EDSA @40, isang espiritwal at moral na paggising sa mga Pilipino-Archbishop Uy

 9,523 total views

Naniniwala si Cebu Archbishop Alberto Uy na ang nakatakdang paggunita sa ika-40 anibersaryo ng EDSA People Power Revolution sa Pebrero 25, 2026 ay hindi lamang isang kaganapang pampulitika, kundi isang moral at espirituwal na paggising sa sambayanan.

Ayon sa Arsobispo, ang naganap na EDSA People Power Revolution ay isang makasaysayang sandali kung saan pinili ng bansa at ng mga mamamayang nahahati at sugatan ang landas ng kapayapaan, katapangan, at pananampalataya.

Paliwanag ni Archbishop Uy, ipinakita rin sa mundo ng tagumpay ng tinaguriang ‘bloodless revolution’ na ang tunay na kapangyarihan ay wala sa mga armas o kayamanan, kundi nasa katotohanan, pagkakaisa, at tiwala sa Diyos.

“On February 25, 2026, we will commemorate the 40th Anniversary of the EDSA People Power Revolution—a historic moment when a divided and wounded nation chose the path of peace, courage, and faith. EDSA was not only a political event; it was a moral and spiritual awakening. It reminded the world that real power lies not in weapons or wealth, but in truth, unity, and trust in God.” Bahagi ng mensahe ni Archbishop Uy.

Pagbabahagi ng Arsobispo ang paggunita sa ika-4 na dekada ng makasaysayang bahagi ng tinatamasang demokrasya ng bansa ay hindi lamang isang pagbabalik-tanaw, kundi isang hamon upang patuloy na ipanalangin ang paghilom at pag-unlad ng bayan.

Binigyang diin naman ni Archbishop Uy na ang ganap na paghilom ng lipunan ay nangangailangan ng patuloy na katapatan, paninindigan sa katotohanan at pananagutan.

“As we mark this milestone, we do not gather merely to remember the past. We gather to pray for national healing and to renew the values that gave birth to EDSA. Healing, however, does not come from nostalgia or slogans. It requires honesty, responsibility, and difficult but necessary moral choices.” Dagdag pa ni Archbishop Uy.

Samantala, iginiit din ng Arsobispo ang tatlong mahahalagang hakbang para sa tunay na pagkamit ng pambansang paghilom.
Unang tinukoy ni Archbishop Uy ang pagkakaroon ng ganap na katarungan sa lipunan na nangangahulugan ng pagtataguyod ng batas at pagtiyak ng pananagutan, anuman ang katayuan o kapangyarihan ng isang indibidwal sa lipunan.

Pangalawang ipinunto ng Arsobispo ang pagbabalik ng mga ninakaw na yaman ng bayan na kumakatawan din sa nawalang pagkakataon at mga serbisyong para sana sa kapakanan ng taumbayan.

Ayon kay Archbishop Uy, “Return of stolen wealth. What was taken from the people represents lost opportunities—schools not built, hospitals not equipped, livelihoods not protected. Returning what was stolen is not revenge; it is restoration. It is a concrete act of repairing the harm done to the nation.”

Igiiniit naman ng Arsobispo na ang pag-amin ng pananagutan sa pagkakasala na magbubunga ng pagkatuto at tunay na pagreporma o pagbabago ang ikatlong mahalagang hakbang para sa ganap na paghilom ng bayan.

Paliwanag ni Archbishop Uy, ang taus-pusong pag-amin sa pagkakamali ay isang moral na katapangan na isang malinaw na pagpapakumbaba.

“The admission of guilt by those responsible. There can be no true reconciliation without truth. A sincere acknowledgment of wrongdoing is an act of moral courage. It is the beginning of repentance, learning, and genuine reform. Forgiveness becomes possible only when truth is spoken humbly and clearly.” Ayon pa kay Archbishop Uy.

Samantala, muling namang pinaalalahanan ni Archbishop Uy ang sambayanan na ang diwa ng EDSA na mapayapang pagbabago sa pamamagitan ng pananampalataya at pagkakaisa ay nananatiling panawagan hanggang sa kasalukuyang panahon.

Hinamon din ng Arsobispo ang bawat Pilipino na hayaang mamunga ang diwa ng EDSA hindi lamang sa paggunita o pagbabalik tanaw, kundi sa kongkretong moral na paninindigan para sa kasalukuyan at sa mga susunod na henerasyon.

Paalala ni Archbishop Uy, “EDSA taught us that peaceful change is possible when a people walk together in truth and faith. Forty years later, the call remains the same. If we truly desire national healing, we must choose justice over denial, truth over silence, and responsibility over convenience. Only then can the spirit of EDSA bear lasting fruit in our time and for generations to come.”

Pag-ibig ni Hesus sa tao ay first love, paalala ni Cardinal Advincula sa mananampalataya

 12,951 total views

Pinangunahan ni Manila Archbishop Jose Cardinal Advincula ang pagdiriwang ng 50th Foundation Anniversarry and Jubilee Celebration ng National Shrine of the Sacred Heart kasabay ng makasaysayang anibersaryo at pagbubukas ng Jubilee Door nang Dambana.

binigyang-diin ng Cardinal ang kahalagahan ng muling pagtatalaga ng sarili sa Kamahal-mahalang Puso ni Hesus na pusong puno ng awa, pag-ibig, at malasakit sa katarungan at katotohanan katulad ng ng pag-ibig ng Puso ni Kristo na “first love, free love, at forever love.”

Ayon kay Cardinal Advincula, ang pag-ibig ng Diyos sa tao ay “first love”

Ang mensaheng ito ay mahalaga lalo na sa Makati, na kinikilalang economic central ng bansa, kung saan marami ang nakararanas ng pagod, pressure, at pangambang patunayan ang sarili.

“The yoke of Christ is easy because it binds us to Him and He does not let go. His love endures even when we get tired of loving. His love continues even when we rebel against Him. His love remains even as we allow ourselves to be enslaved by worldly desires. Let us remember that before any love existed, God had already loved us,” ayon sa pagninilay ni Cardinal Advincula

Ipinaliwanag din ng Cardinal na ang pag-ibig ng Diyos ay “free love” dahil ito ay nagpapalaya mula sa takot sa parusa, sa pagtanggi, at sa pakiramdam na hindi sapat ang sarili.

Sa pagdiriwang ng Hubileyo, iginiit ni Cardinal Advincula ang pagpapatawad, pagpapalaya sa mga pasan na pangamba at ang paanyaya ni Kristo na magpahinga.

Ipinaalala din ng Cardinal na ang pag-ibig ng Diyos ay “forever love” sapagkat ito ay nananatili magpakailanman.

“His love in gratitude, May we live in the freedom it brings,
and may we rest in the sacred heart of Jesus today and for all eternity, O most sacred heart of Jesus, have mercy on us,” bahago pa ng pagninilay ni Cardinal Advincula.

Sa pagtatapos ng pagdiriwang, hinimok ng Cardinal ang mga mananampalataya na tanggapin nang may pasasalamat ang pag-ibig ng Puso ni Hesus, mamuhay sa kalayaang dulot nito, at manatili sa Kanyang awa habambuhay

Pagbalik loob sa panginoon, panawagan ng pamunuan ng National shrine of the Sacred Heart of Jesus

 13,015 total views

Magbalik loob sa Panginoong Hesukristo upang higit na maging daluyang ng pagmamahal ng Panginoon sa Kapwa at sanlibutan

Ito ang paanyaya nina National Shrine of the Sacred Heart – Makati Rector and Team Ministry Moderator Father Roderick Castro at Team Ministry Member at Radio Veritas President Father Roy Bellen sa 50th Foundation Anniversarry and Jubilee Celebration ng Dambana.

Tiniyak nina Fr.Castro at Fr. Bellen na muling makabalik sa paglilingkod sa Panginoon at sa kabanal-banalang puso ni Hesus ang mga naliligaw ng landas.

“Sa lahat po ng mga deboto ng mahal na puso ni Jesus, nakatanggap tayo sa Kanya at patuloy na nakakatanggap ng biyaya. Biyaya mula sa puso ni Jesus. Kaya ito rin po ang paanyaya sa atin na ipalaganap ang debosyon sa mahal na puso ni Jesus at maging puso tayo ni Jesus para sa ibang tao,” ayon sa panayam ng Radyo Veritas kay Fr.Castro

Inihayag ni Fr.Bellen na maaaring gamitin ang debosyon sa Sacred Heart bilang makapangyarihang instrumento sa pagpapalaganap ng pananampalataya at pagtulong sa kapwa dahil ang pagdiriwang ng ika-50 anibersaryo ng dambana ay paanyaya sa mga deboto na hindi lamang tumanggap ng biyaya mula sa puso ni Hesus kundi maging daluyan din ng Kanyang pag-ibig sa iba.

Ipinaliwanag ng Pari na bilang isang national shrine ay nagsisilbi itong sentro ng ebanghelisasyon sa pamamagitan ng paggabay sa mga mananampalataya sa mga sakramento, lalo na sa kumpisal at Eukaristiya, upang mapalalim ang kanilang relasyon kay Kristo.

“Sa tuwing dumarating sa ating buhay ang pagod, pagkaligaw, o pagkawala ng pag-asa, tumingin lamang tayo sa puso ni Jesus. Ang pusong inialay para sa atin ay pusong hindi napapagod magmahal, magpatawad, at magbigay ng biyaya. Ito ang pusong patuloy na tumutulong at umaakay sa atin pabalik sa Diyos,” bahagi naman ng panayam ng Radyo Veritas kay Fr.Bellen.

Ipinaliwanag din ng team ministry na ang tunay na debosyon sa Sacred Heart ay nakikita sa aktibong pagmamalasakit at paglilingkod sa kapwa.(jm)

Pope Leo XIV sa Kuwaresma: Iwasan ang masasakit na salita at padalos-dalos na paghuhusga

 23,833 total views

Habang papalapit ang Kuwaresma na magsisimula sa Ash Wednesday sa Pebrero 18, hinimok ni Pope Leo XIV ang mga Kristiyano na buksan ang puso sa pakikinig, pag-aayuno, at pakikibahagi sa komunidad.

Binigyang-diin ng Santo Papa ang kahalagahan ng pag-iwas sa masasakit na salita at padalos-dalos na paghuhusga upang bigyan daan ang kabaitan, pag-asa, at kapayapaan.

“Let us begin by disarming our language, avoiding harsh words and rash judgement, refraining from slander and speaking ill of those who are not present and cannot defend themselves. Instead, let us strive to measure our words and cultivate kindness and respect in our families, among our friends, at work, on social media, in political debates, in the media and in Christian communities,” ayon sa mensahe ni Pope Leo XIV.

Sinabi ng Santo Papa na ang Kuwaresma ay pagkakataon para ilagay muli sa sentro ng ating buhay ang misteryo ng Diyos.

Dagdag pa ni Pope Leo XIV, “Every journey of conversion begins by letting God’s word touch our hearts, so that we may renew our commitment to follow Christ in the mystery of His saving passion, death, and resurrection.”

Binigyang-diin din ng Santo Papa ang pag-aayuno bilang paraan upang buksan ang puso sa katarungan at gabayan ang ating pagnanasa para sa Diyos at mabuting gawa.

Paalala ni Pope Leo,“We must fast in faith, humility, and communion with the Lord, and not in a way that leads to pride.”

Bilang pagtatapos, hinimok ng Papa ang lahat na gamitin ang salita upang magbigay ng pag-asa at malasakit.

“Let us ask for the strength that comes from the type of fasting that also extends to our use of language, so that hurtful words may diminish and give way to a greater space for the voice of others,” ayon pa sa pinunong pastol.

Sa kanyang paanyaya, hinihikayat ng Santo Papa ang bawat Kristiyanong komunidad na maging bukas sa mga naghihirap at maging daan ng kabutihan at pagkakaisa sa kapwa.

Huwag malungkot kung walang katipan sa valentines day-Bishop Maralit

 32,031 total views

Pinaalalahanan ng isang opisyal ng Catholic Bishops’ Conference of the Philippines (CBCP) ang bawat isa na hindi dapat na malungkot o ma-pressure ang sinuman lalo na ang mga kabataan kung wala mang nobyo o nobya sa pagsapit ng Valentine’s Day.

Ito ang bahagi ng mensahe ni San Pablo Bishop Marcelino Antonio Maralit Jr. – chairman ng CBCP-Episcopal Commission on Youth kaugnay sa pagdiriwang ng Araw ng mga Puso sa ika-14 ng Pebrero.

Ayon sa Obispo mas nararapat na bigyang halaga ng bawat isa ang pag-ibig ng Diyos at ng Mahal na Birheng Maria gayundin ang mga taong malapit sa kanilang buhay tulad ng pamilya.

Paliwanag ni Bishop Maralit, dapat na tuwinang panghawakan ng bawat isa ang tunay na wagas at pambihirang pag-ibig ng Diyos at Mahal na Birheng Maria para sa bawat isa, gayundin ang pagmamahal ng kanilang pamilya at mga kaibigan.

“Kung sa sinasabing Araw ng mga Puso ay wala ka pang katipan, okay lang yan! Huwag kayong malungkot o kaya e magpa-pressure sa sinasabi at kantyaw ng iba… Panghawakan ninyo sana lagi ang pag-ibig una ng Diyos sa inyo, ni Mama Mary at ang pag-ibig ng mga taong mahal ninyo at mahal kayo (mga magulang, mga kabigan, etc.).”  Bahagi ng pahayag ni Bishop Maralit sa Radyo Veritas.

Kaugnay nito, muling ipinaalala ng Obispo ang habilin ni Hesus sa Kanyang mga alagad na pagmamahal sa isa’t isa tulad ng pagmamahal ng Diyos sa bawat isa bilang pundasyon ng tunay na pagmamahal.

Ayon kay Bishop Maralit, maraming uri ng pag-ibig ang makikita at mapapanood na pawang mga kuwentong nakakakilig at kaakit-akit sa paningin, ngunit kung tunay na pag-ibig ang hinahanap, nararapat lamang na ang pag-ibig ng Diyos ang gawing sukatan at sandigan ng pagmamahal na ibinibigay at tinatanggap ng bawat isa.

“Love one another as i have loved you…” Jn 13: 34 – Yan ang iniwang bilin ni Lord sa atin patungkol sa pag-ibig at sa tunay na sukat ng pag-ibig. Marami tayong mapapanood na mga pag-ibig na nakakakilig, parang ang sarap maranasan at minsan ay magandang tingnan. Ngunit kung ang gusto natin ay tunay na pag-ibig, ang ating pagsumikapan sana ay ang ating gawing sukatan at sandigan ng pag-ibig sa atin at ng pag-ibig natin ay ang Pag-ibig ng Diyos…” Dagdag pa ni Bishop Maralit.

Paliwanag pa ng Obispo, walang dapat ikalungkot o ipag-alala kung wala pang romantikong relasyon sapagkat mas dapat na pagtuunan ng pansin ang pag-ibig at pag-aaruga na ibinibigay at ipinadadama ng mga taong tapat na nagmamahal sa kanilang buhay sa pangunguna ng kanilang mga pamilya, gayundin ang mga kaibigan.

Museum of the Future, bubuksan ng Diocese of Assisi sa publiko

 27,197 total views

Itinakda ng Diocese of Assisi Italy sa February 21, 2026 alas-diyes ng umaga hanggang alas-onse ng tanghali ang pagbubukas ng ‘Museum of the Future’.

Itatampok sa mga mananampalataya at pilgrims ang ibat-ibang hakbang, inisyatibo, artifacts at kagamitan na ginamit sa pagbuo ng mas maayos na kinabukasan para sa buong mundo.

“A collective open day will be held on the morning of February 21st, from 10:00 a.m. to 12:00 p.m., to tour the premises and see the spaces of the “Museum of the Future, from the roots of Assisi towards a horizon of peace, human economy, innovation, and care for Creation.” This event is promoted by the Diocesan Religious Foundation of Assisi Santuario della Spogliazione, which promotes the message of evangelization of the monumental complex of the Sanctuary itself,” bahagi ng mensaheng pinadala ng Diocese of Assisi sa Italy.

Bubuksan din ng Diyosesis ang Museum of Memory 1943-1944 na ipinapakita ang naging pakikiisa at pagliligtas sa buhay ng mga hudyong siniil noong World War One sa kautusan ni Adolf Hitler at ng mga German Nazi.

Tampok din ang mga likha ng mga nakalipas na dalubhasa o artist at maging sa makabagong panahon.

“Participation is open to individuals, companies, associations, foundations, cultural institutions, universities, research centers, artists, designers, and creatives, religious organizations, technology companies, and innovative startups involved in museum installations or cultural heritage promotion, either individually or in partnership with technical firms. The goal is to design the above-described projects in each hub according to a coherent, conceptual framework,” bahagi pa ng mensaheng pinadala ng Diocese of Assisi sa Italy.

Sentro ng Museum of the Future ang pagsusulong sa buong mundo ng katarungan, pag-unlad ng ekonomiya sa wasto at hindi nakakasirang paraan, pagbibigay ng dignidad sa buhay ng tao at pagsusulong ng kapayapaan.

Patuloy na pagpapanibago, hamon ni Bishop Corsiga sa Mindanao Priests

 27,329 total views

Hinimok ni Ipil Bishop Glenn Corsiga ang mga pari ng Mindanao na piliin ang patuloy na pagpapanibago bilang tugon sa mga hamon at sugat na kinahaharap ng Simbahan.

Sa pagninilay sa pagtatapos ng 47th Diocesan Clergy of Mindanao Assembly sa Immaculate Conception Cathedral sa Zamboanga City, iginiit ng obispo na ang katapatan sa bokasyon ay hindi minsanang desisyon kundi patuloy na pagpili.

“It is a decision to stay renewed over and over again because we believe that a renewed clergy is a renewed Church,” pahayag ni Bishop Corsiga.

Kinilala ng obispo na maraming pari ang dumaraan sa pagod, pagkadapa, at panloob na pakikibaka sa gitna ng mga puna at batikos laban sa Simbahan na maituturing na mga “war zones” ng lipunan.

“Some have fallen time and again… But the choice to stay is the same choice that brings utter healing, because in brokenness, the Lord comes to make life whole again,” dagdag ng obispo.

Binigyang-diin ni Bishop Corsiga na ang pagiging synodal na Simbahan ay nangangailangan ng mahinahong pakikipagdayalogo sa kabila ng mga “contradictions” sa kanilang prophetic witness.

“The contradictions we face regarding our propetic witness should not prevent us from standing on the ground,” ani ng obispo.

Hinimok din nito ang mga pinuno ng diyosesis na maging sensitibo sa mga palatandaan ng pagkapagod, pag-iisa, at maging sa pinansyal na suliranin ng ilang pari upang maagapan ang mas malalim na krisis.

“When you wrestle with a problem, it does not mean you are broken. It only shows you that the right decisions are missing along the way… Wounded people wound others. Healed people heal others,” giit ni Bishop Corsiga.

Dinaluhan ng halos 800 pari mula sa iba’t ibang diyosesis sa Mindanao ang tatlong araw na pagtitipon na layuning patatagin ang pagkakaisa, espiritwal na buhay, at pastoral na misyon ng kaparian sa rehiyon.

Simba kalusugan, ilulunsad ng CBCP-ECHC

 20,182 total views

Ilulunsad ng Catholic Bishops’ Conference of the Philippines–Episcopal Commission on Healthcare (CBCP–ECHC) ang Simba Kalusugan, isang programang naglalayong ilapit ang serbisyong pangkalusugan sa mga pamayanan sa pamamagitan ng mga parokya at institusyong Katoliko.

Ayon kay Camillian Fr. Dan Cancino, Executive Secretary ng CBCP–ECHC, katuwang ng simbahan sa programa ang Department of Health (DOH), at layong ipalaganap sa iba’t ibang rehiyon, lalawigan, at lokal na pamahalaan sa buong bansa upang higit na mapahalagahan ang kalusugan ng bawat tao.

Ipinaliwanag ng pari na itinuturing ng Simba Kalusugan ang pangkabuuang aspeto ng tao sa pisikal, emosyonal, pangkaisipan, at espiritwal.

“Pinagsasama rito ang panalangin, pagsisimba, at kalusugan. Sa mga espasyo ng simbahan, espasyo ng ating mga Catholic institution, dun tayo naghahandog ng healthcare services,” pagbabahagi ni Fr. Cancino sa panayam ng Radyo Veritas.

Bagama’t may mga parokya nang nagsasagawa ng libreng medical services matapos ang Banal na Misa, sinabi ni Fr. Cancino na mas paiigtingin ito sa ilalim ng Simba Kalusugan sa pamamagitan ng pagdadala ng mga dalubhasa at serbisyong karaniwang matatagpuan lamang sa mga ospital.

Dagdag ng pari, sa halip na ang mamamayan ang pumunta sa mga healthcare facility, ang mismong serbisyo ang inilalapit sa mga pamayanan bilang kongkretong pagtugon ng Simbahan at ng pamahalaan sa mga nahihirapang maka-access ng serbisyong medikal.

“It’s more of a parish-based healthcare service. So, mas marami ang maaabot dahil mas accessible. Mas grounded kung sino ‘yung mas nangangailangan kasi mas available siya, at sabihin na natin, mas affordable,” ayon kay Fr. Cancino

Gaganapin ang paglulunsad sa Simba-Kalusugan program sa Diocesan Shrine and Parish of Our Lady of the Pillar o Imus Cathedral sa Diyosesis ng Imus sa February 14, 2026, kasabay ng National Celebration ng 34th World Day of the Sick.

Gawing kongkreto ang malasakit sa mga maysakit, hamon ni Cardinal Advincula sa mananampalataya

 17,908 total views

Hinamon ni Manila Archbishop Jose Cardinal Advincula ang mga mananampalataya na gawing kongkreto ang malasakit sa mga maysakit sa paggunita ng 34th World Day of the Sick, kasabay ng Paggunita sa Mahal na Birhen ng Lourdes.

Sa Banal na Misa sa Minor Basilica and Metropolitan Cathedral of the Immaculate Conception o Manila Cathedral, ipinaalala ni Cardinal Advincula ang mga pagpapakita ng Mahal na Birhen kay St. Bernadette Soubirous sa Lourdes noong 1858 at ang mensahe ng pag-ibig ng Diyos, pagsisisi, at habag na nagbibigay pag-asa sa mga nagdurusa, lalo na sa mga maysakit.

Binigyang-diin ng kardinal na ang pag-aalaga sa mga maysakit ay mismong pagsunod sa halimbawa ni Hesus na nahabag, nagpagaling, at nagbigay-buhay.

“Anuman ang magagawa natin para sa ikagiginhawa ng mga kapatid nating maysakit ay bahagi ng ating Kristiyanong pagsunod,” ayon kay Cardinal Advincula.

Iniugnay ni Cardinal Advincula ang diwa ng pagdiriwang sa turo ni Pope Leo XIV sa Dilexi Te, kung saan binibigyang-diin na ang pagkalinga sa mga nagdurusa ay nakaugat sa pagkilala sa presensya ni Kristo sa kanila at sa pagtulad sa Kanyang pag-ibig, na malinaw na inilalarawan sa talinhaga ng Mabuting Samaritano.

Binanggit din ng arsobispo ang patotoo ng mga banal at kongregasyong nag-alay ng buhay sa paglilingkod sa mga maysakit, kabilang sina St. Camillus de Lellis, St. John of God, St. Vincent de Paul, St. Louise de Marillac, at iba pa, bilang paalala na ang pag-aalaga ay hindi nasusukat sa laki ng sakripisyo kundi sa wagas na pag-ibig.

Ipinunto rin ni Cardinal Advincula na naaangkop ang paggunita sa Pandaigdigang Araw ng mga Maysakit sa kapistahan ng Mahal na Birheng Maria, dahil ang mahal na ina ay huwaran ng pag-aaruga sa mga nagdurusa.

“Ang sinumang nanay ay nababahala kapag mayroong maysakit o dumaraing sa kanyang mga anak. Ang sinumang ina ay matutuwa kapag nakikita niyang tinutugunan ng iba niyang mga anak ang pangangailangan ng kapatid nilang may karamdaman. Tiyak na ikalulugod ng ating Mahal na Ina na ang naranasan nating haplos ng pagmamahal mula sa kanya ay maipadama rin natin sa ating kapwa,” saad ni Cardinal Advincula.

Dalangin naman ng kardinal na sa patnubay ng Espiritu Santo at sa tulong ng Mahal na Birhen ng Lourdes, madama nawa ng mga maysakit ang pag-aaruga, pag-aaliw, at pagpapalakas mula sa Diyos.

Tema ng pagdiriwang ngayong taon ang “The compassion of the Samaritan: loving by bearing another’s pain,” na nagbibigay-diin sa malasakit sa mga maysakit at sa pag-aalay ng panahon ng mga healthcare worker, caregivers, at pamilya na nangangalaga sa kanila.

Itinatag ni Saint John Paul II noong May 13, 1992 ang World Day of the Sick, na ginugunita tuwing ika-11 ng Pebrero, kasabay ng Paggunita sa Mahal na Birhen ng Lourdes, bilang araw ng panalangin, pagbabahagi, at paalala na makita ang mukha ni Kristo sa bawat kapwa na maysakit.

Mananampalataya, inaanyayahang makiisa sa ika-50 anibersaryo ng National Shrine of the Sacred Heart

 22,184 total views

Inaanyayahan ng pamunuan ng National Shrine of the Sacred Heart, Makati ang mga mananampalataya na makibahagi sa ika-50 anibersaryo ng pagiging pambansang dambana ng Simbahan.

Ayon kay Rev. Fr. Roy Bellen -kura paroko ng National Shrine of the Sacred Heart, Makati, naakma ang pagdiriwang ng dambana sa ika-14 ng Pebrero, 2026 na Araw ng mga Puso sapagkat sinasalamin nito ang Kamahal-mahalang Puso ng Panginoon na tuwinang nagmamahal sa bawat isa.

Paliwanag ng Pari, hindi dapat na malumbay ang sinuman sapagkat ang Panginoon ay laging kasama at minamahal ang bawat isa.

“Nagsimula na po kami ng aming paghahanda po ng pagdiriwang, since ilang araw na rin po itong pinaghahandaan. Baka you’re going to wonder February 14… Tamang-tama yung puso po ni Hesus talaga, yung mga wala pong, feeling niyo ay malungkot ang puso ninyo; wala po kayong ka-date; hindi po totoo ‘yan, meron po kayong ka-date palagi yung Kamahal-mahalang Puso ng ating Panginoon. Siya po ang inyong palagi pong nagmamahal sa inyo at ka-date po nating lahat ‘yan. So February 14, 2026 ito po yung ating gagawin pong kapistahan dito po sa National Shine (of the Sacred Heart, Makati).” Bahagi ng pahayag ni Fr. Bellen.

Hinihikayat din ng Pari ang lahat na muling magbalik-loob, magsisi sa mga kasalanan, at humingi ng kapatawaran upang maipahayag ang dedikasyon at pagtugon sa nag-uumapaw na pag-ibig ng Diyos para sa bawat isa.

“Kahit na masakit at nasaktan ang Panginoon [na] magmahal po sa atin, hindi po Siya sumusuko at hindi po [Siya] napapagod. Yun po yung one of the messages ng atin pong Sacred Heart. Kaya nga po ang tugon sa atin na hinihingi sana, yung yung reparation. Humingi tayo ng tawad. Tayo po ay maghangad din po ng atin, dedikasyon po sa Kanya, tumugon sa Kanyang nag-uumapaw at pag-ibig na hindi po napapagod, kahit po hindi po tinutugunan ng mga tao, kahit po nasaktan ng mga tao.” Dagdag pa ni Fr. Bellen.

Bago ang selebrasyon, sinimulan na ng dambana ang pagsasagawa ng Triduum Mass o ang tatlong araw na pagdiriwang ng Banal na misa mula ika-11 hanggang ika-13 ng Pebrero, 2026 tuwing ganap na alas-12:15 ng tanghali.

Pinangunahan ni Jaro Archbishop Midyphil Billones ang pagdiriwang ng banal na misa para sa unang araw; nakatakda namang pangunahan ni Iba Bishop Bartolome Santos ang ikalawang araw ng Triduum Mass; at si Archbishop Ryan Jimenez naman mula sa Agaña, Guam ang mangangasiwa sa ikatlong araw na banal na misa.

Samantala, pamumunuan naman ng Kanyang Kabunyian Manila Archbishop Jose Cardinal Advincula ang banal na misa para sa mismong araw ng ginintuang anibersaryo ng dambana sa Pebrero 14, 2026.

Matatandaang January 11, 1976, itinaas bilang parokya ang kapilya ng Kamahal-mahalang Puso ni Hesus sa Makati kung saan makalipas ng isang buwan, February 14, 1976 ay opisyal itong itinatag ni noo’y Manila Archbishop Jaime Cardinal Sin bilang pambansang dambana.

Written with Veritas Intern Bryan Acosta

Ipagdiwang ang Valentine’s Day sa simbahan, paanyaya ng Papal Nuncio sa magkasintahan at kabataan

 19,852 total views

Walang synodality kapag nakasentro ang paglilingkod sa sarili, babala ni Cardinal Tagle sa kaparian

 21,609 total views

Nagbabala si Cardinal Luis Antonio Tagle na nasisira ang tunay na diwa ng synodality kapag nakasentro sa sarili ang paglilingkod sa Simbahan sa halip na nakatuon kay Kristo.

Sa kanyang mensahe sa mga pari sa 47th Diocesan Clergy of Mindanao Assembly na ginanap sa Zamboanga City mula February 10 hanggang 12, iginiit ng pro-prefect ng Vatican Dicastery for Evangelization na ang pagiging sentro ng sarili ang pinakamalaking banta sa sama-samang paglalakbay ng Simbahan.

“Synodality is destroyed when we start walking, comporting ourselves, behaving as though we were the center of the world,” ayon sa pahayag ni Cardinal Tagle.

Paliwanag ng kardinal na ang synodality ay hindi simpleng pagbuo ng mga komite o istruktura kundi isang espirituwal na paglalakbay na nakaugat sa tunay na pakikipag-ugnayan sa Diyos at sa kapwa.

“But without the proper and authentic spirituality, which will be the root of a renewed pastoral exercise, exercise of pastoral authority, and service, there will be no synodality. It is not just about creating more committees, commissions, and bodies of consultation… without the spirit of walking humbly with God and with one another, nothing will happen,” giit ng kardinal.

Binigyang-diin ni Cardinal Tagle na ang halimbawa ni Hesus, ang Diyos na nagpakababa at nakisama sa mga makasalanan, mahihirap at nasa laylayan ang dapat na maging huwaran sa pamumunong pastoral ng mga pari.

“How do we exercise our sacred ministry? Is it with pride? Even with intimidation? Or is it with the spirit of humility, with the spirit of justice and love?” hamon ng kardinal sa mga pari.

Inihalimbawa rin niya ang mensahe ni Propeta Micah, na ang paglalakad kasama ang Diyos ay nangangahulugan ng pag-ibig sa katarungan at kabutihan.

Samantala, binigyang-diin ni Apostolic Nuncio to the Philippines Archbishop Charles Brown ang Eukaristiya bilang sentro sa paglalakbay ng Simbahan sa diwa ng synodality.

“The image of the Church journeying in synodality is an especially apt expression of our mission to lead people toward the Kingdom of God, remembering always and keeping in mind the centrality of the Eucharist,” ayon sa mensahe ni Archbishop Brown.

Paliwanag ni Archbishop Brown, ang Eukaristiya ang lakas at pagkain ng Simbahan sa kanyang paglalakbay kasama si Kristo.

Aniya, ang salitang synodality ay tumutukoy sa paglalakad nang magkakasama.

Pinuri rin ng kinatawan ng Santo Papa ang mga pari ng Mindanao sa kanilang pagtitipon bilang pagkakataon upang makinig sa isa’t isa at pag-ibayuhin ang paglilingkod sa lokal na Simbahan.

“Your convention is a privileged moment for you, as priests, to come together, listen to one another, and share experiences and insights on how best to serve our Catholic people at this specific moment in history,” ani Brown.

Dumalo sa 47th DCM Assembly ang humigit kumulang 800 mga pari kasama ng mga obispo sa 22 ecclesiastical territories ng Mindanao region.

Gawing buhay na saksi ng malasakit ang 34th World Day of the Sick, paanyaya ng CBCP-ECHC

 5,530 total views

Hinikayat ng Catholic Bishops’ Conference of the Philippines — Episcopal Commission on Healthcare (CBCP-ECHC) ang mga mananampalataya na gawing buhay na saksi ng malasakit ang pagdiriwang ng 34th World Day of the Sick.

Ayon kay Camillian Fr. Dan Cancino, Executive Secretary ng CBCP–ECHC, ito ay paanyaya ng Simbahan upang palalimin ang kamalayan sa kalusugan bilang mahalagang bahagi ng buhay-pananampalataya.

Ibinahagi ni Fr. Cancino na nagsimula ang pagdiriwang noong ika-7 ng Pebrero sa Archdiocese of Lipa, sa pangunguna ni CBCP President, Lipa Archbishop Gilbert Garcera, kung saan nagsagawa ng Banal na Misa, kinilala ang mga healthcare at pastoral care workers, at bumisita sa mga maysakit.

“Ang World Day of the Sick ay hindi lamang isang selebrasyon, kundi isang pagpapatuloy ng malasakit ng Simbahan sa mga nagdurusa,” pahayag ni Fr. Cancino sa panayam ng Radyo Veritas.

Dagdag pa ng pari, aktibong ginugunita ang okasyon sa iba’t ibang diyosesis, ospital, at parokya, patunay ng lumalawak na pagkilala sa kahalagahan ng kalusugan sa buhay ng pamayanan.

Kabilang dito ang Nationwide celebration ng Pandaigdigang Araw ng mga Maysakit sa Sabado, February 14, 2026, na gaganapin sa Diocesan Shrine and Parish of Our Lady of the Pillar o Imus Cathedral sa Diyosesis ng Imus, sa pamamagitan ng Banal na Misa na pangungunahan ni CBCP-ECHC Chairman, Imus Bishop Reynaldo Evangelista.

“Mas pinahahalagahan na natin ngayon ang kalusugan at ginagawa itong bahagi ng buhay ng komunidad at parokya,” dagdag ni Fr. Cancino.

Binigyang-diin din ni Fr. Cancino ang mensahe ni Pope Leo XIV, na ginamit ang talinghaga ng Mabuting Samaritano bilang huwaran ng paglapit sa kapwa, lalo na sa mahalagang gampanin ng mga nangangalaga sa mga may karamdaman.

Paliwanag ng pari, ang pagdiriwang ng World Day of the Sick ay hindi dapat matapos sa mga programa at ritwal lamang, kundi isang paanyaya na makita ang mukha ng Diyos sa mga maysakit, at makita rin nila ang Diyos sa pamamagitan ng kongkretong pagkilos ng kapwa.

“Hindi kailangang malaki o magastos—ang mahalaga ay ang payak ngunit taos-pusong pag-aalaga na nagdudulot ng pag-asa at liwanag,” ayon kay Fr. Cancino.

Tema ngayong taon ang “The compassion of the Samaritan: loving by bearing another’s pain,” na nagbibigay-diin sa malasakit sa mga maysakit at sa pag-aalay ng panahon ng mga healthcare worker, caregivers, at pamilya na nangangalaga sa kanila.

Itinatag ni Saint John Paul II noong May 13, 1992 ang World Day of the Sick, na ginugunita tuwing ika-11 ng Pebrero, kasabay ng Paggunita sa Mahal na Birhen ng Lourdes, bilang araw ng panalangin, pagbabahagi, at paalala na makita ang mukha ni Kristo sa bawat kapwa na maysakit.

December 12, idineklara ng Kamara bilang Feast of Our Lady of Guadalupe Day

 18,433 total views

Inaprubahan na ng House of Representatives sa ikatlo at pinal na pagbasa ang panukalang batas na nagdedeklara sa December 12 ng bawat taon bilang Feast of Our Lady of Guadalupe Day.

Pinagtibay ang panukala sa botong 214 na pabor, walang tumutol, at tatlong abstention—isang malinaw na pagpapakita ng malawak na suporta mula sa mga mambabatas.

Sa ilalim ng House Bill No. 7303, ang December 12 ay itatakda bilang isang special working holiday.

Pangunahing may-akda ng panukala sina Speaker Faustino Dy III, House Majority Leader at Ilocos Norte Representative Ferdinand Alexander Marcos, Bukidnon Representative Audrey Kay Zubiri, at Tarlac Representative Noel Rivera.

Ayon kay Marcos, layunin ng panukala na bigyang pagkakataon ang mga Pilipino na gunitain at ipagdiwang ang kapistahan ng Mahal na Birhen ng Guadalupe, na kinikilala bilang tagapagtanggol ng mga inaapi at patron ng mga hindi pa isinisilang.

Dagdag pa ng kongresista, ang Mahal na Birhen ng Guadalupe ay simbolo rin ng pagkakaisa at panlipunang katarungan—mga pagpapahalagang patuloy na mahalaga sa kasalukuyang panahon.

Sa sandaling maisabatas, magiging bahagi na ng taunang pambansang paggunita ang December 12 bilang araw ng pananampalataya at pagkilala sa mahalagang gampanin ng debosyon sa buhay ng maraming Pilipino.

Do we choose to stay together? Hamon ni Bishop Dalmao sa Mindanao Priests

 22,205 total views

“The question is not, do we think the same? The real question is, do we choose to stay together?”

Ito ang hamon ni Basilan Bishop Leo Dalmao, CMF sa halos 800 diyosesanong pari na dumalo sa 47th Diocesan Clergy of Mindanao Assembly na ginanap sa KCC Convention Center sa Zamboanga City.
Binigyang-diin ng obispo na ang tunay na sukatan ng synodality ay hindi pagkakapareho ng pananaw kundi ang pasyang manatiling magkakaisa at magpatuloy sa misyon sa kabila ng pagkakaiba at hamon ng ministeryo.

“Or, in the context of our ministry, do we choose to stay and continue giving ourselves despite the difficulties?” ayon kay Bishop Dalmao.

Kinilala ng obispo ang magkakaibang pastoral realities sa Mindanao mula sa iba’t ibang kultura at wika hanggang sa komplikadong interreligious context, ngunit iginiit na ang pagkakaiba-iba ay hindi hadlang kundi biyaya.

“In Mindanao, we live in diversity; cultures, languages, pastoral realities, and even different ways of thinking. Diversity is beautiful. It is well demonstrated in our region,” aniya.

Sa gitna ng kahirapan, tunggalian, at mga hamong panlipunan sa rehiyon, sinabi ni Bishop Dalmao na hindi kayang pasanin ng bawat pari nang mag-isa ang bigat ng misyon.

Babala ng obispo na ang pagkakahati-hati ay nagsisimula sa puso, sa sugat, takot, at pagmamataas kaya’t ang synodality ay nagsisimula rin sa pagpapahintulot kay Kristo na maghilom ng mga pusong nasasaktan.

“We are not meant to walk alone. We are called to journey in solidarity. Division does not begin outside; it begins inside… Synodality begins when we allow Christ to heal all hearts. But when priests walk divided, people also feel very discouraged. But when priests walk together, people find hope,” ayon sa obispo.

Hinimok ni Bishop Dalmao ang kaparian na manatiling tapat sa pakikinig at paglalakbay kasama ng bayan ng Diyos, kahit sa mga pagkakataong hindi malinaw ang sagot sa mga suliranin.
Aniya, ang lakas ng ministeryo ay hindi nasusukat sa mga programa kundi sa lalim ng pagkakapatiran.

“Sometimes we are simply called to stay, to listen without judging, to accompany without having all the answers, to remain even when it is inconvenient. Our strength is not only in what we do in ministry, but in how we walk together as brothers,” ani Bishop Dalmao.

Ang Diocesan Clergy of Mindanao Assembly ay pagtitipon ng mga diyosesanong pari sa rehiyon na naglalayong patatagin ang pagkakaisa, pakikipagkapwa, at konkretong pagsasabuhay ng synodality sa Simbahan sa Mindanao.

Clericalism at mediocrity ng mga pari, tinuligsa ni Archbishop Tonel

 22,259 total views

Pagkakaisa at pagpapanibago ng Mindanao Priests, ipinagkatiwala ni Archbishop Tonel kay birheng Maria

Binigyang-diin ni Zamboanga Archbishop Julius Tonel na ang synodality ay hindi nakasentro sa pansariling interes ng mga pinuno ng Simbahan kundi isang kongkretong pagsasabuhay ng paglilingkod at pagsunod na kaakibat ng ordenasyon ng mga pari.

Ito ang mensahe ng arsobispo, na kasalukuyang vice president ng Catholic Bishops’ Conference of the Philippines, sa pagbubukas ng Diocesan Clergy of Mindanao Assembly noong February 10, 2026 sa Archdiocesan Shrine of Our Lady of the Pillar sa Zamboanga City, na dinaluhan ng mahigit 500 pari mula sa 22 ecclesiastical territories sa Mindanao.

“Synodality is not about us. Synodal participation is our response in obedience to the very ministry of service that you, by ordination, are gifted,” pahayag ni Archbishop Tonel.

Ayon sa arsobispo, ang tunay na diwa ng synodality ay nakaugat sa katapatan at pagsunod na humuhubog sa mga pari upang mas epektibong gampanan ang gawaing pagmimisyon at pagpapastol sa sambayanan.

“Obedience demands that we proclaim and teach our faithful to touch the lives of our people in our homilies and to lead Christ’s flock to truth, unity, and justice,” ani ng arsobispo.

Mariin ding tinuligsa ng arsobispo ang clericalism at mediocrity sa hanay ng kaparian, na nagiging hadlang sa pakikinig at aktibong paglilingkod, at nagdudulot ng panghihina ng pananampalataya at pakikilahok ng mga layko.

“Mediocrity, as to lose the passion in active service, is the opposite of obedience. Clericalism and the entire argument lead to a failure of listening,” giit ni Archbishop Tonel.

Binigyang-halaga rin ng arsobispo ang panawagan sa payak na pamumuhay ng mga pari at lingkod ng Simbahan, kasabay ng paalala laban sa labis na pagkahumaling sa materyal na kaginhawaan.

“The joy of our ministry is not in having so much personal wealth, fancy cars, or being comfortable at the rectory… Rather, poverty is the call to simplicity, frugality, honesty, accountability, and fidelity,” ayon sa arsobispo.

Kasabay nito, muling iginiit ni Archbishop Tonel ang panawagan na maging tunay na kanlungan ang Simbahan ng mga dukha at mga naisasantabing sektor ng lipunan, at ang pamumuhay sa kadalisayan, pagsunod, at kahirapan bilang pundasyon ng isang simbahang sinodal.

“Remember, the call for the Church is for all of us to become the Church of the Poor… Chastity, obedience, and poverty are not reserved for religious consecrated life. It is our life. It is our pathway to synodality,” giit ng arosbispo.

Ipinagkatiwala ng arsobispo sa Mahal na Birhen ang pagkakaisa ng kaparian sa Mindanao at ang patuloy na pagpapanibago ng Simbahan sa diwa ng paglilingkod, pakikinig, at paglalakbay na magkakasama bilang Bayan ng Diyos.

Tema ng simbahan sa paggunita ng Araw ng mga Nakatatanda: “I Will Never Forget You”

 22,887 total views

Pinili ng Santo Papa ang temang “I will never forget you” mula sa aklat ni Propeta Isaias bilang sentrong diwa ng 6th World Day for Grandparents and the Elderly.

Ito ang inanunsyo ng Dicastery for Laity, Family and Life ng Vatican, bilang paghahanda sa taunang pagdiriwang na inilunsad noong 2021 sa ilalim ng pamumuno ng yumaong Pope Francis.

Ipinagdiriwang ang World Day for Grandparents and the Elderly tuwing ika-apat na Linggo ng Hulyo bilang pagpapahayag ng paglalapit ng Simbahan sa mga nakatatanda at pagkilala sa kanilang mahalagang ginampanan sa pamilya at komunidad.

Sa taong ito, nataon ang paggunita sa kapistahan nina San Joaquin at Santa Ana, mga magulang ni Birheng Maria, sa July 26. Inaanyayahan ng Santo Papa ang lahat ng diyosesis na gunitain ito sa pamamagitan ng isang banal na Misa sa kani-kanilang katedral.

Ayon sa Vatican, ang napiling tema ay mensahe ng aliw at pag-asa para sa mga lolo, lola, at matatandang madalas makaranas ng pag-iisa at pakiramdam na sila ay nakalimutan.

Binibigyang-diin ng Santo Papa na ang pag-ibig ng Diyos ay hindi kumukupas—kahit sa kahinaan at pagtanda ng tao. Isang paanyaya ito sa Simbahan at sa buong mundo na kilalanin ang dangal, karunungan, at pananampalatayang dala ng mga nakatatanda.

Hinimok ng Dicastery ang mga lokal na Simbahan, organisasyon, at pamayanang panrelihiyon sa iba’t ibang panig ng mundo na maglunsad ng mga gawaing angkop sa kanilang konteksto upang ipagdiwang ang araw na ito.

Nakatakda ring maglabas ang Vatican ng pastoral guidelines at mga babasahin bilang suporta sa pagdiriwang.

Holy Rosary Parish sa Angeles city, idineklarang Minor Basilica

 28,039 total views

Personal na pinangunahan ni Rev. Fr. Manuel Sta. Maria, kura paroko ng Holy Rosary Parish (HRP) sa Angeles City ang pagtanggap sa opisyal na Decree (Prot. N 39/26) na nagdedeklara sa parokya bilang isang bagong Minor Basilica ngayong ika-10 ng Pebrero, 2026.

Kasama ni Fr. Sta. Maria na nagtungo sa Apostolic Nunciature at nakipagtagpo kay Apostolic Nuncio to the Philippines Archbishop Charles Brown sina Rev. Fr. John Henry Yutuc, parochial vicar, at HRP resident priests Rev. Fr. Omar Defensor, Rev. Fr. Gian Sagum, at Rev. Fr. Maverick Pelayo.

Nagpaabot naman ng taus-pusong pasasalamat si Fr. Sta. Maria para sa buong parokya at binigyang-diin na ang karangalang ito ay bunga ng sama-samang pananampalataya ng buong pamayanan.

“This honor given to us is not only a testament to the Angeleños’ devotion to the Blessed Mother, but the Kapampangan’s faith as well.” Bahagi ng pahayag ni Fr. Sta. Maria.

Ayon sa official Facebook page ng The Roman Catholic Archdiocese of San Fernando ang pormal na pagtataas sa Holy Rosary Parish sa Angeles City, Pampanga bilang Minor Basilica ay isang karangalang kinikilala ang matibay na debosyon at pananampalataya ng sambayanang Kapampangan, lalo na ang malalim na pagmamahal sa Mahal na Birheng Maria.

Ang pagkilalang ito ay ipinagkaloob bilang tugon sa panalangin at hangarin ng pari at ng mga Kristiyanong mananampalataya ng Pampanga, gayundin sa opisyal na petisyon ni San Fernando Archbishop Florentino Lavarias.

Ang atas ng pag-angat sa bilang Minor Basilica sa parokya ay ipinagkaloob ni Pope Leo XIV sa pamamagitan ng Dicastery for Divine Worship and the Discipline of the Sacraments.

Ang Holy Rosary Parish sa Angeles City ang magsisilbing kauna-unahang Simbahan na ginawaran ng titulong Minor Basilica sa Arkidiyosesis ng San Fernando at sa buong lalawigan ng Pampanga, at ika-30 sa buong Pilipinas na tumanggap ng nasabing pagkilala, na isang patunay sa natatanging ambag sa pananampalataya, kasaysayan, at kultura ng mga Kapampangan.

Inaasahan namang iaanunsyo sa mga susunod na araw ang petsa ng Solemn Declaration sa Holy Family Parish bilang Minor Basilica.

Panatilihing buhay ang diwa ng EDSA people power, panawagan ng CEAP sa mga kabataan

 28,665 total views

Muling nananawagan ang Catholic Educational Association of the Philippines (CEAP) sa kabataang Pilipino na panatilihing buhay ang diwa ng pananampalataya, tapang, at pagkakaisa kasabay ng paggunita ng 40th Anniversary ng EDSA People Power Revolution.

Sa ilalim ng temang “40 Years of Courage. One CEAP Community”, hinihikayat ng CEAP ang lahat ng kasaping paaralan nito na makiisa sa iba’t ibang gawain na isasagawa sa National Shrine of Mary, Queen of Peace o mas kilala bilang EDSA Shrine at sa mga katuwang na institusyon.

Ayon sa CEAP, ang paggunita sa EDSA People Power Revolution ay hindi lamang pagbabalik-tanaw sa kasaysayan kundi isang panawagan sa kasalukuyan at hinaharap, lalo na para sa mga kabataan at guro sa mga paaralang Katoliko.

“As we mark the 40th Anniversary of the EDSA People Power Revolution, the Catholic Educational Association of the Philippines (CEAP), we are especially calling on our CEAP member schools to join us in the various activities centered at the EDSA Shrine and our partner institutions.” Bahagi ng paanyaya ng CEAP.

Paalala ng CEAP ang “TAYO ANG PEOPLE POWER: Noon, Ngayon, at Bukas!” na diwa ng EDSA ay dapat na patuloy na mabuhay sa mga silid-aralan, sa mga paaralan, at sa araw-araw na pagtuturo ng katotohanan, katarungan, at malasakit sa kapwa.

Bilang bahagi ng selebrasyon, inaanyayahan ng CEAP ang mga paaralan, student leaders, at mga guro na aktibong lumahok sa mga programang nakasentro sa EDSA Shrine na isang lugar na patuloy na sumisimbolo sa mapayapang pakikibaka ng sambayanan sa pamamagitan ng pakikipag-ugnayan sa CEAP.

“We encourage all interested schools, student leaders, and educators to participate, please send an email to: [email protected]. Let us journey together and affirm that the spirit of People Power lives on in our Catholic schools. TAYO ANG PEOPLE POWER: Noon, Ngayon, at Bukas!” Dagdag pa ng CEAP.

Binigyang-diin ng samahan na ang papel ng edukasyon ay mahalaga sa pagpapanatili ng diwa ng EDSA People Power Revolution na isang diwang humuhubog sa mga kabataang hindi lamang mahusay sa akademya, kundi may tapang na manindigan, may malasakit sa bayan, at may pananampalatayang gumagabay sa pagkilos.

Pagpapakasal sa Mountain chapel sa Itogon-Benguet, ipinagbabawal

 32,136 total views

Mariing nilinaw ng Diocese of Baguio na hindi pinahihintulutan ang pagsasagawa ng Sakramento ng Kasal sa Mountain Chapel sa Itogon, Benguet.

Ito ang tugon ni Bishop Rafael Cruz kasunod ng dumaraming katanungan mula sa mga nagnanais magpakasal sa naturang lugar.

Sa circular letter ng obispo, binigyang diin nitong tanging sa mga konsagradong simbahan at kapilya lamang maaaring ipagdiwang ang Sakramento ng Pag-iisang dibdib.

“The Sacrament of Marriage is to be celebrated strictly within consecrated parish churches or chapels,” ayon kay Bishop Cruz.

Ipinaliwanag pa ni Bishop Cruz na ang mga non-sectarian at hindi konsagradong lugar ay walang pahintulot ng Simbahan para sa mga pagdiriwang ng sakramento ng kasal.

Partikular na tinukoy sa liham ng obispo na hindi maaaring magsagawa ng kasal sa Mountain Chapel subalit maaari itong gawing reception venue.

“Non-sectarian venues that have not been consecrated by the Catholic Church are not authorized for the celebration of the Sacrament of Marriage. Therefore, the Catholic faithful are not permitted to hold wedding sacraments at the Mountain Chapel,” giit ni Bishop Cruz.

Nagbabala rin ang obispo laban sa mga gawain na maaaring magdulot ng kalituhan sa mga mananampalataya, kabilang ang pagdaraos ng renewal of vows o basbas ng kasal sa mga hotel, parke, at iba pang hindi konsagradong lugar habang nakasuot ng kasuotang liturhikal o gumagamit ng opisyal na ritwal ng Simbahan.

“To avoid confusion and the mistaken perception of a ‘Catholic sacramental wedding,’ diocesan and guest priests are not permitted to conduct marriage renewals within a Mass, nor to perform the nuptial renewal of vows and blessings while wearing liturgical vestments or using official rites, in non-sectarian locations,” giit ng obispo.

Paliwanag ni Bishop Cruz na ang ganitong paninindigan ay upang mapanatili ang kabanalan ng sakramento at maiwasang maging ‘socio-cultural event’ lamang ang sakramento.

Muling iginiit ng obispo na pinangangalagaan ng Simbahan ang dignidad at kabanalan ng Sakramento ng Kasal, at hinikayat ang mga magkasintahang nagpaplanong magpakasal na dumulog sa kani-kanilang mga parokya para sa wastong paggabay at paghahandang kanonikal.

“The Church upholds the dignity and sanctity of the Sacrament of Marriage,” giit ni Bishop Cruz.

Pagsasabuhay ng synodality, paiigtingin ng Archdiocese of Manila

 22,535 total views

Pinaiigting ng Archdiocese of Manila ang mga konkretong hakbang upang ganap na maisabuhay ang synodality sa buong arkidiyosesis, kasabay ng paghahanda sa mga susunod na pandaigdigang pagtitipon ng Simbahan at sa ika-450 anibersaryo ng pagkakatatag ng diyosesis sa 2029.

Ayon kay Fr. Jason Laguerta, Vicar for the Implementation of the Traslacion Roadmap, isa sa mahahalagang hakbang ng arkidiyosesis ang kauna-unahang Manila Archdiocesan Ecclesial Assembly (MAEA 2026) na layong patibayin ang synodal journey na sinimulan noong 2021.

Sinabi ng pari na patuloy ang pagkilos ng lokal na Simbahan ng Maynila upang pagnilayan at isabuhay ang mga resulta ng malawakang konsultasyon sa iba’t ibang komunidad at sektor.

Aniya, bahagi ito ng paghahanda ng arkidiyosesis sa Universal Ecclesial Assembly ng Vatican sa 2028, habang target namang ganap na maipatupad ang mga synodal program sa 2029.

“Yung 2029, tinitingnan natin ‘yun as timeline na hopefully by that time, mas talagang yung Archdiocese of Manila ay synodal na, both in vision and in practice,” pahayag ni Fr. Laguerta sa Radyo Veritas.

Ibinahagi rin ni Fr. Laguerta na noong 2021, sa pamamagitan ng Audiam sa RCAM, pinakinggan ng arkidiyosesis ang mga “salamat at sana” ng sambayanan.

Mula rito ay nabuo ang Manila Synthesis Report na isinumite sa Catholic Bishops’ Conference of the Philippines, na nagsilbing batayan sa pagbuo ng Traslacion Roadmap.

Ang roadmap, ayon sa pari, ang nagsisilbing gabay ng arkidiyosesis sa pagsasabuhay ng synodality, isang proseso na hindi lamang nananatili sa pakikinig kundi humahantong sa sama-samang pagkilos.

“Hindi lang tayo nakikinig, kailangan kumikilos. Hindi lamang bilang isang ideya o pananaw, kundi bilang isang realidad sa ating paglalakbay,” dagdag pa ng pari.

Binigyang-diin din ni Fr. Laguerta na nakatuon ang arkidiyosesis sa tatlong pangunahing pastoral focus: integral faith formation, holistic human development, at governance and stewardship.

Layunin ng mga ito na makapagbalangkas ng mas malinaw at kongkretong hakbang upang maisabuhay ang diwa ng pakikilahok, pananagutan, at sama-samang paglalakbay ng Simbahan.

Isinagawa ang dalawang araw na MAEA 2026 sa The Fifth, Rockwell sa Makati City, na dinaluhan ng mahigit 500 delegado mula sa iba’t ibang parokya at sektor ng arkidiyosesis, sa pangunguna ni Manila Archbishop Jose Cardinal Advincula, kasama ang mga pari, relihiyoso, at mga layko.

Pag-aayuno, isang espiritwal na disiplina na nagbubukas sa puso ng mananampalataya-Papal Nuncio

 15,254 total views

Muling binigyang-diin ng opisyal na kinatawan ng Vatican sa Pilipinas ang mas malalim na kahulugan ng pag-aayuno bilang espirituwal na disiplina na nagbubukas ng puso ng mananampalataya.

Ito ang bahagi ng mensahe ni Apostolic Nuncio to the Philippines Archbishop Charles Brown sa kanyang naging Pastoral Visit On The Air sa himpilan ng Radyo Veritas ang Radyo ng Simbahan, kaugnay sa papalapit na Miyerkules ng Abo sa ika-18 ng Pebrero, 2026 na hudyat ng pagsisimula ng panahon ng Kwaresma.

Ayon kay Archbishop Brown, ang pag-aayuno ay isang espirituwal na disiplina na nagbubukas ng puso ng bawat mananampalataya sa mas masidhing panalangin at sa biyaya ng Banal na Eukaristiya.

Sa kanyang pagninilay, ipinaliwanag ng Nuncio na ang pag-aayuno ay hindi lamang simpleng pag-iwas sa pagkain, kundi isang pambihirang hakbang upang bigyang-daan ang buhay na espirituwal na nagmumula sa Diyos.

“So when we fast, we have more time to pray. More time to pray. And, there are all kinds of, yeah, I think there’s also probably a connection between fasting and the Eucharist, you know, because when we fast, we’re not eating food that gives us biological life.” pahayag ni Archbishop Brown sa Radyo Veritas.

Pagbabahagi ni Archbishop Brown, ang bawat pagkain ay nagbibigay ng ‘biological life’, subalit sa Eukaristiya ang tinatanggap ng mananampalataya ay isang mas mataas at walang hanggang buhay na nagmumula sa Panginoon.

Ipinaliwanag ng Nuncio ang kusang pagtalikod sa pagkain ay maaaring magbukas sa tao sa mas malalim na pagtanggap ng biyayang espirituwal na nagmumula sa Eukaristiya, kung saan binalikan din ng Arsobispo ang tradisyon ng Simbahan hinggil sa pag-aayuno bago tumanggap ng Banal na Komunyon.

“Every calorie is live it’s a life and um so spiritually the eucharist is the bread of eternal life, a different kind of life. It’s similar, analogous. That means it’s similar to biological life, but it’s different. So maybe there’s something about not eating biological, not receiving biological life, to open yourself more to spiritual life from the Eucharist in fasting. That’s why, traditionally, we fasted before receiving the Eucharist, which now has been reduced to an hour before we receive.” Dagdag pa ni Archbishop Brown.

Ayon kay Archbishop Brown, ang pag-aayuno ay isang paraan ng paghahanda, hindi lamang ng isip kundi pati ng pisikal na katawan upang tanggapin ang pambihirang buhay na nagmumula sa Diyos.

“There is a connection between depriving yourself of biological life to kind of open your heart and your body even to this supernatural life that’s flooding into you through the Eucharist. Make way for the divine.” Ayon pa kay Archbishop Brown.

Bagama’t kinikilala ng Arsobispo ang pisikal na benepisyo ng pag-aayuno, binigyang-linaw ni Archbishop Brown na ang pangunahing layunin nito para sa mga Kristiyano ay espirituwal.

“It seems like it has health benefits. But we fast not really for physical health benefits, even though it has physical health benefits. We do it for spiritual health benefits.” Dagdag pa ni Archbishop Brown.

Sa kanyang mensahe, hinihikayat ni Archbishop Brown ang mga mananampalataya na tingnan ang pag-aayuno bilang isang sagradong paghahanda at isang paraan upang linisin ang sarili at bigyang-daan ang mas ganap na pakikipagtagpo kay Kristo sa Eukaristiya, lalo na sa mga panahong liturhikal ng pagninilay at pagbabalik-loob.

Magkasabay na pagsisimula ng Ramadan at Kuwaresma, isang biyaya sa Kristiyano at Muslim

 27,810 total views

Naniniwala ang isang opisyal ng Catholic Bishops’ Conference of the Philippines (CBCP) na maituturing na isang biyayang nagbubuklod sa mga Kristiyano at Muslim ang pambihirang pagkakataon na sabayang pagsisimula ng Banal na Buwan ng Ramadan at ng Panahon ng Kuwaresma sa Pebrero 18, 2026.

Ayon kay Kidapawan Bishop Jose Colin Bagaforo -chairman ng CBCP Commission on Inter-Religious Dialogue, ang sabayang pagdiriwang ng dalawang banal na panahon ay panawagan hindi lamang upang ipanalangin ang kapayapaan kundi isabuhay at ipaglaban ito sa gitna ng karahasan at pagkakahati ng mundo.

Binigyang diin din ng Obispo na ang pambihirang pagkakataon ay isa ring paanyaya sa mas malalim na pagbabalik-loob, pananalangin, at sama-samang paglalakbay sa pananampalataya.

“This year, the holy month of Ramadan and the Lenten Season (Ash Wednesday) begin together on 18 February. This shared beginning is a grace. It invites us to slow down, to return to God, and to walk together in faith. In these sacred seasons, Muslims and Christians enter a time of prayer, fasting, repentance, and generosity. We turn our hearts to the Merciful. We learn again to see one another as brothers and sisters.” Bahagi ng mensahe ni Bishop Bagaforo.

Paalala ng Obispo, ang kapayapaan ay sentro ng dalawang pananampalataya kung saan parehong itinuturo ng Islam at Kristiyanismo ang kahalagahan ng panalangin, pag-aayuno, pagsisisi, at pagkakawanggawa, na mga gawaing humuhubog sa puso at nagtutulak sa malasakit sa kapwa lalo na sa mahihirap at mga kadalasang nakalilimutan sa lipunan.

“In a world marked by violence and division, this moment calls us not only to pray for peace, but to live it and work for it. Ramadan and Lent remind us that faith must transform the heart and shape our actions. Fasting opens our eyes to suffering and enlarges our compassion. Love of God is proven in love of neighbors, especially the poor and the forgotten.” Dagdag pa ni Bishop Bagaforo.

Iginiit din ni Bishop Bagaforo na ang kapayapaan ay hindi lamang kawalan ng digmaan, kundi tamang ugnayan sa Diyos, sa kapwa, at sa sangnilikha.

Pagbabahagi ng Obispo, kapwa itinuturo ng Simbahan at ng Qur’an ang pananagutang pangalagaan ang kalikasan na isang sagradong tiwalang ipinagkaloob sa sangkatauhan na kapag winasak ay sumisira rin sa kapayapaan ng sanlibutan.

“Peace, however, is more than the absence of war. It is the right relationship—with God, with one another, and with creation. Both our faith traditions teach that the earth is a sacred trust. Pope Francis, in Laudato Si’, reminds us that the cry of the earth and the cry of the poor are one. The Qur’an teaches that humanity is entrusted as khalifa, stewards of God’s creation. When forests are destroyed, waters poisoned, and land abused, peace is broken. Caring for our common home is therefore an essential work of peace.” Ayon pa kay Bishop Bagaforo.

Sa konteksto ng Pilipinas, binigyang-halaga ng Obispo ang Alay Kapwa na Lenten program ng Simbahan na hindi lamang nagsusulong ng simpleng kawanggawa kundi isang paraan ng pagkilala sa kapwa bilang ‘kapwa-tao’ na katuwang sa kasalukuyan at hinaharap.

Alinsunod sa mensahe ni Pope Leo para sa World Day of Peace na “Towards an Unarmed and Disarming Peace,” pinaaalalahanan ng Simbahan ang lahat na ang tunay na kapayapaan ay hindi naidudulot ng sandata at takot, kundi bunga ng katarungan, tiwala, diyalogo, at sama-samang pananagutan.

Inaanyayahan naman ni Bishop Bagaforo ang mga Kristiyano at Muslim, gayundin ang mga institusyon ng Simbahan at bawat mamamayan na manalangin at kumilos nang magkakasama, alagaan ang mahihirap, pangalagaan ang kalikasan, at magturo ng kapayapaan.

Batay sa tala, umaabot sa 10-milyon ang bilang ng mga Muslim sa Pilipinas kung saan mayorya ay mga Katoliko.