Itinalaga ni Pope Leo XIV si Fr. Cyril Villareal ng Archdiocese of Capiz bilang bagong obispo ng Diocese of Kalibo.
Isinapubliko ng Vatican ang appointment ng pari nitong January 24 kung saan siya ang hahalili kay Bishop Jose Corazon Tala-oc, na nagretiro noong June 2025 matapos ang halos 14 na taong paglilingkod bilang pastol ng diyosesis.
Ipinanganak si Fr. Villareal noong March 1974.
Nagtapos ng philosophy sa St. Pius X Seminary sa Roxas City at theology naman sa University of Santo Tomas sa Maynila.
Naordinahang pari noong May 25, 2001.
Nagkamit din si Fr. Villareal ng master’s degree sa higher religious studies at licentiate naman sa sacred theology sa University of Santo Tomas, gayundin ng master’s degree sa theology sa University of Vienna.
Mula 2005 hanggang 2010, nagsilbi ang pari bilang assistant chaplain ng Filipino Catholic Chaplaincy sa Archdiocese of Vienna, at assistant priest sa Parish of Our Lady of Mount Carmel sa Vienna.
Bukod pa rito, siya ay naging assistant dean of theology ng Sancta Maria Mater et Regina Seminarium ng Archdiocese of Capiz sa Roxas City mula 2000 hanggang 2004.
Simula July 2024, itinalaga siyang kura paroko ng St. Thomas of Villanova Parish sa Dao, Capiz.
Nagsilbi rin si Fr. Villareal bilang vicar general ng arkidiyosesis sa panahon ng panunungkulan ni dating Archbishop Jose Cardinal Advincula.
Nang mailipat si Cardinal Advincula sa Archdiocese of Manila noong June 2021, si Fr. Villareal ay nahalal na tagapangasiwa ng arkidiyosesis sa panahon ng sede vacante, isang tungkuling kanyang ginampanan hanggang sa maitalaga at maluklok si Archbishop Victor Bendico noong May 2023.
Bukod dito, nagsilbi rin si Fr. Villareal bilang rector ng Colegio de la Purisima Concepcion sa Roxas City.
Nanindigan ang mga lider ng Simbahan sa Pilipinas na ang mas malalim na diyalogo, pakikinig, at wastong paggamit ng awtoridad ay susi sa pagtatatag ng isang tunay na sinodal na Simbahan.
Ito ang binigyang-diin sa Day of Encounter ng mga obispo ng Catholic Bishops’ Conference of the Philippines at ng mga kasapi ng Conference of Major Superiors in the Philippines, ikalawang pagkakataon na nagtipon ang dalawang grupo upang palalimin ang ugnayan at pagtutulungan sa misyon ng Simbahan.
Ayon kay Cubao Bishop Elias Ayuban Jr., chairperson ng CBCP Episcopal Commission on Mutual Relations between Bishops and Religious, hindi maaaring umiral ang tunay na pagtutulungan kung hindi bukas sa pakikinig ang magkabilang panig.
“There can be no true collaboration where dialogue is absent, listening is neglected, or authority is exercised in a domineering manner,” ayon kay Bishop Ayuban.
Binigyang-diin ng obispo na ang pagkasira ng ugnayan sa loob ng Simbahan ay madalas nagmumula sa maling pag-unawa at paggamit ng awtoridad.
“Mutual relations are undermined when autonomy is confused with independence or when compliance replaces genuine communion,” dagdag ng obispo.
Iginiit ni Bishop Ayuban na ang pagpapatibay ng ugnayan ay hindi lamang pananagutan ng isang sektor.
Hinikayat ng obispo ang mga consecrated men and women na manatiling tapat sa kanilang bokasyon, habang umapela naman sa mga obispo na maging mapagkalinga at malapit sa kanilang kawan bilang mga pastol ng Simbahan.
“In exercising our office of father and pastor, we should stand in the midst of our people as those who serve… We are called to remain close to our people, like shepherds who ‘carry the smell of the sheep,’” giit ng obispo.
Bilang kongkretong hakbang, iminungkahi ni Bishop Ayuban ang pagtatalaga ng vicar o delegado para sa mga consecrated persons sa bawat diyosesis upang higit pang mapalakas ang koordinasyon at ugnayan sa lokal na Simbahan.
Samantala, binigyang-diin naman ni Fr. Lino Gregorio Redoblado, OFM, Chairperson ng Conference of Major Superiors in the Philippines, na ang sabayang paglalakbay ng mga obispo at ng mga nasa buhay-relihiyoso ay isang makapangyarihang tanda ng pagiging tapat ng Simbahan sa misyon ni Hesus.
“To walk together, therefore, is already a prophetic act. It proclaims that the Church is awake, attentive, and ready to stand with those who suffer,” ani Fr. Redoblado.
Iniuugnay ng pari ang diwa ng synodality sa kongkretong pagtugon ng Simbahan sa mga sugat ng lipunan, kabilang ang katiwalian, kahirapan, at pagkasira ng kalikasan, mga suliraning higit na nagpapabigat sa kalagayan ng mahihirap.
“Our nation continues to be wounded by corruption and poverty, and by the wanton exploitation of the environment… If we hesitate too long, silence may be mistaken for indifference,” babala ni Fr. Redoblado.
Iginiit pa ng pari na ang tunay na reporma sa Simbahan ay nagsisimula sa ugnayan at hindi lamang sa mga istruktura, aminado man na ang Simbahan mismo ay patuloy na hinahamon sa loob at labas.
“It is not structure that makes things possible, but relationship… These are not failures, but graces, reminding us that synodality is a pilgrimage: sometimes brisk, sometimes slow, but always shared,” ayon sa pari.
Muling pinagtibay ng Day of Encounter ang paninindigan ng Simbahan sa Pilipinas na maglakbay nang magkakasama ang mga obispo, kaparian, at mga consecrated men and women para sa iisang misyon, ang tumindig at makilakbay kasama ng mga nagdurusa, tungo sa mas malalim na komunyon at tapat na paglilingkod.
Isinagawa ang Day of Encounter sa De La Salle University – Taft noong January 23, 2026 bilang bahagi ng 131st CBCP Plenary Assembly.
Mariing kinondena ng Alyansa Tigil Mina (ATM) ang hindi makatarungang paggamit ng puwersa ng kapulisan sa pagtatangkang buwagin ang barikada ng mga residente ng Barangay Bitnong, Dupax del Norte, Nueva Vizcaya, na tumututol sa exploration activities ng Woggle Corporation.
Ayon sa mga paunang ulat mula sa lugar, mahigit 300 pulis ang ipinakalat upang ipatupad ang isang court order, na nagresulta sa pag-aresto sa anim na katao, pagkasugat ng ilan, at pagkawala ng malay ng dalawang residente.
Inilarawan ni ATM chairperson Rene Pamplona na labis at hindi makatuwiran ang laki ng puwersang ipinadala, lalo’t ang barikada na lamang ang natitirang paraan ng mga residente upang ipakita ang kanilang pagtutol sa pagmimina.
“This brutal display of police force is unacceptable. For one, the residents have no other recourse but to put up a barricade to register their opposition to mining and to Woggle’s exploration activities,” pahayag ni Pamplona.
Iginiit ng alyansa na nabigo ang Woggle Corporation at ang pamahalaan na magsagawa ng tunay na konsultasyon at makuha ang malinaw na pahintulot ng mga komunidad.
Dahil dito, ayon sa ATM, walang basehan ang pagpapatuloy ng exploration activities at dapat igalang ang karapatan ng mamamayan na tutulan ang proyekto.
Ikinababahala rin ni Pamplona ang desisyon ng korte na maglabas ng preliminary injunction sang-ayon sa kumpanya, na nagpapakita ng pagkiling ng mga institusyon ng gobyerno sa interes ng pagmimina.
“It is deplorable that government institutions, such as the [Department of Environment and Natural Resources] and now the regional trial court, have taken the side of the mining corporation to the detriment of communities and the environment,” giit ni Pamplona.
Nanawagan ang ATM sa mga lokal na pamahalaan na panigan ang kanilang mga nasasakupan at suportahan ang pagbawi sa exploration permit ng Woggle Corporation.
Binibigyang-diin ng grupo na tungkulin ng mga halal na opisyal na ipagtanggol ang kapakanan ng mamamayan at unahin ang pangangalaga sa kalikasan kaysa sa mapaminsalang pagmimina.
“We stand in solidarity with the protestors, and we laud their firm conviction and undaunted commitment to protect their communities from the inevitable destruction caused by mining operations,” saad ni Pamplona.
Una nang iginiit ni Bayombong Bishop Jose Elmer Mangalinao na hindi dapat madaliin ang pag-aalis ng barikada sa lugar, dahil kailangan pang malinaw na tukuyin ang mga suliranin, kabilang ang pagmamay-ari ng mga lupang maaapektuhan ng proyekto ng Woggle Mining Corporation.
Inihayag ni Boac Bishop Edwin Panergo, na ang synodality ng Simbahan ay hindi isang programang likha lamang ng tao, kundi isang biyayang tinatanggap mula sa Diyos.
Sa kanyang homiliya sa Day of Encounter ng mga obispo ng Catholic Bishops’ Conference of the Philippines (CBCP) at ng Conference of Major Superiors in the Philippines, na ginanap sa Most Blessed Sacrament Chapel ng De La Salle University–Taft, binigyang-diin ng obispo na nawawala ang tunay na diwa ng synodality kapag ito ay nalilimitahan sa teknikal at procedural na usapin.
Ayon kay Bishop Panergo, kailangang manatiling nakatuon sa misyon ni Kristo ang pagsasabuhay ng synodality upang maging makabuluhan ang adhikaing sama-samang paglalakbay ng Simbahan.
“Synodality is not something we invent or control. It is something we receive. Before synodality becomes a program, a document, or a structure, it is first a response to a call. If it becomes merely procedural, we lose its soul,” ayon kay Bishop Panergo.
Pinagnilayan din ni Bishop Panergo ang Ebanghelyo ayon kay San Marcos hinggil sa pagtawag ni Hesus sa Labindalawang Apostol, kung saan ipinaliwanag niyang ang komunyon ang pundasyon ng sinodal na pamumuno sa Simbahan.
“Before the mission, there is presence. Before authority, there is a relationship. Before doing-for, there is being-with, and being-with requires time,” ani Bishop Panergo.
Binigyang-diin pa ng obispo ang kahalagahan ng pananatiling malapit kay Kristo upang magampanan ng mga pinuno ng Simbahan ang tungkuling makilakbay at makipamuhay sa bayan ng Diyos.
“Only leaders who remain with the Lord can truly walk patiently with the People of God,” dagdag ng obispo.
Ibinahagi rin ni Bishop Panergo ang kanyang karanasan sa unang pagkakataon na dumalo sa CBCP Plenary Assembly bilang bagong obispo, kung saan kanyang nasaksihan at naramdaman ang kongkretong pagsasabuhay ng synodality sa hanay ng mga obispo.
Ayon sa kanya, ang sinodal na pamumuno ay dapat nakaugat sa tunay na malasakit at personal na ugnayan.
“I saw a communion that is not manufactured, but given… We are entrusted not only with offices or functions, but with names, faces, and stories,” ani ng obispo.
Nanawagan si Bishop Panergo sa mga kapwa pinuno ng Simbahan na bumalik sa pinagmumulan ng synodlaity ang pananatiling kasama ng Panginoon.
“Only then can we truly walk together, not as managers of a process, but as companions in mission,” ayon sa obispo.
Umaasa ang obispo na ang Simbahan sa Pilipinas ay patuloy na maging isang tunay na simbahang sinodal na nakikinig, nagninilay, at sama-samang naglalakbay kay Kristo.
Katuwang ni Bishop Panergo sa pagdiriwang ng banal na misa, na bahagi ng 131st CBCP Plenary Assembly, sina Daet Bishop Herman Abcede, RCJ, at Gumaca Bishop Euginius Canete, MJ.
Nagpahayag ng buong pakikiisa ang Catholic Educational Association of the Philippines (CEAP) sa Caritas Philippines, Diocese of Bayombong, at mga mamamayan ng Dupax del Norte sa kanilang paninindigan para ipagtanggol ang lupa, dignidad, at kinabukasan ng komunidad.
Ayon sa CEAP, ang tunay na kaunlaran ay dapat nakaugat sa paggalang sa karapatang pantao, pangangalaga sa mga lupang ninuno, at sa ating nag-iisang tahanan.
Binigyang-diin din ng samahan ang pangangailangan ng konsultasyon at pananagutan sa mga desisyong may malaking epekto sa mahihirap at bulnerableng sektor.
“We echo the call for genuine consultation and moral accountability in decisions that deeply affect local communities, especially the poor and vulnerable,” pahayag ng CEAP.
Lubha ring ikinababahala ng CEAP ang mga ulat ng pananakot at karahasan laban sa mga residente, na taliwas sa mga pagpapahalaga ng katarungan, diyalogo, at batas.
Batay sa katuruang panlipunan ng Simbahan, sinusuportahan ng CEAP ang panawagang itigil ang mga mapaminsalang pag-unlad, tulad ng pagmimina, na nagbabanta sa buhay, kabuhayan, at kalikasan.
“We stand with the local Church and Caritas Philippines in forming consciences, educating for justice, and advocating for development that truly serves the poor,” giit ng CEAP.
Una nang iginiit ng Caritas Philippines ang pagsuporta sa panawagan ng Diyosesis ng Bayombong para sa agarang pagpapatigil sa exploration activities ng Woggle Corporation, kabilang ang paglalabas ng cease-and-desist order, upang maiwasan ang karagdagang pinsala sa kalikasan at paglabag sa karapatang pantao.
Inaanyayahan ng Radyo Veritas ang publiko sa pagdalaw ng first class relic ni San Ezequiel Moreno sa Radyo Veritas Chapel sa February 4, 2026, kasabay ng paggunita ng National Cancer Awareness Day.
Ayon kay Fr. Roy Bellen, Pangulo ng Radyo Veritas, ang pagbisitang ito ay isang mahalagang pagkakataon para sa mga Kapanalig, lalo na sa mga may karamdaman, na makapag-alay ng panalangin sa pamamagitan ng santong kinikilalang patron ng mga may cancer.
Ipinaliwanag ni Fr. Bellen na bahagi ito ng patuloy na misyon ng himpilan na maghatid ng pag-asa at espiritwal na lakas, lalo na sa mga dumaranas ng karamdaman, sa pamamagitan ng panalangin at mga sakramento ng Simbahan.
“Iniimbitahan po namin ang mga Kapanalig na dumalaw sa Radyo Veritas Chapel sa pagbisita ng first class relic ni San Ezequiel Moreno, upang sa kanyang pamamagitan ay mapagkalooban ng Diyos ng lakas at kagalingan ang mga may sakit,” pahayag ni Fr. Bellen.
Dadalhin ang relikya ng Saint Ezequiel Moreno Novitiate – Recoletos ganap na alas-onse ng umaga.
Isasagawa ang enthronement of the relic, na susundan ng banal na misa sa alas-dose ng tanghali na pangungunahan ng Augustinian Recollect missionary.
Si San Ezequiel Moreno ay isang paring misyonero ng Augustinian Recollect at obispo na naglingkod sa Pilipinas bago naitalaga sa Colombia.
Kinilala siya bilang patron ng mga may cancer dahil sa sarili niyang karanasan ng matinding pagdurusa mula sa cancer of the jaw, na hinarap niya nang may kababaang-loob, pananampalataya, at ganap na pagtitiwala sa Diyos.
Sa kabila ng karamdaman, nagpatuloy siya sa paglilingkod hanggang sa kanyang pagpanaw noong 1906 at ginawang santo ni noo’y santo papa Saint John Paul II noong 1992.
Ipinagdiriwang ang National Cancer Awareness Day sa Pilipinas bilang pakikiisa sa pandaigdigang kampanya laban sa cancer at layong palaganapin ang kamalayan, pag-iwas, at malasakit sa mga apektado ng sakit.
Nagbabala ang Diocese of Boac sa publiko kaugnay sa kumakalat na mapanlinlang na email na ginagamit ang pangalan ni Bishop Edwin Panergo upang humingi ng donasyon.
Ayon sa pahayag ng diyosesis sa pamamagitan ni Diocesan Chancellor Fr. Wilfredo Magcamit, Jr., nakatanggap ang Poor Clare Nuns sa Bantauyan, Boac, Marinduque ng fraudulent email noong January 18 at 20, 2026, na nagmumula sa email address na [email protected]
“This email address is in no way connected to or owned by Most Rev. Edwin O. Panergo, Bishop of the Diocese of Boac,” ayon sa pahayag ni Fr. Magcamit.
Hinimok ng pamunuan ng Simbahan ang mga mananampalataya na huwag magpalinlang at ugaliin ang pagberipika sa mga natatanggap online lalo na kung gamit ang pangalan ng mga lider ng simbahan.
Paalala ng pari sa publiko na maging mapanuri sa paggamit ng internet, lalo na sa mga kahina-hinalang mensahe at aktibidad sa pangangalap ng pondo.
“Please do not entertain any email that you might receive from the said email address. This is also to remind everyone to be extra careful in using and interacting on the internet and to verify with persons in authority any doubtful information, fundraising activities or inquiries,” ani ng pari.
Ang abiso ay inilabas ay bahagi ng patuloy na pagsisikap ng Simbahan na protektahan ang publiko laban sa panlilinlang at pananamantala.
Nanindigan si San Jose Bishop Samuel Agcaracar na ang pagtatanggol sa buhay, lalo na ng mga hindi pa isinisilang, ay hindi lamang usapin ng batas kundi isang malinaw at kongkretong pastoral na tungkulin ng Simbahan.
Sa kanyang homiliya sa banal na misa na ginanap sa National Shrine of St. Jude Thaddeus, kasabay ng ikatlong araw ng 131st Plenary Assembly ng Catholic Bishops’ Conference of the Philippines (CBCP), sinabi ng obispo na ang diwa ng pro-life advocacy ay nasusukat sa pakikilakbay at pagdamay sa mga ina at pamilyang nahaharap sa takot at pangamba.
“To defend life is not only to speak about laws or principles. It is a pastoral commitment. It means walking with mothers and families, listening without judgment, and offering support where fear, loneliness, and uncertainty are present,” ayon kay Bishop Agcaracar.
Ginunita rin sa pagdiriwang ang Day of Prayer for the Legal Protection of Unborn Children, na hindi panahon ng pagtatalo o paghatol kundi ng panalangin, pakikinig upang maipadama ang diwa ng pakikiisa at pakikilakbay.
“This day is not about arguing or condemning, but it is about praying, listening, and allowing our hearts to be shaped by compassion,” dagdag ng obispo.
Binigyang-diin ni Bishop Agcaracar ang kahalagahan ng pagtindig para sa mga hindi pa isinisilang dahil ito ay biyaya ng Diyos na nararapat pahalagahan lalo’t wala pa itong kakayahang manindigan para sa kanilang sarili.
“They are the smallest and most vulnerable members of our human family. They cannot speak for themselves, yet they are fully known and deeply loved by God,” aniya.
Tinukoy rin ng obispo ang krisis ng intimacy bilang isa sa malalalim na suliranin ng makabagong panahon, na pinalalala ng teknolohiyang minsang pumapalit sa tunay na ugnayang pantao.
“One of the deep struggles of our time is a crisis of intimacy… When intimacy is missing, fear grows,” giit ni Bishop Agcaracar.
Partikular ding binigyang-pansin ng obispo ang kalagayan ng mga kababaihang nahaharap sa iba’t ibang krisis, kabilang ang crisis pregnancy, na higit nangangailangan ng presensya at pagkalinga kaysa paghusga.
“What they need most is not condemnation, but presence, not rejection, but accompaniment,” giit ng obispo.
Hinimok ni Bishop Agcaracar ang Simbahan at ang sambayanan na yakapin ang diwa ng synodality na isang Simbahang nagtatanggol sa buhay sa pamamagitan ng awa, pakikipag-ugnayan, at tunay na pakikipagkapwa.
“The call to communion is a missionary imperative in our time. This is the goal and essence of synodality,” ayon kay Bishop Agcaracar.
Sa pagtatapos, idinulog ng obispo sa panalangin, sa tulong ni St, Jude Thaddeus, ang patron ng pag-asa sa mahihirap na sitwasyon, na nawa’y patuloy na piliin ng sambayanan ang buhay, awa, at pagmamahal bilang landas tungo sa isang lipunang kumakalinga sa mga sugatan, mahihirap, at nangangailangan.
Katuwang ni Bishop Agcaracar sa pagdiriwang ng banal na misa ang mga kapwa SVD bishops na sina Bangued Bishop Leopoldo Jaucian at San Jose, Occidental Mindoro Bishop Pablito Tagura.
Inanyayahan ng Kanyang Kabanalan Leon XIV ang mga mananampalataya na pagnilayan ang habag ng Mabuting Samaritano at isabuhay ang pag-ibig sa pamamagitan ng pakikibahagi sa karamdaman ng kapwa.
Ito ang mensahe ng Santo Papa para sa 34th World Day of the Sick na ipagdiriwang sa February 11, 2026 sa Chiclayo, Peru.
Sa temang “The compassion of the Samaritan: loving by bearing another’s pain,” binigyang-diin ni Pope Leo XIV na ang larawan ng Samaritano ay nananatiling mahalaga upang muling matuklasan ang kagandahan ng kawanggawa at ang panlipunang aspekto ng malasakit, lalo na sa mga maysakit at nagdurusa.
Aniya, ang tunay na pag-ibig ay hindi nananatiling tahimik kundi lumalapit, humihinto, at kumikilos, sa gitna ng kultura ng pagmamadali at kawalang-pakialam na humahadlang sa tao upang pansinin ang karamdaman ng kapwa.
“We live immersed in a culture of speed, immediacy and haste – a culture of ‘discard’ and indifference that prevents us from pausing along the way and drawing near to acknowledge the needs and suffering that surround us,” ayon kay Pope Leo XIV.
Iginiit ng Santo Papa na ang pangangalaga sa mga maysakit ay hindi lamang personal na tungkulin kundi isang misyon ng buong Simbahan, kung saan may mahalagang gampanin ang pamilya, komunidad, mga health workers, at mga pastoral workers.
Bilang dating misyonero at obispo sa Peru, ibinahagi ni Pope Leo XIV ang kanyang karanasan sa mga taong araw-araw na naglilingkod sa mga nagdurusa, na ayon sa kanya, ay nagiging kongkretong kilos at panlipunang pagpapakita ng habag.
“I referred to the care of the sick not only as an ‘important part’ of the Church’s mission, but as an authentic ‘ecclesial action’,” saad ng Santo Papa.
Iginiit ng punong pastol ng Simbahang Katolika na ang lunas sa sugat ng sangkatauhan ay nagmumula sa pag-ibig ng Diyos na isinasabuhay sa kapwa.
Ipinagkaloob din ni Pope Leo XIV ang Apostolic Blessing sa lahat ng maysakit, kanilang pamilya, at sa mga health workers at pastoral caregivers sa buong mundo.
Prayer of Pope Leo XIV to the Blessed Virgin Mary, Health of the Sick:
“Sweet Mother, do not part from me. Turn not your eyes away from me. Walk with me at every moment and never leave me alone. You who always protect me as a true Mother, obtain for me the blessing of the Father, Son and Holy Spirit.”
Ipinag-utos ng Obispo ng Diyosesis ng Iba sa Zambales ang pansamantalang pagsasara ng isang kapilya sa Subic Bay Freeport Zone matapos ang isang insidente ng tinagurian nitong paglapastangan sa banal na lugar.
Ayon kay Bishop Bartolome Santos Jr., winasak ang Chapel of San Roque at ang adoration chapel nito noong January 18, 2026 na nagdulot ng matinding dalamhati at pagkabigla sa mga mananampalataya.
Batay sa inilabas na atas ni Bishop Santos na may petsang January 19, 2026, kabilang sa nilapastangan ang katawan ni Kristo (sacred host) gayundin ang monstrance at ilang mga banal na imahe.
Binigyang-diin ni Bishop Santos na ang insidente ay isang tahasang paglapastangan sa kabanalan ng lugar dalanginan kaya’t kinakailangang na pansamantalang isara ang kapilya para sa publiko hanggang sa makapagsagawa ng nararapat na pagsasaayos at ritwal ng pagbabayad-puri.
“It is with deep sorrow that I inform the Christian faithful that on 18th January 2026, the Chapel of San Roque in the Subic Bay Freeport Zone and its Adoration Chapel was subjected to acts of vandalism which gravely offended the sanctity of the sacred place. The Sacred Host in the Monstrance was left in pieces on the floor, the monstrance was destroyed, and sacred images were broken.” Bahagi ng pahayag ni Bishop Santos.
Ayon sa pahayag ng Obispo, ang taong responsable sa insidente ay may suliraning pangkaisipan, na posibleng pinalala pa ng ipinagbabawal na gamot.
“These acts were committed by a person suffering from mental instability which may be due to abuse of prohibited substances.” Dagdag pa ni Bishop Santos.
Inihayag naman ni Bishop Santos na dahil sa kalagayang pangkaisipan ng na taong responsable sa insidente ay hindi na ito pinatawan ng anumang ‘canonical penalty’ at sa halip ay ipinagkatiwala ang nasabing indibidwal sa awa ng Diyos.
“Considering the mental condition of the person responsible, no canonical penalty is imposed. Instead, we commend him to the mercy of God and pray for his healing, while entrusting the affected community to the consoling presence of the Lord.” Ayon pa kay Bishop Santos.
Alinsunod sa Canon 1211 of the Code of Canon Law, pormal na idineklara ni Bishop Santos na ang Chapel of San Roque ay nadungisan, at ipinag-utos ang agarang pagsuspinde ng lahat ng Misa at sakramentong pagdiriwang sa kapilya.
Muli lamang bubuksan ang kapilya matapos maisagawa ang mga kinakailangang pagkukumpuni at ang penitential rite of reparation, bilang tugon sa tahasang paglapastangan sa Banal na Eukaristiya.
Nanawagan naman si Bishop Santos sa mga mananampalataya na manalangin, mag-ayuno, at magsagawa ng gawaing kawanggawa, kung saan umaasa rin ang Obispo na nawa’y maging daan ang pangyayari upang lalong mapalalim ang pagmamahal sa Eukaristiya at paggalang sa mga banal na lugar.
Ikinagalak ng Social Action Center (SAC) ng Apostolic Vicariate of Tabuk ang pagpasa ng Provincial Ordinance No. 2026-027 na nagtatakda ng pagtatatag bilang opisyal na programa ng Season of Creation sa lalawigan.
Ang Season of Creation, na ginugunita mula September 1 hanggang October 4, ay itinuturing na panahon ng panalangin, pagninilay, at sama-samang pagkilos para sa kalikasan, bilang tugon sa lumalalang krisis sa klima at patuloy na pagkasira ng biodiversity.
“By adopting this ordinance, Kalinga aligns itself with a global movement that recognizes the urgent need for sustainable practices and environmental stewardship,” pahayag ng SAC Tabuk.
Nakatuwang ng SAC Tabuk sa pagsusulong ng ordinansa ang Kalinga-Apayao Religious Sector Association, Kalinga Provincial Peoples Council, Department of Environment and Natural Resources (DENR), at iba pang environmental advocates sa lalawigan.
Ayon sa mga tagapagtaguyod, ang ordinansa ay umaayon sa mga pangunahing pagpapahalaga ng Kalinga na Paniyaw, Ngilin, at Bain, na nagsusulong ng sama-samang pagkilos, paggalang sa buhay at kalikasan, at malasakit sa kapaligiran.
“Paniyaw… reflects the collective efforts of various organizations and individuals working together for a common goal—environmental protection. Ngilin… emphasizes respect for life and nature… while Bain… reinforces our responsibility to protect the habitats and species that share our home,” pagbabahagi ng SAC Tabuk.
Nagpaabot naman ng pasasalamat ang simbahan at mga organisasyon kay Kalinga Governor James Edduba sa kanyang mahalagang papel sa pag-apruba ng ordinansa, gayundin sa mga miyembro ng Sangguniang Panlalawigan sa pangunguna ni Vice Governor Dave Odiem, at lalo na kay Board Member Camilo Lammawin Jr., ang siyang may-akda ng panukala.
Binigayang-diin ng SAC Tabuk na ang pagpapatupad ng Season of Creation sa Kalinga ay inaasahang magpapalakas sa mga programang pangkalikasan at magtitiyak ng mas napapanatiling kinabukasan para sa lalawigan.
“The implementation of the Season of Creation in Kalinga will significantly benefit the province… and ensure a sustainable future for generations to come,” giit ng SAC Tabuk.
Nagpahayag ng suporta at pakikiisa si San Carlos Bishop Gerardo Alminaza para kay Erwin “Ambo” Delilan, Station Manager ng 104.7 Hapi Radio FM sa Bacolod City matapos ang kanyang biglaang pagkakaaresto kaugnay ng kasong Unjust Vexation.
Ayon sa Obispo na siya ring chairman ng Caritas Philippines na humanitarian, advocacy and social development arm ng CBCP, nakababahala ang mga pangyayari sa pag-aresto kay Delilan, partikular na ang alegasyong na ang subpoena ay ipinadala sa maling address, dahilan upang hindi makasagot at mapagkaitan ng due process si Delilan.
Binigyang-diin pa ni Bishop Alminaza na ang due process ay hindi lamang teknikalidad kundi isang moral at legal na proteksiyon na dapat ipagkaloob sa bawat mamamayan, anuman ang propesyon o katayuan sa buhay.
“We express our deep concern and solidarity with Erwin “Ambo” Delilan, Station Manager sang 104.7 Hapi Radio FM, after his arrest for Unjust Vexation. We are troubled by the circumstances surrounding this arrest, particularly the allegation that the subpoena was sent to an incorrect address, effectively depriving the respondent of the right to reply and due process. Due process is not a technicality; it is a moral and legal safeguard that protects every citizen—regardless of status or profession.” Bahagi ng pahayag ni Bishop Alminaza.
Nanawagan din ang Obispo sa mga kinauukulang awtoridad na igalang ang ganap na due process, pangalagaan ang kalayaan ng pamamahayag, at iwasan ang mga hakbang na maaaring ituring na pananakot o panggigipit sa mga mamamahayag.
Ipinahayag din ni Bishop Alminaza ang kanyang matibay na suporta sa mga journalist at media workers na patuloy na nagpapahayag ng katotohanan sa gitna ng hamon at panganib.
Inanyayahan naman ng Obispo ang lahat na makibahagi sa pananalangin para sa karunungan, katarungan, at pagpipigil, upang ang hustisya ay magsilbi sa kabutihang panlahat at hindi maging kasangkapan ng takot o pananahimik.
“We stand with journalists and media workers who courageously speak truth to power. We pray for wisdom, fairness, and restraint—that justice may truly serve the common good, not fear nor silence.” Dagdag pa ni Bishop Alminaza.
Giit ni Bishop Alminaza, ang katotohanan ay hindi dapat inaaresto; ang hustisya ay hindi dapat gawing sandata; at ang demokrasya ay hindi dapat pahinain sa pamamagitan ng pagsupil sa sinuman nagbubunyag ng katotohanan sa lipunan.
Mariing kinondena ni Infanta Bishop Dave Dean Capucao ang malalim at sistemikong katiwalian sa lipunan, kasabay ng panawagan sa Simbahan at sa sambayanan na ibalik sa sentro ang awa, katarungan, at malasakit, lalo na para sa mga nasa laylayan.
Sa kanyang homiliya sa banal na misa na ginanap sa Immaculate Conception Cathedral sa ikalawang araw ng Catholic Bishops’ Conference of the Philippines (CBCP) 131st Plenary Assembly, pinagnilayan ni Bishop Capucao ang Ebanghelyo ni San Marcos tungkol sa lalaking may “withered hand” na humingi ng kagalingan kay Hesus.
Ayon sa obispo, ang “withered hand” ay hindi lamang pisikal na karamdaman kundi malinaw na larawan ng pagkabulok ng moralidad sa kasalukuyang panahon, lalo na sa gitna ng laganap na pandarambong sa kaban ng bayan at katiwalian sa pamahalaan.
“Sana nga, mabulok ang mga kamay ng mga nagnakaw ng kaban ng bayan. Maraming kamay ang nabubulok kasi systemic na ang pagnanakaw. Pero kailangan itong pagalingin. Kailangan ng lumapit kay Jesus upang humingi ng kagalingan. Kasama sa pagpapagaling ng kamay ay ang pagpapagaling ng puso,” pahayag ni Bishop Capucao.
Binigyang-diin ng obispo na ang pagpapagaling na itinuturo ng Ebanghelyo ay hindi lamang personal kundi panlipunan, at nangangailangan ng sama-samang pagbabagong-loob upang tugunan ang mga ugat ng kagutuman, pagdurusa, at pagkakait ng katarungan.
Iginiit din ng obispo na hamon ito hindi lamang sa lipunan kundi maging sa Simbahan kung ang mga alituntunin at pamumuno ay tunay na nagiging daluyan ng habag, o nagiging hadlang sa pag-ibig na hinihingi ng Ebanghelyo.
“Are we allowing fear of institutional norms to stifle the inherent call to radically love those in need? Let us remember that love is the heart of our ministry. To love Christ deeply means we must dare to extend that love to His people, especially the marginalized,” ani ng obispo.
Bilang kongkretong halimbawa ng pamumuhay ng Ebanghelyo, ibinahagi ni Bishop Capucao ang karunungan ng mga Dumagat sa Prelatura ng Infanta, na sumasalamin sa isang kulturang nakasentro sa pagbabahagi at kabutihang panlahat, taliwas sa umiiral na indibidwalismo.
“The Dumagat understand that resources are not a privilege, but blessings meant for the sustenance of all,” ani ng obispo.
Binanggit din niya ang pananaw ng dating obispo ng Infanta na si Bishop Julio Labayen, na ang mga katutubo ay hindi lamang tinutulungan ng Simbahan kundi nagsisilbing guro rin ng pananampalataya.
“The Dumagat are the principal heirs of the Kingdom, with the potential to evangelize all nations and the Church as a whole,” ayon kay Bishop Capucao.
Tinalakay rin ni Bishop Capucao ang mga panganib ng makabagong teknolohiya, partikular ang artificial intelligence, sa konteksto ng pastoral na paglilingkod, at iginiit na walang teknolohiya ang maaaring pumalit sa pusong may malasakit.
“AI can stimulate conversation, intimacy, vulnerability, and empathy in language, but it cannot be a shepherd with a heart,” babala ni Bishop Capucao.
Hinimok ng obispo ang Simbahan na patuloy na lumabas at makipamuhay sa mga tao lalo na sa mga mahihirap at naisasantabi ng lipunan upang manatiling buhay at tapat sa misyon ni Kristo.
Katuwang ni Bishop Capucao sa pagdiriwang ng banal na misa sina Sorsogon Bishop Jose Alan Dialogo at Legazpi Bishop Joel Baylon.
Inaanyayahan ng Catholic Educational Association of the Philippines o CEAP ang mga Pilipino, higit na ang kabataan na makiisa sa idadaos na dalawang araw na ‘EDSA Recall Youth Summit’ sa February 24 hanggang 25 sa Miriam College Innovation Center.
Pinamagatan ang programang ‘Never Again. Never Forget’ na layuning gunitain ang ika-40 taon ng EDSA People Power one Revolution upang higit itong maipaliwanag at maipaalam sa mga kabataan ngayon sa makabagong panahon.
“Don’t miss this opportunity to meet fellow youth advocates. Together, let us rekindle the stories of courage and hope that sparked lasting change in our country—and forge stronger connections toward active citizenship,” ayon sa paanyaya ng CEAP.
Sa programa ay magkakaroon ng ibat-ibang gawain katulad ng mga plenary sessions kung saan magbabahagi ang mga tampok na tagapasalitang dalubhasa at youth advocates hinggil sa EDSA People Power.
Magkakaroon din ng mga educational immersive tours kung saan maaring makiisa ang mga kabataan na susundan ng EDSA Kwarenta Awards.
Maaring magpadala ng email ang mga nais dumalo sa ‘EDSA Recall Youth Summit’ [email protected].
Hinamon ni Cardinal Luis Antonio Tagle, Pro-Prefect ng Dicastery for Evangelization, ang mga mananampalataya na suriin ang sarili kung kanino umaasa.
Sa kanyang homiliya sa kapistahan ni Santa Agnes sa misang ginanap sa Imus Cathedral, binigyang-diin ng kardinal na madalas banggitin ng mga mananampalataya na ang Diyos ang kanilang pag-asa subalit taliwas ang aktuwal na pamumuhay.
“Sa panahon natin ngayon, tanungin natin, kanino ba ako tunay na umaasa? Kanino ba ako talaga kumakapit? Baka bukambibig lang natin na Diyos ang ating pag-asa, pero sa tunay na buhay, hindi naman pala Siya,” ani Cardinal Tagle.
Inihalimbawa ni Cardinal Tagle sina Santa Agnes, Haring David, at si Hesus upang bigyang diin ang halaga ng kapangyarihan ng pananampalataya kumpara sa kapangyarihang makasanlibutan.
Aniya sa kanilang karanasan bagamat itinuturing na mahihina at maliit ng mundo ay higit na nanaig ang kanilang pagtitiwala sa Diyos.
“Ang lakas na tanging ang Diyos ang nagbibigay ang hinawakan nina Santa Agnes, David, at ni Jesus, at sa lakas na iyon, napagtagumpayan nila ang kahihiyan, karahasan, at pagmamaliit,” paliwanag ni Cardinal Tagle.
Pinuna rin ng kardinal ang kultura ng pagkapit sa makapangyarihan, kahit may bahid ng katiwalian na isang maling pamantayan ng lipunan.
“Kapit, kapit, kapit tayo sa tinuturing ng mundo na makapangyarihan, kahit alam nating may mali, basta mayaman at malalapitan,” giit ni Cardinal Tagle.
Binigyang-linaw rin ni Cardinal Tagle na hindi sa dami at taas ng kapangyarihan nasusukat ang tunay na paglilingkod.
“Kung ibig nating maglingkod sa Diyos at sa bayan, hindi naman kailangan maging matayog pa tayo. Sa mga maliliit at humble na paggawa natin sa araw-araw, dkiyan mababago ang buhay. Hindi mababago ang buhay ng iilang may kapangyarihan. Ang magbabago ng buhay ay ang tao na ordinaryo,” ayon sa kardinal.
Hinikayat ni Cardinal Tagle ang mga mananampalataya na huwag maliitin ang kanilang kakayahan at kalagayan, bagkus ay kumapit sa Diyos ang pinagmumulan ng pag-asa at lakas.
Si Santa Agnes ay batang martir sa Roma noong ikatlong siglo kung saan sa murang edad, buong tapang na tinanggihan ang pagtalikod sa pananampalataya at ang sapilitang pag-aasawa.
Pinaslang ang banal dahil sa kanyang katapatan kay Kristo. Ipinagdiriwang ang kanyang kapistahan tuwing January 21 bilang huwaran ng kadalisayan at matibay na pananampalataya.
Binigyang-diin ni Caritas Philippines president, San Carlos Bishop Gerardo Alminaza, na ang tunay na pananampalataya ay nagsisimula sa pag-ibig ng Diyos at humahantong sa malinaw na paninindigan laban sa mga sistemang pumipinsala sa mahihirap at sa kalikasan.
Ginawa ni Bishop Alminaza ang pagninilay sa ginanap na 3-day church-led conference na “Hayuma: Mending the Broken” sa University of Santo Tomas noong January 15, 2026.
Sa kanyang pagninilay na pinamagatang “Dilexi Te: Tolerated Evils and How to Be the Church of the Poor,” iginiit ng obispo na ang pananampalataya ay nagmumula sa pag-ibig ng Diyos sa mahihina at dukha, at ang pag-ibig na ito ay hindi dapat manatiling ideya lamang, kundi isinasabuhay sa konkretong pagkilos.
Sinabi ng Obispo na ang kahirapan, pagkasira ng kalikasan, at kawalang-seguridad sa kabuhayan ay hindi bunga ng kapalaran kundi resulta ng mga sistemang pumapabor sa iilan habang pinapasan ng nakararami ang bigat ng krisis.
“Dilexi te opens with a quiet but unsettling declaration: ‘I have loved you.’… The exhortation warns us that the greatest threat is not outrage but indifference. A culture that grows used to suffering. A society that moves on quickly. A faith that risks becoming comfortable with what should never be acceptable,” ayon kay Bishop Alminaza.
Binigyang-diin din ni Bishop Alminaza na ang pagkasira ng kalikasan at ang patuloy na kahirapan ay iisang sugat na hindi maaaring paghiwalayin.
Ayon sa obispo, tungkulin ng Simbahan na hindi lamang tumugon sa agarang pangangailangan, kundi hamunin at baguhin ang mga patakarang lumilikha ng kawalan ng katarungan.
Iginiit ng pangulo ng Caritas Philippines na ang Simbahan ay tinatawag na maging konsensya ng lipunan, hindi upang aliwin ang makapangyarihan, kundi upang tumindig kasama ng mahihirap, pakinggan ang kanilang tinig, at isulong ang makatarungang pamamahala at ekonomiya.
“May we become a Church in the Philippines that refuses tolerated evils. A Church that hears the cry as one cry. A Church that walks with the poor, patiently mending what has been broken, together,” saad ni Bishop Alminaza.
Binasbasan ng Archdiocese of Seoul sa South Korea ang Logo Sculpture para sa World Youth Day 2027.
Pinangunahan ni Archbishop Peter Soon-taick Chung, Chairperson ng WYD Organizing Committee ang rito ng pagbasbas na ginanap sa Myeongdong Cathedral noong January 20, 2026.
Sa pahayag ng arsobispo na inilathala sa official Facebook page ng World Youth Day sinabi nitong ipinaalala sa mga logo sculptures ang bokasyon ng bawat isa sa paghahanda para sa pandaigdigang pagtitipon ng mga kabataan.
“The sculptures bearing the names of each diocese will remind all those preparing for the WYD of their vocation and the grace they have received… Let us devote ourselves wholeheartedly to preparing this festival of youth that welcomes young people from all over the world,” ayon sa pahayag ng arsobispo.
Ang logo sculpture ay idinesenyo ni Jung hoon Cho na isang youth volunteer gamit ang mga recyclable materials bilang pakikiisa sa adbokasiya at adhikain ng simbahan sa wastong pangangalaga ng kalikasan at sangnilikha.
Kasabay ng pagbabasbas ang pagsisimula ng domestic pilgrimage ng WYD symbols o ang Krus at imahen ng Salus Populi Romani.
Magtatapos ang domestic pilgrimage ng WYD symbols sa May 30, 2027 kung saan tema sa malawakang pagtitipon ng mga kabataan ang “Take courage! I have overcome the world” na hango sa ebanghelyo ni San Juan 16:33.
Hinikayat ni Cebu Archbishop Alberto Uy ang mga Kristiyano mula sa iba’t ibang denominasyon na maging saksi ng pagkakaisa sa gitna ng lumalalim na pagkakahati sa mundo upang maghatid ng pag-asa sa pamayanan.
Ito ang mensahe ng arsobispo sa paggunita ng Week of Prayer for Christian Unity, kung saan iginiit na ang sama-samang pagtindig ng mga Kristiyano ay mahalaga lalo na sa kasalukuyang sitwasyon ng lipunan na haharap sa iba’t ibang suliranin.
“In a world wounded by division, conflict, and mistrust, our shared witness of respect, dialogue, and cooperation becomes a powerful sign of hope,” ayon kay Archbishop Uy.
Paliwanag ng arsobispo na ang pagbubuklod ng mga Kristiyano ay hindi nangangahulugang pagkakapare-pareho ng pananaw subalit paalala sa bawat isa na pinag-isa ni Hesus ang sangkatauhan.
“Christian unity is not about thinking the same, but loving the same Lord. It does not require us to deny our differences, but it calls us to face them with humility, gentleness, patience, and love. Before we belong to different Christian traditions, we belong first to Jesus Christ, who calls us to be one,” dagdag ni Archbishop Uy.
Bilang pinuno ng Simbahan sa Cebu, hinamon niya ang mga Kristiyano na ituring ang isa’t isa hindi bilang magkakatunggali kundi bilang magkakapatid kay Kristo.
Binigyang-diin din ni Archbishop Uy ang pagpili ng pag-ibig at kapayapaan ay daan upang mapanatili ang tunay na pagkakaisa sa bisa ng Espiritu Santo.
Inilunsad ng ecumenical faith community sa pangunguna ng Catholic Bishops’ Conference of the Philippines Episcopal Commision on Ecumenical Affairs at ng National Council of Churches in the Philippines ang Week of Prayer for Christian Unity noong January 19 sa Bishop Moises F. Buzon Memorial Church ng Iglesia Unida Ekyumenikal sa Tondo Manila.
Pinalawak ng CBCP ECEA at NCCCP ang pagdiriwang sa iba’t ibang lugar sa Pilipinas kabilang na sa San Carlos Seminary ng Archdiocese of Cebu.
Muling pinaaalalahanan ng Diyosesis ng Antipolo ang mga mananampalataya na ang Salita ng Diyos ay hindi lamang babasahing teksto, kundi isang buhay na presensya na nagbibigay buhay sa puso at tahanan ng bawat isa.
Ito ang bahagi ng mensahe ng diyosesis sa pagdiriwang ng National Bible Month ngayong buwan ng Enero kung saan ginugunita naman sa huling linggo ng buwan ang National Bible Week.
Ayon sa diyosesis, ang bibliya ay isang walang hanggang tinig ng Panginoon na tumatawag sa bawat isa sa walang hanggang pag-ibig, matuwid na pamumuhay, matatag na pananampalataya, at tapat na pagsaksi sa katotohanan ng Panginoon sa mundo.
“In this blessed celebration of National Bible Week, we are reminded that the Word of God is not merely a text to be read, but a living presence that breathes life into our hearts and homes. It is the eternal voice of the Lord, calling us to love without measure, to walk with integrity, to stand firm in faith, and to engage with the world as witnesses of His truth.” Bahagi ng mensahe ng Diyosesis ng Antipolo.
Umaasa din ang Diyosesis ng Antipolo na pinangangasiwaan ni Bishop Ruperto Santos na pahintulutan ng bawat isa na hubugin ng Salita ng Diyos ang bawat pamilya, palakasin ang mga pamayanan, at baguhin ang bayan bilang sambayanang nakaugat kay Kristo.
“As the Roman Catholic Diocese of Antipolo proclaims, may we allow the Word to shape our families, inspire our communities, and transform our nation into a people rooted in Christ. In this week dedicated to the Bible, let us recommit ourselves to daily prayer, deeper reflection, and faithful action, so that the Word may truly become flesh in our lives.” Dagdag pa ng Diyosesis ng Antipolo.
Sa paggunita ng National Bible Week mula ika-19 hanggang ika-25 ng Enero, 2026, hinihikayat ng Simbahan ang lahat na muling mapalalim ang buhay panalangin, mas malalim na pagninilay, at tapat na pagkilos, upang ang Salita ay tunay na maging laman ng buhay ng bawat isa sapagkat ang Salita ng Diyos ay nagbibigay ng buhay na ganap, buhay na walang hanggan, at buhay na nagliliwanag sa buong daigdig.
Tema ng National Bible Month 2026 ngayong taon ang “God’s Word Brings L.I.F.E. to Our Hearts and to Our Homes” na naglalayong bigyang diin ang buhay na hatid ng Salita ng Diyos para sa puso at buhay ng bawat isa.
Ang pagdiriwang na ito ay alinsunod sa Presidential Proclamation No. 44, s. 1986, na nagdedeklara ng buwan ng Enero bilang National Bible Month, bilang paanyaya sa lahat na muling yakapin at isabuhay ang Salita ng Diyos.
Binigyang-diin ni Pagadian Bishop Ronald Anthony Timoner na kaakibat ng pagtugon sa tawag ng Diyos ay ang pagtalikod sa kaginhawaan at katiyakan, at pagpili ng pananampalataya at pagsunod.
Sa kanyang homiliya sa unang araw ng 4-day seminar ng obispo sa 131st plenary assembly ng Catholic Bishops’ Conference of the Philippines sa misang ginanap sa Minor Basilica and National Shrine of Our Lady of Mount Carmel, sinabi ng obispo na ang bawat mananampalataya lalo na ang mga pinuno ng Simbahan ay haharap sa mahalagang pasya sa buhay espiritwal.
“All of us will face the choice of whether to take the safe and comfortable route or trust the Lord and obey what He calls us to do,” ayon kay Bishop Timoner.
Inihalintulad ng obispo ang ganitong karanasan sa tawag ng Diyos kay David sa unang aklat ni Samuel na isang karaniwang pastol na hindi inaasahan ngunit pinili ng Diyos.
Aniya, tulad ni David, ang pagtawag ng Diyos sa tungkulin ng pagiging obispo ay hindi inaasahan kaya’t ang pamumuno sa mga lokal na simbahan ay hindi isang pribilehiyo kundi paglilingkod nang may kababaang loob.
“And just like David, God’s choice may have surprised and disturbed us, even made us dumbfounded or, for some, in awe and shock, especially when the nuncio asks us to accept the office and the ministry to be a bishop. But like him, a humble shepherd, we need to respond in faith and obedience to His will,” dagdag pa ni Bishop Timoner.
Binigyang-diin din ng obispo na hindi panlabas na anyo ang batayan ng Diyos sa pagpili ng Kanyang mga lingkod.
Aniya, hindi tulad ng Diyos, limitado ang kakayahan ng tao kabilang na ang mga obispo na lubusang makita ang nilalaman ng puso ng kapwa kaya’t mahalahang patuloy na magtiwala sa kaloob ng Diyos sa pamamatnubay ng Espiritu Santo.
“In our own ministry as bishops, unlike God, we do not have the ability to determine a person’s heart. And this makes it even more tempting to make decisions based on what we can see. Instead, we are now being invited to seek the Lord and follow His directions every step of the way. We can only ask the Holy Spirit to lead us even though we are unable to discern the complete truth about others,” giit ng obispo.
Hamon ni Bishop Timoner sa mga kapwa obispo at mga lingkod ng Simbahan na higit na paunlarin ang panloob na buhay espiritwal kaysa sa panlabas na imahe.
Para sa obispo, ang tunay na pamumuno sa Simbahan ay nakaugat sa kababaang-loob, tiwala sa Diyos, at bukas na pagsunod sa Kanyang kalooban kahit na mangahulugan ng pag-alis sa sariling “comfort zone.”
Katuwang ni Bishop Timoner sa pagdiriwang ng banal na misa sina Iligan Bishop Jose Rapadas III at Dipolog Bishop Severo Caermare na dinaluhan ng mga obispo, mga pari at madre mula sa iba’t ibang religious congregations, at mga parishoners ng basilica.
Pormal na binuksan ng Inter-Franciscan Ministers Conference in the Philippines (IFMCP) ang ika-800 anibersaryo ng kamatayan o Transitus ni San Francisco de Asis sa isang makabuluhang pagtitipon sa pamamagitan ng musika at malalim na pagninilay.
Ginanap ito sa Santuario de San Antonio Parish sa Forbes Park, Makati City noong January 20, 2026, tampok ang pagsasapubliko ng official logo ng ikawalong sentenaryo at ang Frate Sole, kung saan nagtanghal ang kilalang Italian pianist and composer, Maestro Mario Mariani.
Sa kanyang mensahe, binigyang-diin ni Fr. Lino Gregorio Redoblado, OFM, Minister Provincial at chairperson ng IFMCP, na ang sentenaryo ay hindi lamang pagdiriwang kundi isang paanyaya sa mas malalim na pagninilay at pagbabagong-loob ng bawat isa.
“These events are not only celebrations, funfairs, and activities. They are invitations to conversion, to renewal, and to living anew the spirit of St. Francis,” pahayag ni Fr. Redoblado.
Pinasalamatan din ni Fr. Redoblado si Italian Ambassador to the Philippines Davide Giglio sa pagbibigay-daan upang maisakatuparan ang konsiyerto, gayundin si Apostolic Nuncio to the Philippines Archbishop Charles Brown sa naging mahalagang papel sa pag-uugnay ng mga institusyon para sa okasyon, na isinabay sa pagdaraos ng Catholic Bishops’ Conference of the Philippines (CBCP) Plenary Assembly.
Inilarawan ni Fr. Redoblado ang pagtatanghal ni Mariani bilang isang tunay na handog sa Franciscan family, kung saan binigyang-buhay ng musika ang espiritu ni San Francisco de Asis.
Ayon sa pari, ang pagtatanghal—na binubuo ng live composition habang isinasagawa ang film viewing—ay hindi lamang malikhaing karanasan kundi isang paanyaya sa mas malalim na pagninilay.
Iginiit ni Fr. Redoblado na nananatiling mahalagang tungkulin ng mga mananampalataya ang tumugon sa mga hamong dulot ng mga suliraning panlipunan at pangkalikasan, lalo na ang panawagan na maging tagapamayapa sa isang mundong nahahati ng karahasan, hidwaan, at maling impormasyon.
“St. Francis teaches us that peace is God’s gift, but also our daily task… To love creation today is to defend life, protect the most vulnerable, and live simply and responsibly,” giit ni Fr. Redoblado.
Hinikayat ng pinuno ng mga Franciscano sa Pilipinas ang lahat na gawing konkretong pamumuhay ang diwa ng pananampalataya, na isinasabuhay sa integridad, pakikiisa sa mga mahihirap, at matatag na paninindigan sa gitna ng katiwalian, ang misyong isinabuhay ni San Francisco de Asis.
Nanindigan ang iba’t ibang denominasyong Kristiyano sa Pilipinas na hindi ito mananatiling tahimik sa umiigting na mga krisis sa ekonomiya, pulitika, at karapatang pantao sa bansa.
Sa pinagsamang pahayag ng Catholic Bishops’ Conference of the Philippines Episcopal Commision on Ecumenical Affairs at ng National Council of Churches in the Philippines sa paggunita ng 2026 Week of Prayer for Christian Unity iginiit nitong ang pagbubuklod ay nakaugat sa diwa ng pag-asang hatid ni Hesukristo.
Sinabi ng ecumenical faith community na ang pagkakaisa ng mga Kristiyano ay hindi lamang panrelihiyong adhikain kundi konkretong paninindigan para sa katarungan, kapayapaan, at dignidad ng mamamayan.
“We pledge to be sanctuaries for the oppressed and voices for the voiceless. We commit to protecting human rights defenders and pursuing a just and lasting peace that addresses the root causes of armed conflict—poverty, landlessness, and injustice. We will not remain silent in the face of tyranny,” anila.
Binigyang-diin ng grupo na ang kanilang pagkakaisa ay hindi gawa ng tao kundi kaloob ng Diyos, na nagiging makabuluhan sa pamamagitan ng pagsasabuhay ng mga halimbawa ng Panginoon lalo na sa gitna ng mga karanasang kinakaharap ng sambayanang Pilipino.
Ayon sa pahayag, malinaw ang lumalawak na agwat ng mayaman at mahirap sa bansa kaya’t mahalagang matugunan ng mga lider ng pamahalaan ang kapakanan ng bawat Pilipino lalo na sa mga pangunahing pangangailangan ng mamamayan.
“The cry of farmers for genuine land reform and the workers’ demand for a living wage are not merely secular concerns; they are spiritual cries for the ‘daily bread’ promised by our Lord,” dagdag ng grupo.
Binanggit din sa pahayag ng mga simbahan ang kalagayan ng demokrasya sa bansa kung saan nahaharap sa matinding banta at panganib lalo na ang mga naninindigan laban sa mga maling polisiyang ipinatutupad ng pamahalaan.
“The shrinking space for democratic dissent and the persistent culture of impunity challenge our commitment to truth.”
Tinuran din sa pahayag na ang pambansang soberanya at dignidad ng mamamayan ay madalas na isinasantabi kapalit ng interes ng mas makapangyarihang puwersa ng mga halal na lider ng lipunan.
Tiniyak ng mga lider-simbahan na maninindigan bilang kanlungan ng mga inaapi at tinig ng mga walang boses at mahihina.
Kasama rin sa kanilang paninindigan ang pagtatanggol sa mga lupang ninuno, teritoryong pandagat, at likas na yaman ng bansa laban sa mga mapang-abusong inidbidwal na pinagkikitaan ang mga likas na yaman kapalit ang panganib sa kalusugan, kalikasan, at kalagayang panlipunan.
“We commit to defending our ancestral lands and maritime territories from foreign plunder and environmental destruction.”
Mariin ding tinuligsa ng grupo ang mapanirang malakihang pagmimina at iba pang uri ng development aggression na nagpapalayas sa mga komunidad lalo na ng mga katutubo at sumisira sa biodiversity.
Binigyang-diin ng ecumenical community na ang tunay na pagkakaisang Kristiyano ay hindi maaaring ihiwalay sa panlipunang pananagutan.
“We reject a ‘cheap unity’ that ignores social contradictions, and instead embrace a ‘costly unity’ that bears the cross alongside the suffering Filipino people. We will not return to ‘business as usual.”
Para sa ecumenical faith community, ang pagkakaisa ng mga Kristiyano ang pinamakabisang pagsabuhay sa misyon ni Hesus para sa sangkatauhan.
“When we stand together for truth, share our bread with the hungry, and walk alongside the marginalized, the world will know that there is indeed one Body, one Spirit, and one Hope.”
Ginanap ang opening worship ng pagdiriwang sa ishop Moises F. Buzon Memorial Church ng Iglesia Unida Ekyumenikal sa Tondo Manila kung saan dumalo si CBCP ECEA Chairperson at Lucena Bishop Mel Rey Uy at si Papal Nuncio to the Philippines Archbishop Charles Brown kasama ang mga lider ng iba’t ibang kristiyanong denominasyon sa bansa.
Magkaroon din ng mga pagtitipon sa UCCP Tondo Evangelical Church sa January 20; San Carlos Seminary Chapel ng Archdiocese of Cebu sa January 21; Our Lady of Queen of Peace Parish ng Diocese of Imus sa January 22; The Episcopal (Anglican) Church of the Holy Trinity sa January 23; Servants of Charity (Guanella Center) sa Quezon City sa January 24; habang ang closing ceremony naman ay isasagawa sa San Sebastian Cathedral ng Diocese of Tarlac.
Pinaalalahanan ng Philippine Institute of Volcanology and Seismology (PHIVOLCS) ang publiko na huwag basta maniwala sa mga kumakalat na hindi beripikadong impormasyon.
Ayon sa PHIVOLCS, wala pang teknolohiya sa buong mundo ang makapagsasabi kung kailan at saan mangyayari ang malakas na lindol kaya naman hindi dapat na basta maniwala sa mga kumakalat na impormasyon lalo na social media.
Pinaalalahanan din ng PHIVOLCS ang publiko na huwag basta magpadala o mag-forward ng anumang hindi beripikadong impormasyon na maaaring magdulot ng pagkatakot o pagkalito sa publiko.
“There is NO RELIABLE TECHNOLOGY in the world that can confidently PREDICT THE EXACT TIME, DATE, and LOCATION of large earthquakes. Please AVOID SHARING or BELIEVING messages from UNCONFIRMED and UNRELIABLE sources.” Bahagi ng abiso ng PHIVOLCS.
Giit ng ahensya, mahalagang magkaroon ng tamang kaalaman at sapat na paghahanda upang maging ligtas sa panganib ng malakas na lindol o anumang uri ng kalamidad o sakuna.
Hinikayat din sa tanggapan ang publiko na bisitahin ang official website at social media pages ng DOST-PHIVOLCS para sa mga opisyal na ulat at impormasyon.
“Visit our website and official social media accounts for information. Be Informed. Be Prepared.” Dagdag pa ng PHIVOLCS.
Bukod sa lindol o paggalaw ng lupa, binabantayan rin ng PHIVOLCS ang mga aktibidad ng mga bulkan sa bansa kung saan sa kasalukuyan ay nakataas ang Alert Level 3 ang Bulkang Mayon, nakataas naman ang Alert Level 2 sa Bulkang Kanlaon, habang nakataas rin ang Alert Level 1 sa Bulkang Taal at Bulusan.
Nakikiisa ang development at advocacy arm ng Catholic Bishops’ Conference of the Philippines sa mamamayan ng Barangay Bitnong, Dupax Del Norte, Nueva Vizcaya na patuloy na tumututol sa pagpasok ng Woggle Corporation, na banta sa kanilang lupa, kabuhayan, at dignidad.
Ayon kay Caritas Philippines president, San Carlos Bishop Gerardo Alminaza, hindi maituturing na tunay na kaunlaran ang isang uri ng pag-unlad na nagsasantabi sa mahihirap, sumisira sa kalikasan, at nagnanakaw sa kinabukasan ng susunod na henerasyon.
Iginiit ni Bishop Alminaza na ang itinayong barikada sa Brgy. Bitnong ay hindi kaguluhan kundi tugon sa kawalan ng makabuluhang konsultasyon at pagkukulang ng mga prosesong dapat sana’y nangangalaga sa pamayanan.
“The people’s barricade is not an act of disorder. It is the response of communities excluded from decisions that shape their lives, born from the absence of genuine consultation, and from the painful experience of having their land and future treated as expendable,” pahayag ni Bishop Alminaza.
Nagpahayag din ng matinding pagkabahala ang Caritas Philippines sa mga ulat ng pananakot, pag-aresto, at marahas na dispersal laban sa mga residenteng mapayapang nagpo-protesta.
Ayon kay Bishop Alminaza, may mga batas mang nagbibigay-daan sa interes ng negosyo, hindi maituturing na makatarungan ang mga ito kapag ang kapalit ay panganib sa buhay at pagsasantabi sa karapatan ng taumbayan.
Binigyang-diin ng Caritas Philippines ang pagsuporta sa panawagan ng Diyosesis ng Bayombong para sa agarang pagpapatigil sa exploration activities ng Woggle Corporation at paglalabas ng cease-and-desist order upang maiwasan ang karagdagang pinsala sa kalikasan at paglabag sa karapatang pantao.
“As Church, we are called to stand where life is threatened. Silence in the face of such suffering is not neutrality; it is complicity,” ayon kay Bishop Alminaza.
Nanawagan din ang institusyon sa pambansang pamahalaan na kanselahin ang mga permit ng kumpanya at suriin ang mga patakarang paulit-ulit na naglalagay sa mga kanayunan sa panganib.
Tiniyak ng Caritas Philippines sa mamamayan ng Dupax Del Norte na hindi sila nag-iisa at hinikayat ang lahat na makiisa at maging mapagmatyag, dahil ang kanilang laban ay higit pa sa lokal na usapin at moral na pananagutan.
“They may dismantle barricades, but your rights remain. Though you may be few, your moral strength is great. Justice does not begin with permits, but with people,” giit ni Bishop Alminaza.
Binigyang diin ng opisyal ng Association of Catholic Shrines and Pilgrimages of the Philippines (ACSP) ang kahalagahan pagbubuklod ng mga dambana tungo sa pagpapanibago ng pastoral ministry ng popular devotions at pilgrimage sa bansa.
Ito ang mensahe ni Fr. Reynante Tolentino, pangulo ng ACSP, kaugnay sa nalalapit na 29th ACSP National Assembly na itinakda sa February 4 – 6, 2026 na isasagawa sa Diocese of Malolos sa Bulacan.
“Mahalaga ang mga national at local assemblies ng mga dambana upang sama-samang mapanibago ang pastoral ministry ng popular devotions at ng pilgrimage sa bansa,” ayon kay Fr. Tolentino.
Ayon sa pari tuwing mga taon na walang national assembly ay nagsasagawa ng local assembly o pagtitipon ng mga regional diocesan shrine assemblies para matiyak ang tuloy-tuloy na katesimo hinggil sa kahagahan ng mga dambana sa pagpapalago ng pananampalataya at ebanghelisasyon.
Ipinaliwanag ni Fr. Tolentino na sa pamamagitan ng mga pagtitipon ng ACSP ay higit na napauunlad ang karanasan ng mga peregrino, hindi lamang bilang pagbisita sa banal na lugar kundi bilang mas malalim na karanasang espirituwal.
“Layunin ng ACSP na paunlarin ang pilgrimage experience ng mga peregrino sa pamamagitan ng maayos na paggabay, katekesis, at mas malalim na mga sandali ng panalangin,” dagdag ni Fr. Tolentino.
Bahagi ng mga inisyatibong ito ang programang “Bukluran ng mga Dambana,” na nagsisilbing plataporma ng pag-aaral at ugnayan ng iba’t ibang ministries ng mga dambana at basilica mula sa iba’t ibang diyosesis sa bansa.
Iniuugnay rin ng ACSP ang mga gawain nito sa panawagan ni noo’y Papa Francisco hinggil sa papel ng mga dambana sa buhay ng Simbahan.
Ayon sa pari, binibigyang-halaga ng Santo Papa ang pagkakaroon ng mga pambansa at pandaigdigang pagtitipon upang maisulong ang sama-samang pakikibahagi sa pagpapanibago ng pastoral ministry ng debosyon at pilgrimage.
Kasabay nito, binigyang-diin din ng ACSP ang pangangailangan ng patuloy na paghuhubog sa mga nagsisilbi sa mga dambana at tumatanggap sa mga perigrino.
“Mahalaga na magkaroon ng ganitong mga uri ng pagtitipon na kung saan pinagsasama ang pag-aaral at mga praktikal na pagsasagawa ng maayos na paggabay sa mga pilgrims mula sa iba’t ibang lugar,” ani ng pari.
Ang ika-29 na pambansang pagtitipon ng mga dambana ay patunay ng mahigit tatlong dekadang paglilingkod ng ACSP sa Simbahan sa Pilipinas.
Itinatag ang ACSP noong 1991 bilang pastoral desk para sa mga dambana at pilgrimage ng Catholic Bishops’ Conference of the Philippines Episcopal Commission on the Pastoral Care of Migrants and Itinerant People (CBCP-ECMI).
Umaasa ang ACSP na sa pamamagitan ng mga pagtitipong ito ay higit pang mapalalim ang pananampalataya ng mga peregrino at mapalakas ang papel ng mga dambana bilang lugar ng panalangin, pag-asa, at paglalakbay ng pananampalataya.
Sa mga nais makilahok sa pagtitipon makipag-ugnayan kay Bro. Kendrick Ivan Panganiban, ACSP Lay-Secretary sa numerong 09175506084 o sa email na [email protected] habang para naman sa acommodation arrangements kay Anna Lisa Ayo, ACSP Committee Chairperson for Pilgrimages sa numerong 09175514468.
Nanindigan si Caritas Philippines President San Carlos Bishop Gerardo Alminaza, sa pamahalaan na huwag nang palawigin o muling ipagkaloob ang coal operating contract sa Semirara Island na magtatapos sa 2027.
Iginiit ni Bishop Alminaza na ang patuloy na pagmimina ng karbon ay nagdulot ng pangmatagalang pinsala sa kabuhayan, kalikasan, at kinabukasan ng mga komunidad sa isla.
Ayon sa obispo, hindi teknikal o neutral ang desisyong kinahaharap ng pamahalaan kundi isang moral na usapin na magpapakita kung sino ang tunay na pinahahalagahan, ang kita ng iilan o ang buhay ng mga mamamayan.
Ibinahagi niya ang sinapit ng mga seaweed farmer na nawalan ng ani at kita matapos maapektuhan ng coal pollution ang mga taniman sa dagat.
“Repeated across the island in many forms, this experience tells us more about coal than any balance sheet ever will,” pahayag ni Bishop Alminaza.
Tinukoy ni Bishop Alminaza na bagama’t tahanan ng pinakamalaking open-pit coal mine sa bansa, ang Semirara ay isa ring isla na mayamang-mayaman sa likas na yaman—mula bakawan hanggang yamang-dagat—na unti-unting nasira habang inuuna ang interes ng iilan.
Aniya, ang mga desisyon ukol sa isla ay matagal nang ginagawa sa labas ng komunidad, malayo sa mga pamilyang direktang apektado.
Binigyang-diin ni Bishop Alminaza, na matapos ang ilang dekada ng pagmimina at bilyong pisong kita, marami pa ring pamilya sa Semirara ang nananatiling mahirap, lantad sa panganib, at walang katiyakan ang kinabukasan, na maituturing na hindi pag-unlad bagkus, dahan-dahang pagkakait ng kabuhayan ng mga tao.
Dagdag pa ng obispo, hindi rin makatarungan ang ipinagmamalaking papel ng karbon sa energy security ng bansa, dahil nananatiling import-dependent ang coal supply habang patuloy na pasan ng mamamayan ang mataas na singil sa kuryente.
“Energy security that depends on imported coal is neither secure nor just. In truth, what is defended as necessity is convenience for those who do not bear the cost,” giit ni Bishop Alminaza.
Dahil dito, nanawagan ang Caritas Philippines ng agarang coal phaseout at isang makatarungan at malinaw na just transition na magbabalik ng kabuhayan, mangangalaga sa kalikasan, at magtataguyod ng renewable energy na nakatuon sa kapakanan ng mga komunidad.
Nilinaw ni Bishop Alminaza na hindi niya kinokondena ang mga manggagawang umaasa sa pagmimina, kundi ang sistemang nagpapasan ng pinsala sa mahihirap habang kinakamkam ang kita ng iilan.
“The time to end coal in the Philippines is now. To delay is to choose harm. To act is to choose life,” saad ni Bishop Alminaza.
Nagpahayag ng taos-pusong pasasalamat si Cebu Archbishop Alberto Uy, sa mga street sweeper at sanitation workers ng Cebu City Environment and Natural Resources Office (CENRO) na walang pagod na naglinis ng mga lansangan ng lungsod matapos ang Sinulog Grand Parade noong Enero 18, 2026.
Ayon sa Arsobispo, habang marami ang nagpapahinga matapos ang kasiyahan, tahimik at tapat na naglingkod naman ang mga manggagawa na nagwawalis, naglilinis, at nagsasaayos muli ng kaayusan sa lungsod.
Bagama’t hindi palaging napapansin ng marami, binigyang-diin ni Archbishop Uy na ang kanilang gawain ay hinding-hindi nalilihim sa Diyos at sa sambayanang lubos na nagpapasalamat.
“I wish to express my sincere gratitude and deep appreciation to the street sweepers and sanitation workers of the Cebu City Environment and Natural Resources Office (CENRO) who worked tirelessly to clean our streets after the Sinulog Grand Parade on January 18, 2026. While many were resting after the festivities, you quietly and faithfully labored—sweeping, collecting, and restoring order to our city. Your work may be unseen by many, but it is never unnoticed by God and by a grateful people.” Bahagi ng mensahe ni Archbishop Uy.
Binigyang diin rin ng Arsobispo na ang kanilang paglilingkod ay paalala na ang tunay na diwa ng Sinulog na hindi lamang makikita sa mga pagsayaw at pagdiriwang, kundi sa paglilingkod, pananagutan, at malasakit sa ating iisang tahanan.
Pagbabahagi ni Archbishop Uy sa kanilang sipag at dedikasyon, naipapakita na ang debosyon sa Señor Santo Niño na isinasabuhay hindi lamang sa galak, kundi pati sa disiplina, kalinisan, at paggalang sa sangnilikha.
Ipinapanalangin din ng Arsobispo na pagpalain nawa ng Señor Santo Niño ang mga sanitation workers at ang kanilang mga pamilya ng masaganang biyaya.
“You remind us that the true spirit of Sinulog is not only found in dance and celebration, but also in service, responsibility, and care for our common home. You help ensure that our devotion to the Santo Niño is expressed not only in joy, but also in discipline, cleanliness, and respect for creation. Daghang salamat sa inyong kakugi, sakripisyo, ug katahum sa inyong serbisyo. May the Señor Santo Niño bless you and your families abundantly.” Dagdag pa ni Archbishop Uy.
Samantala, nagpaabot din ng pagbati si Archbishop Uy sa lahat ng nakibahagi at nagwagi sa Sinulog 2026, kasabay ng pagkilala sa sakripisyo at pagsusumikap ng bawat kalahok sa makasaysayang pagdiriwang.
Ayon sa Arsobispo, hindi biro ang pinagdaanan ng mga kalahok na mananayaw, kabilang ang walang katapusang ensayo, pagod, puyat, at maging ang ilang pagtatama na patunay ng kanilang taos-pusong paghahandog para parangalan ang Señor Santo Niño at ipagmalaki ang Cebu kung saan ang lahat ng lumahok ay karapat-dapat batiin, may tropeo man o wala.
Pagbabahagi ng Arsobispo, hindi lahat ay nag-uuwi ng medalya sa pagdiriwang ng Sinulog, ngunit ang sinumang naghandog ng kanilang lakas at talento nang may pagmamahal ay panalo sa paningin ng Batang Hesus.
“But let me say this clearly: a big congratulations as well to all our participants. Whether you went home with a trophy or just very tired legs, you all gave your best—and that already matters. In Sinulog, not everyone gets a medal, but everyone who offers their effort with love already wins in the eyes of the Child Jesus.” Ayon pa kay Archbishop Uy.
Ipinaalala rin ni Archbishop Uy na ang Santo Niño ay hindi nagbibilang ng puntos o pagkakamali, kundi nakikita ang pawis, sakripisyo, disiplina, at galak na iniaalay ng bawat deboto kung saan ang mga handog na ito ay Kanyang ginagantimpalaan sa paraang higit pa sa anumang tropeo.
Ipinahayag din ng Arsobispo ang kanyang lubos na pagmamalaki sa lahat ng kalahok, bilang pastol ng Simbahan at tulad ng isang amang nasaksihan ang pagsayaw, pagod, ngiti, at muling pagtayo ng kanyang mga anak.
“The Santo Niño is not counting scores or judging mistakes. He sees the sweat, the sacrifices, the discipline, and the joy you offered. And believe me, the Child Jesus is very good at rewarding effort—sometimes in ways better than trophies. As your Archbishop—and like a father who watched his children dance, stumble, smile, and get back up—I am very proud of all of you.” Pagbabahagi pa ni Archbishop Uy.
Hinikayat naman ni Archbishop Uy ang lahat na magpahinga, alagaan ang katawan, at higit sa lahat, ipagpatuloy ang pamumuhay sa mga pagpapahalaga ng Santo Niño, ang kagalakan, kababaang-loob, pagkakaisa, at pagmamahal kahit tapos na ang musika at mga kasiyahan.
Itinalaga ng Diocese of Ilagan si Fr. Edmundo Castañeda Jr. bilang diocesan administrator habang nananatiling sede vacante ang diyosesis.
Naihalal si Fr. Castañeda sa pulong ng board of consultors na ginanap nitong January 19. Siya ang kasalukuyang vicar general ng diyosesis.
Nagtapos ang pari ng philosophy sa San Pablo Major Seminary sa Baguio City at ng theology at master’s degree sa Loyola School of Theology sa Quezon City.
Nagkamit din ng master’s at doctorate degree sa Catholic University of Louvain sa Belgium. Inordinahan si Fr. Castañeda bilang pari noong April 17, 1993.
Sa kasalukuyan, siya ang administrator ng National Shrine of Our Lady of the Visitation ng Guibang sa Gamu, Isabela, at pangulo ng St. Ferdinand College.
Naging sede vacante ang Diocese of Ilagan noong January 14, kasunod ng pagluklok kay Archbishop William Antonio bilang arsobispo ng Archdiocese of Nueva Segovia sa Ilocos Sur.
Bukod sa Ilagan, sede vacante rin ang mga diyosesis ng Kalibo, Masbate, at Tagbilaran, gayundin ang mga Apostolic Vicariate ng Jolo at Tabuk.
Nanawagan ng agarang aksyon ang mga pari ng Society of Our Lady of the Most Holy Trinity (SOLT) kasama ang mga miyembro ng BARACAS Cluster ng Diyosesis ng Legazpi sa Albay, kaugnay ng mga hindi pa tapos na proyektong kalsada na umano’y nagpapalala sa pagbaha at naglalagay sa panganib sa buhay ng mga residente.
Nagmula ang mga pari sa mga parokya sa Rapu-Rapu, Cagraray, Batan, at San Miguel sa Albay.
Sa nagkakaisang pahayag na nilagdaan ng mga Pari ay kanilang iginiit na sa halip na magdala ng kaunlaran, ang mga hindi natatapos na imprastraktura ay nagiging dagdag na pasanin sa mga komunidad na matagal nang dumaranas ng kahirapan.
Ayon sa mga Pari, ang mga sira at hindi kumpletong kalsada ay humahadlang sa maayos na daloy ng tubig-ulan, na nagdudulot ng mas malalang pagbaha, habang ang pagkasira naman ng mga water source ay lalong nagpapahirap sa pang-araw-araw na pamumuhay ng mga pamilya.
“Our communities deserve roads that connect, not endanger; infrastructures that uplifts, not burdens; and leadership that acts with urgency, integrity, and genuine concern for the people.” Bahagi ng liham apela ng mga pari ng Society of Our Lady of the Most Holy Trinity (SOLT).
Binigyang-diin din ng mga pari, na ang mga mamamayan lalo na ang mga mahihirap ang una at pinaka-naapektuhan kapag ang mga proyekto ay napabayaan.
Hinimok naman ng mga pari ang mga kinauukulang ahensya ng pamahalaan na magbigay ng malinaw at regular na update sa estado ng mga proyekto, tiyakin ang mabilis at de-kalidad na pagtatapos ng mga kalsada, at agarang ayusin ang mga pinagkukunan ng tubig na mahalaga sa kalusugan at kaligtasan ng mga komunidad.
Bilang mga pastol ng Simbahan, iginiit ng mga Pari na bahagi ng pananampalataya ang pagtataguyod ng buhay, dignidad, at kapakanan ng mamamayan, gayundin ang tunay na pag-unlad na may ganap na pagmamalasakit sa tao at maging sa kalikasan.
“Moved by pastoral concern and united in mission to uphold the dignity and welfare of the communities entrusted to our care, we come together to raise this urgent appeal. Our intentions is not political, but moral. It is rooted in compassion, justice, and the responsibility we all share in safeguarding our people from harm.” Paglilinaw ng mga Pari ng diyosesis.
Partikular na nanawagan ang mga Pari kay Governor Noel Rosal at sa iba pang lokal na opisyal ng pamahalaan sa Albay, gayundin sa mga opisyal ng Department of Public Works and Highways at Department of Environment and Natural Resources.
Iginiit ni Papal Nuncio to the Philippines Archbishop Charles Brown, na ang pagiging tunay na Kristiyano ay nakaugat sa pagsunod sa karunungan ni Hesukristo at sa aral ng Simbahan, hindi sa pamantayan ng sanlibutan.
Ito ang binigyang-diin ng kinatawan ng Vatican sa isinagawang pontifical coronation sa imahen ng Nuestra Señora de los Angeles sa Pila-pila, Binangonan noong January 17 na isang natatanging pagdiriwang alinsunod sa pahintulot ng Santo Papa.
Ayon kay Archbishop Brown, malinaw ang hamon sa mga mananampalataya sa gitna ng patuloy na pag-usbong ng makabagong panahon.
“If we want to be Christians, if we want to be Catholics, we need to follow the wisdom of Christ, which is the wisdom of the Gospels, which is the teaching of the Church,” ayon kay Archbishop Brown.
Sa kanyang homiliya, pinagnilayan ni Archbishop Brown ang Ebanghelyo ayon kay San Lucas hinggil sa pagkawala at pagkakatagpo kina Maria at Jose kay Hesus sa templo.
Aniya, ipinakikita sa tagpong ito ang banal na karunungang taglay ni Kristo na dapat sundin ng mga Kristiyano sa halip na pairalin ang kultura ng pansariling interes at pag-aangat ng sarili. “If we follow the wisdom of the world, which is a wisdom in which we try to make ourselves great at the expense of others, then we’re following the wisdom of the world. But if we’re Christians, we follow a different wisdom, the wisdom of Jesus,” dagdag ni Archbishop Brown.
Binigyang-linaw rin ng nuncio ang kahalagahan ng wastong debosyon kay Maria, lalo na sa konteksto ng kanyang koronasyon kung saan binigyang diin na higit ikinagagalak ng Mahal na Ina ang paggalang sa kanyang Anak.
“It makes Mary more happy for us to honor her son, the Santo Niño, than if we were giving all the honor to her, because Mary is a mother who points us to Jesus,” paliwanag ng opisyal ng Vatican.
Dagdag pa niya, tinatawag ang Birheng Maria bilang Seat of Wisdom sapagkat kay Hesus matatagpuan ang tunay na karunungan na ibinigay sa sangkatauhan sa pamamagitan ng kanyang Ina.
Samantala, sinabi ni Antipolo Bishop Ruperto Santos, na ang paggawad ng pontifical coronation sa 133-taóng patrona ng Binangonan ay hindi lamang pagkilala sa matibay na debosyon ng sambayanan kundi isang hamon sa mas masigasig na misyon ng bawat binyagan.
“This coronation, granted by the Holy See, is not only an acknowledgment of the enduring devotion of our people; it is also a mission entrusted to us to proclaim the Gospel with renewed ardor,” ayon kay Bishop Santos.
Binanggit din ng obispo na ang pagputong ng korona sa imahen ng Nuestra Señora de los Angeles ay inaasahang magpapatibay pa sa mga gawaing kabanalan at magpapalalim ng pananampalataya ng mga deboto.
Nagpasalamat naman si Fr. Dan Christopher Magdagan, kura paroko ng Nuestra Señora de los Angeles Parish, kay Archbishop Brown sa pangunguna sa makasaysayang koronasyon, gayundin kay Bishop Santos, sa mga pari, at sa mga layko kabilang ang mga lokal na opisyal ng pamahalaan na tumulong sa paghahanda at pagsasakatuparan ng pagdiriwang.
Ang Nuestra Señora de los Angeles ang ika-siyam na Mrian image ng Diocese of Antipolo na ginawaran ng Coronación Pontificia, isang pagkilala ng santo papa sa imahen ng Mahal na Birhen na malaki ang naitutulong sa paglago ng pananampalataya sa pamamagitan ng debosyon.
Isinagawa ang pagdiriwang bilang pagpapahayag ng pasasalamat at pagmamahal ng sambayanan sa Mahal na Ina, kasabay ng panawagang manatiling nakasentro ang pananampalataya sa karunungan at aral ni Kristo.
