682 total views
Ilulunsad ng Arkidiyosesis ng Lipa ang sampung araw na paggunita sa ‘World day for the poor’ sa November 14 2021.
Inihayag ni Lipa Archdiocesan Social Action (LASAC) Director Rev. Fr.Jayson T. Siapco na magsisimula ang paggunita ng Arkidiyosesis sa ika-14 ng Nobyembre hanggang sa ika-24 ng buwan.
“Ngayong panahon ng pandemya marami po ang pinalad, marami din ang hindi pinalad, mapalad dahil matapos ang COVID sila ay nakaligtas, marami ang hindi pinalad dahil marami ang nawalan ng trabaho na hanggang ngayon wala pang trabaho, marami ang mayroon paring sakit, maraming pamilya ang naghirap, sila na mga hindi pinalad ang gustong patungkulan ni Papa Francisco sa pandaigdigang araw ng mga dukha ngayon November 14 at sa Arkidiyosesis ng Lipa mas mahabang panahon ang gugugulin nating mga araw para sa mga dukha Mula November 14 hanggang November 24 2021” Ayon sa mensahe ng Pari.
Pagbabahagi ni Fr.Siapco, kaakibat ang ‘Formation Series’ na matutunghayan sa official Facebook Page ng LASAC tuwing miyerkules ay ang inisyatibo mismo ng mga simbahan sa Arkidiyosesis ang kakatok, lalapit at mamamahagi ng tulong sa mga mahirap at nangangailangan.
Ayon kay Fr. Siapco, sa November 14 ay magtalaga ang mga parokya ng Archiodiocese of Lipa ng mga Kindness station.
Sa ika-24 ng Nobyembre, g idadaos sa Lipa ang “Red Wednesday” na itinakdang araw sa paglulunsad ng mga ‘Care-Avan’ na pangunahing mamamahagi ng tulong sa mga mahihirap.
“Mayroon tayong formation series na ginagawa tuwing araw ng Miyerkules via Facebook page ng LASAC, mayroon din po tayong kindness station na gaganapin sa araw ng world day of the poor sa November 14 na pangungunahan ng ating mga parokya at ang kahuli-hulihan sa November 24 ito po yung tinatawag na ‘Red Wednesday’ na sa Arkidiyosesis ng Lipa ang araw ng miyerkules- araw ng pagtulong, gaganapin naman natin dito ang Wednesday Care-Avan, Sa Wednesday Care-Avan ang simbahan, ang Arkidiyosesis ang tutungo sa mga bahay para tumulong.ang ganda po ipinapakita mula sa labas sila yung kumakatok, nagbibigay ng tulong, baligtad sa nangyayari, ang nangyayari lagi ang mahihirap ang kumakatok sa pintuan ng mga makakatulong,” ayon pa sa Pari.
Nananawagan din si Fr.Siapco sa lahat mamamayan na mag-abot ng tulong at donasyong pinansyal sa layunin ng LASAC na makalikom ng Php12-milyong piso para sa mga nakahandang programa.
“Nangangailangan po at sumusuntok kami sa buwan at umaasa sa Diyos na makalikom tayo ng 12-milyong piso para sa mga parokya ng Arkidiyosesis ng lipa, para sa mga dukhang napapaloob sa mga parokyang ito, inaanyayahan ko po unang-una ang mga business sectors maliit,katamtaman, small, medium, o yung malalaking mga business establishment dito sa probinsya ng batangas,” panawagan ng Pari.
Ang malilikom naman sa donation drive ng ay gagamatin upang ipambili ng mga pangangailangan higit na ang mga kagamitang makakatulong upang makaiwas sa banta ng COVID-19 ang mga mahihirap.
Hinimok ng pari ang mga Good Samaritan na maglaan ng Isang libong piso at anumang makakayanang halaga na ipadala sa pakikipag-ugnayan at paghahatid ng mensahe sa LASAC.
Ang “World day for the Poor” na inilunsad ng Kaniyang Kabanalang Francisco noong 2016 ay taunan ng ginugunita ng simbahang katolika upang bigyan ng araw ng pag-alala ang mga mahihirap at nangangailangan sa lipunan na ngayong taon ay mayroong Temang “The poor will always have with you,”.
