31,656 total views
Idineklara ni Pangulong Ferdinand Marcos Jr. na isang special non-working day ang darating na araw ng Lunes, ika-9 ng Enero, 2023 sa Lungsod ng Maynila.
Nakapaloob ang deklarasyon sa Proclamation No. 434 na nilagdaan ni Executive Secretary Lucas Bersamin kaugnay sa paggunita ng Kapistahan ng Mahal na Poong Hesus Nazareno.
Layunin ng deklarasyon na bigyan ng pagkakataon ang mga taga-Maynila at iba pang deboto na makibahagi sa Traslacion ng Poong Hesus Nazareno.
“It is but fitting and proper that the people of the City of Manila be given full opportunity to participate in the occasion and enjoy the celebration,” nasasaad sa Proclamation No. 434.
Ang kautusan ay nilagdaan at ipinalabas ng Malacañang ngayong araw, ika-apat ng Enero, 2024.
Ang Kapistahan sa Traslacion ng Nuestro Padre Jesus Nazareno ang isa sa pinakamalaking pista sa Pilipinas na dinadaluhan ng humigit kumulang 20-milyong mananampalataya mula sa iba’t ibang bahagi ng bansa.
Tema ng Traslacion ngayong taon ang “Ibig po naming makita si Jesus”.