“In Samuel, our bishop, we have seen the face of God.”

 492 total views

Ito ang binigyang-diin ni Lingayen Dagupan Archbishop Socrates Villegas sa homiliya sa pagluklok kay Bishop Samuel Agcaracar, SVD, bilang ikalimang obispo ng Diocese of San Jose, Nueva Ecija.

Ayon sa arsobispo ito rin ay isang malinaw na panawagan ng pagbabalik-loob kaakibat ang pagpapadama ng awa at paghilom sa pamayanan.

“Bishop Sam comes to the church in San Jose carrying the gospel of repentance, but also carrying the gift of forgiveness.
Carrying the prophecy of conversion, but also carrying the prophecy of healing. Because in this repentance and in this healing, all of us may be one in Christ,” ayon kay Archbishop Villegas.

Ayon pa sa arsobispo na ang pagtatalaga kay Bishop Agcaracar ay hindi lamang bunga ng pagkakataon kundi malinaw na kalooban ng Diyos.

Binigyang-diin ni Archbishop Villegas na bago pa likhain ng Diyos ang sanlibutan, alam na Niya ang misyong ipinagkatiwala sa batang Samuel mula Claveria, na maging isang pastol na handog ng Diyos sa Simbahan ng San Jose.

Inilarawan ng arsobispo ang kalagayan ng lalawigan bilang “mayaman at sagana,” ngunit “uhaw sa kahulugan, layunin, at sa Diyos.”

“San Jose is rich and abundant, but it is also thirsting for meaning, for purpose, and for God—and God comes to us as a bishop; in our new shepherd, Samuel
Agaragar, SVD,” dagdag pa ng arsobispo.

Inihalintulad ni Archbishop Villegas ang pangalan at misyon ni Bishop Agcaracar sa propetang si Samuel sa Lumang Tipan, ang propetang nagbuklod sa Israel sa pamamagitan ng matapang na panawagan sa pagsisisi.

“Sin divides, but repentance unites all of us. There can be no sense of unity without the virtue of humility,” giit nf arsobispo.

Gayunman, iginiit ng arsobispo na ang pagsisisi ay hindi maaaring ihiwalay sa pagpapagaling at kapatawaran.

Ibinahagi ni Archbishop Villegas ang isang kuwento ng batang may malubhang karamdaman na hindi natakot sa kamatayan dahil nakita nito ang mukha ng Diyos sa kanyang pari kung saan inihalintulad at hamon din ng arsobispo sa bagong obispo ng San Jose na makita ng mahigit kalahating milyong katolikong ipapastol ang mukha ng Diyos kay Bishop Agcaracar.

“If God is like you, we will not be afraid to repent; we will not hesitate to receive forgiveness,” saad ni Archbishop Villegas.

Umaasa si Archbishop Villegas na sa paglipas ng panahon, kapag hindi na mababanggit ang pangalan ni Bishop Samuel sa mga pagdiriwang ng banal na misa ng diyosesis ay patuloy itong maalaala ng pamayanan ng San Jose bilang isang banal na obispo, isang pastol na nag-anyaya sa pagsisisi, nagkaloob ng awa, at nagbuklod sa bayan kay Kristo.

Pinangunahan ni Papal Nuncio to the Philippines Archbishop Charles Brown ang pagluklol kay Bishop Agcaracar sa St. Joseph the Worker Cathedral sa San Jose City katuwang si Archbishop Villegas at sinaksihan ng mga obispo, pari, relihiyoso, mga opisyal ng lokal na pamahalaan, at pamayanan ng diyosesis.

Magiging katuwang ni Bishop Agcaracar sa misyon ang 41 mga pari sa 22 mga parokya, at apat na mission stations.

Diocese of Tagum, makikibahagi sa Diocesan Clergy of Mindanao

 1,012 total views

Aktibong makikibahagi ang Diocese of Tagum sa gaganaping 47th Diocesan Clergy of Mindanao (DCM) Assembly sa February 10–12, 2026 sa Zamboanga City, na dadaluhan ng mga paring diyosesano mula sa iba’t ibang bahagi ng Mindanao.

Sa temang “Journeying in Synodality,” layunin ng tatlong araw na pagtitipon na palalimin ang ugnayan, pakikilahok, at sama-samang misyon ng kaparian sa rehiyon.

Ayon sa pahayag ng Diocese of Tagum, mahalaga ang nasabing pagtitipon upang mapagtibay ang pagkakaisa at pagtutulungan ng mga pari sa gitna ng patuloy na nagbabagong hamong pastoral.

“The DCM Assembly serves as a vital venue for fostering communion, participation, and mission among the diocesan clergy of Mindanao,” ayon sa pahayag ng diyosesis.

Binigyang-diin din ng diyosesis na ang kanilang pakikilahok sa pagtitipon ay patunay ng patuloy na paninindigan ng lokal na Simbahan sa diwa ng sinodalidad at sama-samang paglilingkod.

“Through its participation in the 47th Diocesan Clergy of Mindanao Assembly, the Diocese of Tagum reaffirms its dedication to ongoing priestly renewal and collaboration, recognizing such gatherings as vital moments for listening, mutual support, and collective discernment in responding to the evolving pastoral needs of the faithful,” anila.

Inaasahang lalahok ang delegasyon ng Tagum clergy sa mga pagdiriwang ng Banal na Eukaristiya, mga kumperensya, at talakayang pastoral sa pangunguna ni Fr. Marlon Pates, Vicar for Clergy ng diyosesis.

Bahagi ito ng patuloy na pagbibigay-halaga ng Diocese of Tagum sa paghuhubog, pagkakaisa, at pananagutang pastoral ng mga pari.

Ang naturang pakikilahok ay may buong suporta at paggabay ni Bishop Medil Aseo, na patuloy binibigyang-diin ang kahalagahan ng pagbubuklod ng mga pari sa paglilingkod sa kawan.

“Most Rev. Medil S. Aseo, D.D., continues to underscore the importance of synodal engagement and fraternity among the clergy as essential to effective pastoral leadership,” giit ng diyosesis.

Ang Archdiocese of Zamboanga ang magsisilbing punong-abala ng pagtitipon katuwang ang mga suffragan dioceses kung saan inihahanda ng lokal na Simbahan ang pagtanggap sa mga delegado sa diwa ng mabuting pakikitungo at ganap na pakikipag-ugnayan bilang isang Simbahang naglalakbay nang magkakasama.

Samantala, umapela ang Diocese of Tagum sa mga mananampalataya na ipagdasal ang mga kalahok sa DCM Assembly upang maging mabunga ang pagtitipon para sa iisang misyon ng Simbahan sa Mindanao.

“The faithful are encouraged to keep the clergy in prayer, that the assembly may be a grace-filled encounter—deepening priestly fraternity, strengthening synodal collaboration, and bearing lasting fruit for the mission of the Church throughout Mindanao.”

Huwag talikuran ang umiiral na kasunduang kapayapaan, panawagan ni Pope Leo sa international community

 1,187 total views

Mariing nanawagan si Pope Leo XIV sa mga bansa na huwag talikuran ang mga umiiral na kasunduan para sa kapayapaan at disarmament, kasabay ng panawagan ng panalangin at konkretong pagkilos para sa mga mamamayang patuloy na nagdurusa sa digmaan sa Ukraine.

Ito ang binigyang-diin ng Santo Papa kaugnay ng nalalapit na pagwawakas ng New START Treaty, ang kasunduang nilagdaan noong 2010 ng Amerika at Russian Federation na naglalayong pigilan ang pagdami ng sandatang nukleyar.

“In renewing my encouragement for every constructive effort in favour of disarmament and mutual trust, I urgently call for this instrument not to be abandoned without seeking to ensure its concrete and effective follow-up,” ayon kay Pope Leo XIV.

Nagbabala rin ang punong pastol ng Simbahang Katolika laban sa banta ng panibagong kaguluhan na lalo lamang magpapalala sa kawalan ng kapayapaan sa daigdig.

“The current situation requires that everything possible be done to avert a new arms race that would further threaten peace among nations,” dagdag pa ng santo papa.

Patuloy ding inalala ng Santo Papa ang kalagayan ng mamamayan ng Ukraine na nananatiling dumaranas ng matinding paghihirap bunsod ng nagpapatuloy na digmaan, lalo’t muling tinatamaan ng mga pag-atake ang mahahalagang pasilidad ng enerhiya sa gitna ng matinding lamig ng panahon.

“I urge everyone to support with prayer our brothers and sisters in Ukraine, who are being severely tested by the consequences of the bombings which have resumed, also striking energy infrastructure,” ani Pope Leo XIV.

Nagpahayag din ang Santo Papa ng pasasalamat sa mga diyosesis lalo na sa Poland at iba pang bansa na aktibong nagpapakita ng pagkakaisa at malasakit sa pamamagitan ng mga inisyatibong tumutulong sa mga apektadong komunidad.

Binigyang-diin ng Santo Papa ang pangangailangang palitan ang kultura ng takot at kawalan ng tiwala ng mga hakbang na nakatuon sa kabutihang panlahat.

Aniya, higit kailanman ay mahalagang pahalagahan at pangalagaan ang kapayapaan bilang isang kayamanang dapat ingatan ng lahat, alinsunod sa panawagang magbuklod bilang iisang sambayanang ginagabayan ng pag-ibig ng Diyos.

Pangangailangan ng Pilipinas sa social action, kinilala ng Papal Nuncio

 1,642 total views

Iginiit ni Archbishop Charles Brown, Apostolic Nuncio sa Pilipinas, na ang gawaing panlipunan ng Simbahan ay hindi lamang karagdagang misyon kundi nasa pinakapuso ng pagpapahayag ng Ebanghelyo.

Sa kanyang homiliya sa pagtatapos ng National Social Action General Assembly (NASAGA 2026), pinuri ng nuncio ang mga pari, madre, at laykong naglilingkod sa social action ministry dahil sa kanilang konkretong pagsasabuhay ng misyon ng Simbahan.

“What you are doing is at the center of the Church, the heart of the Church’s outreach—especially to the poor and the marginalized,” ayon kay Archbishop Brown.
Sa pagninilay sa Ebanghelyo tungkol sa pagsusugo ni Hesus sa Labindalawang Apostol, binigyang-diin ng nuncio ang kahalagahan ng sama-samang pagkilos sa gawain ng Simbahan.

Aniya, malinaw sa Ebanghelyo na hindi isinugo ni Kristo ang mga alagad nang nag-iisa kundi dala-dalawa, tanda ng sama-samang paglalakbay sa misyon.

Ipinaliwanag pa ng opisyal ng Vatican na ang ganitong diwa ng pagkilos ay naaayon sa synodality, isang proseso ng sama-samang pakikinig, paglalakbay, at pagpapasya ng Simbahan.

“A solitary Christian is no Christian… If we are going to move forward, we must always move forward in a synodal fashion—together on the way,” dagdag ng nuncio.
Kinilala rin ni Archbishop Brown ang matinding pangangailangan ng bansa para sa social action, lalo na sa harap ng patuloy na hamon ng kahirapan, katiwalian, kakulangan sa edukasyon, at malnutrisyon.

Hinamon niya ang mga kalahok ng NASAGA na yakapin ang diwa ng metanoia o pagbabago ng pag-iisip bilang mahalagang bahagi ng misyon.

“There is such a crying need in the Philippines for social action… Metanoia means to change your mind, to open yourselves to new ways of thinking… The problems are perennial—corruption, poverty, exclusion—but we need fresh and creative solutions,” ani Archbishop Brown.

Bagama’t kinilala niyang hindi madali ang pagbabagong tumutugon sa mga sistemikong suliranin ng lipunan, binigyang-diin ng nuncio ang kahalagahan ng agarang pagtulong at paglingap sa mga indibidwal na nangangailangan, isang konkretong ginagawa ng mga social action ministry.

Sa pagtatapos ng kanyang homiliya, pinasalamatan ng nuncio ang mga social action workers sa buong bansa at tiniyak ang patuloy na suporta ng Simbahan at ng Santo Papa sa kanilang misyon.

“Wherever I go in the Philippines—from Batanes to Jolo—I see the great work of the Church’s social action,” ayon kay Archbishop Brown.

Dumalo sa pagtitipon na ginanap sa Mother of Grace Convention Center sa Tagaytay City ang humigit-kumulang 500 delegado mula sa iba’t ibang social action centers ng 85 ecclesiastical jurisdictions sa buong bansa.

Kasabay ng pagtitipon ang panunumpa sa katungkulan ni Bishop Gerardo Alminaza bilang bagong pangulo ng Caritas Philippines, ang advocacy at development arm ng Catholic Bishops’ Conference of the Philippines.

Obispo sa Kongreso: Ang tunay na pinuno, nagpapagaan ng pasanin ng bayan

 16,722 total views

Mamuno hindi lamang gamit ang talino at kakayahan kundi nang may pagmamahal sa nasasakupang pinaglilingkuran.

Ito ang panawagan ni Tarlac Bishop-emeritus Florentino Cinense sa mga mambabatas at opisyal ng pamahalaan sa misang ginanap sa House of Representatives.

Ayon sa obispo, ang tunay na pamumuno ay nasusukat sa kakayahang magbuhat ng kapwa at magpagaan ng pasanin ng mamamayan.

“Let us strive to be leaders who listen with empathy before we speak with authority, act with urgency when we see suffering, and lead with a heart for service that transcends party lines,” ayon sa homiliya ni Bishop Cinense.

Dagdag pa ng obispo, “May your hands always be open to give, your minds always sharp to solve, and your hearts always soft enough to care.”

Giit pa ni Bishop Cinense, ang iiwanang pamana ng mga lider ay hindi ang titulo o posisyon, kundi ang mga buhay na kanilang napabuti.

Ipinunto rin ng obispo na ang mga bayani ng bansa ay nag-alay ng buhay hindi para sa interes ng partido o apelyido, kundi para sa isang Pilipinas na makatarungan, malaya at may dignidad.

Ang banal na misa ay dinaluhan ng ilang mambabatas na pinangungunahan ni House Speaker Faustino Dy III at bahagi ng lingguhang Spiritual and Values Enhancement Formation Program ng Mababang Kapulungan.

Wikang pantao, gamitin sa pagpapahayag ng salita ng Diyos-Pope Leo XIV

 17,533 total views

Binigyang-diin ni Pope Leo XIV ang kahalagahan ng paggamit ng wika at pamamaraang nauunawaan ng tao sa pagpapahayag ng Salita ng Diyos.

Iginiit ng santo papa na hindi mabisa ang pangangaral kung ito’y nananatiling malayo sa tunay na karanasan ng mga mananampalataya.

Sa kanyang katesismo sa Angelus sa Vatican hinggil sa Dogmatic Constitution on Divine Revelation (Dei Verbum) ng Ikalawang Konsilyo ng Vatican, tinalakay ni Pope Leo ang ugnayan ng banal at makataong dimensyon ng Banal na Kasulatan.

Ayon sa punong pastol, ang Banal na Kasulatan ay Salita ng Diyos na ipinahayag sa pamamagitan ng wikang pantao na tanda ng Kanyang paglapit at pagmamahal sa sangkatauhan.

“If an incomprehensible language is used, uncommunicative or anachronistic, it is ineffective,” ayon kay Pope Leo XIV.

Ipinaliwanag ng santo papa na ang Diyos mismo ang pumiling magsalita sa pamamagitan ng mga wikang pantao, kaya’t mahalagang igalang at unawain ang konteksto, kasaysayan, at panitikan ng mga tekstong biblikal.

Sinabi rin ng santo papa na hindi maaaring balewalain ang papel ng mga may akda ng Kasulatan, sapagkat sila ay mga kasangkapan ng Espiritu Santo.

“The words of God, expressed in human language, have been made like human discourse, just as the word of the eternal Father, when He took to Himself the flesh of human weakness, was in every way made like men,” giit ng santo papa.

Tinuran din ng Santo Papa ang mga maling paraan ng pagbasa sa Bibliya, mula sa labis na literal at fundamentalistang interpretasyon hanggang sa pagtingin dito bilang simpleng tekstong historikal lamang na nagiging hadlang sa wastong pag-unawa sa mensahe ng Diyos.

“In every age, the Church is called to re-propose the Word of God in a language capable of being embodied in history and reaching hearts,” saad ng Santo Papa.

Pinaalalahanan ni Pope Leo XIV ang lahat na ang Ebanghelyo ay hindi maaaring ikulong sa isang panlipunan na mensahe lamang, sapagkat ito ay paghahayag ng ganap at walang hanggang buhay na kaloob ng Diyos sa pamamagitan ni Hesukristo.

Hinimok ng Santo Papa ang mga mananampalataya na patuloy na magpasalamat sa Diyos sa kaloob ng Kanyang Salita at patuloy na maging malinaw na saksi ng pag-ibig ng Diyos na inihahayag ng Banal na Kasulatan.

Nangangasiwa sa mga dambana at basilika sa Pilipinas, hinimok na maging daluyan ng ebanghelisasyon

 34,117 total views

Hinamon ni Malolos Bishop Dennis Villarojo ang mga tagapangasiwa ng mga dambana at basilika sa bansa na isulong ang pagiging daluyan ng ebanghelisasyon.

Sa pagninilay ni Bishop Villarojo para sa opening mass ng 29th National Assembly ng Association of Catholic Shrines and Pilgrimages of the Philippines (ACSP) na isinagawa sa diyosesis ay binigyang diin ng Obispo na ang mga dambana at mga basilica ay higit pa sa mga lugar ng debosyon, kundi mga sentro ng sinodalidad, ebanghelisasyon, at pagpapagaling.

“Let our shrines be centers of synodality and evangelization. They are rightly called sanctuaries because they are places of refuge, a place of rest for the weary soul. There are many ways we can bring solace and consolation to our people.” Bahagi ng pagninilay ni Bishop Villarojo.

Binigyang-diin din ni Bishop Villarojo na ang mga dambana ay dinarayo at sinasadya ng mga perigrino na may pasan-pasang hindi lamang espiritwal, kundi maging emosyonal at sikolohikal na mga sugat, kaya naman mahalagang maging mga lugar ang mga dambana na nag-aalok ng aliw, pahinga, at paghilom.

Isa sa mga kongkretong hakbang na ibinahagi ng Obispo ay ang pagsasama ng pangangalaga sa kalikasan sa pastoral na misyon ng mga dambana sa iba’t ibang bahagi ng bansa.
Hinikayat din ni Bishop Villarojo ang lahat na pangalagaan ang kalinisan ng kapaligiran, gayundin ang pagtatanim ng mga puno at halaman, maayos na pamamahala ng basura, at pagpapanatiling malinis ng mga pasilidad bilang bahagi ng paggalang sa nilikha ng Diyos.

“The most obvious one is to make it a place not just for spiritual renewal, but also ecological restoration. Let the earth breathe in our shrines. Fill it with trees and plants, birds and butterflies. Keep the toilets clean and dispose of the garbage properly. Keep it clean and spacious. In today’s world, people carry not just spiritual burdens but also psychological bondage.” Dagdag pa ni Bishop Villarojo.

Dagdag pa ng Obispo, sa isang mundong puno ng ‘stress’ o pagkabalisa, at kawalang katiyakan ay maaaring palawakin ng mga dambana ang kanilang paglilingkod sa pamamagitan ng mental health support, kung may kakayahan ang lugar.

Iminungkahi rin ni Bishop Villarojo ang posibilidad ng paglalaan ng espasyo para sa counseling at mental health clinics, katuwang ng sakramento ng kumpisal.
Binanggit din ng Obispo ang posibilidad ng mga pasilidad para sa pisikal na pangangalaga, tulad ng pagpapakain, pagbibigay-damit, o pagkakaloob ng simpleng paliguan lalo na para sa mga dukha at mga pilgrim na naglalakbay nang malayo.

“If possible, shrines can provide clinics for mental health, not just a place for a priest to hear confessions, but a clinical psychologist to provide counseling if the place permits. There can also be facilities for physical healing where people can be fed, clothed, and perhaps even take a shower.” Ayon pa kay Bishop Villarojo

Ayon kay Bishop Villarojo, kapag ang mga dambana at basilica ay naging tunay na lugar ng pakikipagtagpo sa Diyos at sa kapwa, ay kusang dadaloy ang biyaya para sa lahat.

“When we make our shrines and basilicas truly places of encounter with God and with fellow pilgrims, we make miracles happen. Not because we make it happen, but because the Lord pours out His grace upon His people.” Dagdag pa ni Bishop Villarojo.

Sa pagtatapos ng kanyang mensahe, mainit na tinanggap ni Bishop Villarojo ang mga panauhin ng Diyosesis ng Malolos na mga delegado ng 29th ACSP National Assembly at ipinagdasal ang isang makabuluhan at mabungang pagtitipon para sa lahat.

Pagiging “smugglers of faith” ng mga Pilipino, pinuri ni Cardinal David

 26,854 total views

Ikinatuwa ni Kalookan Bishop Cardinal Pablo Virgilio David ang patuloy na pagyabong ng pananampalataya ng mga Pilipino sa iba’t ibang panig ng daigdig, partikular sa Europa, kasunod ng kanyang pagbisita sa Belgium.

Pinangunahan ng kardinal ang mga banal na misa sa magkakahiwalay na Filipino communities sa Ghent at Brussels, kung saan nasaksihan ang aktibo at buhay na pakikilahok ng mga migranteng Pilipino sa liturhiya at mga gawain ng simbahan.

Binisita rin ni Cardinal David ang lungsod ng Ghent—makasaysayang pook na minsang namalagi si Jose Rizal at kung saan inilimbag ang El Filibusterismo noong 1891, bago tumungo sa isang komunidad sa Brussels na binubuo ng mga Pilipinong manggagawa at kanilang pamilya.

Pinuri ng obispo ang masigla at masayang paglilingkod ng mga Pilipino sa iba’t ibang parish ministries, na patunay sa bansag ni noo’y Pope Francis sa mga Filipino migrants bilang contrabandistas de la fe o “smugglers of the faith.”

“Quietly, patiently, almost unnoticed, the faith crosses borders—not in books or documents alone, but in lives of service,” pahayag ni Cardinal David

Inihayag ng Cardinal na ang pananampalataya ay naipapamana sa pamamagitan ng awit sa sariling wika, mga batang dinadala sa simbahan, at mga kamay na marunong magdasal sa kabila ng mabibigat na gawain.

Ayon sa kardinal, sa kabila ng malamig na klima at banyagang kapaligiran, pinaiinit ng mga Pilipinong mananampalataya ang mga simbahan sa Europa sa pamamagitan ng kanilang presensiya, awit, at aktibong pakikilahok sa banal na misa.

Dagdag pa niya, ang bansag na “smugglers of the faith” ay sumasalamin sa tahimik ngunit makapangyarihang impluwensiya ng mga Pilipino sa mga bansang kanilang pinaglilingkuran.

“A living Church carried in the hearts of migrants who refuse to leave their faith behind,” ani ng kardinal.

Pinuri at pinasalamatan ni Cardinal David ang mga Pilipino sa ibayong-dagat na sa kabila ng pagsusumikap upang itaguyod ang kanilang pamilya, ay nananatiling tapat sa kanilang misyon bilang mga binyagang Kristiyano.

“Their hands—rough, calloused, and weathered—tell stories of labor done faithfully and often quietly,” dagdag ni Cardinal David.

Sa huli, iginiit ng kardinal na sa aktibong pakikilahok ng mga migranteng Pilipino sa buhay-simbahan sa iba’t ibang bansa, patuloy na naipamamahagi at napagyayabong ang pananampalatayang inihasik ng mga misyonero sa Pilipinas mahigit limang siglo na ang nakalilipas.

Optional memorial kay St.John Henry Newman, isinama sa General Roman calendar

 12,627 total views

Pormal nang idineklara ng Vatican ang pagdaragdag ng pagdiriwang kay St. John Henry Newman, pari at pantas ng Simbahan, sa General Roman Calendar ng Simbahang Katolika, kasunod ng atas ng Kanyang Kabanalan Pope Leo XIV.

Sa inilabas na kalatas ng Dicastery of Divine Worship and the Discipline of the Sacraments, itinatagubilin ng Santo Papa na ipagdiwang ng buong Simbahan ang Optional Memorial ng santo tuwing October 9.

“The Supreme Pontiff Pope Leo XIV has decreed that Saint John Henry Newman, Priest and Doctor of the Church, be inscribed in the General Roman Calendar, and that his Optional Memorial be celebrated by all on 9 October.”

Binibigyang-diin sa dekretong nilagdaan ni Arthur Cardinal Roche, prefect ng tanggapan na ang pagkilalang ito ay hindi lamang liturhikal kundi pagpapahalaga sa malalim na ambag ni Newman sa pananampalataya at teolohiya ng Simbahan.

Inilarawan si St. John Henry Newman bilang tanglaw sa mga turo ng simbahan dahilan upang siya’y maibilang sa hanay ng mga banal na pantas ng Simbahan.

“Saint John Henry, having been recognized as a radiant light for the Church on pilgrimage through history, may rightly be numbered among the other saintly Doctors inscribed in the General Roman Calendar.”

Kilala si Newman sa kanyang masidhing paghahanap sa katotohanan na ayon sa kalatas ay isang landas na nananatiling huwaran para sa mga Kristiyano sa kasalukuyan.

“His constant search to be led out of shadows and images into the fullness of the truth has become an example for every disciple of the Risen One.”

Binuhay rin ng dokumento ang personal na espirituwal na paninindigan ng santo na sumasalamin sa kanyang pag-unawa sa bokasyon bilang kongkretong pagtugon sa tawag ng Diyos.

Ayon pa sa Vatican, ang bagong memorial ay isusunod sa lahat ng liturgical calendars at aklat ng Misa at Liturgy of the Hours, habang ang mga tekstong liturhikal ay isasalin at ipatutupad ng mga episcopal conference matapos ang kumpirmasyon ng dicastery.

Ang atas ay inilabas noong November 9, 2025, kasabay ng Kapistahan ng Dedication of the Lateran Basilica.

Episcopal ordination ng bagong Obispo ng Diocese of Kalibo, itinakda

 11,096 total views

Itinakda ng Diocese of Kalibo sa April 23, 2026 ang episcopal ordination ni Bishop-elect Cyril Villareal, ang ikalimang obispo ng diyosesis.

Napagkasunduan ito sa pagpupulong ng mga opisyal ng diyosesis sa pangunguna ni Capiz Archbishop Victor Bendico, ang kasalukuyang apostolic administrator ng Kalibo, kasunod ng pagreretiro ni Bishop Jose Corazon Tala-oc.

Pangungunahan ni Archbishop Bendico ang pag-ordina sa St. John the Baptist Cathedral ganap na alas-9 ng umaga, katuwang bilang mga co-consecrator sina Bishop Tala-oc at Romblon Bishop Narciso Abellana, MSC.

Inaasahang magbibigay ng pagninilay sa pagdiriwang si Manila Archbishop Jose Cardinal Advincula, na dating arsobispo ng Capiz kung saan nagsilbing vicar general si Bishop-elect Villareal.

Kaagad namang iluluklok sa cathedra ng diyosesis si Bishop-elect Villareal matapos ang ordinasyon, hudyat ng kanyang pormal na pagsisimula ng tungkuling pagpapastol sa mahigit kalahating milyong Katoliko sa lalawigan.

Matatandaang January 24 nang italaga ni Pope Leo XIV si Bishop-elect Villareal bilang obispo ng Kalibo, na nanatiling sede vacante mula June 2025 matapos tanggapin ng Santo Papa ang pagreretiro ni Bishop Tala-oc.

Sa panayam ng Radyo Veritas, inamin ng bishop-elect ang kanyang pangamba at pag-aalinlangan sa lawak ng misyong nakaatang sa kanya, subalit buong kababaang-loob niyang ipinagkatiwala sa Diyos ang kanyang pagpapastol sa patnubay at panalangin ng Mahal na Birheng Maria.

Tiniyak din ni Bishop-elect Villareal ang pagpapaigting ng synodality sa pamumuno sa diyosesis, at ang patuloy na pagbubuklod sa pamayanan upang sama-samang maglakbay sa landas ng Panginoon.

Caritas Philippines, paiigtingin ang pakikipagtulungan sa pamahalaan

 4,276 total views

Pinapatibay ng Caritas Philippines – National Social Action General Assembly 2026 ang pagtutulungan ng mga Social Action Center sa Pilipinas (SAC) gayundin sa pamahalaan.

Sa pagdaraos ng NASAGA 2026 sa Tagaytay City, iginiit ni Caritas Philippines President San Carlos Bishop Gerardo Alminaza na ang pagsama-sama ng lahat ng Social Action Center Director at mga staff ay mahalaga para lalong pagtibayin at pag-ibayuhin ang pagtutulungan sa pagtugon sa pangangailangan ng mga mahihirap, nagugutom at mga biktima ng iba’t-ibang kalamidad.

“Kasi ang gawain natin ay talagang malaking tulong ito sa pag-concretize ng ibanghelyo, ng gospel message na ito ay magiging credible at may impact sa buhay na hindi lang ng mga individuals but of communities. So, ang pagsama-sama every two years, importante for updating, for ongoing formation, for strengthening the organization, as well as reading the signs of the times together in the light of the gospel and the Catholic social teachings.” ayon sa panayam ng Radyo Veritas kay Bishop Alminaza.

Idinagdag ni Bishop Alminaza na ang pagtitipon tuwing kada dalawang taon(2) ng mga bumubuo sa social arm ng Catholic Bishops Conference of the Philippines ay pagkakataon din upang mapatatag ang ugnayan sa iba’t-ibang sangay ng pamahalaan na tumutugon sa pangangailangan at mapaunlad ang buhay ng mga Pilipino.

“Kaya, ito din yung venue ng dialogue, not only within the Church, but even with other agencies. Like today, they will be meeting with some cabinet secretaries na involved din sa parallel na may kaugnayan sa trabaho natin on the ground. Like DPWH, education, diba? Education, diba? So, mag-PSWD. So, yun, we are trying to enlarge the space of our tent, sabi nga. Kasi, ang emphasis ngayon ng convention or ng gathering or general assembly ay to really implement the call for greater synodality in the Church.” bahagi pa ng panayam ng Radyo Veritas kay Bishop Alminaza.

Isasabuhay ng Caritas Philippines ngayong 2026 ang temang ‘Sulong Padayon, Pag-asa, Pananagutan, Pagbabago’ .

Ibinahagi ng Obispo na 99% ng mga SAC Directors at mga kawani nito ang dumalo sa limang araw na pagtitipon sa Caritas Philippines Academy sa Tagaytay city.

Pagdiriwang ng World Day of the Sick, pangungunahan ng Archdiocese of Manila at Order of Malta

 14,917 total views

Pangungunahan ng Health Care Ministry ng Archdiocese of Manila at ng Order of Malta Philippines ang pagdiriwang ng ika-34 na World Day of the Sick o Pandaigdigang Araw ng mga Maysakit.

Sa liham sirkular, sinabi ni Manila Archdiocesan Chancellor Fr. Carmelo Arada, Jr., na ang pagdiriwang ay mahalagang pagkakataon upang kilalanin at pahalagahan ang mga nangangalaga sa mga may karamdaman.

Tema ngayong taon ang “The compassion of the Samaritan: loving by bearing another’s pain,” na naglalayong ipagdiwang hindi lamang ang kalagayan ng mga maysakit, kundi maging ang mga sakripisyo ng mga healthcare worker, caregivers, at mga pamilyang patuloy na nag-aalay ng panahon at lakas upang maibsan ang paghihirap ng kanilang mga mahal sa buhay.

“It is opportune that on this day we recognize and appreciate those who care for sick priests and religious in the health care ministry, our health care workers, caregivers, watchers in the hospital, family members who care for their loved ones,” ayon kay Fr. Arada.

Ipinagdiriwang ang World Day of the Sick tuwing ika-11 ng Pebrero, kasabay ng Paggunita sa Mahal na Birheng Maria ng Lourdes, sa pamamagitan ng panalangin, kawanggawa, at sakripisyong iniaalay para sa mga may sakit at sa mga naglilingkod sa kanila.

Kaugnay nito, pangungunahan ni Manila Archbishop Jose Cardinal Advincula ang Banal na Misa sa Minor Basilica and Metropolitan Cathedral of the Immaculate Concepcion o Manila Cathedral, sa ganap na alas-nuebe ng umaga.

Inaanyayahan ang lahat ng parokya at institusyong saklaw ng arkidiyosesis na makilahok at patuloy na makiisa sa panalangin at suporta sa mga may sakit.

Sa mensahe ng Kanyang Kabanalan Leon XIV para sa 34th World Day of the Sick, iginiit ng Santo Papa na ang pangangalaga sa mga maysakit ay hindi lamang pansariling tungkulin kundi isang misyon ng buong Simbahan, kung saan may mahalagang gampanin ang pamilya, komunidad, health worker, at pastoral workers.

Installation ng bagong Obispo ng Diocese of San Jose, pangungunahan ng Papal Nuncio

 20,707 total views

Pangungunahan ng Papal Nuncio to the Philippines, Archbishop Charles Brown ang pagluluklok kay Bishop Samuel Agcaracar, SVD bilang ikalimang obispo ng Diocese of San Jose.
Ayon sa diyosesis, isasagawa ang pagluklok sa February 6, alas-9:30 ng umaga, sa St. Joseph the Worker Cathedral.

Magbabahagi naman ng pagninilay sa pagdiriwang si Lingayen-Dagupan Archbishop Socrates Villegas.

Nauna nang isinapubliko ng diyosesis ang mga sagisag at kulay ng coat of arms ng bagong obispo, na naglalahad ng kanyang pinagmulan, paglalakbay bilang misyonero, at mga prinsipyong magsisilbing pundasyon ng kanyang pagpapastol sa mahigit kalahating milyong Katoliko sa San Jose, Nueva Ecija.

Tampok sa eskudo ang mga sagisag ni San Jose, patron ng diyosesis kabilang ang dalawang liryo para sa kadalisayan, korona bilang tanda ng angkan ni David, tungkod bilang ulo ng Banal na Pamilya, at mga panandang kaugnay ng kanyang hanapbuhay bilang karpintero.

Ang bughaw na kulay ay sumasagisag sa parangal sa Mahal na Birheng Maria, ang Kalinis-linisang Kabiyak ni San Jose.

Makikita rin sa coat of arms ang Pantabangan Dam, inukit mula sa luntiang anyo ng Sierra Madre, na nagbibigay-buhay sa mga palayan, larawan ng paglilingkod na handang mag-alay ng sarili para sa kabutihan ng nakararami.

Isinasaad din sa mga pananda ang kanyang pagkakakilanlan bilang misyonero ng Society of the Divine Word (SVD) sa pamamagitan ng sipi mula sa 1 Samuel 7:12, “Thus far the Lord has helped us,” bilang pagpupugay sa kanyang baptismal namesake na si Samuel na isang pari, propeta, at hukom, na patuloy nagpapasigla sa kanyang sigasig bilang misyonero.

Tampok din ang Puso ni Hesus na hango sa panalangin ni St. Arnold Janssen, tagapagtatag ng SVD, “May the Heart of Jesus live in the hearts of all” bilang patibay ng pangakong ebanghelisasyon.

Sa ibabang bahagi ng eskudo, makikita ang salakot at bigkis ng palay sa gitna ng luntiang bukirin bilang paggunita sa pinagmulan ni Bishop Agcaracar sa Claveria at sa kanyang adhikaing itaguyod ang pangangalaga sa kalikasan, katarungang ekolohikal, at sustenableng kaunlaran na binibigyang-diin ng kanyang panawagang “We are all farmers.”

Kasama rin sa simbolo ang batong Lakay-Lakay, isang bantayog sa baybayin ng Claveria na nagsisilbing gabay lalo na tuwing may malalakas na bagyo, sagisag ng matibay na pananampalataya, pagkakaisa ng pamayanan, at tanda ng pagiging kauna-unahang obispo ng bayan.

Nakaukit sa coat of arms ang episcopal motto ni Bishop Agcaracar na “Fac nos omnes unum in Eo” (“Make us all one in Him”), mula sa Quarter Hour Prayer ni St. Arnold Janssen, na sumasalamin sa kanyang bisyon ng pagkakaisa sa Kristo.

Pamumuno sa Caritas Philippines, ipinagkatiwala ni Bishop Bagaforo kay Bishop Alminaza

 16,806 total views

Pormal nang ipinagkatiwala ni Kidapawan Bishop Jose Colin Bagaforo ang patuloy na misyon ng Caritas Philippines kay San Carlos Bishop Gerardo Alminaza, sa isinagawang ceremonial turnover sa pagtatapos ng ika-41 National Social Action General Assembly (NASAGA) 2025.

Isinagawa ang turnover sa pagbubukas ng 42nd National Social Action General Assembly (NASAGA) 2026 sa Mother of Grace Convention Center sa Tagaytay City noong February 2, 2026, kasabay ng Kapistahan ng Pagdadala kay Hesus na Panginoon sa Templo.

Nagpahayag ng taos-pusong pasasalamat si Bishop Bagaforo sa mga diocesan social action centers, partner organizations, volunteers, donors, mga kawani, at lahat ng kanyang nakasama sa paglilingkod bilang pinuno ng social action, humanitarian, development at advocacy arm ng Catholic Bishops’ Conference of the Philippines – Episcopal Commission on Social Action, Justice and Peace (CBCP-ECSA-JP).

“I didn’t walk this path alone. I walk it with you… You have shown again and again what it means to serve with professionalism and a heart rooted in love,” pahayag ni Bishop Bagaforo.

Binigyang-diin ng dating pangulo ng Caritas Philippines na hindi nagtatapos ang misyon ng Simbahan sa pagtataguyod sa mga nasa laylayan ng lipunan.

Sa halip, ayon kay Bishop Bagaforo, ito ay nagpapatuloy at nakaugat sa diwa ng sinodalidad at sama-samang pananagutan ng sambayanan.

Tiniyak din ni Bishop Bagaforo na sa kanyang tungkulin bilang bagong chairman ng CBCP-Episcopal Commission on Interreligious Dialogue, ay kaniyang ipagpapatuloy ang adhikain ng Caritas Philippines sa pagtataguyod ng kapayapaan pakikipagdiyalogo, at pagsusulong ng pagbabagong panlipunan.

“The mission continues and so as my solidarity with you. Let us keep walking together, trusting that God who began this good work in us will bring it to fulfillment.”

Samantala, inaasahang ipagpapatuloy ni Bishop Alminaza ang adbokasiya ng Caritas Philippines sa katarungang panlipunan, pangangalaga sa kalikasan, at pagtugon sa pangangailangan ng mga maralita at higit na nangangailangan, kasabay ng mga hamon ng makabagong usaping kinahaharap ng bansa

Pilipinong Pari, itinalaga ng Santo Papa na Auxiliary Bishop ng Archdiocese of Perth

 21,399 total views

Itinalaga ng Kanyang Kabanalan Pope Leo XIV ang Pilipinong pari na si Fr. Nelson Po bilang auxiliary bishop ng Archdiocese of Perth sa Australia.

Inanunsyo ng Vatican ang appointment noong February 2, kasabay ng Kapistahan ng Pagdadala kay Hesus na Panginoon sa Templo.

Si Bishop-elect Po ay kasalukuyang kura paroko ng Saint Benedict’s Parish sa Applecross, na sakop ng Archdiocese of Perth.

Ipinanganak siya noong June 5, 1968 sa Leyte at nagtapos ng industrial engineering sa Leyte Institute of Technology sa Tacloban.

Tinapos niya ang kursong philosophy sa Ateneo de Davao University sa Davao City at theology sa Maryhill School of Theology sa Maynila.

Noong 2003, nagtungo si Bishop-elect Po sa Perth sa imbitasyon ng noo’y Archbishop Barry James Hickey, kung saan ipinagpatuloy niya ang paghuhubog sa pagpapari sa St. Charles Seminary sa Guildford bilang seminarista ng arkidiyosesis.

Naordinahan siyang pari noong Disyembre 9, 2005 para sa Archdiocese of Perth.

Matapos ang ordinasyon, ginampanan niya ang iba’t ibang tungkulin sa arkidiyosesis, kabilang ang pagiging parish vicar sa Kalgoorlie (2006–2008), chaplain ng Royal Perth Hospital (2008–2010), parish priest ng Cloverdale (2010–2016), at kasalukuyang parish priest ng Applecross mula 2016.

Liwanag at kaligtasan, bokasyon ng consecrated persons

 21,443 total views

Inihayag ng isang opisyal ng Catholic Bishops’ Conference of the Philippines (CBCP) na ang bokasyon ng mga consecrated persons ay hindi lamang pansariling pagtawag, kundi malinaw na pakikibahagi sa misyon ni Hesus para sa sanlibutan.

Ayon kay Cubao Bishop Elias Ayuban Jr., CMF, chairperson ng CBCP Commission on Mutual Relations between Bishops and Religious, bagama’t sa sakramento ng binyag ay iniaalay na ng bawat Kristiyano ang kanyang buhay sa Panginoon, may mga iilan na tinatawag sa natatanging pagmimisyon bilang mga relihiyoso at relihiyosa.

Ito ang binigyang-diin ng obispo sa kanyang homiliya sa pagdiriwang ng World Day for Consecrated Life, kasabay ng Kapistahan ng Pagdadala kay Hesus na Panginoon sa Templo, na ginanap sa St. Joseph’s College.

“Our vocation is not only a personal calling, but a mission of light and hope,” ayon kay Bishop Ayuban.

Dagdag pa ng obispo, tulad ni Simeon na kumilala kay Hesus bilang liwanag at kaligtasan, tinatawagan ang mga consecrated persons na ihayag ang liwanag ni Kristo sa mundong dumaranas ng dilim at pagkakahati-hati.

Ipinaliwanag ni Bishop Ayuban na ang pamumuhay sa mga panata ng kalinisang-puri, kahirapan, at pagsunod ay nagiging tanda ng kalayaan at paglilingkod.

“Our life of chastity, poverty, and obedience frees us from attachments that bind many hearts. It allows us to be witnesses of simplicity, generosity, and solidarity in a fragmented world,” ani ng obispo.

Binigyang-diin din niya ang paalala ng yumaong Pope Francis na ang pagiging konsagrado ay hindi nasusukat sa dami ng gawain o nakikitang resulta, kundi sa lalim ng panloob na buhay-pananalangin at pagiging bukás sa kalooban ng Diyos.

Ginamit din ng obispo ang simbolo ng kandila upang ilarawan ang tawag sa buhay na konsagrado bilang isang patuloy na tanglaw sa lipunan.

“In a world that measures success by numbers and performance, our witness of patience, prayer, and fidelity is a radical and hopeful message… Having received the light of Christ, we are entrusted to carry it forward—not by spectacle, but by steady faithfulness,” dagdag ni Bishop Ayuban.

Hinimok ng obispo ang mga consecrated persons na manatiling tapat sa kanilang bokasyon at ipinaubaya sa panalangin sa Mahal na Birheng Maria ang patuloy na pagdadala ng liwanag ni Kristo sa buong daigdig.

“Consecrated life is a gift of the Holy Spirit to the Church, a light for the world, and a reminder that God is always faithful,” giit ng obispo.

Dumalo sa pagtitipon ang humigit-kumulang 1,100 consecrated persons mula sa iba’t ibang religious congregations sa bansa, kung saan pinangunahan ni Bishop Ayuban ang panunumpa sa katapatan ng mga relihiyoso at relihiyosa.

Tampok din sa programa ang panayam ni Professor Heide Mendoza na nakatuon sa tema ng pagdiriwang na “Consecrated Persons: Prophetic Witness of Peace in a Wounded World.”

Batay sa kasaysayan, itinatag ang World Day for Consecrated Life ni St. John Paul II noong 1997 upang kilalanin, pasalamatan, at ipanalangin ang mga taong nag-alay ng kanilang buhay sa Diyos sa pamamagitan ng buhay relihiyoso.

Special bond sa pagitan National Shrine of Our Lady of the abandoned at Real Basilica de Nuestra Señora de los Desamparados, itinatatag

 12,047 total views

Pormal nang itinatag ang Special Bond of Spiritual Communion sa pagitan ng National Shrine of Our Lady of the Abandoned sa Santa Ana, Manila at ng Real Basílica de Nuestra Señora de los Desamparados sa Valencia, Spain.

Ayon sa pahayag ng National Shrine of Our Lady of the Abandoned na pinangangasiwaan ng mga misyonerong Franciscano ito ay isang makasaysayang tagpo sa mahigit tatlong siglong debosyon na makatutulong sa pagpapatibay ng pananampalataya ng mga mamamayan.

“The formal establishment of a SPECIAL BOND OF SPIRITUAL COMMUNION with the Real Basílica de Nuestra Señora de los Desamparados de Valencia marks a monumental milestone in our centuries-old history,” ayon sa pahayag ng dambana.

Nilagdaan ang kasunduan noong November 11, 2025 sa Valencia at pinagtibay ng matataas na opisyal ng Simbahang Katolika kabilang sina Manila Archbishop Jose Cardinal Advincula at Valencia, Spain Archbishop Enrique Benavent Vidal.

Binigyang-diin sa pahayag na ang kasunduan ay hindi lamang seremonyal kundi isang malalim na ugnayang espirituwal.

“This is not merely a document, but a supernatural alliance sanctioned by the highest ecclesiastical authorities,” anila.

Itinuturing ng pambansang dambana na ang ugnayan ay katuparan ng mahabang kasaysayan ng debosyon na nagsimula mahigit 300 taon na ang nakalilipas.

Batay sa kasaysayan taong 1717 nang dinala ni Fr. Vicente Yngles, OFM ang debosyon mula Valencia patungong Santa Ana Manila, kasama ang unang replika ng La Geperudeta na naging simula ng malalim na debosyon ng mga Pilipino sa Mahal na Ina ng mga Inabandona.

Sa kasalukuyan patuloy ang paglago ng debosyon sa Birhen de los Desamparados sa Pilipinas at ang nilagdaang spiritual bond of communion ay higit na magpapatibay sa ugnayan sa pagitan ng dalawang dambana.

“Today, that spiritual seed has blossomed into a formal, eternal union between two nations… By this spiritual union, we reaffirm our vow to serve the marginalized, the mentally ill, and mothers in need—turning faith into living works of love,” ayon sa pahayag.

Inaanyayahan ng National Shrine ang mananampalatayng Pilipino na makibahagi sa pagdiriwang ng makasaysayang ugnayan kasabay ng panawagang ipagdasal ang patuloy na pagkakaisa ng Simbahan sa iba’t ibang panig ng daigdig.

Ang National Shrine of Our Lady of the Abandoned ay nagsilbing unang misyon ng mga Franciscano noong 1578 at nanatiling matatag makalipas ang ilang siglo sa kabila ng mga kalamidad, digmaan at hamong kinakaharap ng lipunan.

Matatagpuan din sa pambansang dambana ang dalawang National Cultural Treasures, ang Santa Ana Site Museum at ang Camarín de la Virgen.

Pormal na naideklarang national shrine ang parokya noong 2021 makaraang aprubahan ng Catholic Bishops’ Conference of the Philippines.

Tularan ang birheng Maria, panawagan ng Arsobispo sa kapistahan ng birhen ng Candelaria

 22,052 total views

Hinimok ni Jaro Archbishop Midyphil Billones ang mga mananampalataya na tularan ang pananampalataya at pagsunod ng Mahal na Birheng Maria sa patuloy na gawain ng Diyos para sa kaligtasan ng sangkatauhan.

Sa kapistahan ng Mahal na Birhen ng Candelaria, ibinahagi ng arsobispo ang nagpapatuloy na gawain ng kaligtasan ng Diyos sa kasalukuyang panahon, subalit binigyang diin na nangangailangan pa rin ito ng tugon ng tao tulad ng buong kababaang loob na pagtanggap ni Maria sa kalooban ng Panginoon.

“God continues the work of salvation. But just as He needed the yes of Mary, He needs your yes,” ayon kay Archbishop Billones.

Ipinaliwanag ng arsobispo na sa pamamagitan ng “ou” ni Maria ay naging huwaran ito ng pakikipag-ugnayan ng tao sa Diyos, hindi lamang sa pananampalataya kundi maging sa konkretong pagsasabuhay ng Kristiyanong pamamahala sa sangnilikha.

Binigyang-diin ni Archbishop Billones na ang halimbawa ng Mahal na Ina ay may malinaw na implikasyon sa kasalukuyang kalagayan ng lipunan, partikular sa usapin ng pamamahala at kabutihang panlahat.

“With her, we can say yes to stewardship of the nation, in purging out corruption and working for our common good,” ani ng arsobispo.

Bukod sa responsibilidad sa bayan, binigyang-halaga rin ng arsobispo ang tungkulin ng mga Kristiyano sa pangangalaga sa kalikasan bilang bahagi ng pananampalataya.

“With her, we can say yes to stewardship of creation in caring for our common home,” dagdag pa ni Archbishop Billones.

Sa kanyang mensahe, ginamit ng arsobispo ang salaysay sa pahahayag ni Anghel Gabriel sa mensahe kay Maria upang ipakita ang bigat ng desisyon ng Mahal na Ina dahil sa kanyang pagtanggap sa kalooban ng Diyos ay nagkaroon ng kaligtasan ang sanlibutan.

Hinikayat ni Archbishop Billones ang mga deboto na gawing makabuluhan ang pagdiriwang ng kapistahan sa pamamagitan ng aktibong pagsasabuhay ng pananampalataya at paglilingkod.

“When in faith and obedience you say yes to stewardship, you become the bearer of the light of change today,” ayon kay Archbishop Billones.

Ipinakilala ng mga misyonerong Kastila ang debosyon sa Nuestra Señora de la Candelaria sa lalawigan bilang paggunita sa kapistahan ng Pagdadala kay Hesus sa Templo.

February 2, 1981 nang pahintulutan ng Vatican ang canonical coronation sa imahe, ang kauna-unahang Marian image sa Pilipinas na kinoronahan.

Delusion, resulta ng kawalan ng pananampalataya sa panginoon- Pope Leo XIV

 19,106 total views

Binibigyang-diin ni Pope Leo XIV na ang tunay na takbo ng kasaysayan ay hindi hinuhubog ng kapangyarihan ng mga mananakop kundi ng Diyos na kumikilos upang iligtas ang mga naaapi.

Ito ang pagninilay ng Santo Papa sa Angelus sa Vatican kung saan iginiit na sa pamamagitan ng mga Beatitudes o Mapapalad sa Ebanghelyo, muling inihahayag ni Hesus ang plano ng kaligtasan ng Diyos na nagbibigay pag-asa sa mga dukha, nagdurusa, at itinataboy ng lipunan.

“It is no longer written by conquerors, but rather by God, who is able to accomplish it by saving the oppressed,” ayon kay Pope Leo XIV.

Ipinaliwanag ng Santo Papa na ang mga Beatitudes ay hindi simpleng mga salitang nagbibigay aliw kundi mga atas na nagbibigay-buhay at direksyon sa sangkatauhan, lalo na sa panahong nahaharap sa matinding kahirapan at kawalang katarungan.

“Only God can truly call the poor and afflicted blessed, because he is the highest good who gives Himself to all with infinite love,” ayon sa santo papa.

Binigyang-diin ni Pope Leo na ang di pagkakatugma ng mga Beatitudes ay nagmumula sa kakulangan ng pananampalataya kay Kristo, na Siyang larawan ng pagpapakumbaba, pagdurusa, at kapayapaan.

“The delusion lies precisely in the lack of faith in Christ… Jesus does not speak of a distant consolation, but of a constant grace that always sustains us, especially in times of affliction,” giit ni Pope Leo.

Hinamon din ng Santo Papa ang mga mananampalataya na suriin ang kanilang pagkaunawa sa kaligayahan kung ito ba ay isang bagay na binibili o kaloob na ibinabahagi.

Apela ng Santo Papa sa mananampalataya ang pananalangin sa Mahal na Birheng Maria upang matulungan ang simbahan na manatiling tapat sa diwa ng mga Beatitudes, ang pag-angat sa mapagkumbaba at pag-asa para sa mga itinuturing ng mundo na walang pag-asa.

Pinakamataas na parangal, iginawad ng Santo Papa sa isang RCAM Priest

 39,181 total views

Pormal nang tinanggap ni Fr. Domingo Baybay ang Pro Ecclesia et Pontifice, ang pinakamataas na parangal na iginagawad ng Santo Papa sa mga pari at laiko na may natatanging paglilingkod sa Simbahang Katolika.

Ayon kay Fr. Baybay, hindi niya inaasahang tatanggap ng pagkilala mula sa Santo Papa para sa kanyang pagpapastol, lalo na sa komunidad ng Santisima Trinidad Parish sa Malate, Maynila, kung saan siya ang kauna-unahang kura paroko.

“I do not remember any significant thing I have done in my life that I would say deserves this honor,” pahayag ni Fr. Baybay sa Radyo Veritas.

Bagama’t ikinatuwa ang parangal, iginiit ng pari na hindi ito itinuturing bilang gantimpala sa kanyang misyon kundi isang hamon upang ipagpatuloy ang paglilingkod sa sambayanan.

Sa kabila ng kanyang pagreretiro at karamdaman na minsan ay naging dahilan upang magdiwang siya ng Misa nang nakaupo ay nagbigay ng panibagong lakas at sigla ang pagtanggap ng parangal.

“This award gives me a strong motive to go on as long as I’m able to serve,” dagdag pa ni Fr. Baybay.

Pinangunahan ni Manila Archbishop Jose Cardinal Advincula ang paggawad ng Pro Ecclesia et Pontifice Medal sa ginanap na seremonya sa Santisima Trinidad Parish.

Sa kanyang homiliya, pinuri ng kardinal ang mahabang taong paglilingkod ni Fr. Baybay at ang kanyang papel sa pagpapatatag ng pamayanang Kristiyano sa kabila ng mga pagsubok.

Ayon kay Cardinal Advincula, nanatiling masigasig si Fr. Baybay sa pangunguna sa parokya sa gitna ng mga kalamidad at halos dalawang dekadang usaping legal na humamon sa karapatan ng komunidad na makapagsamba sa kanilang sariling simbahan.

“He strives to lead you as a prayerful and caring community so that all may be one,” ayon kay Cardinal Advincula, kasabay ng panawagang panibaguhin ng pamayanan ang kanilang pagtatalaga sa misyon ng pagkakaisa.

Sa salaysay ni Fr. Baybay, nagsimula noong 1994 ang usapin sa legalidad ng pag-aari sa kinatatayuan ng parokya, na natapos lamang noong 2013 matapos ang desisyong pumabor sa simbahan, ilang sandali bago siya magretiro sa aktibong paglilingkod.

Para kay Fr. Baybay, ang tunay na gantimpala ng bokasyon ay hindi ang mga parangal kundi ang pananatiling tapat sa tawag ng Diyos.

“Just try your best to be faithful to your own calling… God always gives you the talent and the grace that will enable you to do what He’s calling you for,” paalala ng pari.

Dumalo sa pagtitipon ang komunidad ng Santisima Trinidad Parish, gayundin ang mga pari ng Archdiocese of Manila, kabilang ang kasalukuyang kura paroko na si Manila Chancellor Carmelo Arada Jr. at dating kura paroko Fr. Joselito Buenafe.

Healing mass at healing sessions, tampok sa Radyo Veritas chapel sa buwan ng Pebrero

 55,085 total views

Itatampok ng Radyo Veritas ang buong buwan ng Pebrero na “Healing Month.”

Ito’y paanyaya sa mga mananampalataya na makiisa sa mga pagdiriwang ng banal na misa sa Radyo Veritas Chapel.

Ayon kay Renee Jose ng Religious Department ng himpilan, layunin ng inisyatiba na higit pang paigtingin ang misyon ng Radyo Veritas na abutin ang mga may karamdaman at tulungang makasumpong ng kagalingan sa pamamagitan ng mga sakramento ng Simbahan.

Ibinahagi ni Jose na kabilang sa mga tampok na gawain ngayong buwan ang healing masses at ang public veneration ng mga relikya ng mga banal na kinikilalang katuwang sa pananalangin para sa kagalingan ng mga maysakit.

Sa February 2, sa Kapistahan ng Pagdadala kay Hesus na Panginoon sa Templo, pangungunahan ng Kamay ni Hesus healing priest na si Fr. Joey Faller ang banal na misa at healing sessions alas-dose ng tanghali.

Sa February 3 naman, sa kapistahan ni San Blas, magkakaroon ng pagbabasbas at healing sessions, lalo na para sa mga may karamdaman sa lalamunan.

Sa February 4, bilang pagdiriwang ng National Cancer Awareness Day, dadalaw sa himpilan ang relikya ni San Ezequiel Moreno, patron ng mga may cancer.

Samantala, sa February 11, World Day of the Sick at kapistahan ng Mahal na Birhen ng Lourdes, ang mga hospital chaplains naman ang mangunguna sa mga banal na misa ng himpilan.

Inaanyayahan ni Jose ang mga tagasubaybay ng Radyo Veritas na personal na makiisa sa mga banal na misa na ginaganap araw-araw alas-6 ng umaga, alas-12 ng tanghali, alas-6 ng gabi, at alas-12 ng hatinggabi.

Para sa mga nais maging Eucharistic Advocate ng himpilan, makipag-ugnayan sa (02) 8925-7931 local 129, 131, at 137, o sa 0917-631-4589.

Manila Archdiocesan Ecclesial Assembly, itinakda ng Archdiocese of Manila

 56,028 total views

Magbubuklod ang Archdiocese of Manila upang talakayin at pagtibayin ang mga programa at hakbang sa pagpapalakas ng ebanghelisasyon, alinsunod sa ipinatutupad na Traslacion Roadmap.

Isasagawa ang Manila Archdiocesan Ecclesial Assembly (MAEA) 2026 sa February 9–10, 2026 sa The Fifth, Power Plant Mall, Makati City.

Muling iginiit ni Manila Chancellor Fr. Carmelo Arada Jr. ang paalala ni Cardinal Jose Advincula hinggil sa kahalagahan ng pagkakaisa at aktibong pakikilahok ng mga pari, relihiyoso, at layko ng arkidiyosesis sa pagbalangkas ng mga programang tumutugon sa pastoral at espirituwal na pangangailangan ng mga nasasakupan.

“His Eminence Jose F. Cardinal Advincula earnestly reiterates the importance of the participation of all the priests in the Archdiocese of Manila. As he emphasized in his invitation letter, the participation of the clergy “is not merely organizational but deeply pastoral, witnessing to our shared responsibility in shepherding the People of God entrusted to our care,” ayon sa pahayag ni Fr. Arada.

Magsisimula ang pagtitipon alas-otso ng umaga sa February 9 sa banal na misa na pangungunahan ni Cardinal Advincula. Susundan ito ng mga talakayan sa mga paksang “Perspective Setting: The Archdiocesan Roadmap: Traslacion—Who, What, How? Moving Forward Together,” ulat sa “Salya at Otso,” at “Conversations in the Spirit: Balangayan.”

Sa ikalawang araw, magkakaroon ng pagtatanod ng Banal na Sakramento at “Conversations in the Spirit: Traslacion,” gayundin ng mga ulat mula sa iba’t ibang grupo hinggil sa naging talakayan sa bawat itinakdang paksa. Magtatapos ang pagpupulong sa banal na misa at Rite of Commissioning.

Makikiisa rin sa MAEA 2026 ang mga kinatawan mula sa iba’t ibang sektor at ang komunidad ng consecrated life.

Ayon kay Fr. Arada, layon ng pagtitipon na patibayin ang ugnayan ng pamayanan tungo sa iisang hangaring isang simbahang sinodal—naglalakbay nang magkakasama sa iisang misyon.

“The MAEA 2026 will be a sacred space where we “prayerfully discern, review, discuss, and strengthen our common pastoral direction and concretize synodality by bringing all voices—bishops, priests, religious, and laity—into listening, dialogue, and discernment,” ayon sa pari.

Para sa mga nais makibahagi, makipag-ugnayan sa RCAM – Office for Strategic Management sa (02) 8527-3920 o 0925-490-4673, at hanapin si Bert Abelgas.