

Spiritual renewal at pagbabalik-loob sa panginoon, isakatuparan ngayong Kuwaresma

Friday, March 7, 2025 4:58 pm

5,781 total views

Inaanyayahan ni Caceres Archbishop Rex Andrew Alarcon ang mananampalataya na samantalahin ang panahon ng Kuwaresma para sa pagkakaroon ng spiritual renewal at pagbabalik-loob sa Panginoon.
Ayon sa Arsobispo na siya ring chairman ng CBCP – Episcopal Commission on Youth, nararapat na samantalahin ng bawat isa ang 40 araw ng Kuwaresma upang magbago, makipagkasundo, magbahagi, at mangalaga ng kapwa lalo’t higit sa mga nangangailangan upang mapadalisay ang sarili mula sa kasalanan at kasamaan.

Paliwanag ni Archbishop Alarcon, ang panahon ng Kuwaresma ay isang paghahanda para sa pag-alala sa pambihirapang pagsasakripisyo, pagpapakasakit, pagkamatay sa krus at muling pagkabuhay ni Hesus upang isakatuparan ang pangakong kaligtasan ng Panginoon para sa sangkatauhan.

“Let us take the opportunity of this 40-days of Lent to renew, to reconcile, to share, and to care, to purify ourselves of sin and evil. The blood of Jesus washes away our sins and allows us to rise to new life, the cross of Jesus is a supreme solidarity with our human situation, there in the apparent defeat of our Lord in the cross show the glory of the Father, His unfailing love and mercy thus Lent does not end in darkness and death but leads us to Easter, the resurrection of our Lord repent and believe the Gospel.” Bahagi ng mensahe ni Archbishop Alarcon.
Pagbabahagi ng Arsobispo, ang panahon ng Kuwaresma ay isa ring pagkakataon upang ganap na maipamalas ang pagmamahal sa Panginoon at maging sa kapwa sa pamamagitan ng taimtim na pagnanalangin at pagninilay, pag-aayuno, pagkakawang gawa, pagwawaksi ng pagiging makasarili at pagsunod ng tapat sa Panginoon.

Nawa ayon kay Archbishop Alarcon ay ganap na maunawaan ng bawat isa ang halaga ng pagpapakasakit ng Panginoong Hesus para sa kaligtasan ng sanlibutan.

“Lent is once again a call to prayer, fasting, alms giving, and works of charity. This requires us to die unto ourselves to give life to others so that in the end we may find a new life in Christ. During these days of Lent may we find joy in humility, freedom in reconciliation, strength in sacrifices self-denials, grace in repentance, virtue in trials, hope is part set-backs and divine assurance is part of our faithfulness.” Dagdag pa ni Archbishop Alarcon.

Matatandaang una ng binigyang diin ng Kanyang Kabanalan Francisco ang pag-aayuno, pagdarasal at pagtulong sa mga nangangailangan bilang tatlong mahalagang panuntunan na dapat na sundin ng bawat isa para sa makabuluhang paggunita ng panahon ng Kuwaresma.

Ang Kuwaresma ay ang apat na pung araw na paghahanda ng Simbahan sa pagggunita ng pagpapakasakit, kamatayan at muling pagkabuhay ng Panginoon ni Hesus matapos ang kanyang pagpapakasakit sa Krus para sa kaligtasan ng sangkatauhan.

Veritas PH

LATEST NEWS