Kumpiyansa si Philippine Network of Food Security Programmes, Incorporated Executive Director Sharlene Lopez na mawawakasan lamang ang kagutuman sa bansa sa pamamahagi ng lupang sakahan sa mga magsasaka.
Tiwala din si National Anti-Poverty Commission Secretary Liza Maza na matatapos ang kagutuman kung wawakasan ang laganap na kahirapan.
Kapwa naniniwala si Maza at Lopez na kung maisasabatas ang Housebill 555 o Genuine Agrarian Reform Bill (GARB) at gagawing prayoridad ng gobyerno ang pagtulong sa mga magsasaka ay mabilis na matutugunan ang kagutuman.
Inihayag ni Lopez na dahil sa kawalan ng lupang taniman sa probinsya kaya napipilitan ang mga magsasaka na magtungo sa Maynila na wala namang trabahong mapapasukan.
Iginiit ni Lopez na ang kawalan ng “job opportunities” sa mga lalawigan ang dahilan ng tumataas pang bilang ng mga nagugutom at naghihirap sa bansa.
Naninindigan naman si Maza na matatapos na ang nararanasang kagutuman kapag naisaayos ng pamahalaan ang mga patakarang pang-ekonomiya.
Tinukoy ni Maza ang kahalagahan na maisakatuparan na ang repormang agraryo at mapasakamay na ng mga magsasaka ang lupa na may kasamang suporta o support services.
Ito ang tugon ni Maza at Lopez sa survey ng Social Weather Station (SWS) kung saan naitala ang 11.9-porsiyento o katumbas ng 2.7-milyon ng pamilyang Filipino ang dumaranas ng gutom sa unang quarter ng taong 2017.
Una nang isinusulong ng Kanyang Kabanalan Francisco sa United Nations World Food Program na gawing prayoridad ang kampanya na “Zero Hunger” na siyang tatapos sa suliranin ng kagutuman sa buong mundo sa taong 2030.
Reyn Letran - Ibañez
Monday, July 27, 2026 12:02 pm
816 total views
Nanawagan si Kidapawan Bishop Jose Colin Bagaforo – chairperson ng CBCP Episcopal Commission on Interreligious Dialogue kay Pangulong Ferdinand Marcos Jr., na maging tapat sa tunay na kalagayan ng bansa ang ika-limang State of the Nation Address (SONA) sa halip na ituon lamang ang pag-uulat sa bayan sa mga nagawang proyekto ng administrasyon.
Sa kanyang pahayag na may titulong “The SONA Must Begin with the Truth,” iginiit ni Bishop Bagaforo na isa ring Convener ng InterReligious Leaders’ Council for National Transformation, na higit sa mga positibong salaysay ay nararapat marinig ng sambayanan ang mga kongkretong hakbang upang maibalik ang tiwala sa mga institusyon ng pamahalaan at maisulong ang kabutihang panlahat.
Ayon sa Obispo, ang unang dapat bigyang-diin sa talumpati ng Pangulo ay ang matatag na pangako laban sa katiwalian, na aniya’y nananatiling isa sa pinakamalaking balakid sa tunay na pag-unlad ng bansa.
“Corruption remains one of the greatest obstacles to genuine development. It deprives communities of quality education, health care, social protection, disaster preparedness, and other essential services,” Bahagi ng pahayag ni Bishop Bagaforo.
Iginiit din ng Obispo na dapat papanagutin ang lahat ng opisyal ng pamahalaan na nagkasala sa taumbayan, anuman ang kanilang posisyon o kinabibilangang partido. “Lahat ng kurakot ay dapat litisin at ikulong. Justice must be impartial and consistent, regardless of political affiliation, influence, or position.” Ayon pa kay Bishop Bagaforo.
Hinimok din ni Bishop Bagaforo ang pamahalaan na tugunan ang krisis sa kalikasan, paghihirap ng mga magsasaka, mangingisda at manggagawa, at isulong ang mga programang magbibigay ng disenteng kabuhayan at pangangalaga sa kalikasan.
Binigyang-diin din ng Obispo na ang tunay na kapayapaan ay hindi lamang nasusukat sa pagbaba ng kriminalidad kundi sa pagkakaroon ng katarungan, paggalang sa dignidad ng tao at patas na pagpapatupad ng batas.
“Peace and order cannot be measured solely by crime statistics or security operations. Genuine peace is built when people experience fairness, equal access to opportunities, respect for human dignity, and confidence that the rule of law applies equally to everyone.” Dagdag pa ni Bishop Bagaforo.
Umaasa rin si Bishop Bagaforo na magiging pagkakataon ang SONA upang pagtibayin ang paninindigan ng bansa laban sa katiwalian, pangalagaan ang kalikasan, at isulong ang katarungan at kapayapaan para sa lahat.
Bukod dito umaasa rin ang Obispo na maglalatag ng Pangulo ng malinaw na mga hakbang upang mapangalagaan ang natitirang likas na yaman ng bansa, mapalakas ang climate resilience, at maisulong ang paggamit ng malinis at renewable na enerhiya.
Paalala ng Simbahang Katolika, itinuturo ng Catholic Social Teaching na ang tunay na mabuting pamamahala ay nakaugat sa katotohanan, pananagutan, katarungan at paglilingkod sa kabutihang panlahat, lalo na para sa mga mahihirap at higit na nangangailangan.
Reyn Letran - Ibañez
Monday, July 27, 2026 11:15 am
1,734 total views
Hinimok ng Conference of Major Religious Superiors in the Philippines, Justice, Peace and Integrity of Creation Commission (CMSP–JPICC) ang administrasyon ni Pangulong Ferdinand Marcos Jr. na pairalin ang katarungan, pananagutan at tunay na malasakit sa mahihirap sa halip na umasa lamang sa mga ulat ng paglago ng ekonomiya at malalaking proyektong pang-imprastraktura bilang sukatan ng kalagayan ng bansa.
Sa isang Prophetic Open Letter na inilabas kasabay ng pagdaraos ng State of the Nation Address (SONA) 2026, iginiit ng CMSP–JPICC kasama ang kanilang mga mission partners na ang tunay na estado ng bansa ay nasusukat sa kalagayan ng mga pinakamahihirap at pinakamahihina sa lipunan.
Ayon sa mga relihiyoso, hindi nagsasalita ang organisasyon bilang mga kalaban o kakampi ng sinumang pulitiko kundi bilang mga lingkod ng Simbahan na may pananagutang ipagtanggol ang dignidad ng tao, pangalagaan ang sangnilikha at isulong ang kabutihang panlahat.
“The State of the Nation is not ultimately measured by economic growth, infrastructure projects, or investment figures. It is measured by whether the poor are lifted up, whether the hungry are fed, whether workers receive just wages, whether farmers and fisherfolk can live with dignity, whether Indigenous Peoples are respected, whether our youth have hope, whether justice reaches the powerless, and whether every Filipino can live in peace, freedom, and dignity,” Ayon sa CMSP-JPICC.
Iginiit ng CMSP na nananatiling mabigat ang pasanin ng maraming pamilyang Pilipino dahil sa mataas na presyo ng pagkain, pamasahe, kuryente, gamot at iba pang pangunahing pangangailangan habang patuloy na nararanasan ang kahirapan, kagutuman, hindi pagkakapantay-pantay at kakulangan sa disenteng hanapbuhay.
Binigyang-diin din ng grupo ang patuloy na paghihirap ng mga magsasaka at mangingisda sa kabila ng kanilang mahalagang papel sa seguridad sa pagkain ng bansa, gayundin ang pag-alis ng maraming manggagawa at mga propesyunal sa kalusugan upang maghanap ng mas magandang kabuhayan sa ibang bansa.
Ipinahayag din ng CMSP ang pagkabahala sa patuloy na pagbaba ng tiwala ng publiko sa mga institusyon ng pamahalaan dahil sa mga usapin ng katiwalian, kakulangan ng transparency at pananagutan sa paggamit ng pondo ng bayan.
Dahil dito, nanawagan ang mga relihiyoso ng isang malaya, patas at komprehensibong imbestigasyon sa implementasyon ng flood control projects at iba pang malalaking imprastraktura ng pamahalaan.
“Every peso lost through corruption is a peso taken away from the poor, from disaster-stricken communities, from schools, hospitals, and from the future of our nation. Accountability is not political persecution. It is a constitutional responsibility and a moral imperative.” Dagdag pa ng CMSP-JPICC.
Hinimok din ng CMSP ang pamahalaan na higit pang palakasin ang rule of law at tiyaking walang opisyal ng gobyerno—nakaraan man o kasalukuyan ang dapat manaig sa Saligang Batas.
Kasabay nito, nagpahayag din ng pagkabahala ang grupo sa lumalalim na hidwaang pampulitika, paglaganap ng disinformation at kultura ng pagkakahati-hati na anila’y nagpapahina sa demokrasya at pambansang pagkakaisa.
Sa usapin naman ng West Philippine Sea, hinikayat ng CMSP-JPICC ang administrasyon na ipagpatuloy ang pagtatanggol sa soberanya ng bansa sa pamamagitan ng mapayapang diplomasya, paggalang sa international law at matatag na pagtatanggol sa pambansang interes, lalo na sa kabuhayan ng mga mangingisdang Pilipino.
Nagpahayag din ang mga relihiyoso ng matinding pag-aalala sa lumalalang epekto ng climate change at sa mga proyektong pangkaunlaran tulad ng Pax Silica, na ayon sa kanila ay dapat dumaan sa masusing konsultasyon, transparency at paggalang sa karapatan ng mga katutubo at pangangalaga sa kalikasan.
“There can be no authentic peace without justice, no genuine progress without care for creation, and no sustainable development without protecting the dignity, rights, and cultural heritage of Indigenous Peoples.” Ayon pa sa CMSP-JPICC.
Iginiit ng CMSP-JPICC na ang mga usaping ito ay hindi lamang pampulitika o pang-ekonomiya kundi mga usaping moral na direktang nakaaapekto sa dignidad ng tao at kinabukasan ng sambayanan.
Binigyang-diin ng grupo na ang Catholic Social Teaching ay nagtuturo na ang tunay na pag-unlad ay nakabatay sa paggalang sa dignidad ng bawat tao, preferential option for the poor, pangangalaga sa kalikasan, pagkakaisa, kapayapaang nakaugat sa katarungan, at pamamahalang may katapatan, pananagutan at paglilingkod.
Dahil dito, nanawagan ang CMSP-JPICC kay Pangulong Marcos na unahin ang kapakanan ng mahihirap kaysa sa mga pribilehiyo, pairalin ang transparency kaysa pagtatago, palakasin ang mga institusyon kaysa personalidad, ipagtanggol ang katotohanan laban sa disinformation, tiyakin ang pananagutan ng lahat ng opisyal ng pamahalaan at pamunuan ang bansa nang may kababaang-loob at integridad.
“Mr. President, we respectfully but firmly urge you to place the poor before privilege, to choose transparency over secrecy, to strengthen institutions rather than personalities, to defend truth against misinformation, to uphold justice over political convenience, to safeguard our sovereignty and our common home, to ensure accountability for every public official entrusted with the people’s resources, and above all to govern with humility, integrity, and an unwavering commitment to the common good.” Apela ng CMSP-JPICC.
Samantala, tiniyak din ng CMSP-JPICC na magpapatuloy itong samahan ang mahihirap, ipagtanggol ang dignidad ng tao, pangalagaan ang kalikasan at magsalita laban sa anumang uri ng katiwalian, kawalang-katarungan at paglabag sa katotohanan.
“Silence in the face of injustice is not an option for those who follow Christ,” Giit ng CMSP-JPICC.
Inilabas ng Conference of Major Religious Superiors in the Philippines–Justice, Peace and Integrity of Creation Commission (CMSP–JPICC) kasama ang kanilang mga mission partners ang bukas na liham bilang pagninilay at panawagan sa pamahalaan kasabay ng State of the Nation Address 2026, bilang bahagi ng misyon ng Simbahan na isulong ang katotohanan, katarungan, kapayapaan at pangangalaga sa sangnilikha.
Hinimok ni Pope Leo XIV ang mga mananampalataya na iwaksi ang konsumerismo at muling tuklasin ang tunay na kayamanan na matatagpuan sa pakikipag-ugnayan sa Diyos, kasabay ng kanyang panawagan para sa kapayapaan sa Gitnang Silangan at pagkilala sa dignidad ng bawat tao.
Sa kanyang Angelus sa Castel Gandolfo noong July 26, binigyang-diin ng Santo Papa na ang tunay na pagsunod kay Hesukristo ay hindi naglilimita sa buhay kundi nagbubukas ng mas malawak na pag-asa at mas malawak na layunin.
“Encountering his Kingdom marks a turning point that does not limit life but enlarges it. If anything must change on our part, it is only so that our lives may be opened to greater possibilities, not fewer,” ayon kay Pope Leo XIV.
Ipinaliwanag ng Santo Papa na ang Kaharian ng Diyos ay bukas para sa lahat, anuman ang kalagayan at antas ng buhay.
“The Kingdom of God reveals its inestimable beauty in different ways, but calls everyone — men and women, young and old, rich and poor — to a profound renewal,” aniya.
Binigyang-diin din ng punong pastol na ang Simbahan ay isang pamayanang pinagbuklod ni Kristo ang mga mamamayan sa kabila ng pagkakaiba ng pananampalataya, kultura at tradisyon.
Nagbabala ang Santo Papa laban sa kultura ng labis na pagkonsumo na aniya’y naglalayo sa tao sa tunay na kaligayahan. “While the consumer culture influences our tastes, constantly creating new needs only to sell us solutions that never satisfy, and that sometimes even poison the heart, we must learn to grasp what truly matters: the treasure of a relationship with God that opens us to joy and helps us to live our relationships with one another more fully,” giit ni Pope Leo XIV.
Hinikayat din ng Santo Papa ang mga Kristiyano na hingin sa Diyos ang biyaya ng pagkilala sa tunay na kayamanang higit sa anumang materyal na bagay.
Sa kanyang mensahe matapos ang Angelus, lubhang nababahala si Pope Leo XIV sa lumalalang karahasan sa Middle East at muling nanawagan ng mapayapang paglutas ng mga sigalot. “I make a heartfelt appeal for a return to negotiations to achieve a just political solution, founded on the equal dignity and equal rights of every human person,” ayon sa Santo Papa.
Hinimok din nito ang lahat ng panig na wakasan ang karahasan at bigyang-daan ang diplomasya.
“From the depths of my heart, I exhort all parties involved to suspend the attacks and urgently reopen paths of dialogue and diplomacy, so that the longed-for peace for the entire region may be achieved without delay,” aniya.
Kasabay nito, nanawagan ang Santo Papa na igalang ang kabanalan ng mga banal na lugar ng iba’t ibang relihiyon.
Dalangin ni Pope Leo na hipuin ng Panginoon ang puso ng mga namumuno sa mga bansa upang manaig ang pagkakasundo at kapayapaan.
9,905 total views Mga Kapanalig, sa pagtatapos ng pagdinig ng impeachment court sa Article 4 na may kaugnayan sa pagbabanta umano ni Vice President Sara Duterte
129,123 total views “A Filipino culture ruined by politics, of indifference, ideology, self-interest”. Kapanalig, likas sa ating mga Pilipino ang kultura ng pakikipagkapwa o pakikitungo sa
157,415 total views Kapanalig, malimit nating naririnig ang katanungang, “NASAAN ANG SIMBAHAN”? Kapag may nangyaring trahedya., sakuna., man-made calamities., kawalan ng moral na pamumuno., WHERE IS
203,347 total views Mga Kapanalig, upgraded na daw ang Pilipinas! Ayon sa World Bank, ang Pilipinas ay isa nang upper-middle income country. Ibig sabihin, lumampas na
235,980 total views Mga Kapanalig, napanood ba ninyo ang dokumentaryo tungkol sa lupang ninuno o ancestral land ng mga katutubong Aeta na ginawang tambakan ng basura
160,476 total views AVT Liham Pastoral: Kapayapaan ang iniiwan ko sa inyo Wika ng Panginoong Jesus: “Kapayapaan ang iniiwan ko sa inyo. Ang aking kapayapaan ang
169,348 total views Hinimok ni Kalookan Bishop Emeritus Deo Gracias Iñiguez Jr ang mga mananampalataya na sundin at tularan ang buhay ni Saint Francis of Assisi
248,958 total views Hinikayat ni Kaniyang Kabanalan Pope Leo XIV ang lahat ng mananampalataya na makita at makilala si Hesus sa mukha ng mga mahihirap at
